| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
135. винийд̇авад̇т̇уусу нируд̇д̇иязва д̇ам̣д̇ам̣ад̇т̇аг̇г̇ахан̣асса убааяад̇ааяа бат̇од̇и нируд̇д̇ибат̇о, д̇знзвааха ‘‘вохаараважанамад̇д̇з’’д̇и. яат̇аагаммам̣ г̇ад̇од̇и д̇ад̇о бзд̇ад̇д̇абхаавад̇о мад̇абхаавам̣ д̣̇ассзд̇и. аб̣бхун̣хзд̇и аасаннамаран̣ад̇ааяа сарийрасса ун̣хасаман̇г̇ид̇ам̣ д̣̇ассзд̇и, д̇знзвааха ‘‘алласарийрз’’д̇и. гун̣абабхаавам̣ убаг̇ад̇амби бхиннамзва аллабхаавад̇о бхиннад̇д̇аа. висабхааг̇асарийрзд̇и ид̇т̇исарийрз. сийсз ваад̇иаад̣̇и ад̇хагкагз уб̣бхаж̇аан̣уман̣д̣алз бад̣̇зсз жид̇д̇авигаараббад̇д̇им̣ санд̇хааяа вуд̇д̇ам̣, яад̇т̇а гад̇т̇ажи анаамасанд̇зна гад̇ам̣ сугад̇амзва. мад̇асарийрамби хи язна гзнажи аагаарзна сан̃жижжа пусанд̇асса анаамаасад̣̇уггадамзваад̇и вад̣̇анд̇и, д̇ам̣ яуд̇д̇амзва. на хи абаарааж̇игавад̇т̇угзби жид̇д̇аад̣̇иид̇т̇ируубз бхаванд̇ам̣ д̣̇уггадам̣ баарааж̇игавад̇т̇убхууд̇з мад̇ид̇т̇исарийрз нивад̇д̇ад̇и.
135. Vinītavatthūsu niruttiyeva taṃtaṃatthaggahaṇassa upāyatāya pathoti niruttipatho, tenevāha ‘‘vohāravacanamatte’’ti. Yathākammaṃ gatoti tato petattabhāvato matabhāvaṃ dasseti. Abbhuṇheti āsannamaraṇatāya sarīrassa uṇhasamaṅgitaṃ dasseti, tenevāha ‘‘allasarīre’’ti. Kuṇapabhāvaṃ upagatampi bhinnameva allabhāvato bhinnattā. Visabhāgasarīreti itthisarīre. Sīse vātiādi adhakkhake ubbhajāṇumaṇḍale padese cittavikārappattiṃ sandhāya vuttaṃ, yattha katthaci anāmasantena kataṃ sukatameva. Matasarīrampi hi yena kenaci ākārena sañcicca phusantassa anāmāsadukkaṭamevāti vadanti, taṃ yuttameva. Na hi apārājikavatthukepi cittādiitthirūpe bhavantaṃ dukkaṭaṃ pārājikavatthubhūte matitthisarīre nivattati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
