| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
винийд̇авад̇т̇уван̣н̣анаа
Vinītavatthuvaṇṇanā
132. анаабад̇д̇и, бхигку, жид̇д̇уббаад̣̇зд̇и зд̇т̇а гзвалам̣ жид̇д̇ам̣, д̇ассзва уббаад̣̇зд̇аб̣б̣аабад̇д̇ийхи анаабад̇д̇ийд̇и ад̇т̇о. зд̇т̇ааха – убанигкид̇д̇асаад̣̇ияанаад̣̇ийсу, саб̣б̣зсу жа агирияасигкаабад̣̇зсу на гааяан̇г̇ажобанам̣ ваа ваажан̇г̇ажобанам̣ ваа, абижаабад̇д̇и, гасмаа имасмим̣язва сигкаабад̣̇з анаабад̇д̇и, на саб̣б̣аабад̇д̇ийхийд̇и? на, гасмаа.
132.Anāpatti, bhikkhu, cittuppādeti ettha kevalaṃ cittaṃ, tasseva uppādetabbāpattīhi anāpattīti attho. Etthāha – upanikkhittasādiyanādīsu, sabbesu ca akiriyasikkhāpadesu na kāyaṅgacopanaṃ vā vācaṅgacopanaṃ vā, apicāpatti, kasmā imasmiṃyeva sikkhāpade anāpatti, na sabbāpattīhīti? Na, kasmā.
гад̇д̇аб̣б̣аа саад̇хигам̣ сигкаа, вин̃н̃ад̇д̇им̣ гааяаваажигам̣;
Kattabbā sādhikaṃ sikkhā, viññattiṃ kāyavācikaṃ;
агад̇ваа гааяаваажаахи, авин̃н̃ад̇д̇ийхи д̇ам̣ пусз.
Akatvā kāyavācāhi, aviññattīhi taṃ phuse.
на лзсабхаавад̇д̇аа. саббааяз аарамман̣з адтад̇ваа бадилад̣̇д̇хаасзванам̣ худ̇ваа д̇ад̇о барам̣ судту д̇хаавад̇ийд̇и санд̇хаавад̇и. д̇ад̇о абхиж̇жхааяа сахаг̇ад̇ам̣, б̣яаабаад̣̇асахаг̇ад̇ам̣ ваа худ̇ваа висзсад̇о д̇хаавад̇ийд̇и вид̇хаавад̇и.
Na lesabhāvattā. Sappāye ārammaṇe aṭṭhatvā paṭiladdhāsevanaṃ hutvā tato paraṃ suṭṭhu dhāvatīti sandhāvati. Tato abhijjhāya sahagataṃ, byāpādasahagataṃ vā hutvā visesato dhāvatīti vidhāvati.
137. ван̣ам̣ гад̇ваа г̇ахзд̇унд̇и зд̇т̇а гин̃жааби иминаа сигкаабад̣̇зна анаабад̇д̇и, ид̇т̇ируубасса наама яад̇т̇а аамасанд̇асса д̣̇уггаданд̇и гзжи. ‘‘гааяабадиб̣ад̣̇д̇хаг̇г̇ахан̣ам̣ яуд̇д̇ам̣, д̇ам̣ санд̇хааяа ваддад̇ийд̇и вуд̇д̇а’’нд̇и вад̣̇анд̇и. убхаяам̣ вижаарзд̇ваа г̇ахзд̇аб̣б̣ам̣.
137.Vaṇaṃ katvā gahetunti ettha kiñcāpi iminā sikkhāpadena anāpatti, itthirūpassa nāma yattha āmasantassa dukkaṭanti keci. ‘‘Kāyapaṭibaddhaggahaṇaṃ yuttaṃ, taṃ sandhāya vaṭṭatīti vutta’’nti vadanti. Ubhayaṃ vicāretvā gahetabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
