| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
винийд̇авад̇т̇уван̣н̣анаа
Vinītavatthuvaṇṇanā
180. маран̣ад̇т̇игаава худ̇ваад̇и имасса гааяасса бхзд̣̇зна саг̇г̇абаабанаад̇хиббааяад̇д̇аа ад̇т̇ад̇о маран̣ад̇т̇игаава худ̇ваа звам̣ад̇хиббааяино маран̣ад̇т̇игаа наама хонд̇ийд̇и ад̇д̇ано маран̣ад̇т̇игабхаавам̣ аж̇аананд̇аа аабаннаа баарааж̇игам̣. на хи д̇з ‘‘ад̇д̇ано жид̇д̇аббавад̇д̇им̣ на ж̇аананд̇ий’’д̇и вужжанд̇и. вохааравасзнаад̇и буб̣б̣абхааг̇авохааравасзна. саннидтаанз банзд̇ам̣ над̇т̇и. баасз б̣ад̣̇д̇хасуугараможанз вияа на ход̇и. яат̇аанусанд̇хинаад̇и анд̇араа амарид̇ваад̇и ад̇т̇о. аббадивзгкид̇ваад̇и авижаарзд̇ваа. хздтимабхааг̇з хи гисмин̃жи виж̇ж̇амаанз вали бан̃н̃ааяад̇и. д̣̇ассид̇зд̇и уд̣̇д̇харид̇ваа табид̇з. бадиб̣анд̇ханд̇и д̇аяаа бадиб̣анд̇хам̣, барибхог̇анд̇арааяам̣ сан̇гхасса маа агаасийд̇и ад̇т̇о.
180.Maraṇatthikāva hutvāti imassa kāyassa bhedena saggapāpanādhippāyattā atthato maraṇatthikāva hutvā evaṃadhippāyino maraṇatthikā nāma hontīti attano maraṇatthikabhāvaṃ ajānantā āpannā pārājikaṃ. Na hi te ‘‘attano cittappavattiṃ na jānantī’’ti vuccanti. Vohāravasenāti pubbabhāgavohāravasena. Sanniṭṭhāne panetaṃ natthi. Pāse baddhasūkaramocane viya na hoti. Yathānusandhināti antarā amaritvāti attho. Appaṭivekkhitvāti avicāretvā. Heṭṭhimabhāge hi kismiñci vijjamāne vali paññāyati. Dassiteti uddharitvā ṭhapite. Paṭibandhanti tayā paṭibandhaṃ, paribhogantarāyaṃ saṅghassa mā akāsīti attho.
181-2. яасмаа гирияам̣ д̣̇аад̇ум̣ на саггаа, д̇асмаа ‘‘батамам̣ лад̣̇д̇ха’’нд̇и вуд̇д̇ам̣. буб̣б̣зби ад̇д̇анаа лад̣̇д̇хабин̣д̣абаад̇ад̇о бан̣ийд̇абан̣ийд̇ам̣ д̣̇знд̇о д̇ад̇т̇аби ад̇д̇агаарияам̣ ад̣̇ааси. асан̃жижжаад̇и зд̇т̇а ан̃н̃ам̣ аагад̣дханд̇асса ан̃н̃асса бад̇анз саб̣б̣зна саб̣б̣ам̣ абхисанд̇хи над̇т̇и. на маран̣аад̇хиббааяассаад̇и бадигхо жа баяог̇о жа ад̇т̇и, вад̇хагажзд̇анаа над̇т̇и. аж̇аананд̇ассаад̇и зд̇т̇а ‘‘вад̇т̇уаж̇аананавасзна аж̇аананд̇асса д̣̇осо над̇т̇и, ид̣̇ам̣ гира д̇зсам̣ наанад̇д̇ам̣. ‘асан̃жижжо аха’нд̇и баал̣ияам̣ на д̣̇иссад̇и. адтагат̇ааяам̣ вуд̇д̇ад̇д̇аа д̇ат̇ааруубааяа баал̣ияаа бхавид̇аб̣б̣а’’нд̇и вад̣̇анд̇и. но жз, т̇уллажжаяанд̇и зд̇т̇а ‘‘д̣̇угкавзд̣̇анаа жз нуббаж̇ж̇ад̇и, д̣̇уггадамзваа’’д̇и вад̣̇анд̇и, виймам̣сид̇аб̣б̣ам̣. ‘‘муг̇г̇араа наама каад̣̇анад̣̇ан̣д̣агаа. взмаа наама д̇зсам̣ каад̣̇анад̣̇ан̣д̣агаанам̣ хздтаа жа убари жа д̇ирияам̣ б̣анд̇хид̇аб̣б̣ад̣̇ан̣д̣аа’’д̇и ликид̇ам̣. хздтаава д̣̇увид̇хааби батанд̇и. хад̇т̇аббад̇д̇о вияа д̣̇иссад̇и ‘‘д̇асса вигкзбо маа ход̇уу’’д̇и убажчинд̣̇ад̇и. висзсаад̇хиг̇амам̣ б̣яаагарид̇ваа д̇аббабхавам̣ саггаарам̣ лаж̇ж̇ийяанд̇о аахаарам̣ убажчинд̣̇ад̇и сабхааг̇аанам̣ б̣яаагад̇ад̇д̇аа. д̇з хи габбияакзд̇д̇ам̣ аарожзнд̇и.
181-2. Yasmā kiriyaṃ dātuṃ na sakkā, tasmā ‘‘paṭhamaṃ laddha’’nti vuttaṃ. Pubbepi attanā laddhapiṇḍapātato paṇītapaṇītaṃ dento tatthapi attakāriyaṃ adāsi. Asañciccāti ettha aññaṃ ākaḍḍhantassa aññassa patane sabbena sabbaṃ abhisandhi natthi. Na maraṇādhippāyassāti paṭigho ca payogo ca atthi, vadhakacetanā natthi. Ajānantassāti ettha ‘‘vatthuajānanavasena ajānantassa doso natthi, idaṃ kira tesaṃ nānattaṃ. ‘Asañcicco aha’nti pāḷiyaṃ na dissati. Aṭṭhakathāyaṃ vuttattā tathārūpāya pāḷiyā bhavitabba’’nti vadanti. No ce, thullaccayanti ettha ‘‘dukkhavedanā ce nuppajjati, dukkaṭamevā’’ti vadanti, vīmaṃsitabbaṃ. ‘‘Muggarā nāma khādanadaṇḍakā. Vemā nāma tesaṃ khādanadaṇḍakānaṃ heṭṭhā ca upari ca tiriyaṃ bandhitabbadaṇḍā’’ti likhitaṃ. Heṭṭhāva duvidhāpi paṭhanti. Hatthappatto viya dissati ‘‘tassa vikkhepo mā hotū’’ti upacchindati. Visesādhigamaṃ byākaritvā tappabhavaṃ sakkāraṃ lajjīyanto āhāraṃ upacchindati sabhāgānaṃ byākatattā. Te hi kappiyakhettaṃ ārocenti.
186. агад̇авин̃н̃ад̇д̇ияаад̇и на вин̃н̃ад̇д̇ияаа. саа хи анун̃н̃аад̇ад̇д̇аа гад̇ааби агад̇аа вияаад̇и агад̇авин̃н̃ад̇д̇и. ‘‘‘вад̣̇зяяаат̇а, бханд̇з язнад̇т̇о’д̇и звам̣ агад̇адтаанз вин̃н̃ад̇д̇и агад̇авин̃н̃ад̇д̇ий’’д̇и ликид̇ам̣. д̇ид̇т̇ияабхууд̇аанам̣ маад̇аабид̇уунам̣ сахад̇т̇аа д̣̇аад̇ум̣ на ваддад̇ийд̇и. бид̇ужчаа наама бид̇убхаг̇иний. сажзби на яаажанд̇и ‘‘яаажид̇ум̣ д̣̇угка’’нд̇и, саяам̣ ваа звам̣ вад̇д̇умасаггонд̇аа. ‘‘яад̣̇аа д̇зсам̣ ад̇т̇о бхависсад̇ий’’д̇и аабхог̇ам̣ гад̇ваа ваа. ‘‘‘взж̇ж̇агаммам̣ ваа на ход̇ий’д̇и важанад̇о яаава сад̇д̇амо гулабариваддо, д̇аава бхзсаж̇ж̇ам̣ гаад̇ум̣ ваддад̇ий’’д̇и вад̣̇анд̇и. саб̣б̣абад̣̇зсууд̇и махаамаад̇уяаажуул̣амаад̇уяаад̇иаад̣̇ийнам̣.
186.Akataviññattiyāti na viññattiyā. Sā hi anuññātattā katāpi akatā viyāti akataviññatti. ‘‘‘Vadeyyātha, bhante yenattho’ti evaṃ akataṭṭhāne viññatti akataviññattī’’ti likhitaṃ. Titthiyabhūtānaṃ mātāpitūnaṃ sahatthā dātuṃ na vaṭṭatīti. Pitucchā nāma pitubhaginī. Sacepi na yācanti ‘‘yācituṃ dukkha’’nti, sayaṃ vā evaṃ vattumasakkontā. ‘‘Yadā tesaṃ attho bhavissatī’’ti ābhogaṃ katvā vā. ‘‘‘Vejjakammaṃ vā na hotī’ti vacanato yāva sattamo kulaparivaṭṭo, tāva bhesajjaṃ kātuṃ vaṭṭatī’’ti vadanti. Sabbapadesūti mahāmātuyācūḷamātuyātiādīnaṃ.
вуд̇д̇анаязна бариязсид̇ваад̇и ‘‘сааман̣зрзхи ваа’’д̇иаад̣̇инаа. ‘‘на агад̇авин̃н̃ад̇д̇ияаа’’д̇и вад̣̇анд̇и. ‘‘бажжаасийсад̇и сажз, д̣̇уггада’’нд̇и вад̣̇анд̇и. габбияавасзнаад̇и бубпам̣ аанзт̇аад̇иаад̣̇инаа. ‘‘бууж̇ам̣ агаасий’д̇и вуд̇д̇ад̇д̇аа саяам̣ г̇ахзд̇ум̣ на ваддад̇ий’’д̇и вад̣̇анд̇и.
Vuttanayena pariyesitvāti ‘‘sāmaṇerehi vā’’tiādinā. ‘‘Na akataviññattiyā’’ti vadanti. ‘‘Paccāsīsati sace, dukkaṭa’’nti vadanti. Kappiyavasenāti pupphaṃ ānethātiādinā. ‘‘Pūjaṃ akāsī’ti vuttattā sayaṃ gahetuṃ na vaṭṭatī’’ti vadanti.
‘‘бхан̣ат̇аа’’д̇и вуд̇д̇з бана гаад̇аб̣б̣ам̣. д̇хамман̃хи вад̇д̇ум̣ ваддад̇и. но жз ж̇аананд̇и, на баад̣̇аа абанзд̇аб̣б̣аа. аваман̇г̇аланд̇и хи г̇ан̣ханд̇и.
‘‘Bhaṇathā’’ti vutte pana kātabbaṃ. Dhammañhi vattuṃ vaṭṭati. No ce jānanti, na pādā apanetabbā. Avamaṅgalanti hi gaṇhanti.
жоранааг̇асса хи аамадтам̣ д̣̇иннз гуж̇жхиссад̇и, анаамадтам̣ на ваддад̇ийд̇и ан̇г̇уланд̇арз т̇огам̣ бхад̇д̇ам̣ г̇ахзд̇ваа бад̇д̇з бхад̇д̇ам̣ саб̣б̣ам̣ ад̣̇ааси, со д̇зна д̇усси. варабод̇т̇агажид̇д̇ад̇т̇аран̣анд̇и сиб̣б̣ид̇ваа гаад̇аб̣б̣ад̇т̇аран̣авигад̇и. бид̇урааж̇аа д̣̇амил̣асса барааж̇ид̇о рохан̣з сол̣асавассаани васид̇ваа мид̇д̇аамажжабаривуд̇о ‘‘раж̇ж̇ам̣ г̇ан̣хаамий’’д̇и ааг̇анд̇ваа анд̇араамаг̇г̇з аббамад̇д̇агасса гааран̣аа згам̣ амажжам̣ гхаад̇аабзси. сзсаа бхаязна балааяанд̇аа аран̃н̃з анд̇араамаг̇г̇з жорзхи вилуд̇д̇аа хамб̣уг̇аллагавихаарам̣ г̇анд̇ваа д̇ад̇т̇а жаад̇унигааяигад̇иссад̇т̇зро д̇зсам̣ сан̇г̇ахам̣ гад̇ваа буна аанзд̇ваа ран̃н̃о д̣̇ассзси, д̇зхи сад̣̇д̇хим̣ раж̇ж̇ам̣ г̇ахзд̇ваа рааж̇аа хамб̣уг̇аллагад̇иссад̇т̇зрасса абхаяаг̇иривихаарам̣ агааси. сзсааби згзгавихаарам̣ гаараабзсум̣ гира.
Coranāgassa hi āmaṭṭhaṃ dinne kujjhissati, anāmaṭṭhaṃ na vaṭṭatīti aṅgulantare thokaṃ bhattaṃ gahetvā patte bhattaṃ sabbaṃ adāsi, so tena tussi. Varapotthakacittattharaṇanti sibbitvā kātabbattharaṇavikati. Piturājā damiḷassa parājito rohaṇe soḷasavassāni vasitvā mittāmaccaparivuto ‘‘rajjaṃ gaṇhāmī’’ti āgantvā antarāmagge appamattakassa kāraṇā ekaṃ amaccaṃ ghātāpesi. Sesā bhayena palāyantā araññe antarāmagge corehi viluttā hambugallakavihāraṃ gantvā tattha cātunikāyikatissatthero tesaṃ saṅgahaṃ katvā puna ānetvā rañño dassesi, tehi saddhiṃ rajjaṃ gahetvā rājā hambugallakatissattherassa abhayagirivihāraṃ akāsi. Sesāpi ekekavihāraṃ kārāpesuṃ kira.
187. жорасамийбам̣ бзсзнд̇о ‘‘ваал̣аяагкавихаарам̣ бзсзд̇ий’’д̇и иминаа сад̣̇исо. гасмаа? маран̣аад̇хиббааяад̇д̇аа. д̇ал̣аагаад̣̇ийсу мажчаад̣̇иг̇г̇ахан̣ад̇т̇ам̣ гзваддам̣ ан̃н̃аабад̣̇зсзна ‘‘д̇ал̣аагад̇ийрам̣ г̇ажчаа’’д̇и бахин̣анд̇асса баан̣аад̇ибаад̇зна бхавид̇аб̣б̣ам̣, ‘‘ваал̣аяагкавихаарам̣ баахзсий’’д̇и имасса сад̣̇исо. гасмаа? ‘‘маран̣аад̇хиббааяад̇д̇аа’’д̇и важанассаануломад̇о, адтагат̇ааяамби ‘‘звам̣ ваал̣аяагкамбий’’д̇и вуд̇д̇ад̇д̇аа.
187. Corasamīpaṃ pesento ‘‘vāḷayakkhavihāraṃ pesetī’’ti iminā sadiso. Kasmā? Maraṇādhippāyattā. Taḷākādīsu macchādiggahaṇatthaṃ kevaṭṭaṃ aññāpadesena ‘‘taḷākatīraṃ gacchā’’ti pahiṇantassa pāṇātipātena bhavitabbaṃ, ‘‘vāḷayakkhavihāraṃ pāhesī’’ti imassa sadiso. Kasmā? ‘‘Maraṇādhippāyattā’’ti vacanassānulomato, aṭṭhakathāyampi ‘‘evaṃ vāḷayakkhampī’’ti vuttattā.
189. д̇ам̣ д̇ад̇радтид̇ам̣ чинд̣̇анд̇анд̇и д̇ам̣-сад̣̇д̣̇о згажжзсу над̇т̇и. ид̇арзсу баарааж̇игат̇уллажжаяам̣ аабаннаад̇и ад̇т̇о. ‘‘имам̣ чинд̣̇ид̇ваа сийгхам̣ г̇анд̇ваа сан̇гхасса бад̇д̇ажийварам̣ д̣̇ассаамий’’д̇и гусалажид̇д̇знаби чинд̣̇ид̇ум̣ на ваддад̇и ананун̃н̃аад̇ад̇д̇аа. ан̃н̃асса бана бхигкуно ваддад̇и анун̃н̃аад̇ад̇д̇аа.
189.Taṃ tatraṭṭhitaṃ chindantanti taṃ-saddo ekaccesu natthi. Itaresu pārājikathullaccayaṃ āpannāti attho. ‘‘Imaṃ chinditvā sīghaṃ gantvā saṅghassa pattacīvaraṃ dassāmī’’ti kusalacittenapi chindituṃ na vaṭṭati ananuññātattā. Aññassa pana bhikkhuno vaṭṭati anuññātattā.
190. гат̇ам̣? гудирагкан̣ад̇т̇ан̃хи бхаг̇авад̇аа бадаг̇г̇ид̣̇аанаад̣̇и анун̃н̃аад̇ам̣, гуди наамзсаа бхигкуунам̣ ад̇т̇ааяа. д̇асмаа ‘‘бхигкурагкан̣ад̇т̇ам̣ ан̃н̃асса бхигкусса ваддад̇ий’д̇и вад̇д̇аб̣б̣амзд̇т̇а над̇т̇ий’’д̇и вуд̇д̇ам̣. яад̣̇и звам̣ ажчиннажийварасса наг̇г̇абхааваббадижчаад̣̇анад̇т̇ам̣ бхууд̇аг̇аамабаад̇аб̣яад̇аа бхаг̇авад̇аа анун̃н̃аад̇аа, ж̇ийвид̇арагкан̣ад̇т̇ан̃жа саббад̣̇адтагаалз анун̃н̃аад̇ам̣, д̇асмаа ‘‘аби ж̇ийвид̇ам̣ барижжаж̇ид̇аб̣б̣ам̣, на жа ругко ваа чинд̣̇ид̇аб̣б̣о’’д̇иаад̣̇и на вад̇д̇аб̣б̣ам̣ сияаа, д̇асмаа д̇ам̣ нид̣̇ассанам̣ аббамаан̣ам̣, адтагат̇аажарияо звзд̇т̇а бамаан̣ам̣. зд̇т̇а банааяам̣ аажарияасса д̇агго – арияабуг̇г̇алзсуби сад̇д̇аа наг̇г̇ияам̣ бассид̇ваа аббасаад̣̇ам̣ гад̇ваа нираяуубаг̇аа бхависсанд̇и , д̇ат̇аа саббаа жа д̣ам̣сид̇ваа, д̇зсам̣ баабавиможанад̇т̇ам̣ бхууд̇аг̇аамабаад̇аб̣яад̇аа анун̃н̃аад̇аа. д̣̇аанабад̇ийнам̣ жид̇д̇арагкан̣ад̇т̇ам̣ бадаг̇г̇ид̣̇аанаад̣̇и. ан̃н̃ат̇аа логасса бун̃н̃анд̇арааяо, сан̇гхасса жа лаабханд̇арааяо ход̇и. вад̇хагасса бана жид̇д̇ахид̇агаран̣ам̣ над̇т̇и, д̇ам̣ бана авийд̇иггамам̣, ж̇ийвид̇абарижжаж̇анам̣ бассид̇ваа ваа ‘‘ахо д̣̇уггарам̣ гад̇а’’нд̇и басаад̣̇амзва лабхзяяунд̇и ад̇д̇ано на ваддад̇и, ан̃н̃асса ваддад̇и. ан̃н̃ат̇аа д̇ид̇т̇ияаанам̣ асад̣̇д̇хаммасид̣̇д̇хияаад̇и. г̇ан̣тибад̣̇з бана ‘‘ж̇ийвид̇ад̇т̇ааяа ругкам̣ чинд̣̇анд̇асса ад̇д̇асинзхавасзна чинд̣̇анад̇о агусалад̇д̇аа на ваддад̇и, ан̃н̃асса ваддад̇ий’’д̇и ликид̇ам̣. анзгзсу ругкзна од̇т̇ад̇зсу, обаад̇з ваа бад̇ид̇зсу ан̃н̃зна ан̃н̃ассад̇т̇ааяа ругкачзд̣̇анаад̣̇и гаад̇ум̣ ваддад̇и, гасмаа? барабарид̇д̇аан̣аад̇хиббааяад̇од̇и. барид̇д̇анд̇и рагкан̣ам̣, д̇ам̣ д̣̇ассзд̇ум̣ ‘‘саманд̇аа бхуумид̇ажчана’’нд̇иаад̣̇и вуд̇д̇ам̣.
190. Kathaṃ? Kuṭirakkhaṇatthañhi bhagavatā paṭaggidānādi anuññātaṃ, kuṭi nāmesā bhikkhūnaṃ atthāya. Tasmā ‘‘bhikkhurakkhaṇatthaṃ aññassa bhikkhussa vaṭṭatī’ti vattabbamettha natthī’’ti vuttaṃ. Yadi evaṃ acchinnacīvarassa naggabhāvappaṭicchādanatthaṃ bhūtagāmapātabyatā bhagavatā anuññātā, jīvitarakkhaṇatthañca sappadaṭṭhakāle anuññātaṃ, tasmā ‘‘api jīvitaṃ pariccajitabbaṃ, na ca rukkho vā chinditabbo’’tiādi na vattabbaṃ siyā, tasmā taṃ nidassanaṃ appamāṇaṃ, aṭṭhakathācariyo evettha pamāṇaṃ. Ettha panāyaṃ ācariyassa takko – ariyapuggalesupi sattā naggiyaṃ passitvā appasādaṃ katvā nirayūpagā bhavissanti , tathā sappā ca ḍaṃsitvā, tesaṃ pāpavimocanatthaṃ bhūtagāmapātabyatā anuññātā. Dānapatīnaṃ cittarakkhaṇatthaṃ paṭaggidānādi. Aññathā lokassa puññantarāyo, saṅghassa ca lābhantarāyo hoti. Vadhakassa pana cittahitakaraṇaṃ natthi, taṃ pana avītikkamaṃ, jīvitapariccajanaṃ passitvā vā ‘‘aho dukkaraṃ kata’’nti pasādameva labheyyunti attano na vaṭṭati, aññassa vaṭṭati. Aññathā titthiyānaṃ asaddhammasiddhiyāti. Gaṇṭhipade pana ‘‘jīvitatthāya rukkhaṃ chindantassa attasinehavasena chindanato akusalattā na vaṭṭati, aññassa vaṭṭatī’’ti likhitaṃ. Anekesu rukkhena otthatesu, opāte vā patitesu aññena aññassatthāya rukkhachedanādi kātuṃ vaṭṭati, kasmā? Paraparittāṇādhippāyatoti. Parittanti rakkhaṇaṃ, taṃ dassetuṃ ‘‘samantā bhūmitacchana’’ntiādi vuttaṃ.
191. д̇ийхи маарид̇з бана висан̇гзд̇анд̇и зд̇т̇а д̇ийсу згзна маарид̇зби ‘‘кзд̇д̇амзва од̇ин̣н̣ад̇д̇аа баарааж̇ига’’нд̇и вуд̇д̇ад̇д̇аа д̇аяоби згад̇о худ̇ваа маарзнд̇и жз, аабаж̇ж̇ад̇и, д̇знзва вуд̇д̇ам̣ ‘‘барижчзд̣̇аб̣бханд̇арз ваа ависан̇гзд̇а’’нд̇и. ‘‘барижчзд̣̇аад̇иггамз бана саб̣б̣ад̇т̇а висан̇гзд̇ам̣ ход̇ий’’д̇и вуд̇д̇ад̇д̇аа д̣̇виннам̣ б̣алам̣ г̇ахзд̇ваа д̇ад̇ияо жз маарзд̇и аабаж̇ж̇ад̇и вияа д̣̇иссад̇и, виймам̣сид̇аб̣б̣ам̣. ‘‘д̣̇вз маарзнд̇уу’’д̇и вуд̇д̇з згзна ваа д̣̇вийхи ваа маарид̇з баарааж̇иганд̇и ‘‘д̣̇виннам̣ бахаараанам̣ маран̣з сад̇и д̣̇вз маарид̇аа наама хонд̇и, асад̇и згова ход̇и, д̇асмаа виж̇аанид̇аб̣б̣а’’нд̇и вад̣̇анд̇и.
191.Tīhi mārite pana visaṅketanti ettha tīsu ekena māritepi ‘‘khettameva otiṇṇattā pārājika’’nti vuttattā tayopi ekato hutvā mārenti ce, āpajjati, teneva vuttaṃ ‘‘paricchedabbhantare vā avisaṅketa’’nti. ‘‘Paricchedātikkame pana sabbattha visaṅketaṃ hotī’’ti vuttattā dvinnaṃ balaṃ gahetvā tatiyo ce māreti āpajjati viya dissati, vīmaṃsitabbaṃ. ‘‘Dve mārentū’’ti vutte ekena vā dvīhi vā mārite pārājikanti ‘‘dvinnaṃ pahārānaṃ maraṇe sati dve māritā nāma honti, asati ekova hoti, tasmā vijānitabba’’nti vadanti.
д̇ад̇ияабаарааж̇игаван̣н̣анаа нидтид̇аа.
Tatiyapārājikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
