| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
ид̣̇ам̣ гинд̇и гат̇зд̇угаамад̇аабужчаа. имаад̇иаад̣̇и виссаж̇ж̇анам̣. винийд̇аани аабад̇д̇им̣ д̇вам̣ бхигку аабаннод̇иаад̣̇инаа (баараа. 67) бхаг̇авад̇аа винижчинид̇аани вад̇т̇ууни винийд̇авад̇т̇ууни. д̇ам̣ д̇ам̣ вад̇т̇ум̣ уд̣̇д̇харид̇ваа д̣̇аанад̇о д̣̇ассанад̇о уд̣̇д̣̇аанабхууд̇аа г̇аат̇аа уд̣̇д̣̇аанаг̇аат̇аа, сан̇г̇ахаг̇аат̇аа, уд̣̇д̣̇зсаг̇аат̇аад̇и вуд̇д̇ам̣ ход̇и. вад̇т̇у г̇аат̇аад̇и д̇зна ко бана самаязна ан̃н̃ад̇аро бхигкууд̇иаад̣̇игаа винийд̇авад̇т̇убаал̣иязва д̇зсам̣ д̇зсам̣ винийд̇авад̇т̇уунам̣ г̇ант̇анад̇о ‘‘вад̇т̇уг̇аат̇аа’’д̇и вуд̇д̇аа , на чанд̣̇овижид̇илагкан̣зна. уд̣̇д̣̇аанаг̇аат̇аанам̣ вад̇т̇у вад̇т̇уг̇аат̇аад̇и звам̣ ваа зд̇т̇а ад̇т̇о д̣̇адтаб̣б̣о. зд̇т̇аад̇и винийд̇авад̇т̇уусу. д̣̇уд̇ияаад̣̇ийнанд̇и д̣̇уд̇ияабаарааж̇игаад̣̇ийнам̣. яам̣ бассид̇ваа жид̇д̇агаараад̣̇аяо сиббигаа жид̇д̇агаммаад̣̇ийни сигканд̇и, д̇ам̣ бадижчаннагаруубам̣, бадимааруубанд̇и ад̇т̇о.
Idaṃkinti kathetukāmatāpucchā. Imātiādi vissajjanaṃ. Vinītāni āpattiṃ tvaṃ bhikkhu āpannotiādinā (pārā. 67) bhagavatā vinicchinitāni vatthūni vinītavatthūni. Taṃ taṃ vatthuṃ uddharitvā dānato dassanato uddānabhūtā gāthā uddānagāthā, saṅgahagāthā, uddesagāthāti vuttaṃ hoti. Vatthu gāthāti tena kho pana samayena aññataro bhikkhūtiādikā vinītavatthupāḷiyeva tesaṃ tesaṃ vinītavatthūnaṃ ganthanato ‘‘vatthugāthā’’ti vuttā , na chandovicitilakkhaṇena. Uddānagāthānaṃ vatthu vatthugāthāti evaṃ vā ettha attho daṭṭhabbo. Etthāti vinītavatthūsu. Dutiyādīnanti dutiyapārājikādīnaṃ. Yaṃ passitvā cittakārādayo sippikā cittakammādīni sikkhanti, taṃ paṭicchannakarūpaṃ, paṭimārūpanti attho.
67. буримаани д̣̇взд̇и маггадийваж̇ж̇ибуд̇д̇агавад̇т̇ууни д̣̇вз. д̇ааниби бхаг̇авад̇аа винийд̇абхаавзна буна винийд̇авад̇т̇уусу багкид̇д̇аани. д̇ад̇т̇а д̇асса гуггужжам̣ ахосийд̇иаад̣̇и бана гин̃жааби д̇зсам̣ батамам̣ гуггужжам̣ на уббаннам̣, бхигкуухи бана бхаг̇авад̇аа жа г̇арахид̇ваа вуд̇д̇аважанам̣ санд̇хааяа бажчаа уббаннад̇д̇ам̣ санд̇хааяа вуд̇д̇ам̣. бхаг̇авад̇о зд̇амад̇т̇ам̣ аарожзсунд̇иаад̣̇и жа бхигкуухи аананд̣̇ад̇т̇зрзна жа батамам̣ бхаг̇авад̇о аарожид̇з, бхаг̇авад̇аа жа д̇зсам̣ баарааж̇игад̇д̇з багаасид̇з бхийд̇аа д̇з саяамби г̇анд̇ваа ад̇д̇ано гуггужжам̣ бажчаа аарожзнд̇и зва. ‘‘сажжам̣ гира д̇ва’’нд̇иаад̣̇инаа бхаг̇авад̇аа будтаа бана ‘‘сажжам̣ бхаг̇аваа’’д̇и бадиж̇аананавасзнааби аарожзнд̇и. бхаг̇авааби аабад̇д̇им̣ д̇ванд̇иаад̣̇инаа д̇зсам̣ баарааж̇игад̇д̇ам̣ винижчинод̇и зва. анубан̃н̃ад̇д̇игат̇ааяам̣ бана д̇ам̣ саб̣б̣ам̣ авад̇ваа анубан̃н̃ад̇д̇ияаа ануг̇ун̣амзва гин̃жимад̇д̇ам̣ вуд̇д̇ам̣, ид̇хааби д̇зсам̣ вад̇т̇уунам̣ бхаг̇авад̇аа винийд̇абхаавад̣̇ассанад̇т̇ам̣ звам̣ вуд̇д̇анд̇и взд̣̇ид̇аб̣б̣ам̣. гзжи имам̣ ад̇хиббааяам̣ аманасигад̇ваа ‘‘ан̃н̃аанзвзд̇аани вад̇т̇ууний’’д̇и вад̣̇анд̇и. гусзд̇и гусад̇ин̣аани. гзсзхийд̇и мануссагзсзхи.
67.Purimāni dveti makkaṭīvajjiputtakavatthūni dve. Tānipi bhagavatā vinītabhāvena puna vinītavatthūsu pakkhittāni. Tattha tassa kukkuccaṃ ahosītiādi pana kiñcāpi tesaṃ paṭhamaṃ kukkuccaṃ na uppannaṃ, bhikkhūhi pana bhagavatā ca garahitvā vuttavacanaṃ sandhāya pacchā uppannattaṃ sandhāya vuttaṃ. Bhagavato etamatthaṃ ārocesuntiādi ca bhikkhūhi ānandattherena ca paṭhamaṃ bhagavato ārocite, bhagavatā ca tesaṃ pārājikatte pakāsite bhītā te sayampi gantvā attano kukkuccaṃ pacchā ārocenti eva. ‘‘Saccaṃ kira tva’’ntiādinā bhagavatā puṭṭhā pana ‘‘saccaṃ bhagavā’’ti paṭijānanavasenāpi ārocenti. Bhagavāpi āpattiṃ tvantiādinā tesaṃ pārājikattaṃ vinicchinoti eva. Anupaññattikathāyaṃ pana taṃ sabbaṃ avatvā anupaññattiyā anuguṇameva kiñcimattaṃ vuttaṃ, idhāpi tesaṃ vatthūnaṃ bhagavatā vinītabhāvadassanatthaṃ evaṃ vuttanti veditabbaṃ. Keci imaṃ adhippāyaṃ amanasikatvā ‘‘aññānevetāni vatthūnī’’ti vadanti. Kuseti kusatiṇāni. Kesehīti manussakesehi.
68. ван̣н̣абогкарад̇ааяаад̇и зд̇т̇а богкалам̣ наама самид̣̇д̇хам̣ сунд̣̇аран̃жа, д̇асса бхааво ‘‘богкарад̇аа’’д̇и ра-гаарам̣ гад̇ваа вуд̇д̇о, самид̣̇д̇хад̇аа сунд̣̇арад̇аад̇и ад̇т̇о. бад̇хам̣сзсийд̇и абхибхави. на лимбад̇ийд̇и на аллийяад̇и.
68.Vaṇṇapokkharatāyāti ettha pokkhalaṃ nāma samiddhaṃ sundarañca, tassa bhāvo ‘‘pokkharatā’’ti ra-kāraṃ katvā vutto, samiddhatā sundaratāti attho. Padhaṃsesīti abhibhavi. Na limpatīti na allīyati.
69. зваруубаа баривад̇д̇алин̇г̇аа бхигкунияо ад̇т̇ад̇о згад̇о убасамбаннааби убхад̇осан̇гхз убасамбаннаасуязва сан̇г̇аяханд̇и бхигкуубасамбад̣̇ааяа бхигкунийубасамбад̣̇ад̇оби уггадтад̇д̇аа. баал̣ияам̣ ‘‘д̇аахи аабад̇д̇ийхи анаабад̇д̇и’’нд̇и убаяог̇аважанам̣ гад̇ваа ануж̇аанаамийд̇и бад̣̇зна самб̣анд̇хид̇аб̣б̣ам̣. ид̇т̇илин̇г̇анд̇и т̇анаад̣̇игам̣ ид̇т̇исан̣таанам̣ вуд̇д̇анд̇и ааха – ‘‘буриса…бз… ид̇т̇исан̣таанам̣ уббанна’’нд̇и. д̇ам̣ наананд̇аригад̇о бана ‘‘бурисинд̣̇рияамби анд̇арахид̇ам̣, ид̇т̇инд̣̇рияан̃жа уббанна’’нд̇и вуд̇д̇амзва ход̇и, звам̣ убариби лин̇г̇аг̇г̇ахан̣знзва ид̇т̇инд̣̇рияаад̣̇иг̇г̇ахан̣ам̣ взд̣̇ид̇аб̣б̣ам̣. д̇аад̇и аабад̇д̇ияо, д̇асса вудтаад̇унд̇и иминаа самб̣анд̇хо, д̇аахи аабад̇д̇ийхи вудтаабзд̇унд̇и ад̇т̇о. гат̇анд̇и ааха д̇аа саб̣б̣ааби бхигкунийхи гаад̇аб̣б̣анд̇иаад̣̇и. д̇зна бадижчаннааяаби аббадижчаннааяаби г̇аругаабад̇д̇ияаа багкамаанад̇д̇ажаран̣аад̣̇игам̣ вид̇хим̣ д̣̇ассзд̇и.
69. Evarūpā parivattaliṅgā bhikkhuniyo atthato ekato upasampannāpi ubhatosaṅghe upasampannāsuyeva saṅgayhanti bhikkhūpasampadāya bhikkhunīupasampadatopi ukkaṭṭhattā. Pāḷiyaṃ ‘‘tāhi āpattīhi anāpatti’’nti upayogavacanaṃ katvā anujānāmīti padena sambandhitabbaṃ. Itthiliṅganti thanādikaṃ itthisaṇṭhānaṃ vuttanti āha – ‘‘purisa…pe… itthisaṇṭhānaṃ uppanna’’nti. Taṃ nānantarikato pana ‘‘purisindriyampi antarahitaṃ, itthindriyañca uppanna’’nti vuttameva hoti, evaṃ uparipi liṅgaggahaṇeneva itthindriyādiggahaṇaṃ veditabbaṃ. Tāti āpattiyo, tassa vuṭṭhātunti iminā sambandho, tāhi āpattīhi vuṭṭhāpetunti attho. Kathanti āha tā sabbāpi bhikkhunīhi kātabbantiādi. Tena paṭicchannāyapi appaṭicchannāyapi garukāpattiyā pakkhamānattacaraṇādikaṃ vidhiṃ dasseti.
огганд̇игавинижчаяод̇и басан̇г̇аануг̇ун̣ам̣ од̇аран̣агавинижчаяо. б̣алаваагусалзнаад̇и барад̣̇ааригагаммаад̣̇инаа. д̣̇уб̣б̣алагусалзнаад̇и яат̇аавуд̇д̇аб̣алаваагусалобахад̇асад̇д̇инаа д̇ад̇о зва д̣̇уб̣б̣алабхууд̇зна гусалзна. д̣̇уб̣б̣алаагусалзнаад̇и бурисабхаавуббаад̣̇агаб̣рахмажарияаад̣̇иб̣алавагусалобахад̇асад̇д̇инаа д̇ад̇о зва д̣̇уб̣б̣алабхууд̇зна барад̣̇ааригаад̣̇иагусалзна. суг̇ад̇ияам̣ бхаавад̣̇ваяасса гусалагаммаж̇ад̇д̇аа агусалзнзва винаасо гусалзнзва уббад̇д̇ийд̇и ааха убхаяамбийд̇иаад̣̇и. д̣̇уг̇г̇ад̇ияам̣ бана агусалзнзва убхиннамби уббад̇д̇и жа винаасо жа, д̇ад̇т̇а д̣̇уб̣б̣алаб̣алавабхаавова висзсо.
Okkantikavinicchayoti pasaṅgānuguṇaṃ otaraṇakavinicchayo. Balavaakusalenāti paradārikakammādinā. Dubbalakusalenāti yathāvuttabalavākusalopahatasattinā tato eva dubbalabhūtena kusalena. Dubbalaakusalenāti purisabhāvuppādakabrahmacariyādibalavakusalopahatasattinā tato eva dubbalabhūtena paradārikādiakusalena. Sugatiyaṃ bhāvadvayassa kusalakammajattā akusaleneva vināso kusaleneva uppattīti āha ubhayampītiādi. Duggatiyaṃ pana akusaleneva ubhinnampi uppatti ca vināso ca, tattha dubbalabalavabhāvova viseso.
‘‘зхи маяам̣ г̇амиссаамаа’’д̇и бхигкунияаа сад̣̇д̇хим̣ сам̣вид̇хааяа згад̣̇д̇хаанаг̇аманз баажид̇д̇ияаабад̇д̇ибарихаарад̇т̇ам̣ вуд̇д̇ам̣ ‘‘сам̣вид̣̇аханам̣ бариможзд̇ваа’’д̇и. д̇зна згаг̇аамагкзд̇д̇зби б̣ахиг̇аамад̇о анд̇арагхарам̣ сам̣вид̇хааяа г̇аманамби аабад̇д̇игарамзваад̇и д̣̇ассзд̇и. бариможанавид̇хим̣ д̣̇ассзнд̇о ааха маяанд̇иаад̣̇и. б̣ахиг̇аамзд̇и г̇ааманд̇арз. д̣̇уд̇ияигаа бхигкуний багганд̇аа ваа ход̇ийд̇иаад̣̇инаа (баажи. 693) вуд̇д̇аанаабад̇д̇илагкан̣ам̣ ануломзд̇ийд̇и вуд̇д̇ам̣ ‘‘г̇ааманд̇ара…бз… анаабад̇д̇ий’’д̇и. гобзд̇ваад̇и барижжаж̇ид̇ваа. лаж̇ж̇инияо…бз… лаб̣бхад̇ийд̇и лин̇г̇абаривад̇д̇анад̣̇угкабийл̣ид̇асса сан̇г̇ахзби асад̇и хийнааяаавад̇д̇анамби бхавзяяаад̇и ‘‘аабад̣̇аасуу’’д̇и вуд̇д̇аанаабад̇д̇иануломзна вуд̇д̇ам̣. д̇ааяа д̣̇уд̇ияигам̣ г̇ахзд̇ваава г̇анд̇аб̣б̣ам̣. алаж̇ж̇инияо…бз… лаб̣бхад̇ийд̇и алаж̇ж̇инийхи сад̣̇д̇хим̣ згагаммаад̣̇исам̣ваасз аабад̇д̇исамбхавад̇о д̇аа асанд̇абагкам̣ бхаж̇анд̇ийд̇и вуд̇д̇ам̣, иминаабзд̇ам̣ взд̣̇ид̇аб̣б̣ам̣ ‘‘алаж̇ж̇инийхи сад̣̇д̇хим̣ барибхог̇о на ваддад̇ий’’д̇и. яад̣̇и хи ваддзяяа, д̇ад̇оби д̣̇уд̇ияигам̣ винаа г̇ааманд̇араг̇аманаад̣̇ийсу аабад̇д̇и зва сияаа сан̇г̇аахигад̇д̇аа д̇аасам̣ сан̇г̇аахигалаж̇ж̇иниг̇ан̣ад̇о вияа. н̃аад̇игаа на хонд̇и…бз… ваддад̇ийд̇и вад̣̇анд̇ийд̇и иминаа адтагат̇аасу анааг̇ад̇абхаавам̣ д̣̇ийбзд̇и. д̇ад̇т̇ааби виссаасиган̃аад̇игабхигкунияо винаа бхигкунибхаавз араманд̇асса маанабагад̇игасса аабад̣̇аадтаанасамбхавзна д̇ам̣ важанам̣ аббадигкид̇д̇амби д̇ад̣̇ан̃н̃зсам̣ на ваддад̇иязваад̇и г̇ахзд̇аб̣б̣ам̣. бхигкубхаавзбийд̇и бхигкугаалзби . д̇ам̣ ниссааяаад̇и д̇ам̣ ниссаяаажарияам̣ гад̇ваа. убаж̇жхаа г̇ахзд̇аб̣б̣аад̇и убасамбад̣̇ааг̇ахан̣ад̇т̇ам̣ убаж̇жхаа г̇ахзд̇аб̣б̣аа.
‘‘Ehi mayaṃ gamissāmā’’ti bhikkhuniyā saddhiṃ saṃvidhāya ekaddhānagamane pācittiyāpattiparihāratthaṃ vuttaṃ ‘‘saṃvidahanaṃ parimocetvā’’ti. Tena ekagāmakkhettepi bahigāmato antaragharaṃ saṃvidhāya gamanampi āpattikaramevāti dasseti. Parimocanavidhiṃ dassento āha mayantiādi. Bahigāmeti gāmantare. Dutiyikā bhikkhunī pakkantā vā hotītiādinā (pāci. 693) vuttaanāpattilakkhaṇaṃ anulometīti vuttaṃ ‘‘gāmantara…pe… anāpattī’’ti. Kopetvāti pariccajitvā. Lajjiniyo…pe… labbhatīti liṅgaparivattanadukkhapīḷitassa saṅgahepi asati hīnāyāvattanampi bhaveyyāti ‘‘āpadāsū’’ti vuttaanāpattianulomena vuttaṃ. Tāya dutiyikaṃ gahetvāva gantabbaṃ. Alajjiniyo…pe… labbhatīti alajjinīhi saddhiṃ ekakammādisaṃvāse āpattisambhavato tā asantapakkhaṃ bhajantīti vuttaṃ, imināpetaṃ veditabbaṃ ‘‘alajjinīhi saddhiṃ paribhogo na vaṭṭatī’’ti. Yadi hi vaṭṭeyya, tatopi dutiyikaṃ vinā gāmantaragamanādīsu āpatti eva siyā saṅgāhikattā tāsaṃ saṅgāhikalajjinigaṇato viya. Ñātikā na honti…pe… vaṭṭatīti vadantīti iminā aṭṭhakathāsu anāgatabhāvaṃ dīpeti. Tatthāpi vissāsikañātikabhikkhuniyo vinā bhikkhunibhāve aramantassa mānapakatikassa āpadāṭṭhānasambhavena taṃ vacanaṃ appaṭikkhittampi tadaññesaṃ na vaṭṭatiyevāti gahetabbaṃ. Bhikkhubhāvepīti bhikkhukālepi . Taṃ nissāyāti taṃ nissayācariyaṃ katvā. Upajjhā gahetabbāti upasampadāgahaṇatthaṃ upajjhā gahetabbā.
винаяагамманд̇и вигаббанам̣ санд̇хааяа вуд̇д̇ам̣. буна гаад̇аб̣б̣анд̇и буна вигаббзд̇аб̣б̣ам̣. буна бадиг̇г̇ахзд̇ваа сад̇д̇аахам̣ ваддад̇ийд̇и ‘‘ануж̇аанаами, бхигкавз, бхигкунийнам̣ саннид̇хим̣ бхигкуухи, бхигкуунам̣ саннид̇хим̣ бхигкунийхи жа бадиг̇г̇аахаабзд̇ваа барибхун̃ж̇ид̇у’’нд̇и (жуул̣ава. 421) важанад̇о буна бадиг̇г̇ахзд̇ваа барибхун̃ж̇ид̇ум̣ ваддад̇ийд̇и д̣̇ассанад̇т̇ам̣ вуд̇д̇ам̣. сад̇д̇амз д̣̇ивасзд̇и ид̣̇ан̃жа ниссаг̇г̇ияам̣ анаабаж̇ж̇ид̇ваава бунаби сад̇д̇аахам̣ барибхун̃ж̇ид̇ум̣ ваддад̇ийд̇и д̣̇ассанад̇т̇ам̣ вуд̇д̇ам̣. багад̇ад̇д̇од̇и абаривад̇д̇алин̇г̇о. рагкад̇ийд̇и д̇ам̣ бадиг̇г̇ахан̣авиж̇аханад̇о рагкад̇и, авибхад̇д̇ад̇ааяа бадиг̇г̇ахан̣ам̣ на виж̇ахад̇ийд̇и ад̇хиббааяо.
Vinayakammanti vikappanaṃ sandhāya vuttaṃ. Puna kātabbanti puna vikappetabbaṃ. Puna paṭiggahetvā sattāhaṃ vaṭṭatīti ‘‘anujānāmi, bhikkhave, bhikkhunīnaṃ sannidhiṃ bhikkhūhi, bhikkhūnaṃ sannidhiṃ bhikkhunīhi ca paṭiggāhāpetvā paribhuñjitu’’nti (cūḷava. 421) vacanato puna paṭiggahetvā paribhuñjituṃ vaṭṭatīti dassanatthaṃ vuttaṃ. Sattame divaseti idañca nissaggiyaṃ anāpajjitvāva punapi sattāhaṃ paribhuñjituṃ vaṭṭatīti dassanatthaṃ vuttaṃ. Pakatattoti aparivattaliṅgo. Rakkhatīti taṃ paṭiggahaṇavijahanato rakkhati, avibhattatāya paṭiggahaṇaṃ na vijahatīti adhippāyo.
саамам̣ г̇ахзд̇ваана нигкибзяяаад̇и сахад̇т̇зна бадиг̇г̇ахзд̇ваана нигкибзяяа. барибхун̃ж̇анд̇асса аабад̇д̇ийд̇и лин̇г̇абаривад̇д̇з ж̇аад̇з буна аббадиг̇г̇ахзд̇ваа барибхун̃ж̇анд̇асса аабад̇д̇и.
Sāmaṃ gahetvāna nikkhipeyyāti sahatthena paṭiggahetvāna nikkhipeyya. Paribhuñjantassa āpattīti liṅgaparivatte jāte puna appaṭiggahetvā paribhuñjantassa āpatti.
хийнааяаавад̇д̇анзнаад̇и зд̇т̇а гзжи ‘‘багад̇ад̇д̇асса бхигкуно сигкам̣ аббажжагкааяа ‘г̇ихий бхависсаамий’д̇и г̇ихилин̇г̇аг̇г̇ахан̣ам̣ хийнааяаавад̇д̇ана’’нд̇и вад̣̇анд̇и, д̇ам̣ на яуд̇д̇ам̣ д̇ад̇д̇агзна бхигкубхаавасса авиж̇аханад̇о. ан̃н̃з бана ‘‘баарааж̇игам̣ аабаннасса бхигкубадин̃н̃ам̣ бахааяа г̇ихилин̇г̇абхаавуубаг̇аманамби хийнааяаавад̇д̇ана’’нд̇и вад̣̇анд̇и, д̇ам̣ яуд̇д̇амзва. баарааж̇игам̣ аабанно хи д̇ам̣ бадижчаад̣̇зд̇ваа яаава бхигкубадин̃н̃о ход̇и, д̇аава бхигку зва ход̇и бхигкуунамзва баарааж̇игасса бан̃н̃ад̇д̇ад̇д̇аа. ‘‘яо бана бхигкуу’’д̇и хи вуд̇д̇ам̣. д̇ат̇аа хи со сам̣ваасам̣ саад̣̇ияанд̇оби т̇зяяасам̣ваасаго на ход̇и, сахасзяяаад̣̇иаабад̇д̇ин̃жа на ж̇анзд̇и, ад̇д̇аанам̣ омасанд̇асса баажид̇д̇ияан̃жа ж̇анзд̇и. вуд̇д̇ан̃хи –
Hīnāyāvattanenāti ettha keci ‘‘pakatattassa bhikkhuno sikkhaṃ appaccakkhāya ‘gihī bhavissāmī’ti gihiliṅgaggahaṇaṃ hīnāyāvattana’’nti vadanti, taṃ na yuttaṃ tattakena bhikkhubhāvassa avijahanato. Aññe pana ‘‘pārājikaṃ āpannassa bhikkhupaṭiññaṃ pahāya gihiliṅgabhāvūpagamanampi hīnāyāvattana’’nti vadanti, taṃ yuttameva. Pārājikaṃ āpanno hi taṃ paṭicchādetvā yāva bhikkhupaṭiñño hoti, tāva bhikkhu eva hoti bhikkhūnameva pārājikassa paññattattā. ‘‘Yo pana bhikkhū’’ti hi vuttaṃ. Tathā hi so saṃvāsaṃ sādiyantopi theyyasaṃvāsako na hoti, sahaseyyādiāpattiñca na janeti, attānaṃ omasantassa pācittiyañca janeti. Vuttañhi –
‘‘асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно, д̇ан̃жз суд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇ассаа’’д̇и (баараа. 389).
‘‘Asuddho hoti puggalo aññataraṃ pārājikaṃ dhammaṃ ajjhāpanno, tañce suddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassā’’ti (pārā. 389).
згз бана ‘‘баарааж̇игам̣ аабаннаанам̣ д̣̇осам̣ бадиж̇аанид̇ваа г̇ихилин̇г̇аг̇г̇ахан̣ам̣ наама сигкаабажжагкаанз самод̇хаанам̣ г̇ажчад̇и д̇знааби бадин̃н̃ааяа бхигкубхаавасса виж̇аханад̇о. д̇знзва винаяавинижчаяаад̣̇ийсу хийнааяаавад̇д̇анам̣ сигкаабажжагкаанз самод̇хаанзд̇ваа висум̣ д̇ам̣ на вуд̇д̇ам̣. д̇асмаа бхигкунийнам̣ виб̣бхамид̇угаамад̇ааяа г̇ихилин̇г̇аг̇г̇ахан̣ам̣ ид̇ха хийнааяаавад̇д̇анам̣ д̇аасам̣ сигкаабажжагкаанасса абхаавад̇о. д̇аасам̣ бадиг̇г̇ахан̣авиж̇аханассааби саб̣б̣асо вад̇д̇аб̣б̣ад̇д̇аа’’д̇и вад̣̇анд̇и, д̇амби аббадиб̣аахияамзва. д̇асмаа баарааж̇игаанам̣ бхигкунийнан̃жа ‘‘уббаб̣б̣аж̇иссаамий’’д̇и г̇ихилин̇г̇аг̇г̇ахан̣ам̣ хийнааяаавад̇д̇ананд̇и г̇ахзд̇аб̣б̣ам̣. виб̣бхамод̇иби зд̇ассзва наамам̣, д̇знзва д̇ам̣ куд̣̇д̣̇асигкааяам̣ ‘‘ажчзд̣̇ависсаж̇ж̇анаг̇аахавиб̣бхамаа’’д̇и ад̇хидтаанавиж̇аханз виб̣бхаманаамзна вуд̇д̇ам̣.
Eke pana ‘‘pārājikaṃ āpannānaṃ dosaṃ paṭijānitvā gihiliṅgaggahaṇaṃ nāma sikkhāpaccakkhāne samodhānaṃ gacchati tenāpi paṭiññāya bhikkhubhāvassa vijahanato. Teneva vinayavinicchayādīsu hīnāyāvattanaṃ sikkhāpaccakkhāne samodhānetvā visuṃ taṃ na vuttaṃ. Tasmā bhikkhunīnaṃ vibbhamitukāmatāya gihiliṅgaggahaṇaṃ idha hīnāyāvattanaṃ tāsaṃ sikkhāpaccakkhānassa abhāvato. Tāsaṃ paṭiggahaṇavijahanassāpi sabbaso vattabbattā’’ti vadanti, tampi appaṭibāhiyameva. Tasmā pārājikānaṃ bhikkhunīnañca ‘‘uppabbajissāmī’’ti gihiliṅgaggahaṇaṃ hīnāyāvattananti gahetabbaṃ. Vibbhamotipi etasseva nāmaṃ, teneva taṃ khuddasikkhāyaṃ ‘‘acchedavissajjanagāhavibbhamā’’ti adhiṭṭhānavijahane vibbhamanāmena vuttaṃ.
анабзгкависсаж̇ж̇анзнаад̇и ан̃н̃асса ад̣̇ад̇ваава анад̇т̇игассзва бадиг̇г̇ахид̇авад̇т̇уунам̣ б̣ахи чад̣д̣анзна. гзжи ‘‘бадиг̇г̇ахид̇авад̇т̇уусу саабзгкасса бурз бадиг̇г̇ахид̇абхаавад̇о бариможанад̇т̇ам̣ д̇ад̇т̇а бадиг̇г̇ахамад̇д̇асса виссаж̇ж̇анамби анабзгкависсаж̇ж̇анамзва жийвараад̣̇иад̇хидтаанабажжуд̣̇д̇хааро вияаа’’д̇и вад̣̇анд̇и, д̇ам̣ на сунд̣̇арам̣ д̇ат̇ааважанаабхааваа. яат̇зва хи жийвараад̣̇ийсу анабзгкависсаж̇ж̇анзна ад̇хидтаанавиж̇аханам̣ вад̇вааби висум̣ бажжуд̣̇д̇хааро жа вуд̇д̇о, звамид̇хааби вад̇д̇аб̣б̣ам̣, яат̇аа жа жийвараад̣̇ийсу гааяабадиб̣ад̣̇д̇хзсуби бажжуд̣̇д̇хаарзна ад̇хидтаанам̣ виг̇ажчад̇и, на звамид̇ха. ид̇ха бана бадиг̇г̇ахид̇авад̇т̇усмим̣ анабзгкассааби гааяад̇о муд̇д̇зязва д̇асмим̣ бадиг̇г̇ахан̣ам̣ виж̇ахад̇и. д̇ат̇аа хи вуд̇д̇ам̣ ‘‘сад̇агкад̇д̇умби барижжаж̇ад̇у, яаава ад̇д̇ано хад̇т̇аг̇ад̇ам̣ бадиг̇г̇ахид̇амзваа’’д̇и. анабзгкависсаж̇ж̇анзнаад̇и зд̇т̇а жа ‘‘анабзгкааяаа’’д̇и зд̇д̇агамзва вад̇д̇аб̣б̣ам̣ анабзгкад̇ам̣ мун̃жид̇ваа ид̇ха висум̣ виссаж̇ж̇анасса абхааваа. на хзд̇т̇а бажжуд̣̇д̇хаарз вияа виссаж̇ж̇анавид̇хаанамад̇т̇и. абижа бадиг̇г̇ахан̣амад̇д̇ависсаж̇ж̇анз сад̇и бурз бадиг̇г̇ахид̇оби аахааро бхун̃ж̇ид̇угамяад̇ааяа уббаннааяа бадиг̇г̇ахан̣амад̇д̇ам̣ виссаж̇ж̇зд̇ваа буна бадиг̇г̇ахзд̇ваа яат̇аасукам̣ бхун̃ж̇ид̇аб̣б̣о сияаад̇и, д̇ат̇аа жа саннид̇хигаарагасигкаабад̣̇з вуд̇д̇аа саб̣б̣ааби винижчаяабхзд̣̇аа нирад̇т̇агаа зва сияум̣. вуд̇д̇ан̃хи д̇ад̇т̇а –
Anapekkhavissajjanenāti aññassa adatvāva anatthikasseva paṭiggahitavatthūnaṃ bahi chaḍḍanena. Keci ‘‘paṭiggahitavatthūsu sāpekkhassa pure paṭiggahitabhāvato parimocanatthaṃ tattha paṭiggahamattassa vissajjanampi anapekkhavissajjanameva cīvarādiadhiṭṭhānapaccuddhāro viyā’’ti vadanti, taṃ na sundaraṃ tathāvacanābhāvā. Yatheva hi cīvarādīsu anapekkhavissajjanena adhiṭṭhānavijahanaṃ vatvāpi visuṃ paccuddhāro ca vutto, evamidhāpi vattabbaṃ, yathā ca cīvarādīsu kāyapaṭibaddhesupi paccuddhārena adhiṭṭhānaṃ vigacchati, na evamidha. Idha pana paṭiggahitavatthusmiṃ anapekkhassāpi kāyato mutteyeva tasmiṃ paṭiggahaṇaṃ vijahati. Tathā hi vuttaṃ ‘‘satakkhattumpi pariccajatu, yāva attano hatthagataṃ paṭiggahitamevā’’ti. Anapekkhavissajjanenāti ettha ca ‘‘anapekkhāyā’’ti ettakameva vattabbaṃ anapekkhataṃ muñcitvā idha visuṃ vissajjanassa abhāvā. Na hettha paccuddhāre viya vissajjanavidhānamatthi. Apica paṭiggahaṇamattavissajjane sati pure paṭiggahitopi āhāro bhuñjitukamyatāya uppannāya paṭiggahaṇamattaṃ vissajjetvā puna paṭiggahetvā yathāsukhaṃ bhuñjitabbo siyāti, tathā ca sannidhikārakasikkhāpade vuttā sabbāpi vinicchayabhedā niratthakā eva siyuṃ. Vuttañhi tattha –
‘‘г̇ан̣тигабад̇д̇асса ваа г̇ан̣тиганд̇арз снзхо бавидто ход̇и…бз… д̇аад̣̇исз бад̇д̇зби бунад̣̇ивасз бхун̃ж̇анд̇асса баажид̇д̇ияа’’нд̇иаад̣̇и (баажи. адта. 253).
‘‘Gaṇṭhikapattassa vā gaṇṭhikantare sneho paviṭṭho hoti…pe… tādise pattepi punadivase bhuñjantassa pācittiya’’ntiādi (pāci. aṭṭha. 253).
д̇ад̇т̇а бана ‘‘бадиг̇г̇ахан̣ам̣ анабзгкажид̇д̇зна виссаж̇ж̇зд̇ваа бхун̃ж̇ид̇аб̣б̣а’’нд̇и зд̇д̇агамзва вад̇д̇аб̣б̣ам̣, на жа вуд̇д̇ам̣. гад̇т̇ажи ийд̣̇исзсу жа г̇ан̣тигабад̇д̇аад̣̇ийсу бадиг̇г̇ахан̣з абзгкаа гассажиби над̇т̇зва д̇аббахаанааяа вааяаамад̇о, д̇ат̇ааби д̇ад̇т̇аг̇ад̇ааамисз бадиг̇г̇ахан̣ам̣ на виг̇ажчад̇и. гасмаа? бхигкусса бад̇д̇з буна бхун̃ж̇ид̇угаамад̇аабзгкааяа виж̇ж̇амаанад̇д̇аа бад̇д̇аг̇ад̇игз аахаарзби д̇ассаа вад̇д̇анад̇о. на хи бад̇д̇ам̣ ависсаж̇ж̇зд̇ваа д̇аг̇г̇ад̇игам̣ аахаарам̣ виссаж̇ж̇зд̇ум̣ саггаа, нааби аахаарам̣ ависсаж̇ж̇зд̇ваа д̇аг̇г̇ад̇игам̣ бадиг̇г̇ахан̣ам̣ виссаж̇ж̇зд̇ум̣. д̇асмаа вад̇т̇уно виссаж̇ж̇анамзва анабзгкависсаж̇ж̇анам̣, на бадиг̇г̇ахан̣ассаад̇и нидтамзд̇т̇а г̇анд̇аб̣б̣ам̣. д̇знзва саннид̇хисигкаабад̣̇асса анаабад̇д̇иваарз –
Tattha pana ‘‘paṭiggahaṇaṃ anapekkhacittena vissajjetvā bhuñjitabba’’nti ettakameva vattabbaṃ, na ca vuttaṃ. Katthaci īdisesu ca gaṇṭhikapattādīsu paṭiggahaṇe apekkhā kassacipi nattheva tappahānāya vāyāmato, tathāpi tatthagataāmise paṭiggahaṇaṃ na vigacchati. Kasmā? Bhikkhussa patte puna bhuñjitukāmatāpekkhāya vijjamānattā pattagatike āhārepi tassā vattanato. Na hi pattaṃ avissajjetvā taggatikaṃ āhāraṃ vissajjetuṃ sakkā, nāpi āhāraṃ avissajjetvā taggatikaṃ paṭiggahaṇaṃ vissajjetuṃ. Tasmā vatthuno vissajjanameva anapekkhavissajjanaṃ, na paṭiggahaṇassāti niṭṭhamettha gantabbaṃ. Teneva sannidhisikkhāpadassa anāpattivāre –
‘‘анд̇осад̇д̇аахам̣ ад̇хидтзд̇и, виссаж̇ж̇зд̇и, нассад̇и, винассад̇и, д̣аяхад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, анубасамбаннасса жад̇д̇зна ванд̇зна муд̇д̇зна анабзгко д̣̇ад̇ваа бадилабхид̇ваа барибхун̃ж̇ад̇ий’’д̇и –
‘‘Antosattāhaṃ adhiṭṭheti, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, anupasampannassa cattena vantena muttena anapekkho datvā paṭilabhitvā paribhuñjatī’’ti –
звам̣ саб̣б̣ад̇т̇а вад̇т̇увиссаж̇ж̇анамзва вуд̇д̇ам̣. зд̇т̇а жа ‘‘анд̇осад̇д̇аахам̣ ад̇хидтзд̇ий’’д̇и б̣аахирабарибхог̇ааяа ад̇хидтаанаважанад̇о вад̇т̇ум̣ ависсаж̇ж̇зд̇вааби гзвалам̣ анаж̇жхохарид̇угаамад̇ааяа суд̣̇д̇хажид̇д̇зна б̣аахирабарибхог̇ад̇т̇ааяа нияаманамби висум̣ згам̣ бадиг̇г̇ахан̣авиж̇аханагааран̣амзва, ид̣̇ан̃жа санд̇хааяа бадиг̇г̇ахан̣амад̇д̇ависсаж̇ж̇анам̣ вуд̇д̇ам̣ сияаа, сувуд̇д̇амзва сияаа, д̇ат̇аа жа ‘‘буна бадиг̇г̇ахзд̇ваа барибхун̃ж̇иссаамий’’д̇и бадиг̇г̇ахан̣ависсаж̇ж̇анам̣ на вад̇д̇аб̣б̣ам̣ сияаа б̣аахирабарибхог̇аад̇хидтаанасса ид̇хаад̇хиббзд̇ад̇д̇аа.
Evaṃ sabbattha vatthuvissajjanameva vuttaṃ. Ettha ca ‘‘antosattāhaṃ adhiṭṭhetī’’ti bāhiraparibhogāya adhiṭṭhānavacanato vatthuṃ avissajjetvāpi kevalaṃ anajjhoharitukāmatāya suddhacittena bāhiraparibhogatthāya niyamanampi visuṃ ekaṃ paṭiggahaṇavijahanakāraṇameva, idañca sandhāya paṭiggahaṇamattavissajjanaṃ vuttaṃ siyā, suvuttameva siyā, tathā ca ‘‘puna paṭiggahetvā paribhuñjissāmī’’ti paṭiggahaṇavissajjanaṃ na vattabbaṃ siyā bāhiraparibhogādhiṭṭhānassa idhādhippetattā.
саарад̇т̇ад̣̇ийбанияан̃хи (саарад̇т̇а. д̣̇ий. баарааж̇игаган̣д̣а 2.69) ‘‘анабзгкависсаж̇ж̇анзнаад̇и зд̇т̇а ан̃н̃асса ад̣̇ад̇ваава анад̇т̇игад̇ааяа ‘над̇т̇и иминаа гаммам̣ на д̣̇аани нам̣ барибхун̃ж̇иссаамий’д̇и вад̇т̇уусу ваа, ‘буна бадиг̇г̇ахзд̇ваа бадибхун̃ж̇иссаамий’д̇и бадиг̇г̇ахан̣з ваа анабзгкависсаж̇ж̇анзнаа’’д̇и звам̣ барибхун̃ж̇ид̇угаамассзва бадиг̇г̇ахан̣амад̇д̇ависсаж̇ж̇анамби бадиг̇г̇ахан̣авиж̇аханагааран̣ам̣ вуд̇д̇ам̣, д̇ам̣ на г̇ахзд̇аб̣б̣ам̣. буримамзва бана б̣аахирабарибхог̇аад̇хидтаанам̣ г̇ахзд̇аб̣б̣ам̣. ид̣̇ам̣ бана адтагат̇аасу ‘‘анабзгкависсаж̇ж̇анасан̇каад̇з виссаж̇ж̇зд̇ий’’д̇и вуд̇д̇абаал̣ибад̣̇ад̇т̇з сан̇г̇ахзд̇ваа висум̣ на вуд̇д̇ам̣. нассад̇и, винассад̇и, д̣аяхад̇и, виссаасам̣ ваа г̇ан̣ханд̇ийд̇и имаани бана бад̣̇аани ажчинд̣̇ид̇ваа г̇ан̣ханд̇ийд̇и имасмим̣ бад̣̇з сан̇г̇ахид̇аанийд̇и взд̣̇ид̇аб̣б̣ам̣.
Sāratthadīpaniyañhi (sārattha. dī. pārājikakaṇḍa 2.69) ‘‘anapekkhavissajjanenāti ettha aññassa adatvāva anatthikatāya ‘natthi iminā kammaṃ na dāni naṃ paribhuñjissāmī’ti vatthūsu vā, ‘puna paṭiggahetvā paṭibhuñjissāmī’ti paṭiggahaṇe vā anapekkhavissajjanenā’’ti evaṃ paribhuñjitukāmasseva paṭiggahaṇamattavissajjanampi paṭiggahaṇavijahanakāraṇaṃ vuttaṃ, taṃ na gahetabbaṃ. Purimameva pana bāhiraparibhogādhiṭṭhānaṃ gahetabbaṃ. Idaṃ pana aṭṭhakathāsu ‘‘anapekkhavissajjanasaṅkhāte vissajjetī’’ti vuttapāḷipadatthe saṅgahetvā visuṃ na vuttaṃ. Nassati, vinassati, ḍayhati, vissāsaṃ vā gaṇhantīti imāni pana padāni acchinditvā gaṇhantīti imasmiṃ pade saṅgahitānīti veditabbaṃ.
ажчинд̣̇ид̇ваа г̇ахан̣знаад̇и анубасамбаннаанам̣ б̣алаггаараад̣̇инаа ажчинд̣̇ид̇ваа г̇ахан̣зна. убасамбаннаанан̃хи ажчинд̣̇анависсаасаг̇г̇аахзсу бадиг̇г̇ахан̣ам̣ на виж̇ахад̇и. зд̇т̇аад̇и бхигкувихаарз. убаробагаад̇и д̇зна робид̇аа ругкаг̇ажчаа. д̇зрасасу саммуд̇ийсууд̇и бхад̇д̇уд̣̇д̣̇зсагасзнаасанабан̃н̃аабагабхан̣д̣ааг̇ааригажийварабадиг̇г̇аахагажийварабхааж̇агаяааг̇убхааж̇агапалабхааж̇агакаж̇ж̇абхааж̇агааббамад̇д̇агависсаж̇ж̇агасаад̣̇ияаг̇аахаабагабад̇д̇аг̇аахаабагааараамигабзсагасааман̣зрабзсагасаммуд̇исан̇каад̇аасу д̇зрасасу саммуд̇ийсу.
Acchinditvā gahaṇenāti anupasampannānaṃ balakkārādinā acchinditvā gahaṇena. Upasampannānañhi acchindanavissāsaggāhesu paṭiggahaṇaṃ na vijahati. Etthāti bhikkhuvihāre. Uparopakāti tena ropitā rukkhagacchā. Terasasusammutīsūti bhattuddesakasenāsanapaññāpakabhaṇḍāgārikacīvarapaṭiggāhakacīvarabhājakayāgubhājakaphalabhājakakhajjabhājakaappamattakavissajjakasādiyagāhāpakapattagāhāpakaārāmikapesakasāmaṇerapesakasammutisaṅkhātāsu terasasu sammutīsu.
бажчимигааяа сзнаасанаг̇г̇аахз бадиббассад̣̇д̇хзби аббадиббассад̣̇д̇хзби гат̇инад̇т̇аарасса, д̇аммуулагаанам̣ бан̃жаанисам̣саанан̃жа абхаавасса самаанад̇д̇аа д̇ад̇т̇а виж̇ж̇амаанамби сзнаасанаг̇г̇аахабадиббассад̣̇д̇хим̣ ад̣̇ассзд̇ваа д̇ад̇т̇а бхигкуухи гад̇д̇аб̣б̣ам̣ сан̇г̇ахамзва д̣̇ассзд̇ум̣ сажз бажчимигааяаад̇иаад̣̇и вуд̇д̇ам̣. сажз агусалавибаагз …бз… чаарад̇д̇ам̣ маанад̇д̇амзва д̣̇аад̇аб̣б̣анд̇и ид̣̇ам̣ бадижчаннааяа саад̇хааран̣аабад̇д̇ияаа баривасанд̇асса асамаад̣̇иннабариваасасса ваа лин̇г̇з баривад̇д̇з багкамаанад̇д̇ам̣ жаранд̇асса васзна вуд̇д̇ам̣. сажз банасса багкамаанад̇д̇з асамаад̣̇иннз зва буна лин̇г̇ам̣ баривад̇д̇ад̇и, бариваасам̣ д̣̇ад̇ваа баривуд̇т̇абариваасассзва чаарад̇д̇ам̣ маанад̇д̇ам̣ д̣̇аад̇аб̣б̣ам̣. бариваасад̣̇аанам̣ над̇т̇и бхигкугаалз аббадижчаннабхаавад̇о. сажз бана бхигкугаалзби сан̃жижжа наарожзд̇и, аабад̇д̇и бадижчаннаава ход̇и, аабад̇д̇ибадижчаннабхаавад̇о бариваасо жа д̣̇аад̇аб̣б̣од̇и вад̣̇анд̇и. баарааж̇игам̣ аабаннаанам̣ ид̇т̇ибурисаанам̣ лин̇г̇з баривад̇д̇зби баарааж̇игад̇д̇асса згасмим̣ ад̇д̇абхаавз авиж̇аханад̇о буна убасамбад̣̇аа на д̣̇аад̇аб̣б̣аад̇и г̇ахзд̇аб̣б̣ам̣. д̇знзва д̇зсам̣ сийсажчиннабурисаад̣̇аяо нид̣̇ассид̇аа.
Pacchimikāya senāsanaggāhe paṭippassaddhepi appaṭippassaddhepi kathinatthārassa, tammūlakānaṃ pañcānisaṃsānañca abhāvassa samānattā tattha vijjamānampi senāsanaggāhapaṭippassaddhiṃ adassetvā tattha bhikkhūhi kattabbaṃ saṅgahameva dassetuṃ sace pacchimikāyātiādi vuttaṃ. Sace akusalavipāke …pe… chārattaṃ mānattameva dātabbanti idaṃ paṭicchannāya sādhāraṇāpattiyā parivasantassa asamādinnaparivāsassa vā liṅge parivatte pakkhamānattaṃ carantassa vasena vuttaṃ. Sace panassa pakkhamānatte asamādinne eva puna liṅgaṃ parivattati, parivāsaṃ datvā parivutthaparivāsasseva chārattaṃ mānattaṃ dātabbaṃ. Parivāsadānaṃ natthi bhikkhukāle appaṭicchannabhāvato. Sace pana bhikkhukālepi sañcicca nāroceti, āpatti paṭicchannāva hoti, āpattipaṭicchannabhāvato parivāso ca dātabboti vadanti. Pārājikaṃ āpannānaṃ itthipurisānaṃ liṅge parivattepi pārājikattassa ekasmiṃ attabhāve avijahanato puna upasampadā na dātabbāti gahetabbaṃ. Teneva tesaṃ sīsacchinnapurisādayo nidassitā.
71. д̇ат̇зваад̇и мужжад̇у ваа маа ваад̇и имамад̇т̇ам̣ ад̇ид̣̇исад̇и. ан̃н̃зсанд̇и бут̇уж̇ж̇анз санд̇хааяа вуд̇д̇ам̣. д̇зсан̃хи ийд̣̇исз таанз асаад̣̇ияанам̣ д̣̇уггарам̣ сод̇аабаннаад̣̇иарияаанам̣ д̇ад̇т̇а д̣̇уггарад̇д̇аабхааваа. на хи арияаа баарааж̇игаад̣̇илогаваж̇ж̇аабад̇д̇им̣ аабаж̇ж̇анд̇и.
71.Tathevāti muccatu vā mā vāti imamatthaṃ atidisati. Aññesanti puthujjane sandhāya vuttaṃ. Tesañhi īdise ṭhāne asādiyanaṃ dukkaraṃ sotāpannādiariyānaṃ tattha dukkarattābhāvā. Na hi ariyā pārājikādilokavajjāpattiṃ āpajjanti.
73. супусид̇аад̇и убаримааяа д̣̇анд̇абанд̇ияаа хздтимаа д̣̇анд̇абанд̇и аахажжа тид̇аа, авивадаад̇и ад̇т̇о. д̇знааха ‘‘анд̇омукз огаасо над̇т̇ий’’д̇и. уббаадид̇з бана одтамам̣сз д̣̇анд̇з суязва убаггаманд̇асса т̇уллажжаяанд̇и нимид̇д̇зна б̣ахинимид̇д̇з чубанад̇д̇аа вуд̇д̇ам̣. б̣ахинигканд̇ад̣̇анд̇аж̇ивхаасуби зсзва наяо. ниж̇жхаамад̇ан̣хигаа наама ломагуубзхи самудтид̇ааг̇г̇иж̇аалаахи д̣̇ад̣дхасарийрад̇ааяа ад̇ивияа д̇асид̇аруубаа. аад̣̇и-сад̣̇д̣̇зна куббибаасаасураа адтижаммаавасидтаа бхаяаанагасарийраа бзд̇ияо сан̇г̇ахид̇аа. висан̃н̃ам̣ гад̇ваад̇и яат̇аа со гад̇амби убаггамам̣ на ж̇аанаад̇и, звам̣ гад̇ваа. д̇зна жа висан̃н̃ий ахуд̇ваа саад̣̇ияанд̇асса баарааж̇игамзваад̇и д̣̇ассзд̇и. убахад̇агааяаббасаад̣̇од̇и ваад̇абид̇д̇аад̣̇ид̣̇осзхи гааяавин̃н̃аан̣аануббаад̣̇агабхаавзна д̣̇уусид̇агааяаббасаад̣̇о, на бана винадтагааяаббасаад̣̇о. сийсз бад̇д̇зд̇и маг̇г̇зна маг̇г̇аббадибаад̣̇анз ж̇аад̇з. аббавзсзд̇угаамад̇ааяа зва нимид̇д̇зна нимид̇д̇ачубанз т̇уллажжаяам̣ вуд̇д̇ам̣, сзвзд̇угаамасса бана д̇ад̇т̇ааби д̣̇уггадамзваад̇и ааха ‘‘д̣̇угкадамзва сааманд̇а’’нд̇и.
73.Suphusitāti uparimāya dantapantiyā heṭṭhimā dantapanti āhacca ṭhitā, avivaṭāti attho. Tenāha ‘‘antomukhe okāso natthī’’ti. Uppāṭite pana oṭṭhamaṃse dante suyeva upakkamantassa thullaccayanti nimittena bahinimitte chupanattā vuttaṃ. Bahinikkhantadantajivhāsupi eseva nayo. Nijjhāmataṇhikā nāma lomakūpehi samuṭṭhitaaggijālāhi daḍḍhasarīratāya ativiya tasitarūpā. Ādi-saddena khuppipāsāsurā aṭṭhicammāvasiṭṭhā bhayānakasarīrā petiyo saṅgahitā. Visaññaṃ katvāti yathā so katampi upakkamaṃ na jānāti, evaṃ katvā. Tena ca visaññī ahutvā sādiyantassa pārājikamevāti dasseti. Upahatakāyappasādoti vātapittādidosehi kāyaviññāṇānuppādakabhāvena dūsitakāyappasādo, na pana vinaṭṭhakāyappasādo. Sīse patteti maggena maggappaṭipādane jāte. Appavesetukāmatāya eva nimittena nimittachupane thullaccayaṃ vuttaṃ, sevetukāmassa pana tatthāpi dukkaṭamevāti āha ‘‘dukkhaṭameva sāmanta’’nti.
74. ж̇аад̇и-сад̣̇д̣̇зна суманабубпабарияааязна д̇анниссаяо г̇умб̣о ад̇хиббзд̇од̇и ааха ‘‘ж̇аад̇ибубпаг̇умб̣аана’’нд̇и. д̇зна жа ж̇аад̇ияаа убалагкид̇ам̣ ванам̣ ж̇аад̇ияаавананд̇и алуд̇д̇асамаасод̇и д̣̇ассзд̇и. згарасанд̇и вийт̇ижид̇д̇зхи асаммиссам̣.
74. Jāti-saddena sumanapupphapariyāyena tannissayo gumbo adhippetoti āha ‘‘jātipupphagumbāna’’nti. Tena ca jātiyā upalakkhitaṃ vanaṃ jātiyāvananti aluttasamāsoti dasseti. Ekarasanti vīthicittehi asammissaṃ.
77. уббаннз вад̇т̇умхийд̇и ид̇т̇ийхи гад̇ааж̇жхаажааравад̇т̇усмим̣. ругкасуужиган̣дагад̣̇вааранд̇и ругкасуужид̣̇ваарам̣ ган̣дагад̣̇ваарам̣, звамзва ваа баато. д̇ад̇т̇а яам̣ убхосу бассзсу ругкат̇амбхз никанид̇ваа д̇ад̇т̇а маж̇жхз виж̇жхид̇ваа д̣̇вз д̇иссо ругкасуужияо бавзсзд̇ваа гаронд̇и, д̇ам̣ ругкасуужид̣̇ваарам̣ наама. бавзсананигкаманагаалз бана абанзд̇ваа т̇аганагаяог̇г̇зна ган̣дагасаакаабадалзна яуд̇д̇ам̣ д̣̇ваарам̣ ган̣дагад̣̇ваарам̣ наама. г̇аамад̣̇ваарасса бид̇хаанад̇т̇ам̣ бад̣̇арзна ган̣дагасаакаад̣̇ийхи ваа гад̇асса гаваадасса уд̣̇угкалабаасарахид̇ад̇ааяа згзна сам̣варид̇ум̣ виварид̇ун̃жа асаггун̣зяяасса хздтаа згам̣ жаггам̣ яож̇знд̇и, язна баривад̇д̇амаанзна д̇ам̣ гаваадам̣ сукат̇аганам̣ ход̇и, д̇ам̣ санд̇хааяа вуд̇д̇ам̣ ‘‘жаггалагаяуд̇д̇ад̣̇ваара’’нд̇и. жаггамзва хи лаад̇аб̣б̣адтзна сам̣варан̣авиваран̣ад̇т̇ааяа г̇ахзд̇аб̣б̣адтзна жаггалагам̣, д̇зна яуд̇д̇амби гаваадам̣ жаггалагам̣ наама, д̇зна яуд̇д̇ам̣ д̣̇ваарам̣ жаггалагаяуд̇д̇ад̣̇ваарам̣. махаад̣̇ваарзсу бана д̣̇вз д̇ийн̣иби жаггалагаани яож̇знд̇ийд̇и ааха палагзсууд̇иаад̣̇и. гидигаасууд̇и взл̣убзсигаахи ган̣дагасаакаад̣̇ийхи жа гад̇ат̇аганагзсу. сам̣саран̣агидигад̣̇вааранд̇и жаггалагаяанд̇зна сам̣саран̣агидигааяуд̇д̇амахаад̣̇ваарам̣. г̇обпзд̇ваад̇и аавун̣ид̇ваа, раж̇ж̇уухи г̇ант̇зд̇ваа ваа. згам̣ д̣̇уссасаан̣ид̣̇ваарамзваад̇и зд̇т̇а гилан̃ж̇асаан̣ид̣̇ваарамби сан̇г̇ахам̣ г̇ажчад̇и д̇аг̇г̇ад̇игад̇д̇аа. ат̇а бхигкуу…бз… нисиннаа хонд̇ийд̇и ид̣̇ам̣ бхигкуунам̣ саннихид̇абхаавад̣̇ассанад̇т̇ам̣ вуд̇д̇ам̣. нибаннзби аабхог̇ам̣ гаад̇ум̣ ваддад̇и, нибаж̇ж̇ид̇ваа нид̣̇д̣̇ааяанд̇з бана аабхог̇ам̣ гаад̇ум̣ на ваддад̇и асанд̇абагкз тид̇ад̇д̇аа. рахо нисаж̇ж̇ааяа вияа д̣̇ваарасам̣варан̣ам̣ наама маад̇уг̇аамаанам̣ бавзсананивааран̣ад̇т̇ам̣ анун̃н̃аад̇анд̇и ааха бхигкуним̣ ваад̇иаад̣̇и. ниссзн̣им̣ ааробзд̇ваад̇и ид̣̇ам̣ хздтимад̇аласса сад̣̇ваараб̣анд̇хад̇ааяа вуд̇д̇ам̣. жад̇уусу д̣̇исаасу баригкид̇д̇асса гуддасса згааб̣ад̣̇д̇хад̇ааяа ‘‘згагуддагз’’д̇и вуд̇д̇ам̣. бажчимаанам̣ бхаарод̇и баал̣ияаа ааг̇ажчанд̇з санд̇хааяа вуд̇д̇ам̣. язна гзнажи баригкид̇д̇зд̇и зд̇т̇а баригкзбасса уб̣б̣зд̇хад̇о бамаан̣ам̣ сахасзяяаббахонагз вуд̇д̇асад̣̇исамзва.
77.Uppanne vatthumhīti itthīhi kataajjhācāravatthusmiṃ. Rukkhasūcikaṇṭakadvāranti rukkhasūcidvāraṃ kaṇṭakadvāraṃ, evameva vā pāṭho. Tattha yaṃ ubhosu passesu rukkhathambhe nikhanitvā tattha majjhe vijjhitvā dve tisso rukkhasūciyo pavesetvā karonti, taṃ rukkhasūcidvāraṃ nāma. Pavesananikkhamanakāle pana apanetvā thakanakayoggena kaṇṭakasākhāpaṭalena yuttaṃ dvāraṃ kaṇṭakadvāraṃ nāma. Gāmadvārassa pidhānatthaṃ padarena kaṇṭakasākhādīhi vā katassa kavāṭassa udukkhalapāsarahitatāya ekena saṃvarituṃ vivarituñca asakkuṇeyyassa heṭṭhā ekaṃ cakkaṃ yojenti, yena parivattamānena taṃ kavāṭaṃ sukhathakanaṃ hoti, taṃ sandhāya vuttaṃ ‘‘cakkalakayuttadvāra’’nti. Cakkameva hi lātabbaṭṭhena saṃvaraṇavivaraṇatthāya gahetabbaṭṭhena cakkalakaṃ, tena yuttampi kavāṭaṃ cakkalakaṃ nāma, tena yuttaṃ dvāraṃ cakkalakayuttadvāraṃ. Mahādvāresu pana dve tīṇipi cakkalakāni yojentīti āha phalakesūtiādi. Kiṭikāsūti veḷupesikāhi kaṇṭakasākhādīhi ca katathakanakesu. Saṃsaraṇakiṭikadvāranti cakkalakayantena saṃsaraṇakiṭikāyuttamahādvāraṃ. Gopphetvāti āvuṇitvā, rajjūhi ganthetvā vā. Ekaṃ dussasāṇidvāramevāti ettha kilañjasāṇidvārampi saṅgahaṃ gacchati taggatikattā. Atha bhikkhū…pe… nisinnā hontīti idaṃ bhikkhūnaṃ sannihitabhāvadassanatthaṃ vuttaṃ. Nipannepi ābhogaṃ kātuṃ vaṭṭati, nipajjitvā niddāyante pana ābhogaṃ kātuṃ na vaṭṭati asantapakkhe ṭhitattā. Raho nisajjāya viya dvārasaṃvaraṇaṃ nāma mātugāmānaṃ pavesananivāraṇatthaṃ anuññātanti āha bhikkhuniṃ vātiādi. Nisseṇiṃ āropetvāti idaṃ heṭṭhimatalassa sadvārabandhatāya vuttaṃ. Catūsu disāsu parikkhittassa kuṭṭassa ekābaddhatāya ‘‘ekakuṭṭake’’ti vuttaṃ. Pacchimānaṃ bhāroti pāḷiyā āgacchante sandhāya vuttaṃ. Yena kenaci parikkhitteti ettha parikkhepassa ubbedhato pamāṇaṃ sahaseyyappahonake vuttasadisameva.
махаабаривзн̣анд̇и маханд̇ам̣ ан̇г̇ан̣ам̣, д̇зна жа б̣ахуж̇анасан̃жаарам̣ д̣̇ассзд̇и, д̇знааха махааб̣од̇хийд̇иаад̣̇и. арун̣з уг̇г̇ад̇з вудтахад̇и, анаабад̇д̇и анаабад̇д̇икзд̇д̇абхууд̇ааяа рад̇д̇ияаа суд̣̇д̇хажид̇д̇зна нибаннад̇д̇аа. баб̣уж̇жхид̇ваа буна субад̇и аабад̇д̇ийд̇и арун̣з уг̇г̇ад̇з баб̣уж̇жхид̇ваа арун̣уг̇г̇аманам̣ н̃ад̇ваа ваа ан̃ад̇ваа ваа анудтахид̇ваа саяид̇асанд̇аанзна субад̇и удтахид̇ваа гад̇д̇аб̣б̣асса д̣̇ваарасам̣варан̣аад̣̇ино агад̇ад̇д̇аа агирияасамудтаанаа аабад̇д̇и ход̇и анаабад̇д̇икзд̇д̇з гад̇анибаж̇ж̇анагирияааяа анан̇г̇ад̇д̇аа. аяан̃хи аабад̇д̇и ийд̣̇исз таанз агирияаа, д̣̇иваа асам̣варид̇ваа нибаж̇ж̇анагкан̣з гирияаа жа ажид̇д̇агаа жаад̇и взд̣̇ид̇аб̣б̣аа. бураарун̣аа баб̣уж̇жхид̇вааби яаава арун̣уг̇г̇аманаа саяанд̇ассааби буриманаязна аабад̇д̇иязва. арун̣з уг̇г̇ад̇з вудтахиссаамийд̇и…бз… аабад̇д̇иязваад̇и зд̇т̇а гад̣̇аа д̇асса аабад̇д̇ийд̇и? вужжад̇з – на д̇аава рад̇д̇ияам̣ ‘‘д̣̇иваа аабаж̇ж̇ад̇и но рад̇д̇и’’нд̇и (бари. 323) вуд̇д̇ад̇д̇аа. ‘‘анаад̣̇арияад̣̇уггадаа на мужжад̇ий’’д̇и вуд̇д̇ад̣̇уггадам̣ бана д̣̇иваасаяанад̣̇уггадамзва на ход̇и анаад̣̇арияад̣̇уггадад̇д̇аа. звам̣ арун̣уг̇г̇аманз бана ажид̇д̇агам̣ агирияасамудтаанам̣ аабад̇д̇им̣ аабаж̇ж̇ад̇ийд̇и взд̣̇ид̇аб̣б̣ам̣. со сажз д̣̇ваарам̣ сам̣варид̇ваа ‘‘арун̣з уг̇г̇ад̇з вудтахиссаамий’’д̇и нибаж̇ж̇ад̇и, д̣̇ваарз жа ан̃н̃зхи арун̣уг̇г̇аманагаалз вивадзби д̇асса анаабад̇д̇иязва д̣̇ваарабид̣̇аханасса рад̇д̇ид̣̇иваабхааг̇зсу висзсаабхааваа. аабад̇д̇иаабаж̇ж̇анассзва гаалависзсо ижчид̇аб̣б̣о, на д̇аббарихаарассаад̇и г̇ахзд̇аб̣б̣ам̣, ‘‘д̣̇ваарам̣ асам̣варид̇ваа рад̇д̇им̣ нибаж̇ж̇ад̇ий’’д̇и (баараа. адта. 1.77) хи вуд̇д̇ам̣. д̣̇иваа сам̣варид̇ваа нибаннасса гзнажи вивадзби д̣̇ваарз анаабад̇д̇иязва. ад̇д̇анааби анудтахид̇ваава сад̇и бажжаяз вивадзби анаабад̇д̇ийд̇и вад̣̇анд̇и. яат̇аабарижчзд̣̇амзва жа на вудтаад̇ийд̇и арун̣з уг̇г̇ад̇зязва удтаад̇и. аабад̇д̇иязваад̇и муулаабад̇д̇им̣язва санд̇хааяа вуд̇д̇ам̣, анаад̣̇арияааабад̇д̇и бана бураарун̣аа удтид̇ассааби д̇асса ход̇зва ‘‘д̣̇уггадаа на мужжад̇ий’’д̇и вуд̇д̇ад̇д̇аа, д̣̇уггадаа на мужжад̇ийд̇и жа бураарун̣аа удтахид̇ваа муулаабад̇д̇ияаа муд̇д̇оби анаад̣̇арияад̣̇уггадаа на мужжад̇ийд̇и ад̇хиббааяо.
Mahāpariveṇanti mahantaṃ aṅgaṇaṃ, tena ca bahujanasañcāraṃ dasseti, tenāha mahābodhītiādi. Aruṇe uggate vuṭṭhahati, anāpatti anāpattikhettabhūtāya rattiyā suddhacittena nipannattā. Pabujjhitvā puna supati āpattīti aruṇe uggate pabujjhitvā aruṇuggamanaṃ ñatvā vā añatvā vā anuṭṭhahitvā sayitasantānena supati uṭṭhahitvā kattabbassa dvārasaṃvaraṇādino akatattā akiriyasamuṭṭhānā āpatti hoti anāpattikhette katanipajjanakiriyāya anaṅgattā. Ayañhi āpatti īdise ṭhāne akiriyā, divā asaṃvaritvā nipajjanakkhaṇe kiriyā ca acittakā cāti veditabbā. Purāruṇā pabujjhitvāpi yāva aruṇuggamanā sayantassāpi purimanayena āpattiyeva. Aruṇe uggate vuṭṭhahissāmīti…pe… āpattiyevāti ettha kadā tassa āpattīti? Vuccate – na tāva rattiyaṃ ‘‘divā āpajjati no ratti’’nti (pari. 323) vuttattā. ‘‘Anādariyadukkaṭā na muccatī’’ti vuttadukkaṭaṃ pana divāsayanadukkaṭameva na hoti anādariyadukkaṭattā. Evaṃ aruṇuggamane pana acittakaṃ akiriyasamuṭṭhānaṃ āpattiṃ āpajjatīti veditabbaṃ. So sace dvāraṃ saṃvaritvā ‘‘aruṇe uggate vuṭṭhahissāmī’’ti nipajjati, dvāre ca aññehi aruṇuggamanakāle vivaṭepi tassa anāpattiyeva dvārapidahanassa rattidivābhāgesu visesābhāvā. Āpattiāpajjanasseva kālaviseso icchitabbo, na tapparihārassāti gahetabbaṃ, ‘‘dvāraṃ asaṃvaritvā rattiṃ nipajjatī’’ti (pārā. aṭṭha. 1.77) hi vuttaṃ. Divā saṃvaritvā nipannassa kenaci vivaṭepi dvāre anāpattiyeva. Attanāpi anuṭṭhahitvāva sati paccaye vivaṭepi anāpattīti vadanti. Yathāparicchedameva ca na vuṭṭhātīti aruṇe uggateyeva uṭṭhāti. Āpattiyevāti mūlāpattiṃyeva sandhāya vuttaṃ, anādariyaāpatti pana purāruṇā uṭṭhitassāpi tassa hoteva ‘‘dukkaṭā na muccatī’’ti vuttattā, dukkaṭā na muccatīti ca purāruṇā uṭṭhahitvā mūlāpattiyā muttopi anādariyadukkaṭā na muccatīti adhippāyo.
нид̣̇д̣̇аавасзна нибаж̇ж̇ад̇ийд̇и вохааравасзна вуд̇д̇ам̣, баад̣̇аанам̣ бана бхуумид̇о аможид̇ад̇д̇аа аяам̣ нибанно наама на ход̇и, д̇знзва анаабад̇д̇и вуд̇д̇аа. абассааяа субанд̇ассаад̇и гадидтид̇о уд̣̇д̇хам̣ бидтиган̣дагз аббамад̇д̇агамби бад̣̇зсам̣ бхуумим̣ апусаабзд̇ваа т̇амбхаад̣̇им̣ абассааяа субанд̇асса. гадидтим̣ бана бхуумим̣ пусаабзнд̇асса саяанам̣ наама ход̇и. бидтибасааран̣алагкан̣аа хи сзяяаа. д̣̇ийгхаванд̣̇анаад̣̇ийсуби д̇ирияам̣ бидтиган̣дагаанам̣ басаарид̇ад̇д̇аа нибаж̇ж̇анамзваад̇и аабад̇д̇и барихарид̇аб̣б̣аава ‘‘ванд̣̇аамийд̇и баад̣̇амуулз нибаж̇ж̇ий’’д̇иаад̣̇ийсу нибаж̇ж̇анассзва вуд̇д̇ад̇д̇аа. д̇ассааби анаабад̇д̇и бад̇анагкан̣з ависаяад̇д̇аа, висаяз ж̇аад̇з сахасаа вудтид̇ад̇д̇аа жа. яасса бана висан̃н̃ид̇ааяа бажчааби ависаяо, зд̇асса анаабад̇д̇иязва бад̇ид̇агкан̣з вияа. д̇ад̇т̇зва саяад̇и на вудтаад̇ийд̇и иминаа висаязби агаран̣ам̣ д̣̇ассзд̇и, д̇знзва ‘‘д̇асса аабад̇д̇ий’’д̇и вуд̇д̇ам̣.
Niddāvasena nipajjatīti vohāravasena vuttaṃ, pādānaṃ pana bhūmito amocitattā ayaṃ nipanno nāma na hoti, teneva anāpatti vuttā. Apassāya supantassāti kaṭiṭṭhito uddhaṃ piṭṭhikaṇṭake appamattakampi padesaṃ bhūmiṃ aphusāpetvā thambhādiṃ apassāya supantassa. Kaṭiṭṭhiṃ pana bhūmiṃ phusāpentassa sayanaṃ nāma hoti. Piṭṭhipasāraṇalakkhaṇā hi seyyā. Dīghavandanādīsupi tiriyaṃ piṭṭhikaṇṭakānaṃ pasāritattā nipajjanamevāti āpatti pariharitabbāva ‘‘vandāmīti pādamūle nipajjī’’tiādīsu nipajjanasseva vuttattā. Tassāpi anāpatti patanakkhaṇe avisayattā, visaye jāte sahasā vuṭṭhitattā ca. Yassa pana visaññitāya pacchāpi avisayo, etassa anāpattiyeva patitakkhaṇe viya. Tattheva sayati na vuṭṭhātīti iminā visayepi akaraṇaṃ dasseti, teneva ‘‘tassa āpattī’’ti vuttaṃ.
згабхан̇г̇знаад̇и убхо баад̣̇з бхуумид̇о аможзд̇ваава згабассзна сарийрам̣ бхан̃ж̇ид̇ваа нибанно. махааадтагат̇ааяам̣ бана махаабад̣̇умад̇т̇зрзна вуд̇д̇анд̇и самб̣анд̇хо, д̇зна ‘‘махааадтагат̇ааяа ликид̇амахаабад̣̇умад̇т̇зраваад̣̇о аяа’’нд̇и д̣̇ассзд̇и. д̇ад̇т̇а субанд̇ассааби ависаяад̇д̇амад̇т̇ийд̇и махаабад̣̇умад̇т̇зрзна ‘‘ависаяад̇д̇аа бана аабад̇д̇и на д̣̇иссад̇ий’’д̇и вуд̇д̇ам̣. аажарияаа бана субанд̇асса висан̃н̃ад̇д̇аабхаавзна висаяад̇д̇аа анаабад̇д̇им̣ на гат̇аяанд̇и. висан̃н̃ад̇д̇з сад̇и анаабад̇д̇иязва. д̣̇вз бана ж̇анаад̇иаад̣̇иби махааадтагат̇ааяамзва важанам̣, д̇ад̣̇зва бажчаа вуд̇д̇ад̇д̇аа бамаан̣ам̣. яагкаг̇ахид̇аг̇г̇ахан̣знзва жзд̇т̇а висан̃н̃ийбхууд̇оби сан̇г̇ахид̇о. згабхан̇г̇зна нибанно бана анибаннад̇д̇аа аабад̇д̇ид̇о мужжад̇иязваад̇и г̇ахзд̇аб̣б̣ам̣.
Ekabhaṅgenāti ubho pāde bhūmito amocetvāva ekapassena sarīraṃ bhañjitvā nipanno. Mahāaṭṭhakathāyaṃ pana mahāpadumattherena vuttanti sambandho, tena ‘‘mahāaṭṭhakathāya likhitamahāpadumattheravādo aya’’nti dasseti. Tattha supantassāpi avisayattamatthīti mahāpadumattherena ‘‘avisayattā pana āpatti na dissatī’’ti vuttaṃ. Ācariyā pana supantassa visaññattābhāvena visayattā anāpattiṃ na kathayanti. Visaññatte sati anāpattiyeva. Dve pana janātiādipi mahāaṭṭhakathāyameva vacanaṃ, tadeva pacchā vuttattā pamāṇaṃ. Yakkhagahitaggahaṇeneva cettha visaññībhūtopi saṅgahito. Ekabhaṅgena nipanno pana anipannattā āpattito muccatiyevāti gahetabbaṃ.
78. абад̣̇зд̇и аагаасз. бад̣̇анд̇и бад̣̇авал̣ан̃ж̇ам̣, д̇знааха ‘‘аагаасз бад̣̇а’’нд̇и. зд̇ад̣̇аг̇г̇анд̇и зсо аг̇г̇о. яад̣̇ид̣̇анд̇и яо аяам̣. сзсам̣ уд̇д̇аанамзва.
78.Apadeti ākāse. Padanti padavaḷañjaṃ, tenāha ‘‘ākāse pada’’nti. Etadagganti eso aggo. Yadidanti yo ayaṃ. Sesaṃ uttānameva.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
батамабаарааж̇игаван̣н̣анаанаяо нидтид̇о.
Paṭhamapārājikavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / винийд̇авад̇т̇уван̣н̣анаа • Vinītavatthuvaṇṇanā
