| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
винийд̇авад̇т̇уван̣н̣анаа
Vinītavatthuvaṇṇanā
341. алам̣важанийяаад̇и на важанийяаа, нивааран̣з алам̣-сад̣̇д̣̇о. т̇зрабид̇аа вад̣̇ад̇ийд̇и ж̇ин̣н̣абид̇аа вад̣̇ад̇ийд̇и ад̇т̇о. гин̃жааби зд̇т̇а ‘‘ид̇т̇ий наама мануссид̇т̇ий на яагкий на бзд̇ий на д̇иражчаанаг̇ад̇аа, бурисо наама мануссабурисо на яагко’’д̇иаад̣̇и над̇т̇и, д̇ат̇ааби гааяасам̣саг̇г̇аад̣̇ийсу ‘‘мануссид̇т̇ий’’д̇и ид̇т̇ийвавад̇т̇аанасса гад̇ад̇д̇аа ид̇хааби мануссид̇т̇ий зваад̇и бан̃н̃ааяад̇и. мзт̇унабуб̣б̣абхааг̇ад̇д̇аа мануссаубхад̇об̣яан̃ж̇анаго жа т̇уллажжаяавад̇т̇угова ход̇и, сзсаа мануссабан̣д̣агаубхад̇об̣яан̃ж̇анагад̇иражчаанаг̇ад̇абурисаад̣̇аяо д̣̇уггадавад̇т̇угаава мижчаажаарасаасанан̇г̇асамбхавад̇од̇и взд̣̇ид̇аб̣б̣ам̣. яат̇аасамбхавам̣ бана ваараа уд̣̇д̇харид̇аб̣б̣аа. бан̃н̃ад̇д̇иаж̇аананз вияа алам̣важанийяабхаавааж̇аананзби ажид̇д̇агад̇аа взд̣̇ид̇аб̣б̣аа. д̣̇удтуллаад̣̇ийсубийд̇и ‘‘имасмимбий’’д̇и вуд̇д̇амзва ход̇и. ‘‘лзкам̣ нзд̇ваа бадилзкам̣ аарожид̇ассааби сан̃жарид̇д̇ам̣ над̇т̇и сан̃жарид̇д̇абхаавамаж̇аананд̇ассаа’’д̇и вад̣̇анд̇и, виймам̣сид̇ваа г̇ахзд̇аб̣б̣ам̣.
341.Alaṃvacanīyāti na vacanīyā, nivāraṇe alaṃ-saddo. Therapitā vadatīti jiṇṇapitā vadatīti attho. Kiñcāpi ettha ‘‘itthī nāma manussitthī na yakkhī na petī na tiracchānagatā, puriso nāma manussapuriso na yakkho’’tiādi natthi, tathāpi kāyasaṃsaggādīsu ‘‘manussitthī’’ti itthīvavatthānassa katattā idhāpi manussitthī evāti paññāyati. Methunapubbabhāgattā manussaubhatobyañjanako ca thullaccayavatthukova hoti, sesā manussapaṇḍakaubhatobyañjanakatiracchānagatapurisādayo dukkaṭavatthukāva micchācārasāsanaṅgasambhavatoti veditabbaṃ. Yathāsambhavaṃ pana vārā uddharitabbā. Paññattiajānane viya alaṃvacanīyabhāvājānanepi acittakatā veditabbā. Duṭṭhullādīsupīti ‘‘imasmimpī’’ti vuttameva hoti. ‘‘Lekhaṃ netvā paṭilekhaṃ ārocitassāpi sañcarittaṃ natthi sañcarittabhāvamajānantassā’’ti vadanti, vīmaṃsitvā gahetabbaṃ.
сан̃жарид̇д̇асигкаабад̣̇аван̣н̣анаа нидтид̇аа.
Sañcarittasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. сан̃жарид̇д̇асигкаабад̣̇ам̣ • 5. Sañcarittasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
