| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
223. сзгкабхуумияанд̇и иминаа жхаанабхуумимби сан̇г̇ан̣хаад̇и. д̇ин̣н̣ам̣ вивзгаананд̇и гааяажид̇д̇аубад̇хививзгаанам̣.
223.Sekkhabhūmiyanti iminā jhānabhūmimpi saṅgaṇhāti. Tiṇṇaṃ vivekānanti kāyacittaupadhivivekānaṃ.
бин̣д̣ааяа жаран̣асса бхож̇анабарияосаанад̇д̇аа вуд̇д̇ам̣ ‘‘яаава бхож̇анабарияосаана’’нд̇и. бхуд̇ваа ааг̇ажчанд̇ассаби буна вуд̇д̇анаязнзва самбхааванижчааяа жийварасан̣табанаад̣̇ийни гаронд̇асса д̣̇уггадамзва.
Piṇḍāya caraṇassa bhojanapariyosānattā vuttaṃ ‘‘yāva bhojanapariyosāna’’nti. Bhutvā āgacchantassapi puna vuttanayeneva sambhāvanicchāya cīvarasaṇṭhapanādīni karontassa dukkaṭameva.
225. аараад̇ханийяо, аавусо, д̇хаммо аарад̣̇д̇хавийриязнаад̇и вад̇т̇уд̣̇ваяам̣ згасад̣̇исамби д̣̇вийхи бхигкуухи висум̣ висум̣ аарожид̇ад̇д̇аа бхаг̇авад̇аа винижчинид̇ам̣ саб̣б̣амби винийд̇авад̇т̇уусу ааробзд̇аб̣б̣анд̇и баал̣ияам̣ ааробид̇ам̣.
225.Ārādhanīyo, āvuso, dhammo āraddhavīriyenāti vatthudvayaṃ ekasadisampi dvīhi bhikkhūhi visuṃ visuṃ ārocitattā bhagavatā vinicchinitaṃ sabbampi vinītavatthūsu āropetabbanti pāḷiyaṃ āropitaṃ.
226. басаад̣̇абхан̃н̃анд̇и гзвалам̣ басаад̣̇амад̇д̇зна бхан̣анам̣, на бана ‘‘сабхаавад̇о зд̇з араханд̇оязваа’’д̇и жинд̇зд̇ваа. д̇знзвзд̇т̇а анаабад̇д̇и вуд̇д̇аа. яад̣̇и бана ‘‘зд̇з сабхаавад̇о араханд̇оязваа’’д̇и ман̃н̃амаано ‘‘ааяанд̇у бхонд̇о араханд̇о’’д̇иаад̣̇ийни вад̣̇ад̇и, на самбадижчид̇аб̣б̣ам̣.
226.Pasādabhaññanti kevalaṃ pasādamattena bhaṇanaṃ, na pana ‘‘sabhāvato ete arahantoyevā’’ti cintetvā. Tenevettha anāpatti vuttā. Yadi pana ‘‘ete sabhāvato arahantoyevā’’ti maññamāno ‘‘āyantu bhonto arahanto’’tiādīni vadati, na sampaṭicchitabbaṃ.
227. бад̣̇асаа г̇аманам̣ санд̇хааяа гад̇игааяа гад̇ад̇д̇аа ‘‘яаанзна ваа’’д̇иаад̣̇имааха. д̇ад̇т̇а виж̇ж̇аамаяид̣̇д̇хим̣ санд̇хааяа ‘‘ид̣̇д̇хияаа’’д̇и вуд̇д̇ам̣. ан̃н̃аман̃н̃ам̣ рагканд̇ийд̇и ‘‘яо имамхаа ааваасаа батамам̣ баггамиссад̇и, д̇ам̣ маяам̣ ‘арахаа’д̇и ж̇ааниссаамаа’’д̇и звам̣ гад̇игааяа гад̇ад̇д̇аа абуб̣б̣аажаримам̣ асуд̣̇д̇хажид̇д̇зна г̇ажчанд̇ааби саха нигканд̇абхаавад̇о ан̃н̃аман̃н̃ам̣ рагканд̇и. гзжи бана ‘‘хад̇т̇абаасам̣ авиж̇ахид̇ваа ан̃н̃аман̃н̃асса хад̇т̇ам̣ г̇ан̣ханд̇о вияа г̇ажчанд̇оби ‘удтзт̇а г̇ажчаама, зт̇а г̇ажчаамаа’д̇и звам̣ сам̣вид̣̇ахид̇ваа г̇аманз буб̣б̣аабарам̣ г̇ажчанд̇оби наабаж̇ж̇ад̇ий’’д̇и вад̣̇анд̇и. зд̇ам̣ бана ад̇хаммигам̣ гад̇игавад̇д̇анд̇и ‘‘ид̇ха араханд̇оязва васанд̇ууд̇и яад̣̇и бхигкуу гад̇игам̣ гаронд̇и, зд̇ам̣ ад̇хаммигам̣ гад̇игавад̇д̇а’’нд̇и жуул̣аг̇ан̣тибад̣̇з вуд̇д̇ам̣. хздтаа вуд̇д̇ам̣ бана саб̣б̣амби гад̇игавад̇д̇ам̣ санд̇хааяа зд̇ам̣ вуд̇д̇анд̇и амхаагам̣ канд̇и, виймам̣сид̇ваа г̇ахзд̇аб̣б̣ам̣. наанаавзраж̇ж̇агаад̇и наанааж̇анабад̣̇аваасино. сан̇гхалаабход̇и яат̇аавуд̣дхам̣ ад̇д̇ано баабун̣анагодтаасо. аяан̃жа бадигкзбо иминаава нийхаарзна б̣ахисиймадтаанам̣ ависзсзна сан̇гхалаабхасса саамибхааваабаад̣̇анам̣ санд̇хааяа гад̇о. висзсад̇о бана б̣ахисиймадтаанамби барижчинд̣̇ид̇ваа згзгагодтаасад̇о ‘‘зд̇д̇агам̣ д̣̇аад̇ум̣, ийд̣̇исам̣ ваа д̣̇аад̇ум̣, зд̇д̇агаанам̣ ваа д̣̇аад̇ум̣, ийд̣̇исасса ваа д̣̇аад̇ум̣ ружжад̇и сан̇гхассаа’’д̇и абалоганагаммам̣ гад̇ваа д̣̇аад̇ум̣ ваддад̇и.
227. Padasā gamanaṃ sandhāya katikāya katattā ‘‘yānena vā’’tiādimāha. Tattha vijjāmayiddhiṃ sandhāya ‘‘iddhiyā’’ti vuttaṃ. Aññamaññaṃ rakkhantīti ‘‘yo imamhā āvāsā paṭhamaṃ pakkamissati, taṃ mayaṃ ‘arahā’ti jānissāmā’’ti evaṃ katikāya katattā apubbācarimaṃ asuddhacittena gacchantāpi saha nikkhantabhāvato aññamaññaṃ rakkhanti. Keci pana ‘‘hatthapāsaṃ avijahitvā aññamaññassa hatthaṃ gaṇhanto viya gacchantopi ‘uṭṭhetha gacchāma, etha gacchāmā’ti evaṃ saṃvidahitvā gamane pubbāparaṃ gacchantopi nāpajjatī’’ti vadanti. Etaṃ pana adhammikaṃ katikavattanti ‘‘idha arahantoyeva vasantūti yadi bhikkhū katikaṃ karonti, etaṃ adhammikaṃ katikavatta’’nti cūḷagaṇṭhipade vuttaṃ. Heṭṭhā vuttaṃ pana sabbampi katikavattaṃ sandhāya etaṃ vuttanti amhākaṃ khanti, vīmaṃsitvā gahetabbaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ attano pāpuṇanakoṭṭhāso. Ayañca paṭikkhepo imināva nīhārena bahisīmaṭṭhānaṃ avisesena saṅghalābhassa sāmibhāvāpādanaṃ sandhāya kato. Visesato pana bahisīmaṭṭhānampi paricchinditvā ekekakoṭṭhāsato ‘‘ettakaṃ dātuṃ, īdisaṃ vā dātuṃ, ettakānaṃ vā dātuṃ, īdisassa vā dātuṃ ruccati saṅghassā’’ti apalokanakammaṃ katvā dātuṃ vaṭṭati.
228. ааяасмаа жа лагкан̣од̇иаад̣̇ийсу го банааяасмаа лагкан̣о, гасмаа жасса лагкан̣од̇и наамам̣ ахоси, го жааяасмаа махаамог̇г̇аллаано, гасмаа жа сид̇ам̣ баад̇ваагаасийд̇и д̇ам̣ саб̣б̣ам̣ багаасзд̇ум̣ ‘‘явааяа’’нд̇иаад̣̇и аарад̣̇д̇хам̣. лагкан̣асамбаннзнаад̇и бурисалагкан̣асамбаннзна. б̣рахмасамзнаад̇и б̣рахмад̇д̇абхаавасамзна. ийсагам̣ хасид̇ам̣ сид̇анд̇и вужжад̇ийд̇и ааха ‘‘манд̣̇ахасид̇а’’нд̇и. адтигасан̇калиганд̇и наяид̣̇ам̣ авин̃н̃аан̣агам̣ адтисан̇калигамад̇д̇ам̣, ат̇а ко зго бзд̇од̇и ааха ‘‘бзд̇алогз ниб̣б̣ад̇д̇ам̣ сад̇д̇а’’нд̇и. зд̇з ад̇д̇абхааваад̇и бзд̇ад̇д̇абхааваа. на аабаат̇ам̣ ааг̇ажчанд̇ийд̇и д̣̇звад̇д̇абхааваа вияа багад̇ияаа аабаат̇ам̣ на ааг̇ажчанд̇и. д̇зсам̣ бана ружияаа аабаат̇ам̣ ааг̇ажчзяяум̣. мануссаанам̣ д̣̇угкаабхибхууд̇аанам̣ анаат̇абхаавад̣̇ассанабад̣̇адтаанаа гарун̣аад̇и ааха ‘‘гаарун̃н̃з гад̇д̇аб̣б̣з’’д̇и. ад̇д̇ано жа самбад̇д̇им̣ б̣уд̣̇д̇хан̃аан̣асса жа самбад̇д̇инд̇и бажжзгам̣ самбад̇д̇и-сад̣̇д̣̇о яож̇зд̇аб̣б̣о. д̇ад̣̇убхаяам̣ вибхаавзд̇ум̣ ‘‘д̇ан̃хий’’д̇иаад̣̇и вуд̇д̇ам̣. д̇ад̇т̇а ‘‘ад̇д̇ано жа самбад̇д̇им̣ ануссарид̇ваа сид̇ам̣ баад̇ваагаасий’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. д̇хаммад̇хаад̇ууд̇и саб̣б̣ан̃н̃уд̇ан̃н̃аан̣ам̣ санд̇хааяа вад̣̇ад̇и, д̇хаммад̇хаад̇ууд̇и ваа д̇хаммаанам̣ сабхааво. убабад̇д̇ийд̇и ж̇аад̇и. убабад̇д̇исийсзна хи д̇ат̇ааруубам̣ ад̇д̇абхаавам̣ вад̣̇ад̇и. д̣̇уссад̣̇д̇хаабаяаа хонд̇и, д̇ад̣̇асса д̇зсам̣ д̣̇ийгхарад̇д̇ам̣ ахид̇ааяа д̣̇угкааяа. д̣̇уссад̣̇д̇хаабаяаад̇и ид̣̇ан̃жа на лагкан̣ад̇т̇зрам̣ санд̇хааяа вуд̇д̇ам̣, яз бана сун̣анд̇и ‘‘звам̣ гира вуд̇д̇а’’нд̇и, д̇з санд̇хааяа. ат̇а лагкан̣ад̇т̇зро гасмаа на ад̣̇д̣̇аса, гимасса д̣̇иб̣б̣ажагку над̇т̇ийд̇и? но над̇т̇и, махаамог̇г̇аллаано бана ааваж̇ж̇знд̇о ад̣̇д̣̇аса, ид̇аро анааваж̇ж̇анзна на ад̣̇д̣̇аса.
228.Āyasmā ca lakkhaṇotiādīsu ko panāyasmā lakkhaṇo, kasmā cassa lakkhaṇoti nāmaṃ ahosi, ko cāyasmā mahāmoggallāno, kasmā ca sitaṃ pātvākāsīti taṃ sabbaṃ pakāsetuṃ ‘‘yvāya’’ntiādi āraddhaṃ. Lakkhaṇasampannenāti purisalakkhaṇasampannena. Brahmasamenāti brahmattabhāvasamena. Īsakaṃ hasitaṃ sitanti vuccatīti āha ‘‘mandahasita’’nti. Aṭṭhikasaṅkhalikanti nayidaṃ aviññāṇakaṃ aṭṭhisaṅkhalikamattaṃ, atha kho eko petoti āha ‘‘petaloke nibbattaṃ satta’’nti. Ete attabhāvāti petattabhāvā. Na āpāthaṃ āgacchantīti devattabhāvā viya pakatiyā āpāthaṃ na āgacchanti. Tesaṃ pana ruciyā āpāthaṃ āgaccheyyuṃ. Manussānaṃ dukkhābhibhūtānaṃ anāthabhāvadassanapadaṭṭhānā karuṇāti āha ‘‘kāruññe kattabbe’’ti. Attano ca sampattiṃ buddhañāṇassa ca sampattinti paccekaṃ sampatti-saddo yojetabbo. Tadubhayaṃ vibhāvetuṃ ‘‘tañhī’’tiādi vuttaṃ. Tattha ‘‘attano ca sampattiṃ anussaritvā sitaṃ pātvākāsī’’ti padaṃ ānetvā sambandhitabbaṃ. Dhammadhātūti sabbaññutaññāṇaṃ sandhāya vadati, dhammadhātūti vā dhammānaṃ sabhāvo. Upapattīti jāti. Upapattisīsena hi tathārūpaṃ attabhāvaṃ vadati. Dussaddhāpayā honti, tadassa tesaṃ dīgharattaṃ ahitāya dukkhāya. Dussaddhāpayāti idañca na lakkhaṇattheraṃ sandhāya vuttaṃ, ye pana suṇanti ‘‘evaṃ kira vutta’’nti, te sandhāya. Atha lakkhaṇatthero kasmā na addasa, kimassa dibbacakkhu natthīti? No natthi, mahāmoggallāno pana āvajjento addasa, itaro anāvajjanena na addasa.
вид̇уд̣знд̇ийд̇и винивиж̇жхид̇ваа д̣знд̇и, асид̇хааруубамзхи д̇икин̣зхи лохад̇ун̣д̣агзхи виж̇жхид̇ваа виж̇жхид̇ваа ид̇о жид̇о жа г̇ажчанд̇ийд̇и ад̇т̇о. д̇знааха ‘‘винивиж̇жхид̇ваа г̇ажчанд̇ий’’д̇и. ‘‘вид̇уд̣̇анд̇ий’’д̇и ваа баато. паасул̣анд̇аригаахийд̇и бхуммад̇т̇з ниссаггаважанам̣. лохад̇ун̣д̣агзхийд̇и лохасалаагаасад̣̇исзхи, гаал̣алохамаязхзва ваа д̇ун̣д̣агзхи. басаад̣̇уссад̣̇аад̇и иминаа адтисан̇гхаад̇амад̇д̇ам̣ худ̇ваа бан̃н̃ааяамаанаанамби гааяаббасаад̣̇асса б̣алавабхаавам̣ д̣̇ассзд̇и. баггаг̇ан̣д̣асад̣̇исаад̇и иминаа бана ад̇ивияа муд̣̇усабхаавад̇ам̣ д̣̇ассзд̇и. ажчарияам̣ вад̇аад̇и г̇араханажчарияам̣ наамзд̇ам̣.
Vituḍentīti vinivijjhitvā ḍenti, asidhārūpamehi tikhiṇehi lohatuṇḍakehi vijjhitvā vijjhitvā ito cito ca gacchantīti attho. Tenāha ‘‘vinivijjhitvā gacchantī’’ti. ‘‘Vitudantī’’ti vā pāṭho. Phāsuḷantarikāhīti bhummatthe nissakkavacanaṃ. Lohatuṇḍakehīti lohasalākāsadisehi, kāḷalohamayeheva vā tuṇḍakehi. Pasādussadāti iminā aṭṭhisaṅghātamattaṃ hutvā paññāyamānānampi kāyappasādassa balavabhāvaṃ dasseti. Pakkagaṇḍasadisāti iminā pana ativiya mudusabhāvataṃ dasseti. Acchariyaṃ vatāti garahanacchariyaṃ nāmetaṃ.
жагкубхууд̇аад̇и самбад̇д̇ад̣̇иб̣б̣ажагкугаа, логасса жагкубхууд̇аад̇и звам̣ ваа зд̇т̇а ад̇т̇о д̣̇адтаб̣б̣о. яад̇раад̇и хзд̇уад̇т̇з нибаад̇од̇и ааха ‘‘яад̇раад̇и гааран̣аважана’’нд̇и. аббамаан̣з сад̇д̇анигааяз, д̇з жа ко вибхааг̇зна гаамабхаваад̣̇ибхзд̣̇з бхавз, нираяаад̣̇ибхзд̣̇аа г̇ад̇ияо, наанад̇д̇агааяанаанад̇д̇асан̃н̃ийаад̣̇ивин̃н̃аан̣адтид̇ияо, д̇ат̇ааруубз сад̇д̇ааваасз жа саб̣б̣ан̃н̃уд̇ан̃н̃аан̣ан̃жа мз убанзд̇ум̣ бажжагкам̣ гаронд̇зна.
Cakkhubhūtāti sampattadibbacakkhukā, lokassa cakkhubhūtāti evaṃ vā ettha attho daṭṭhabbo. Yatrāti hetuatthe nipātoti āha ‘‘yatrāti kāraṇavacana’’nti. Appamāṇe sattanikāye, te ca kho vibhāgena kāmabhavādibhede bhave, nirayādibhedā gatiyo, nānattakāyanānattasaññīādiviññāṇaṭṭhitiyo, tathārūpe sattāvāse ca sabbaññutaññāṇañca me upanetuṃ paccakkhaṃ karontena.
г̇огхаад̇агод̇и г̇уннам̣ абхин̣хам̣ хананаго. д̇знааха ‘‘вад̇хид̇ваа вад̇хид̇ваа’’д̇и. д̇ассаад̇и г̇уннам̣ хананагаммасса. абараабарияагаммассаад̇и абараабарияавзд̣̇анийяагаммасса. б̣алавад̇аа г̇огхаад̇агагаммзна вибаагз д̣̇ийяамаанз алад̣̇д̇хогаасам̣ абараабарияавзд̣̇анийяам̣, д̇асмим̣ вибаггавибаагз ид̣̇аани лад̣̇д̇хогаасам̣ ‘‘авасзсагамма’’нд̇и вуд̇д̇ам̣. гаммасабхааг̇ад̇ааяаад̇и гаммасса сабхааг̇абхаавзна сад̣̇исабхаавзна. аарамман̣асабхааг̇ад̇ааяаад̇и аарамман̣асса сабхааг̇абхаавзна сад̣̇исабхаавзна. яаад̣̇исз хи аарамман̣з буб̣б̣з д̇ам̣ гаммам̣ д̇асса жа вибааго бавад̇д̇о, д̇аад̣̇исзязва аарамман̣з ид̣̇ам̣ гаммам̣ имасса вибааго жа бавад̇д̇од̇и гад̇ваа вуд̇д̇ам̣ ‘‘д̇ассзва гаммасса вибаагаавасзсзнаа’’д̇и. бхавад̇и хи д̇ам̣сад̣̇исзби д̇аб̣б̣охааро яат̇аа со зва д̇ид̇д̇иро, д̇ааниязва осад̇хаанийд̇и. яасмаа гаммасаригкагависаяз ‘‘гаммам̣ ваа гамманимид̇д̇ам̣ ваа’’д̇и д̣̇ваяамзва вуд̇д̇ам̣, яасмаа жа г̇ад̇инимид̇д̇ам̣ вияа гаммам̣ гамманимид̇д̇ан̃жа гаммад̇о бхиннам̣ висум̣ худ̇ваа на д̇идтад̇и, д̇асмаа саригкагавибаагад̣̇аанасса гааран̣абхаавад̇о яад̇т̇а гаммасаригкагзна вибаагзна бхавид̇аб̣б̣ам̣, д̇ад̇т̇а гаммам̣ ваа гамманимид̇д̇ам̣ ваа г̇ахзд̇ваа бадисанд̇хи ход̇ийд̇и вад̣̇анд̇и. д̇знзвааха – ‘‘д̇асса гира…бз… нимид̇д̇ам̣ ахосий’’д̇и. д̇ад̇т̇а нимид̇д̇ам̣ ахосийд̇и буб̣б̣з гад̇уубажид̇асса бзд̇уубабад̇д̇иниб̣б̣ад̇д̇анавасзна гад̇огаасасса д̇асса гаммасса нимид̇д̇абхууд̇ам̣ ид̣̇аани д̇ат̇аа убадтаханд̇ам̣ д̇асса вибаагасса нимид̇д̇ам̣ аарамман̣ам̣ ахоси. сод̇и г̇огхаад̇аго. адтигасан̇калигабзд̇о ж̇аад̇о гаммасаригкагавибаагавасзна.
Goghātakoti gunnaṃ abhiṇhaṃ hananako. Tenāha ‘‘vadhitvā vadhitvā’’ti. Tassāti gunnaṃ hananakammassa. Aparāpariyakammassāti aparāpariyavedanīyakammassa. Balavatā goghātakakammena vipāke dīyamāne aladdhokāsaṃ aparāpariyavedanīyaṃ, tasmiṃ vipakkavipāke idāni laddhokāsaṃ ‘‘avasesakamma’’nti vuttaṃ. Kammasabhāgatāyāti kammassa sabhāgabhāvena sadisabhāvena. Ārammaṇasabhāgatāyāti ārammaṇassa sabhāgabhāvena sadisabhāvena. Yādise hi ārammaṇe pubbe taṃ kammaṃ tassa ca vipāko pavatto, tādiseyeva ārammaṇe idaṃ kammaṃ imassa vipāko ca pavattoti katvā vuttaṃ ‘‘tasseva kammassa vipākāvasesenā’’ti. Bhavati hi taṃsadisepi tabbohāro yathā so eva tittiro, tāniyeva osadhānīti. Yasmā kammasarikkhakavisaye ‘‘kammaṃ vā kammanimittaṃ vā’’ti dvayameva vuttaṃ, yasmā ca gatinimittaṃ viya kammaṃ kammanimittañca kammato bhinnaṃ visuṃ hutvā na tiṭṭhati, tasmā sarikkhakavipākadānassa kāraṇabhāvato yattha kammasarikkhakena vipākena bhavitabbaṃ, tattha kammaṃ vā kammanimittaṃ vā gahetvā paṭisandhi hotīti vadanti. Tenevāha – ‘‘tassa kira…pe… nimittaṃ ahosī’’ti. Tattha nimittaṃ ahosīti pubbe katūpacitassa petūpapattinibbattanavasena katokāsassa tassa kammassa nimittabhūtaṃ idāni tathā upaṭṭhahantaṃ tassa vipākassa nimittaṃ ārammaṇaṃ ahosi. Soti goghātako. Aṭṭhikasaṅkhalikapeto jāto kammasarikkhakavipākavasena.
229. бзсияо гад̇ваад̇и г̇аавим̣ вад̇хид̇ваа вад̇хид̇ваа г̇омам̣сам̣ паалзд̇ваа бзсияо гад̇ваа. сугкаабзд̇ваад̇и гааланд̇арам̣ табанад̇т̇ам̣ сугкаабзд̇ваа. сугкаабид̇амам̣сабзсийнан̃хи валлуурасаман̃н̃аад̇и. ниббагкажаммзд̇и виг̇ад̇абагкажаммз. ураб̣бхз ханд̇ийд̇и ораб̣бхиго. зл̣агзд̇и аж̇з. ниваабабудтзд̇и ад̇д̇анаа д̣̇иннаниваабзна босид̇з асинаа вад̇хид̇ваа вад̇хид̇ваа виггин̣анд̇о. згам̣ миг̇анд̇и д̣̇ийбагамиг̇ам̣. гааран̣аахийд̇и яаад̇анаахи. н̃ад̇ваад̇и гаммадтаанам̣ н̃ад̇ваа. бзсун̃н̃убасам̣хааравасзна ид̇о суд̇ам̣ амуд̇ра, амуд̇ра ваа суд̇ам̣ ид̇ха суужзд̇ийд̇и суужаго. анаяаб̣яасанам̣ баабзси мануссзд̇и самб̣анд̇хо.
229.Pesiyo katvāti gāviṃ vadhitvā vadhitvā gomaṃsaṃ phāletvā pesiyo katvā. Sukkhāpetvāti kālantaraṃ ṭhapanatthaṃ sukkhāpetvā. Sukkhāpitamaṃsapesīnañhi vallūrasamaññāti. Nippakkhacammeti vigatapakkhacamme. Urabbhe hantīti orabbhiko. Eḷaketi aje. Nivāpapuṭṭheti attanā dinnanivāpena posite asinā vadhitvā vadhitvā vikkiṇanto. Ekaṃ miganti dīpakamigaṃ. Kāraṇāhīti yātanāhi. Ñatvāti kammaṭṭhānaṃ ñatvā. Pesuññupasaṃhāravasena ito sutaṃ amutra, amutra vā sutaṃ idha sūcetīti sūcako. Anayabyasanaṃ pāpesi manusseti sambandho.
винижчаяаамажжод̇и ран̃н̃аа ад̣д̣агаран̣з табид̇о винижчаяамахаамад̇д̇о. со хи г̇аамаж̇анагааяам̣ гуудадтзна ван̃жзд̇ийд̇и ‘‘г̇аамагуудо’’д̇и вужжад̇и. гзжи ‘‘д̇аад̣̇исоязва г̇аамаж̇здтаго г̇аамагуудо’’д̇и вад̣̇анд̇и. самзна бхавид̇аб̣б̣ам̣ д̇хаммадтод̇и вад̇д̇аб̣б̣ад̇о. рахассан̇г̇з нисийд̣̇анавасзна висамаа нисаж̇ж̇аа ахоси. пусанд̇од̇и т̇зяяааяа пусанд̇о.
Vinicchayāmaccoti raññā aḍḍakaraṇe ṭhapito vinicchayamahāmatto. So hi gāmajanakāyaṃ kūṭaṭṭhena vañcetīti ‘‘gāmakūṭo’’ti vuccati. Keci ‘‘tādisoyeva gāmajeṭṭhako gāmakūṭo’’ti vadanti. Samena bhavitabbaṃ dhammaṭṭhoti vattabbato. Rahassaṅge nisīdanavasena visamā nisajjā ahosi. Phusantoti theyyāya phusanto.
230. аниссарод̇и маад̇уг̇аамо сасаамиго ад̇д̇ано пассз аниссаро. д̇хам̣сид̇ваад̇и бхассид̇ваа абаг̇анд̇ваа. ман̇г̇анавасзна улад̇ийд̇и ман̇г̇ули, вируубаб̣ийбхажчабхаавзна бавад̇д̇ад̇ийд̇и ад̇т̇о. д̇знааха ‘‘вируубам̣ д̣̇уд̣̇д̣̇асигам̣ б̣ийбхажча’’нд̇и.
230.Anissaroti mātugāmo sasāmiko attano phasse anissaro. Dhaṃsitvāti bhassitvā apagantvā. Maṅganavasena ulatīti maṅguli, virūpabībhacchabhāvena pavattatīti attho. Tenāha ‘‘virūpaṃ duddasikaṃ bībhaccha’’nti.
уд̣̇д̇хам̣ уд̣̇д̇хам̣ аг̇г̇инаа баггасарийрад̇ааяа уббаггам̣, хздтад̇о баг̇гхаран̣авасзна гилиннасарийрад̇ааяа огилиний, ид̇о жид̇о жа ан̇г̇аарасамбаригин̣н̣ад̇ааяа огириний. д̇знааха ‘‘саа гираа’’д̇иаад̣̇и. ан̇г̇ааражид̇агзд̇и ан̇г̇аарасан̃жаяз. сарийрад̇о баг̇гхаранд̇и асужид̣̇уг̇г̇анд̇хаж̇зг̇ужчаани сзд̣̇аг̇ад̇аани. д̇асса гира ран̃н̃од̇и гаалин̇г̇асса ран̃н̃о. наадагинийд̇и нажжанагижжз ад̇хиг̇ад̇аа ид̇т̇ий. сзд̣̇анд̇и сзд̣̇анам̣, д̇аабананд̇и ад̇т̇о.
Uddhaṃ uddhaṃ agginā pakkasarīratāya uppakkaṃ, heṭṭhato paggharaṇavasena kilinnasarīratāya okilinī, ito cito ca aṅgārasamparikiṇṇatāya okirinī. Tenāha ‘‘sā kirā’’tiādi. Aṅgāracitaketi aṅgārasañcaye. Sarīrato paggharanti asuciduggandhajegucchāni sedagatāni. Tassa kira raññoti kāliṅgassa rañño. Nāṭakinīti naccanakicce adhigatā itthī. Sedanti sedanaṃ, tāpananti attho.
асийсагам̣ габ̣анд̇хам̣ худ̇ваа ниб̣б̣ад̇д̇и гаммааяууханагаалз д̇ат̇аа нимид̇д̇аг̇г̇ахан̣абарижаяад̇о. лаамагабхигкууд̇и хийнаажаарад̇ааяа лаамаго, бхигкувзсад̇ааяа бхигкаахаарзна ж̇ийванад̇о жа бхигку. жид̇д̇агзл̣инд̇и жид̇д̇аружияам̣ д̇ам̣ д̇ам̣ гийл̣анд̇о. аяамзваад̇и бхигкувад̇т̇усмим̣ вуд̇д̇анаяо зва.
Asīsakaṃ kabandhaṃ hutvā nibbatti kammāyūhanakāle tathā nimittaggahaṇaparicayato. Lāmakabhikkhūti hīnācāratāya lāmako, bhikkhuvesatāya bhikkhāhārena jīvanato ca bhikkhu. Cittakeḷinti cittaruciyaṃ taṃ taṃ kīḷanto. Ayamevāti bhikkhuvatthusmiṃ vuttanayo eva.
231. ниссзваалабан̣агагад̣̇д̣̇амод̇и д̇илаб̣ийж̇агаад̣̇ибхзд̣̇зна сзваалзна нийламан̣д̣уугабидтиван̣н̣зна уд̣̇агабидтам̣ чаад̣̇зд̇ваа ниб̣б̣ад̇д̇абан̣агзна гад̣̇д̣̇амзна жа вирахид̇о. сунд̣̇арзхи д̇ид̇т̇зхийд̇и сукааваг̇аахан̣адтаанад̇ааяа гад̣̇д̣̇амаад̣̇ид̣̇осавирахад̇о жа сунд̣̇арзхи д̇ид̇т̇зхи. д̇ад̇о уд̣̇агад̣̇ахад̇о д̇ам̣хзд̇у, д̇ам̣ убаниссааяаад̇и ад̇т̇о. нааг̇абхаванаг̇ад̇оби хи со рахад̣̇о д̇ад̇о убаримануссалогз ж̇алаасаязна самб̣анд̇хо ход̇и. д̇зна вуд̇д̇ам̣ ‘‘д̇ад̇о аяам̣ д̇абод̣̇аа санд̣̇ад̇ий’’д̇и. ат̇а ваа д̇ад̇од̇и нааг̇абхаванз уд̣̇агад̣̇ахад̇о аяам̣ д̇абод̣̇аа санд̣̇ад̇и. д̇ан̃хи убарибхуумид̇алам̣ аарохад̇и, ун̣хабхаавзна д̇абанад̇о д̇абам̣ уд̣̇агам̣ зд̇иссаад̇и анвад̇т̇анаамавасзна д̇абод̣̇аад̇и вужжад̇и. бзд̇алогод̇и бзд̇аанам̣ ааваасадтаанам̣. гзжи бана ‘‘бзд̇алогод̇и лохагумбхийнираяаа ид̇хаад̇хиббзд̇аа’’д̇и вад̣̇анд̇и, наг̇арасса бана барид̇о баб̣б̣ад̇абаад̣̇авананд̇арзсу б̣ахуу бзд̇ааваасааби санд̇зва. свааяамад̇т̇о бзд̇авад̇т̇убаал̣ияаа лагкан̣асам̣яуд̇д̇зна имааяа жа винийд̇авад̇т̇убаал̣ияаа д̣̇ийбзд̇аб̣б̣о.
231.Nissevālapaṇakakaddamoti tilabījakādibhedena sevālena nīlamaṇḍūkapiṭṭhivaṇṇena udakapiṭṭhaṃ chādetvā nibbattapaṇakena kaddamena ca virahito. Sundarehi titthehīti sukhāvagāhaṇaṭṭhānatāya kaddamādidosavirahato ca sundarehi titthehi. Tato udakadahato taṃhetu, taṃ upanissāyāti attho. Nāgabhavanagatopi hi so rahado tato uparimanussaloke jalāsayena sambandho hoti. Tena vuttaṃ ‘‘tato ayaṃ tapodā sandatī’’ti. Atha vā tatoti nāgabhavane udakadahato ayaṃ tapodā sandati. Tañhi uparibhūmitalaṃ ārohati, uṇhabhāvena tapanato tapaṃ udakaṃ etissāti anvatthanāmavasena tapodāti vuccati. Petalokoti petānaṃ āvāsaṭṭhānaṃ. Keci pana ‘‘petalokoti lohakumbhīnirayā idhādhippetā’’ti vadanti, nagarassa pana parito pabbatapādavanantaresu bahū petāvāsāpi santeva. Svāyamattho petavatthupāḷiyā lakkhaṇasaṃyuttena imāya ca vinītavatthupāḷiyā dīpetabbo.
гад̇ахад̇т̇аад̇и т̇ирад̇арам̣ лагкзсу авираж̇жханасарагкзбаа. ийд̣̇исаа бана д̇ад̇т̇а васийбхууд̇аа гад̇ахад̇т̇аа наама хонд̇и, д̇асмаа яо сиббамзва уг̇г̇ан̣хаад̇и, со гад̇ахад̇т̇о наама на ход̇и, имз бана гад̇ахад̇т̇аа, жин̣н̣авасийбхааваад̇и вуд̇д̇ам̣ ход̇и. сиббад̣̇ассанавасзна гад̇ам̣ рааж̇агулаани убзжжа асанам̣ сарагкзбо зд̇зхийд̇и гад̇убаасанаа, рааж̇агулаад̣̇ийсу д̣̇ассид̇асиббаад̇и вуд̇д̇ам̣ ход̇и. бабхаг̇г̇од̇и барааж̇ид̇о.
Katahatthāti thirataraṃ lakkhesu avirajjhanasarakkhepā. Īdisā pana tattha vasībhūtā katahatthā nāma honti, tasmā yo sippameva uggaṇhāti, so katahattho nāma na hoti, ime pana katahatthā, ciṇṇavasībhāvāti vuttaṃ hoti. Sippadassanavasena kataṃ rājakulāni upecca asanaṃ sarakkhepo etehīti katupāsanā, rājakulādīsu dassitasippāti vuttaṃ hoti. Pabhaggoti parājito.
232. д̣̇осад̣̇ассана буб̣б̣ага рууба вирааг̇а бхааванаа сан̇каад̇а бадибагка бхааванаавасзна бадигхасан̃н̃аанам̣ суббахийнад̇д̇аа махад̇ааби сад̣̇д̣̇зна аруубасамаабад̇д̇ид̇о на вудтаад̇и, д̇ат̇аа бана на суббахийнад̇д̇аа саб̣б̣аруубааважарасамаабад̇д̇ид̇о вудтаанам̣ сияаад̇и ид̇ха аанзн̃ж̇асамаад̇хийд̇и жад̇уд̇т̇аж̇жхаанасамаабад̇д̇и ад̇хиббзд̇аад̇и ааха ‘‘анзж̇ам̣ ажалам̣ гааяаваажаавибпанд̣̇авирахид̇ам̣ жад̇уд̇т̇аж̇жхаанасамаад̇хи’’нд̇и. ан̃н̃ад̇т̇а бана самаад̇хибажжанийгаанам̣ ад̇ид̣̇уурад̇ааяа на ин̃ж̇ад̇ийд̇и аанзн̃ж̇од̇и аруубааважарасамаад̇хи вужжад̇и. самаад̇хибарибант̇агз д̇хаммзд̇и вид̇аггавижаараад̣̇игз санд̇хааяа вад̣̇ад̇и. вид̇аггаад̣̇ийсу аад̣̇ийнавасаллагкан̣асса на судтугад̇абхаавам̣ санд̇хааяааха ‘‘на судту барисод̇хзд̇ваа’’д̇и.
232. Dosadassana pubbaka rūpa virāga bhāvanā saṅkhāta paṭipakkha bhāvanāvasena paṭighasaññānaṃ suppahīnattā mahatāpi saddena arūpasamāpattito na vuṭṭhāti, tathā pana na suppahīnattā sabbarūpāvacarasamāpattito vuṭṭhānaṃ siyāti idha āneñjasamādhīti catutthajjhānasamāpatti adhippetāti āha ‘‘anejaṃ acalaṃ kāyavācāvipphandavirahitaṃ catutthajjhānasamādhi’’nti. Aññattha pana samādhipaccanīkānaṃ atidūratāya na iñjatīti āneñjoti arūpāvacarasamādhi vuccati. Samādhiparipanthake dhammeti vitakkavicārādike sandhāya vadati. Vitakkādīsu ādīnavasallakkhaṇassa na suṭṭhukatabhāvaṃ sandhāyāha ‘‘na suṭṭhu parisodhetvā’’ti.
нану жааяамааяасмаа махаамог̇г̇аллаано бхаг̇авад̇о батамавассзва абхинаваббад̇д̇аарахад̇д̇о, ид̣̇ан̃жа уд̇д̇аримануссад̇хаммабаарааж̇игам̣ вийсад̇имавассад̇о убари бан̃н̃ад̇д̇ам̣, гат̇ам̣ имасса вад̇т̇уно имасмим̣ баарааж̇игз бхаг̇авад̇аа винижчид̇абхааво вуд̇д̇од̇и? нааяам̣ д̣̇осо. аяан̃хзд̇т̇а аажарияаанам̣ гат̇аамаг̇г̇о – абан̃н̃ад̇д̇зби сигкаабад̣̇з т̇зрасса важанам̣ суд̇ваа ‘‘ад̇д̇ано аббад̇ируубам̣ уд̇д̇аримануссад̇хаммам̣ зса вад̣̇ад̇ий’’д̇и ман̃н̃амаанаа бхигкуу т̇зрасса д̣̇осам̣ ааробзнд̇аа уж̇жхааяим̣су. бхаг̇аваа жа т̇зрасса д̇ат̇ааважанз гааран̣ам̣ д̣̇ассзд̇ваа нид̣̇д̣̇осабхаавам̣ гаронд̇о ‘‘анаабад̇д̇и, бхигкавз, мог̇г̇аллаанассаа’’д̇и ааха. сан̇г̇ийд̇игаарагаа бана уд̇д̇аримануссад̇хаммаад̇хигаарад̇д̇аа д̇амби вад̇т̇ум̣ аанзд̇ваа ид̇ха ааробзсунд̇и.
Nanu cāyamāyasmā mahāmoggallāno bhagavato paṭhamavasseva abhinavappattaarahatto, idañca uttarimanussadhammapārājikaṃ vīsatimavassato upari paññattaṃ, kathaṃ imassa vatthuno imasmiṃ pārājike bhagavatā vinicchitabhāvo vuttoti? Nāyaṃ doso. Ayañhettha ācariyānaṃ kathāmaggo – apaññattepi sikkhāpade therassa vacanaṃ sutvā ‘‘attano appatirūpaṃ uttarimanussadhammaṃ esa vadatī’’ti maññamānā bhikkhū therassa dosaṃ āropentā ujjhāyiṃsu. Bhagavā ca therassa tathāvacane kāraṇaṃ dassetvā niddosabhāvaṃ karonto ‘‘anāpatti, bhikkhave, moggallānassā’’ti āha. Saṅgītikārakā pana uttarimanussadhammādhikārattā tampi vatthuṃ ānetvā idha āropesunti.
саавагаанам̣ уббадибаадияаа ануссаран̣ам̣ над̇т̇ийд̇и д̣̇ассзд̇ум̣ ‘‘на уббадибаадияаа’’д̇и ааха. асан̃н̃асамаабад̇д̇инд̇и сан̃н̃аавирааг̇абхааванааяа вааяогасин̣аниб̣б̣ад̇д̇ид̇ам̣ жад̇уд̇т̇аж̇жхаанасамаабад̇д̇им̣ вад̣̇ад̇и. буб̣б̣зниваасан̃аан̣ам̣ жуд̇ибадисанд̇хим̣ г̇ан̣ханд̇амби ананд̇арабажжаяаггамаванд̇аанам̣ аруубад̇хаммаанам̣ васзнзва г̇ан̣хаад̇ийд̇и ааха – ‘‘д̇ад̇ияз ад̇д̇абхаавз жуд̇имзва ад̣̇д̣̇асаа’’д̇и. наяад̇о саллагкзсийд̇и ваддз сам̣саран̣агасад̇д̇аанам̣ канд̇хаанам̣ абхаавагаало наама над̇т̇и, асан̃н̃абхавз бана ажид̇д̇агаа худ̇ваа бан̃жа габбасад̇аани бавад̇д̇анд̇и, иминаа наязна саллагкзси. д̣̇уггарам̣ гад̇анд̇и канд̇хавигаласса буб̣б̣зниваасасса ануссаран̣ам̣ табзд̇ваа саммаасамб̣уд̣̇д̇хам̣ на саггаа ан̃н̃зхи гаад̇унд̇и наяад̇о саллагкзнд̇знаби д̣̇уггарам̣ гад̇анд̇и ад̇хиббааяо. бадивид̣̇д̇хаад̇и бадивид̣̇д̇хасад̣̇исаа. яат̇аа наама гожи д̇ханусиббз гад̇ахад̇т̇о згам̣ гзсасан̇каад̇ам̣ ваалам̣ сад̇агкад̇д̇ум̣ вид̣̇аалзд̇ваа д̇ад̇о згам̣ ам̣сум̣ г̇ахзд̇ваа ваад̇ин̇г̇ан̣апаласса маж̇жхадтаанз б̣анд̇хид̇ваа абарам̣ ам̣сум̣ ган̣д̣асса аг̇г̇агодияам̣ яат̇аа д̇асса ам̣сусса уугаамад̇д̇ам̣ ваа лигкаамад̇д̇ам̣ ваа ган̣д̣асса аг̇г̇агодид̇о ад̇хигам̣ худ̇ваа д̇идтад̇и, звам̣ б̣анд̇хид̇ваа усабхамад̇д̇з таанз тид̇о ган̣д̣аб̣ад̣̇д̇хааяа ваалагодияаа ваад̇ин̇г̇ан̣аб̣ад̣̇д̇хам̣ вааласса годим̣ бадивиж̇жхзяяа , звамзва иминааби гад̇ам̣ д̣̇уггаранд̇и вуд̇д̇ам̣ ход̇и. зд̇ад̣̇аг̇г̇анд̇и зсо аг̇г̇о. яад̣̇ид̣̇анд̇и яо аяам̣. лин̇г̇авибаллаасавасзнзд̇ам̣ вуд̇д̇ам̣.
Sāvakānaṃ uppaṭipāṭiyā anussaraṇaṃ natthīti dassetuṃ ‘‘na uppaṭipāṭiyā’’ti āha. Asaññasamāpattinti saññāvirāgabhāvanāya vāyokasiṇanibbattitaṃ catutthajjhānasamāpattiṃ vadati. Pubbenivāsañāṇaṃ cutipaṭisandhiṃ gaṇhantampi anantarapaccayakkamavantānaṃ arūpadhammānaṃ vaseneva gaṇhātīti āha – ‘‘tatiye attabhāve cutimeva addasā’’ti. Nayato sallakkhesīti vaṭṭe saṃsaraṇakasattānaṃ khandhānaṃ abhāvakālo nāma natthi, asaññabhave pana acittakā hutvā pañca kappasatāni pavattanti, iminā nayena sallakkhesi. Dukkaraṃ katanti khandhavikalassa pubbenivāsassa anussaraṇaṃ ṭhapetvā sammāsambuddhaṃ na sakkā aññehi kātunti nayato sallakkhentenapi dukkaraṃ katanti adhippāyo. Paṭividdhāti paṭividdhasadisā. Yathā nāma koci dhanusippe katahattho ekaṃ kesasaṅkhātaṃ vālaṃ satakkhattuṃ vidāletvā tato ekaṃ aṃsuṃ gahetvā vātiṅgaṇaphalassa majjhaṭṭhāne bandhitvā aparaṃ aṃsuṃ kaṇḍassa aggakoṭiyaṃ yathā tassa aṃsussa ūkāmattaṃ vā likkhāmattaṃ vā kaṇḍassa aggakoṭito adhikaṃ hutvā tiṭṭhati, evaṃ bandhitvā usabhamatte ṭhāne ṭhito kaṇḍabaddhāya vālakoṭiyā vātiṅgaṇabaddhaṃ vālassa koṭiṃ paṭivijjheyya , evameva imināpi kataṃ dukkaranti vuttaṃ hoti. Etadagganti eso aggo. Yadidanti yo ayaṃ. Liṅgavipallāsavasenetaṃ vuttaṃ.
винийд̇авад̇т̇уван̣н̣анаа нидтид̇аа.
Vinītavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
