| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
180. вохааравасзнаад̇и буб̣б̣абхааг̇авохааравасзна, маран̣аад̇хиббааяасса саннидтаабагажзд̇анаагкан̣з гарун̣ааяа абхаавад̇о гаарун̃н̃зна баасз б̣ад̣̇д̇хасуугараможанам̣ (баараа. 153) вияа на ход̇ийд̇и ад̇хиббааяо. ‘‘яат̇ааяунаа’’д̇и вуд̇д̇амзвад̇т̇ам̣ ‘‘яат̇аанусанд̇хинаа’’д̇и барияааяанд̇арзна вуд̇д̇ам̣. хздтаа гисмин̃жи виж̇ж̇амаанз саадагам̣ валим̣ г̇ан̣хаад̇ийд̇и ааха ‘‘яасмим̣ вали на бан̃н̃ааяад̇ий’’д̇и. бадивзгкан̣ан̃жзд̇ам̣ г̇ихийнам̣ санд̇агз зваад̇и д̣̇адтаб̣б̣ам̣. баал̣ияам̣ мусалз уссид̇зд̇и ан̃н̃аман̃н̃ам̣ убад̇т̇амбхзд̇ваа д̣̇вийсу мусалзсу бхид̇д̇им̣ абассааяа табид̇зсууд̇и ад̇т̇о. уд̣̇угкалабхан̣д̣иганд̇и уд̣̇угкалад̇т̇ааяа аанийд̇ам̣ д̣̇аарубхан̣д̣ам̣. бариб̣анд̇ханд̇и бхож̇анабариб̣анд̇хам̣, бхож̇ананд̇арааяанд̇и вуд̇д̇ам̣ ход̇и.
180.Vohāravasenāti pubbabhāgavohāravasena, maraṇādhippāyassa sanniṭṭhāpakacetanākkhaṇe karuṇāya abhāvato kāruññena pāse baddhasūkaramocanaṃ (pārā. 153) viya na hotīti adhippāyo. ‘‘Yathāyunā’’ti vuttamevatthaṃ ‘‘yathānusandhinā’’ti pariyāyantarena vuttaṃ. Heṭṭhā kismiñci vijjamāne sāṭakaṃ valiṃ gaṇhātīti āha ‘‘yasmiṃ vali na paññāyatī’’ti. Paṭivekkhaṇañcetaṃ gihīnaṃ santake evāti daṭṭhabbaṃ. Pāḷiyaṃ musale ussiteti aññamaññaṃ upatthambhetvā dvīsu musalesu bhittiṃ apassāya ṭhapitesūti attho. Udukkhalabhaṇḍikanti udukkhalatthāya ānītaṃ dārubhaṇḍaṃ. Paribandhanti bhojanaparibandhaṃ, bhojanantarāyanti vuttaṃ hoti.
181. аг̇г̇агаариганд̇и зд̇т̇а гаарига-сад̣̇д̣̇асса бхаававажанад̇д̇аа ‘‘аг̇г̇агирияа’’нд̇и ад̇т̇ам̣ вад̇вааби яасмаа гирияам̣ д̣̇аад̇ум̣ на саггаа, д̇асмаа д̣̇аанасан̇каад̇ааяа аг̇г̇агирияааяа яуд̇д̇абин̣д̣абаад̇амзва ид̇ха убажаараяуд̇д̇ияаа аг̇г̇агирияаад̇и г̇ахзд̇аб̣б̣анд̇и ааха батамам̣ лад̣̇д̇хабин̣д̣абаад̇анд̇иаад̣̇и.
181. Aggakārikanti ettha kārika-saddassa bhāvavacanattā ‘‘aggakiriya’’nti atthaṃ vatvāpi yasmā kiriyaṃ dātuṃ na sakkā, tasmā dānasaṅkhātāya aggakiriyāya yuttapiṇḍapātameva idha upacārayuttiyā aggakiriyāti gahetabbanti āha paṭhamaṃ laddhapiṇḍapātantiādi.
182-3. д̣̇ан̣д̣амуг̇г̇араникаад̣̇анавзмаад̣̇ийнам̣ васзнаад̇и зд̇т̇а д̣̇ан̣д̣о наама д̣̇ийгхад̣̇ан̣д̣о. муг̇г̇аро наама рассо. взмам̣ наама д̇анд̇авааяаанам̣ вад̇т̇авааяанаубагаран̣ам̣, язна вийд̇ам̣ д̇анд̇ам̣ гхаддзнд̇и. вибхад̇д̇иб̣яад̇д̇аязнаад̇и вибхад̇д̇ивибарин̣аамзна. висзсаад̇хиг̇амод̇и самаад̇хи вибассанаа жа. висзсаад̇хиг̇аманд̇и логуд̇д̇арад̇хаммабадилаабхам̣. б̣яаагарид̇ваад̇и аарожзд̇ваа, ид̣̇ан̃жа висзсасса ад̇хиг̇ад̇абхаавад̣̇ассанад̇т̇ам̣ вуд̇д̇ам̣. ад̇хиг̇ад̇ависзсаа хи д̣̇идтаануг̇ад̇иаабаж̇ж̇анад̇т̇ам̣ лаж̇ж̇ийбхигкуунам̣ авассам̣ ад̇хиг̇амам̣ б̣яаагаронд̇и, ад̇хиг̇ад̇ависзсзна бана аб̣яаагарид̇вааби аахаарам̣ убажчинд̣̇ид̇ум̣ на ваддад̇и, ад̇хиг̇аманд̇арааяавинод̣̇анад̇т̇амзва аахааруубажчзд̣̇асса анун̃н̃аад̇ад̇д̇аа д̇ад̣̇ад̇хиг̇амз со на гаад̇аб̣б̣ова. гим̣ банаад̇хиг̇амам̣ аарожзд̇ум̣ ваддад̇ийд̇и ааха сабхааг̇аананд̇иаад̣̇и. бхан̣д̣агам̣ ваа д̇хованд̇аад̇и жийварам̣ ваа д̇хованд̇аа. д̇хованад̣̇ан̣д̣аганд̇и жийварад̇хованад̣̇ан̣д̣ам̣.
182-3.Daṇḍamuggaranikhādanavemādīnaṃ vasenāti ettha daṇḍo nāma dīghadaṇḍo. Muggaro nāma rasso. Vemaṃ nāma tantavāyānaṃ vatthavāyanaupakaraṇaṃ, yena vītaṃ tantaṃ ghaṭṭenti. Vibhattibyattayenāti vibhattivipariṇāmena. Visesādhigamoti samādhi vipassanā ca. Visesādhigamanti lokuttaradhammapaṭilābhaṃ. Byākaritvāti ārocetvā, idañca visesassa adhigatabhāvadassanatthaṃ vuttaṃ. Adhigatavisesā hi diṭṭhānugatiāpajjanatthaṃ lajjībhikkhūnaṃ avassaṃ adhigamaṃ byākaronti, adhigatavisesena pana abyākaritvāpi āhāraṃ upacchindituṃ na vaṭṭati, adhigamantarāyavinodanatthameva āhārūpacchedassa anuññātattā tadadhigame so na kātabbova. Kiṃ panādhigamaṃ ārocetuṃ vaṭṭatīti āha sabhāgānantiādi. Bhaṇḍakaṃ vā dhovantāti cīvaraṃ vā dhovantā. Dhovanadaṇḍakanti cīvaradhovanadaṇḍaṃ.
185. мад̣̇д̣̇аабзд̇ваа баад̇зд̇и, висан̇гзд̇од̇и яат̇аан̣ад̇д̇ияаа агад̇ад̇д̇аа вуд̇д̇ам̣, яад̣̇и бана аан̣аабаго мад̣̇д̣̇анамби мад̣̇д̣̇аабанамби санд̇хааяа вохааравасзна ‘‘мад̣̇д̣̇ид̇ваа баад̇зхий’’д̇и вад̣̇ад̇и, висан̇гзд̇о над̇т̇ийд̇и взд̣̇ид̇аб̣б̣ам̣. ‘‘маран̣аван̣н̣ам̣ ваа сам̣ван̣н̣зяяаа’’д̇и (баараа. 171) вуд̇д̇ад̇д̇аа ааха ‘‘барияааяо наама над̇т̇ий’’д̇и, барияааязна аабад̇д̇имогко на ход̇ийд̇и ад̇хиббааяо. авиж̇ааяанад̇т̇ааяа г̇аб̣бхаг̇г̇ахан̣ад̇о бурзд̇арамзва бхзсаж̇ж̇ам̣ д̣̇знд̇асса гужчияам̣ уббаж̇ж̇ид̇ваа г̇аб̣бхо винассад̇ийд̇и иминаа ад̇хиббааязна д̣̇иннз д̇ат̇аамаранд̇аанам̣ васзна гаммаб̣ад̣̇д̇хо, гужчияам̣ на уббаж̇ж̇иссад̇ийд̇и иминаа ад̇хиббааязна д̣̇иннз уббаж̇ж̇ид̇ваа марад̇у ваа маа ваа, нзвад̇т̇и гаммаб̣ад̣̇д̇хо.
185.Maddāpetvā pāteti, visaṅketoti yathāṇattiyā akatattā vuttaṃ, yadi pana āṇāpako maddanampi maddāpanampi sandhāya vohāravasena ‘‘madditvā pātehī’’ti vadati, visaṅketo natthīti veditabbaṃ. ‘‘Maraṇavaṇṇaṃ vā saṃvaṇṇeyyā’’ti (pārā. 171) vuttattā āha ‘‘pariyāyo nāma natthī’’ti, pariyāyena āpattimokkho na hotīti adhippāyo. Avijāyanatthāya gabbhaggahaṇato puretarameva bhesajjaṃ dentassa kucchiyaṃ uppajjitvā gabbho vinassatīti iminā adhippāyena dinne tathāmarantānaṃ vasena kammabaddho, kucchiyaṃ na uppajjissatīti iminā adhippāyena dinne uppajjitvā maratu vā mā vā, nevatthi kammabaddho.
сахад̇хаммигаананд̇и згасса сад̇т̇у саасанз сахасигкамаанад̇хаммаанам̣, сахад̇хаммз ваа сигкаабад̣̇з сигканабхаавзна нияуд̇д̇аанам̣. самасийласад̣̇д̇хаананд̇иаад̣̇инаа д̣̇уссийлаанам̣ бхинналад̣̇д̇хигаанан̃жа агаад̇умби лаб̣бхад̇ийд̇и д̣̇ассзд̇и. н̃аад̇агабаваарид̇адтаанад̇од̇и ад̇д̇ано д̇зсам̣ ваа н̃аад̇агабаваарид̇адтаанад̇о. ариязхи агад̇аа аяуд̇д̇авасзна агад̇абуб̣б̣аа вин̃н̃ад̇д̇и агад̇авин̃н̃ад̇д̇и.
Sahadhammikānanti ekassa satthu sāsane sahasikkhamānadhammānaṃ, sahadhamme vā sikkhāpade sikkhanabhāvena niyuttānaṃ. Samasīlasaddhānantiādinā dussīlānaṃ bhinnaladdhikānañca akātumpi labbhatīti dasseti. Ñātakapavāritaṭṭhānatoti attano tesaṃ vā ñātakapavāritaṭṭhānato. Ariyehi akatā ayuttavasena akatapubbā viññatti akataviññatti.
бадияаад̣̇ияад̇ийд̇и самбаад̣̇ияад̇и. агаад̇ум̣ на ваддад̇ийд̇и зд̇т̇а д̣̇уггадам̣ вад̣̇анд̇и, аяуд̇д̇ад̇аавасзнзва банзд̇т̇а агаран̣абадигкзбо яуд̇д̇о, на аабад̇д̇ивасзнаад̇и г̇ахзд̇аб̣б̣ам̣. яаава н̃аад̇агаа бассанд̇ийд̇и яаава д̇асса н̃аад̇агаа бассанд̇и.
Paṭiyādiyatīti sampādiyati. Akātuṃ na vaṭṭatīti ettha dukkaṭaṃ vadanti, ayuttatāvaseneva panettha akaraṇapaṭikkhepo yutto, na āpattivasenāti gahetabbaṃ. Yāva ñātakā passantīti yāva tassa ñātakā passanti.
бид̇убхаг̇иний бид̇ужчаа. маад̇убхаад̇аа маад̇уло. наббахонд̇ийд̇и гаад̇ум̣ на саггонд̇и. на яаажанд̇ийд̇и лаж̇ж̇ааяа на яаажанд̇и. ‘‘аабхог̇ам̣ гад̇ваа’’д̇и вуд̇д̇ад̇д̇аа ан̃н̃ат̇аа д̣̇знд̇асса аабад̇д̇иязва. гзжи бана ‘‘аабхог̇ам̣ агад̇вааби д̣̇аад̇ум̣ ваддад̇ий’’д̇и вад̣̇анд̇и, д̇ам̣ на яуд̇д̇ам̣ бхзсаж̇ж̇агаран̣асса баал̣ияам̣ ‘‘анаабад̇д̇и бхигку баарааж̇игасса, аабад̇д̇и д̣̇уггадассаа’’д̇и (баараа. 187) звам̣ анд̇араабад̇д̇ид̣̇ассанавасзна сааман̃н̃ад̇о бадигкид̇д̇ад̇д̇аа, адтагат̇ааяам̣ авуд̇д̇аббагаарзна гаронд̇асса суд̇д̇знзва аабад̇д̇и сид̣̇д̇хаад̇и д̣̇адтаб̣б̣аа, д̇знзва адтагат̇ааяамби ‘‘д̇зсан̃н̃зва санд̇ага’’нд̇иаад̣̇и вуд̇д̇ам̣. ан̃н̃зсанд̇и асаалохид̇аанам̣, д̇знааха зд̇зсам̣ буд̇д̇абарамбарааяаад̇иаад̣̇и. гулабариваддод̇и гуласмим̣ н̃аад̇ибарамбараа. бхзсаж̇ж̇ам̣ гаронд̇ассаад̇и яат̇аавуд̇д̇авид̇хинаа гаронд̇асса, ‘‘д̇аавагаалигам̣ д̣̇ассаамий’’д̇и аабхог̇ам̣ агад̇ваа д̣̇знд̇ассааби бана анд̇араабад̇д̇и д̣̇уггадам̣ винаа мижчааж̇ийвам̣ ваа гулад̣̇уусанам̣ ваа на ход̇иязва, д̇знааха – ‘‘взж̇ж̇агаммам̣ ваа гулад̣̇уусагаабад̇д̇и ваа на ход̇ий’’д̇и. н̃аад̇агаанан̃хи санд̇агам̣ яаажид̇вааби г̇ахзд̇ум̣ ваддад̇и, д̇асмаа д̇ад̇т̇а гулад̣̇уусанаад̣̇и на сияаа. саб̣б̣абад̣̇зсууд̇и ‘‘жуул̣амаад̇уяаа’’д̇иаад̣̇ийсу саб̣б̣абад̣̇зсу.
Pitubhaginī pitucchā. Mātubhātā mātulo. Nappahontīti kātuṃ na sakkonti. Na yācantīti lajjāya na yācanti. ‘‘Ābhogaṃ katvā’’ti vuttattā aññathā dentassa āpattiyeva. Keci pana ‘‘ābhogaṃ akatvāpi dātuṃ vaṭṭatī’’ti vadanti, taṃ na yuttaṃ bhesajjakaraṇassa pāḷiyaṃ ‘‘anāpatti bhikkhu pārājikassa, āpatti dukkaṭassā’’ti (pārā. 187) evaṃ antarāpattidassanavasena sāmaññato paṭikkhittattā, aṭṭhakathāyaṃ avuttappakārena karontassa sutteneva āpatti siddhāti daṭṭhabbā, teneva aṭṭhakathāyampi ‘‘tesaññeva santaka’’ntiādi vuttaṃ. Aññesanti asālohitānaṃ, tenāha etesaṃ puttaparamparāyātiādi. Kulaparivaṭṭoti kulasmiṃ ñātiparamparā. Bhesajjaṃ karontassāti yathāvuttavidhinā karontassa, ‘‘tāvakālikaṃ dassāmī’’ti ābhogaṃ akatvā dentassāpi pana antarāpatti dukkaṭaṃ vinā micchājīvaṃ vā kuladūsanaṃ vā na hotiyeva, tenāha – ‘‘vejjakammaṃ vā kuladūsakāpatti vā na hotī’’ti. Ñātakānañhi santakaṃ yācitvāpi gahetuṃ vaṭṭati, tasmā tattha kuladūsanādi na siyā. Sabbapadesūti ‘‘cūḷamātuyā’’tiādīsu sabbapadesu.
убаж̇жхааяасса аахараамаад̇и ид̣̇ам̣ убаж̇жхааязна ‘‘мама н̃аад̇агаанам̣ бхзсаж̇ж̇ам̣ аахарат̇аа’’д̇и аан̣ад̇д̇зхи гад̇д̇аб̣б̣авид̇хид̣̇ассанад̇т̇ам̣ вуд̇д̇ам̣, иминаа жа сааман̣зраад̣̇ийнам̣ абажжаасааяаби бараж̇анасса бхзсаж̇ж̇агаран̣ам̣ на ваддад̇ийд̇и д̣̇ассзд̇и. вуд̇д̇анаязна бариязсид̇ваад̇и иминаа ‘‘бхигкаажааравад̇д̇зна ваа’’д̇и иминаа, ‘‘н̃аад̇исааман̣зрзхий’’д̇и иминаа жа вуд̇д̇амад̇т̇ам̣ ад̇ид̣̇исад̇и. абажжаасийсанд̇знаад̇и ааг̇анд̇угажораад̣̇ийнам̣ гаронд̇знааби ‘‘мануссаа наама убагаарагаа хонд̇ий’’д̇и ад̇д̇ано д̇зхи лаабхам̣ абад̇т̇аяанд̇зна. бажжаасааяа гаронд̇асса бана взж̇ж̇агаммагулад̣̇уусанаад̣̇ид̣̇осо ход̇ийд̇и ад̇хиббааяо. ‘‘звам̣ убагаарз гад̇з саасанаг̇ун̣ам̣ н̃ад̇ваа басийд̣̇анд̇и, сан̇гхасса ваа убагаарагаа хонд̇ий’’д̇и гаран̣з бана д̣̇осо над̇т̇и. гзжи бана ‘‘абажжаасийсанд̇зна ааг̇анд̇угаад̣̇ийнам̣ бадигкид̇д̇абуг̇г̇алаад̣̇ийнамби д̣̇аад̇ум̣ ваддад̇ий’’д̇и вад̣̇анд̇и, д̇ам̣ на яуд̇д̇ам̣ гад̇д̇аб̣б̣аагад̇д̇аб̣б̣адтаанавибхааг̇ассанирад̇т̇агад̇д̇аббасан̇г̇ад̇о ‘‘абажжаасийсанд̇зна саб̣б̣зсам̣ д̣̇аад̇ум̣ гаад̇ун̃жа ваддад̇ий’’д̇и зд̇д̇агамад̇д̇ассзва вад̇д̇аб̣б̣ад̇о. абажжаасийсанан̃жа мижчааж̇ийвагулад̣̇уусанаад̣̇ид̣̇осанисзд̇ханад̇т̇амзва вуд̇д̇ам̣ бхзсаж̇ж̇агаран̣асан̇кад̇ааяа имиссаа анд̇араабад̇д̇ияаа мужжанад̇т̇ам̣ ааг̇анд̇угажораад̣̇ийнам̣ анун̃н̃аад̇аанам̣ д̣̇аанзнзва д̇ааяа аабад̇д̇ияаа мужжанад̇од̇и г̇ахзд̇аб̣б̣ам̣. д̇знзва абажжаасийсанд̇знааби агаад̇аб̣б̣адтаанам̣ д̣̇ассзд̇ум̣ сад̣̇д̇хам̣ гуланд̇иаад̣̇и вуд̇д̇ам̣. бужчанд̇ийд̇и иминаа д̣̇идтад̣̇идтарог̇ийнам̣ барияааязнааби вад̇ваа вижаран̣ам̣ аяуд̇д̇анд̇и д̣̇ассзд̇и. бужчид̇ассааби бана бажжаасийсанд̇асса барияааяагат̇ааби на ваддад̇ийд̇и вад̣̇анд̇и.
Upajjhāyassaāharāmāti idaṃ upajjhāyena ‘‘mama ñātakānaṃ bhesajjaṃ āharathā’’ti āṇattehi kattabbavidhidassanatthaṃ vuttaṃ, iminā ca sāmaṇerādīnaṃ apaccāsāyapi parajanassa bhesajjakaraṇaṃ na vaṭṭatīti dasseti. Vuttanayena pariyesitvāti iminā ‘‘bhikkhācāravattena vā’’ti iminā, ‘‘ñātisāmaṇerehī’’ti iminā ca vuttamatthaṃ atidisati. Apaccāsīsantenāti āgantukacorādīnaṃ karontenāpi ‘‘manussā nāma upakārakā hontī’’ti attano tehi lābhaṃ apatthayantena. Paccāsāya karontassa pana vejjakammakuladūsanādidoso hotīti adhippāyo. ‘‘Evaṃ upakāre kate sāsanaguṇaṃ ñatvā pasīdanti, saṅghassa vā upakārakā hontī’’ti karaṇe pana doso natthi. Keci pana ‘‘apaccāsīsantena āgantukādīnaṃ paṭikkhittapuggalādīnampi dātuṃ vaṭṭatī’’ti vadanti, taṃ na yuttaṃ kattabbākattabbaṭṭhānavibhāgassaniratthakattappasaṅgato ‘‘apaccāsīsantena sabbesaṃ dātuṃ kātuñca vaṭṭatī’’ti ettakamattasseva vattabbato. Apaccāsīsanañca micchājīvakuladūsanādidosanisedhanatthameva vuttaṃ bhesajjakaraṇasaṅkhatāya imissā antarāpattiyā muccanatthaṃ āgantukacorādīnaṃ anuññātānaṃ dāneneva tāya āpattiyā muccanatoti gahetabbaṃ. Teneva apaccāsīsantenāpi akātabbaṭṭhānaṃ dassetuṃ saddhaṃ kulantiādi vuttaṃ. Pucchantīti iminā diṭṭhadiṭṭharogīnaṃ pariyāyenāpi vatvā vicaraṇaṃ ayuttanti dasseti. Pucchitassāpi pana paccāsīsantassa pariyāyakathāpi na vaṭṭatīti vadanti.
самуллабзсийд̇и абажжаасийсанд̇о звам̣ ан̃н̃аман̃н̃ам̣ гат̇ам̣ самудтаабзси. аажарияабхааг̇од̇и винаяаажаарам̣ агобзд̇ваа бхзсаж̇ж̇аажигкан̣зна взж̇ж̇аажарияабхааг̇од̇и ад̇т̇о. бубпабууж̇анад̇т̇ааяа самбадижчияамаанам̣ руубияам̣ ад̇д̇ано санд̇агад̇д̇абхаж̇анзна ниссаг̇г̇ияамзваад̇и ааха ‘‘габбияавасзна г̇аахаабзд̇ваа’’д̇и, ‘‘амхаагам̣ руубияам̣ на ваддад̇и, бубпабууж̇анад̇т̇ам̣ бубпам̣ ваддад̇ий’’д̇иаад̣̇инаа бадигкибид̇ваа габбиязна гаммзна г̇аахаабзд̇ваад̇и ад̇т̇о.
Samullapesīti apaccāsīsanto evaṃ aññamaññaṃ kathaṃ samuṭṭhāpesi. Ācariyabhāgoti vinayācāraṃ akopetvā bhesajjācikkhaṇena vejjācariyabhāgoti attho. Pupphapūjanatthāya sampaṭicchiyamānaṃ rūpiyaṃ attano santakattabhajanena nissaggiyamevāti āha ‘‘kappiyavasena gāhāpetvā’’ti, ‘‘amhākaṃ rūpiyaṃ na vaṭṭati, pupphapūjanatthaṃ pupphaṃ vaṭṭatī’’tiādinā paṭikkhipitvā kappiyena kammena gāhāpetvāti attho.
яад̣̇и ‘‘барид̇д̇ам̣ гарот̇аа’’д̇и вуд̇д̇з гаронд̇и, бхзсаж̇ж̇агаран̣ам̣ вияа г̇ихигаммам̣ вияа ход̇ийд̇и ‘‘на гаад̇аб̣б̣а’’нд̇и вуд̇д̇ам̣. ‘‘барид̇д̇ам̣ бхан̣ат̇аа’’д̇и вуд̇д̇з бана д̇хаммаж̇жхзсанад̇д̇аа анаж̇жхидтзнаби бхан̣ид̇аб̣б̣о д̇хаммо, баг̇зва аж̇жхидтзнаабийд̇и ‘‘гаад̇аб̣б̣а’’нд̇и вуд̇д̇ам̣. жаалзд̇ваа суд̇д̇ам̣ баримаж̇ж̇ид̇ваад̇и ид̣̇ам̣ ‘‘барид̇д̇аан̣ам̣ зд̇т̇а бавзсзмий’’д̇и жид̇д̇зна звам̣ гад̇з барид̇д̇аан̣аа д̇ад̇т̇а бавзсид̇аа наама ход̇ийд̇и вуд̇д̇ам̣. вихаарад̇о…бз… д̣̇уггаданд̇и ид̣̇ам̣ ан̃н̃аад̇агаг̇ахадтз санд̇хааяа вуд̇д̇анд̇и вад̣̇анд̇и. баад̣̇зсу уд̣̇агам̣ аагирид̇ваад̇и ид̣̇ам̣ д̇асмим̣ д̣̇зсз жаарид̇д̇авасзна вуд̇д̇ам̣. вуд̇д̇ан̃хи ‘‘д̇ад̇т̇а баал̣ияаа нисиннаанам̣ бхигкуунам̣ баад̣̇зсу рог̇авуубасаманаад̣̇иад̇т̇ааяа уд̣̇агам̣ син̃жид̇ваа барид̇д̇ам̣ гаад̇ум̣ суд̇д̇ан̃жа табзд̇ваа ‘барид̇д̇ам̣ бхан̣ат̇аа’д̇и вад̇ваа г̇ажчанд̇и. зван̃хи гарияамаанз яад̣̇и баад̣̇з абанзнд̇и, мануссаа д̇ам̣ аваман̇г̇аланд̇и ман̃н̃анд̇и, рог̇о ваа на вуубасамиссад̇ий’’д̇и. д̇знааха ‘‘на баад̣̇аа абанзд̇аб̣б̣аа’’д̇и. мад̇асарийрад̣̇ассанз вияа гзвалам̣ сусаанад̣̇ассанзби ‘‘ид̣̇ам̣ ж̇аад̇аанам̣ сад̇д̇аанам̣ каяаг̇аманадтаана’’нд̇и маран̣асан̃н̃аа уббаж̇ж̇ад̇ийд̇и ааха ‘‘сийват̇игад̣̇ассанз…бз… ‘маран̣ассад̇им̣ бадилабхиссаамаа’д̇и гаммадтаанасийсзна г̇анд̇ум̣ ваддад̇ий’’д̇и. лзсагаббам̣ агад̇ваа самуббаннасуд̣̇д̇хажид̇д̇зна ‘‘бариваарад̇т̇ааяа ааг̇ажчанд̇уу’’д̇и вуд̇д̇зби г̇анд̇ум̣ ваддад̇и.
Yadi ‘‘parittaṃ karothā’’ti vutte karonti, bhesajjakaraṇaṃ viya gihikammaṃ viya hotīti ‘‘na kātabba’’nti vuttaṃ. ‘‘Parittaṃ bhaṇathā’’ti vutte pana dhammajjhesanattā anajjhiṭṭhenapi bhaṇitabbo dhammo, pageva ajjhiṭṭhenāpīti ‘‘kātabba’’nti vuttaṃ. Cāletvā suttaṃ parimajjitvāti idaṃ ‘‘parittāṇaṃ ettha pavesemī’’ti cittena evaṃ kate parittāṇā tattha pavesitā nāma hotīti vuttaṃ. Vihārato…pe… dukkaṭanti idaṃ aññātakagahaṭṭhe sandhāya vuttanti vadanti. Pādesu udakaṃ ākiritvāti idaṃ tasmiṃ dese cārittavasena vuttaṃ. Vuttañhi ‘‘tattha pāḷiyā nisinnānaṃ bhikkhūnaṃ pādesu rogavūpasamanādiatthāya udakaṃ siñcitvā parittaṃ kātuṃ suttañca ṭhapetvā ‘parittaṃ bhaṇathā’ti vatvā gacchanti. Evañhi kariyamāne yadi pāde apanenti, manussā taṃ avamaṅgalanti maññanti, rogo vā na vūpasamissatī’’ti. Tenāha ‘‘na pādā apanetabbā’’ti. Matasarīradassane viya kevalaṃ susānadassanepi ‘‘idaṃ jātānaṃ sattānaṃ khayagamanaṭṭhāna’’nti maraṇasaññā uppajjatīti āha ‘‘sīvathikadassane…pe… ‘maraṇassatiṃ paṭilabhissāmā’ti kammaṭṭhānasīsena gantuṃ vaṭṭatī’’ti. Lesakappaṃ akatvā samuppannasuddhacittena ‘‘parivāratthāya āgacchantū’’ti vuttepi gantuṃ vaṭṭati.
анаамадтабин̣д̣абаад̇од̇и аг̇г̇ахид̇ааг̇г̇о, абарибхуд̇д̇од̇и ад̇т̇о. гахаабан̣аг̇гханаго ход̇ийд̇и иминаа д̣̇ааяагзхи б̣ахуб̣яан̃ж̇анзна самбаад̣̇зд̇ваа саггажжам̣ д̣̇иннабхаавам̣ д̣̇ийбзд̇и. т̇аалагзд̇и сан̇гхигз гам̣саад̣̇имаяз т̇аалагз, бад̇д̇оби зд̇т̇а сан̇г̇аяхад̇и. на ваддад̇ийд̇и иминаа д̣̇уггаданд̇и д̣̇ассзд̇и. д̣̇аамаригажорассаад̇и раж̇ж̇ам̣ бад̇т̇знд̇асса баагадажорасса. ад̣̇ийяамаанзби ‘‘на д̣̇знд̇ий’’д̇и гуж̇жханд̇ийд̇и самб̣анд̇хо. аамисасса д̇хаммасса жа алаабхзна ад̇д̇ано барасса жа анд̇арз самбхаванд̇асса чид̣̇д̣̇асса жа виварасса бадисант̇аран̣ам̣ бид̣̇аханам̣ бадисант̇ааро, со бана д̇хаммаамисавасзна д̣̇увид̇хо. д̇ад̇т̇а аамисабадисант̇аарам̣ санд̇хааяа ‘‘гасса гаад̇аб̣б̣о, гасса на гаад̇аб̣б̣о’’д̇и вуд̇д̇ам̣. ‘‘ааг̇анд̇угасса ваа…бз… гад̇д̇аб̣б̣о язваа’’д̇и сан̇кзбад̇о вуд̇д̇амад̇т̇ам̣ баагадам̣ гаад̇ум̣ ааг̇анд̇угам̣ д̇ааваад̇иаад̣̇имааха. кийн̣абариб̣б̣аяанд̇и иминаа аг̇ад̇ибхаавам̣ гаарун̃н̃абхааж̇анад̇ан̃жа д̣̇ассзд̇и, д̇зна жа д̇аб̣б̣ид̇хураанам̣ самид̣̇д̇хаанам̣ д̣̇ааяагаад̣̇ийнам̣ ааг̇анд̇угад̇д̇зби д̣̇аад̇ум̣ на ваддад̇ийд̇и сид̣̇д̇хам̣ ход̇и. д̇ан̣д̣улаад̣̇имхи д̣̇аад̇аб̣б̣з сад̇и ‘‘авзлааяам̣…бз… на вад̇д̇аб̣б̣о’’д̇и вуд̇д̇ам̣. ‘‘абажжаасийсанд̇знаа’’д̇и вад̇ваа бажжаасийсанаббагаарам̣ д̣̇ассзд̇ум̣ мануссаа наамаад̇иаад̣̇и вуд̇д̇ам̣. ананун̃н̃аад̇аанам̣ бана абажжаасийсанд̇знааби д̣̇аад̇ум̣ на ваддад̇и сад̣̇д̇хаад̣̇зяяавинибаад̇ад̇д̇аа, бажжаасийсааяа бана сад̇и гулад̣̇уусанамби ход̇и.
Anāmaṭṭhapiṇḍapātoti aggahitaaggo, aparibhuttoti attho. Kahāpaṇagghanako hotīti iminā dāyakehi bahubyañjanena sampādetvā sakkaccaṃ dinnabhāvaṃ dīpeti. Thālaketi saṅghike kaṃsādimaye thālake, pattopi ettha saṅgayhati. Na vaṭṭatīti iminā dukkaṭanti dasseti. Dāmarikacorassāti rajjaṃ patthentassa pākaṭacorassa. Adīyamānepi ‘‘na dentī’’ti kujjhantīti sambandho. Āmisassa dhammassa ca alābhena attano parassa ca antare sambhavantassa chiddassa ca vivarassa paṭisantharaṇaṃ pidahanaṃ paṭisanthāro, so pana dhammāmisavasena duvidho. Tattha āmisapaṭisanthāraṃ sandhāya ‘‘kassa kātabbo, kassa na kātabbo’’ti vuttaṃ. ‘‘Āgantukassa vā…pe… kattabbo yevā’’ti saṅkhepato vuttamatthaṃ pākaṭaṃ kātuṃ āgantukaṃ tāvātiādimāha. Khīṇaparibbayanti iminā agatibhāvaṃ kāruññabhājanatañca dasseti, tena ca tabbidhurānaṃ samiddhānaṃ dāyakādīnaṃ āgantukattepi dātuṃ na vaṭṭatīti siddhaṃ hoti. Taṇḍulādimhi dātabbe sati ‘‘avelāyaṃ…pe… na vattabbo’’ti vuttaṃ. ‘‘Apaccāsīsantenā’’ti vatvā paccāsīsanappakāraṃ dassetuṃ manussā nāmātiādi vuttaṃ. Ananuññātānaṃ pana apaccāsīsantenāpi dātuṃ na vaṭṭati saddhādeyyavinipātattā, paccāsīsāya pana sati kuladūsanampi hoti.
уб̣б̣аасзд̇ваад̇и саманд̇ад̇о д̇ияож̇анам̣ вилумбанд̇з мануссз балаабзд̇ваа. варабод̇т̇агажид̇д̇ад̇т̇аран̣анд̇и анзгаббагаараид̇т̇ибурисаад̣̇иуд̇д̇амаруубавижид̇д̇ам̣ ад̇т̇аран̣ам̣.
Ubbāsetvāti samantato tiyojanaṃ vilumpante manusse palāpetvā. Varapotthakacittattharaṇanti anekappakāraitthipurisādiuttamarūpavicittaṃ attharaṇaṃ.
187. сад̇д̇арасаваг̇г̇иязсу буб̣б̣з згасса ан̇г̇улибад̇од̣̇агзна маарид̇ад̇д̇аа сзсзсу сол̣асаж̇анзсу уд̣̇арам̣ аарухид̇ваа нисиннамзгам̣ табзд̇ваа ‘‘сзсааби баннараса ж̇анаа’’д̇и вуд̇д̇ам̣. ад̣̇уухалабаасаан̣аа вияаад̇и ад̣̇уухалз ааробид̇абаасаан̣аа вияа. гаммаад̇хиббааяаад̇и д̇аж̇ж̇анийяаад̣̇игаммагаран̣аад̇хиббааяаа.
187. Sattarasavaggiyesu pubbe ekassa aṅgulipatodakena māritattā sesesu soḷasajanesu udaraṃ āruhitvā nisinnamekaṃ ṭhapetvā ‘‘sesāpi pannarasa janā’’ti vuttaṃ. Adūhalapāsāṇā viyāti adūhale āropitapāsāṇā viya. Kammādhippāyāti tajjanīyādikammakaraṇādhippāyā.
ааваахзд̇ваад̇и аависаабзд̇ваа. руубам̣ гад̇ваа хад̇т̇абаад̣̇аад̣̇ийни чинд̣̇анд̇ийд̇и д̇асмим̣ бидтаад̣̇имаяз руубз амануссам̣ ааваахзд̇ваа д̇асса хад̇т̇абаад̣̇аад̣̇ийни чинд̣̇анд̇и. саггам̣ д̣̇зварааж̇аанам̣ маарзяяаад̇и ид̣̇ам̣ самбхааванавасзна вуд̇д̇ам̣. на хи д̇аад̣̇исаа махаанубхааваа яагкаа сад̇т̇агхаад̇аарахаа хонд̇и д̣̇зваасураяуд̣̇д̇хзби д̇зсам̣ сад̇т̇аббахаарзна маран̣аабхааваа.
Āvāhetvāti āvisāpetvā. Rūpaṃ katvā hatthapādādīni chindantīti tasmiṃ piṭṭhādimaye rūpe amanussaṃ āvāhetvā tassa hatthapādādīni chindanti. Sakkaṃ devarājānaṃ māreyyāti idaṃ sambhāvanavasena vuttaṃ. Na hi tādisā mahānubhāvā yakkhā satthaghātārahā honti devāsurayuddhepi tesaṃ satthappahārena maraṇābhāvā.
188. бахааро на д̣̇аад̇аб̣б̣од̇и самб̣анд̇хо. амануссам̣ год̇хажид̇д̇зна бахаранд̇асса д̣̇уггадамзва. жигижчаад̇хиббааязна бахаранд̇асса анаажаарод̇и г̇ахзд̇аб̣б̣о. д̇аалабан̣н̣ам̣…бз… б̣анд̇хид̇аб̣б̣анд̇и амануссаа д̇аалабан̣н̣аб̣анд̇ханзна балааяанд̇ийд̇и гад̇ваа вуд̇д̇ам̣, ид̣̇ан̃жа г̇ихийнам̣ взж̇ж̇агаммавасзна гаад̇ум̣ на ваддад̇и.
188. Pahāro na dātabboti sambandho. Amanussaṃ kodhacittena paharantassa dukkaṭameva. Cikicchādhippāyena paharantassa anācāroti gahetabbo. Tālapaṇṇaṃ…pe… bandhitabbanti amanussā tālapaṇṇabandhanena palāyantīti katvā vuttaṃ, idañca gihīnaṃ vejjakammavasena kātuṃ na vaṭṭati.
189. яо ругкзна од̇т̇ад̇оби на марад̇ийд̇иаад̣̇ийсу яам̣ вад̇д̇аб̣б̣ам̣, д̇ам̣ бхууд̇аг̇аамасигкаабад̣̇адтагат̇ааяам̣ саяамзва вагкад̇и, д̇ам̣ д̇ад̇т̇зва г̇ахзд̇аб̣б̣ам̣.
189.Yo rukkhena otthatopi na maratītiādīsu yaṃ vattabbaṃ, taṃ bhūtagāmasikkhāpadaṭṭhakathāyaṃ sayameva vakkhati, taṃ tattheva gahetabbaṃ.
190. д̣̇аб̣б̣уубагаран̣аанийд̇и гзхижи чинд̣̇ид̇ваа табид̇аани сабариг̇г̇ахид̇аани санд̇хааяа вуд̇д̇ам̣. д̇ад̇т̇а хи таанаажааванаабхаавзна винаасаад̇хиббааяасса д̣̇уггадам̣ вуд̇д̇ам̣. кид̣д̣аад̇хиббааязнааби д̣̇уггаданд̇и сугкад̇ин̣аад̣̇ийсу аг̇г̇игаран̣ам̣ санд̇хааяа вуд̇д̇ам̣, аллзсу бана гийл̣аад̇хиббааязнаби гаронд̇асса баажид̇д̇ияамзва. бадибагкабхууд̇о, бадимукам̣ г̇ажчанд̇о ваа аг̇г̇и бадаг̇г̇и, д̇асса аллад̇ин̣аад̣̇ийсуби д̣̇аанам̣ анун̃н̃аад̇ам̣, д̇ам̣ д̣̇знд̇зна д̣̇уурад̇о ааг̇ажчанд̇ам̣ д̣̇ааваг̇г̇им̣ д̣̇исваа вихаарасса саманд̇ад̇о згагкан̣з ад̣̇ад̇ваа згад̣̇зсад̇о бадтааяа вихаарасса саманд̇ад̇о сан̣игам̣ жхаабзд̇ваа яат̇аа маханд̇оби аг̇г̇и вихаарам̣ баабун̣ид̇ум̣ на саггод̇и, звам̣ вихаарасса саманд̇аа аб̣бхогаасам̣ гад̇ваа бадаг̇г̇и д̣̇аад̇аб̣б̣о, со д̣̇ааваг̇г̇ино бадибат̇ам̣ г̇анд̇ваа згад̇о худ̇ваа д̇зна саха ниб̣б̣аад̇и. барид̇д̇агаран̣анд̇и саманд̇аа ругкад̇ин̣аад̣̇ижчзд̣̇анабарикаакан̣анаад̣̇иаарагкагаран̣ам̣, д̇знааха д̇ин̣агудигаанам̣ саманд̇аа бхуумид̇ажчананд̇иаад̣̇и.
190.Dabbūpakaraṇānīti kehici chinditvā ṭhapitāni sapariggahitāni sandhāya vuttaṃ. Tattha hi ṭhānācāvanābhāvena vināsādhippāyassa dukkaṭaṃ vuttaṃ. Khiḍḍādhippāyenāpi dukkaṭanti sukkhatiṇādīsu aggikaraṇaṃ sandhāya vuttaṃ, allesu pana kīḷādhippāyenapi karontassa pācittiyameva. Paṭipakkhabhūto, paṭimukhaṃ gacchanto vā aggi paṭaggi, tassa allatiṇādīsupi dānaṃ anuññātaṃ, taṃ dentena dūrato āgacchantaṃ dāvaggiṃ disvā vihārassa samantato ekakkhaṇe adatvā ekadesato paṭṭhāya vihārassa samantato saṇikaṃ jhāpetvā yathā mahantopi aggi vihāraṃ pāpuṇituṃ na sakkoti, evaṃ vihārassa samantā abbhokāsaṃ katvā paṭaggi dātabbo, so dāvaggino paṭipathaṃ gantvā ekato hutvā tena saha nibbāti. Parittakaraṇanti samantā rukkhatiṇādicchedanaparikhākhaṇanādiārakkhakaraṇaṃ, tenāha tiṇakuṭikānaṃ samantā bhūmitacchanantiādi.
191. кзд̇д̇амзва од̇ин̣н̣ад̇д̇аа баарааж̇иганд̇и д̣̇вийсу згассааби анд̇ог̇ад̇хад̇д̇аа ‘‘д̣̇вийхий’’д̇и вуд̇д̇акзд̇д̇з згассааби од̇ин̣н̣ад̇д̇аа баарааж̇игам̣, ‘‘д̣̇вийхи зва маарзхи на згзнаа’’д̇и нияамид̇з бана згзнзва маарид̇з над̇т̇и баарааж̇иганд̇и вад̣̇анд̇и, звам̣ д̣̇вз зва бурисаад̇иаад̣̇ийсуби. буб̣б̣з гад̇асийсажчзд̣̇абаяог̇ад̇о ан̃н̃о баяог̇о ж̇ийвид̇инд̣̇рияубажчзд̣̇аго на убалаб̣бхад̇и, батамзна баяог̇знасса ж̇ийвид̇инд̣̇рияам̣ убажчиж̇ж̇ад̇ийд̇и ‘‘сийсажчзд̣̇агассаа’’д̇и вуд̇д̇ам̣, яам̣ бана саарад̇т̇ад̣̇ийбанияам̣ ‘‘ж̇ийвид̇инд̣̇рияасса авиж̇ж̇амаанад̇д̇аа’’д̇и гааран̣ам̣ вуд̇д̇ам̣, д̇ам̣ агааран̣ам̣ ж̇ийвид̇инд̣̇рияасанниссид̇ажид̇д̇асанд̇ад̇им̣ винаа угкибанасаннируж̇жханаад̣̇ивасаббавад̇д̇асса г̇аманасса асамбхавад̇о. на хи вааяувзг̇зна бан̣н̣абадаад̣̇аяо вияа гааяо г̇ажчад̇и, на жа угкибанз бавад̇д̇аава жид̇д̇аж̇авин̃н̃ад̇д̇иаад̣̇аяова нигкибанаад̣̇иноби хзд̇убхууд̇аад̇и саггаа вад̇д̇ум̣ вижчинд̣̇ид̇ваа бавад̇д̇анад̇о. буб̣б̣з анаахид̇авзг̇ааби хи гаажи сарийсабаж̇аад̇и д̣̇вид̇хаа чиннаа чзд̣̇анамад̇д̇аа д̣̇вийхи вибхааг̇зхи гад̇ибаяагкан̣ам̣ д̣̇вийсу д̣̇исаасу г̇ажчад̇и, д̇ад̇т̇а жа яасмим̣ бхааг̇з хад̣̇аяавад̇т̇у д̇идтад̇и, д̇ад̇радтам̣ бан̃жад̣̇ваарааваж̇ж̇анажид̇д̇ам̣ д̣̇вийсуби бхааг̇зсу гааяаббасаад̣̇з гхаддид̇ам̣ подтаб̣б̣ам̣ ааламб̣ид̇ваа уббаж̇ж̇ад̇и, д̇ад̇о д̇ад̣̇аарамман̣амзва яат̇аарахамзгасмим̣ бхааг̇з згад̣̇аа ан̃н̃асмим̣ ан̃н̃ад̣̇аад̇и звам̣ барияааязна гааяавин̃н̃аан̣ам̣ уббаж̇ж̇ад̇и, д̇ад̇о хад̣̇аяавад̇т̇усмим̣язва самбадижчанаад̣̇ивийт̇ижид̇д̇аани бхаван̇г̇анд̇арид̇аани манод̣̇вааравийт̇ивин̃н̃аан̣аани жа вин̃н̃ад̇д̇иж̇анагаани уббаж̇ж̇анд̇и, яз хи убхаяабхааг̇аа г̇ажчанд̇и ваа жаланд̇и ваа панд̣̇анд̇и ваа. жид̇д̇асса бана лахубаривад̇д̇ияаа згагкан̣з убхаяабхааг̇ааби жаланд̇аа вияа убадтаханд̇и, сзяяат̇ааби наама гуггул̣аад̣̇инарагзсу нимуг̇г̇асагаласарийрасса сад̇д̇асса згасмим̣ кан̣з сагаласарийрзби гааяавин̃н̃аан̣ад̣̇угкам̣ уббаж̇ж̇амаанам̣ вияа убадтаад̇и, звам̣самбад̣̇амид̣̇ам̣ д̣̇адтаб̣б̣ам̣, д̇ад̇о бана яасмим̣ бхааг̇з ж̇ийвид̇инд̣̇рияам̣ сасзсагаммаж̇аруубам̣ нируж̇жхад̇и, д̇ад̇т̇а гааяавин̃н̃аан̣ам̣ наббавад̇д̇ад̇и, хад̣̇аяавад̇т̇усахид̇абхааг̇зязва яаава ж̇ийвид̇инд̣̇рияанирод̇хаа бавад̇д̇ад̇и.
191.Khettameva otiṇṇattā pārājikanti dvīsu ekassāpi antogadhattā ‘‘dvīhī’’ti vuttakhette ekassāpi otiṇṇattā pārājikaṃ, ‘‘dvīhi eva mārehi na ekenā’’ti niyamite pana ekeneva mārite natthi pārājikanti vadanti, evaṃ dve eva purisātiādīsupi. Pubbe katasīsacchedapayogato añño payogo jīvitindriyupacchedako na upalabbhati, paṭhamena payogenassa jīvitindriyaṃ upacchijjatīti ‘‘sīsacchedakassā’’ti vuttaṃ, yaṃ pana sāratthadīpaniyaṃ ‘‘jīvitindriyassa avijjamānattā’’ti kāraṇaṃ vuttaṃ, taṃ akāraṇaṃ jīvitindriyasannissitacittasantatiṃ vinā ukkhipanasannirujjhanādivasappavattassa gamanassa asambhavato. Na hi vāyuvegena paṇṇapaṭādayo viya kāyo gacchati, na ca ukkhipane pavattāva cittajaviññattiādayova nikkhipanādinopi hetubhūtāti sakkā vattuṃ vicchinditvā pavattanato. Pubbe anāhitavegāpi hi kāci sarīsapajāti dvidhā chinnā chedanamattā dvīhi vibhāgehi katipayakkhaṇaṃ dvīsu disāsu gacchati, tattha ca yasmiṃ bhāge hadayavatthu tiṭṭhati, tatraṭṭhaṃ pañcadvārāvajjanacittaṃ dvīsupi bhāgesu kāyappasāde ghaṭṭitaṃ phoṭṭhabbaṃ ālambitvā uppajjati, tato tadārammaṇameva yathārahamekasmiṃ bhāge ekadā aññasmiṃ aññadāti evaṃ pariyāyena kāyaviññāṇaṃ uppajjati, tato hadayavatthusmiṃyeva sampaṭicchanādivīthicittāni bhavaṅgantaritāni manodvāravīthiviññāṇāni ca viññattijanakāni uppajjanti, ye hi ubhayabhāgā gacchanti vā calanti vā phandanti vā. Cittassa pana lahuparivattiyā ekakkhaṇe ubhayabhāgāpi calantā viya upaṭṭhahanti, seyyathāpi nāma kukkuḷādinarakesu nimuggasakalasarīrassa sattassa ekasmiṃ khaṇe sakalasarīrepi kāyaviññāṇadukkhaṃ uppajjamānaṃ viya upaṭṭhāti, evaṃsampadamidaṃ daṭṭhabbaṃ, tato pana yasmiṃ bhāge jīvitindriyaṃ sasesakammajarūpaṃ nirujjhati, tattha kāyaviññāṇaṃ nappavattati, hadayavatthusahitabhāgeyeva yāva jīvitindriyanirodhā pavattati.
нану нарагаад̣̇ийсу згааб̣ад̣̇д̇хз сарийрз саб̣б̣ад̇т̇а барияааязна гааяавин̃н̃аан̣асамуббад̇д̇и яуд̇д̇аа ход̇у, д̣̇вид̇хаа худ̇ваа вижчиннз бана бхааг̇ад̣̇ваяз гат̇анд̇и? нааяам̣ д̣̇осо. сарийрз хи згааб̣ад̣̇д̇хад̇аа наама барамад̇т̇ад̇хаммаб̣яад̇ирид̇д̇аа гаажи над̇т̇и бараваад̣̇ийнам̣ аваяавийаад̣̇и вияа, гаммаад̣̇изгагааран̣абун̃ж̇ааяад̇д̇ад̇ааяа б̣ахуунам̣ сахуббад̇д̇иязва згааб̣ад̣̇д̇хад̇аа. д̇ад̇т̇а жа сад̇т̇аббахаараад̣̇ивируд̣̇д̇хабажжаяобанибаад̇зна вибхиннаанамби гаммаад̣̇изгагааран̣аанам̣ бун̃ж̇ааяад̇д̇ад̇аа на виг̇ажчад̇и, яаава саа на виг̇ажчад̇и, д̇аава авижчиннаава д̇ад̇т̇а вин̃н̃аан̣аббавад̇д̇и. вибхиннаанам̣ бана гаммаж̇аруубаанам̣ ан̃н̃зсан̃жа сзсад̇исанд̇ад̇ируубаанан̃жа убад̇т̇амбханабхаавзна жирам̣ бавад̇д̇ид̇ум̣ на саггонд̇и, яаава жа д̇харанд̇и, д̇аава вин̃н̃аан̣абажжаяаа хонд̇и, вин̃н̃аан̣зна жа д̇зсам̣ жаланаг̇аманаад̣̇ид̣̇зсанд̇аруббад̇д̇и. д̇асмаа габ̣анд̇хассаби д̇хаавагкан̣з савин̃н̃аан̣аж̇ийвид̇инд̣̇рияам̣ ад̇т̇зва, д̇ан̃жа сийсажчзд̣̇агаббаяог̇знзва сийгхам̣ бад̇ад̇и, д̇ад̇о ан̃н̃аббаяог̇асса сарийрз висзсуббаад̣̇анад̇о бурзд̇арамзва батамзнзва гижжанибпад̇д̇ид̇о сийсажчзд̣̇агассзва гаммаб̣ад̣̇д̇ход̇и г̇ахзд̇аб̣б̣о. зваруубаанийд̇и габ̣анд̇хавад̇т̇усад̣̇исаани. имасса вад̇т̇уссаад̇и аагхаад̇анавад̇т̇усса. ад̇т̇ад̣̇ийбанзд̇и згзна бурисзна баяог̇зна ваа маарид̇ад̇аасан̇каад̇асса ад̇т̇асса д̣̇ийбанз.
Nanu narakādīsu ekābaddhe sarīre sabbattha pariyāyena kāyaviññāṇasamuppatti yuttā hotu, dvidhā hutvā vicchinne pana bhāgadvaye kathanti? Nāyaṃ doso. Sarīre hi ekābaddhatā nāma paramatthadhammabyatirittā kāci natthi paravādīnaṃ avayavīādi viya, kammādiekakāraṇapuñjāyattatāya bahūnaṃ sahuppattiyeva ekābaddhatā. Tattha ca satthappahārādiviruddhapaccayopanipātena vibhinnānampi kammādiekakāraṇānaṃ puñjāyattatā na vigacchati, yāva sā na vigacchati, tāva avicchinnāva tattha viññāṇappavatti. Vibhinnānaṃ pana kammajarūpānaṃ aññesañca sesatisantatirūpānañca upatthambhanabhāvena ciraṃ pavattituṃ na sakkonti, yāva ca dharanti, tāva viññāṇapaccayā honti, viññāṇena ca tesaṃ calanagamanādidesantaruppatti. Tasmā kabandhassapi dhāvakkhaṇe saviññāṇajīvitindriyaṃ attheva, tañca sīsacchedakappayogeneva sīghaṃ patati, tato aññappayogassa sarīre visesuppādanato puretarameva paṭhameneva kiccanipphattito sīsacchedakasseva kammabaddhoti gahetabbo. Evarūpānīti kabandhavatthusadisāni. Imassa vatthussāti āghātanavatthussa. Atthadīpaneti ekena purisena payogena vā māritatāsaṅkhātassa atthassa dīpane.
192. баанабарибхог̇зна ваддад̇ийд̇и самб̣анд̇хо. звам̣ бана вуд̇д̇ад̇д̇аа ‘‘лон̣асовийрагам̣ яаамагаалига’’нд̇и гзжи вад̣̇анд̇и, гзжи бана ‘‘г̇илаанаанам̣ баагад̇игамзва, аг̇илаанаанам̣ бана уд̣̇агасамбхинна’’нд̇и вуд̇д̇ад̇д̇аа ‘‘г̇ул̣ам̣ вияа сад̇д̇аахагаалига’’нд̇и.
192. Pānaparibhogena vaṭṭatīti sambandho. Evaṃ pana vuttattā ‘‘loṇasovīrakaṃ yāmakālika’’nti keci vadanti, keci pana ‘‘gilānānaṃ pākatikameva, agilānānaṃ pana udakasambhinna’’nti vuttattā ‘‘guḷaṃ viya sattāhakālika’’nti.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
д̇ад̇ияабаарааж̇игаван̣н̣анаанаяо нидтид̇о.
Tatiyapārājikavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / винийд̇авад̇т̇уван̣н̣анаа • Vinītavatthuvaṇṇanā
