| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
223. сзгкабхуумияанд̇и иминаа жхаанабхуумимби сан̇г̇ан̣хаад̇и. д̇ин̣н̣ам̣ вивзгаананд̇и гааяажид̇д̇аубад̇хививзгаанам̣. бин̣д̣ааяа жаран̣асса бхож̇анабарияосаанад̇ааяа вуд̇д̇ам̣ ‘‘яаава бхож̇анабааяосаана’’нд̇и. анд̇арагхарз бхуд̇ваа ааг̇ажчанд̇ассааби вуд̇д̇анаязнзва самбхааванижчааяа жийварасан̣таабанаад̣̇ийни гаронд̇асса д̣̇уггадамзва, баал̣ияам̣ бана д̣̇уггараад̣̇ивад̇т̇уусу ‘‘анаабад̇д̇и ануллабанаад̇хиббааяассаа’’д̇и ид̣̇ам̣ т̇уллажжаязнааби анаабад̇д̇ид̣̇ассанад̇т̇ам̣ вуд̇д̇ам̣. уллабанаад̇хиббааяассааби хи ‘‘наавусо, д̣̇уггарам̣ ан̃н̃ам̣ б̣яаагаад̇у’’нд̇и вуд̇д̇з т̇уллажжаяамзва ад̇д̇убанааяигад̇д̇аабхаавад̇од̇и д̣̇адтаб̣б̣ам̣.
223.Sekkhabhūmiyanti iminā jhānabhūmimpi saṅgaṇhāti. Tiṇṇaṃ vivekānanti kāyacittaupadhivivekānaṃ. Piṇḍāya caraṇassa bhojanapariyosānatāya vuttaṃ ‘‘yāva bhojanapaayosāna’’nti. Antaraghare bhutvā āgacchantassāpi vuttanayeneva sambhāvanicchāya cīvarasaṇṭhāpanādīni karontassa dukkaṭameva, pāḷiyaṃ pana dukkarādivatthūsu ‘‘anāpatti anullapanādhippāyassā’’ti idaṃ thullaccayenāpi anāpattidassanatthaṃ vuttaṃ. Ullapanādhippāyassāpi hi ‘‘nāvuso, dukkaraṃ aññaṃ byākātu’’nti vutte thullaccayameva attupanāyikattābhāvatoti daṭṭhabbaṃ.
227. на д̣̇аанаахам̣ д̇ад̇т̇а г̇амиссаамийд̇и буна д̇ад̇т̇а васид̇адтаанз на г̇амиссаами, звам̣ сад̇и батамам̣ г̇ад̇о аяам̣ буна жа нааг̇ад̇о, д̇асмаа арахаад̇и ман̃н̃иссанд̇ийд̇и ад̇хиббааяо. д̇ам̣ таананд̇и ааваасам̣ ваад̇иаад̣̇инаа буб̣б̣з барижчиннадтаанам̣. бад̣̇асаа г̇аманам̣ санд̇хааяа гад̇игааяа гад̇ад̇д̇аа яаанзнаад̇иаад̣̇и вуд̇д̇ам̣. виж̇ж̇аамаяид̣̇д̇хим̣ санд̇хааяа ‘‘ид̣̇д̇хияаа’’д̇и вуд̇д̇ам̣ уллабанаад̇хиббааяасса абхин̃н̃ид̣̇д̇хияаа асамбхавад̇о. ан̃н̃аман̃н̃ам̣ рагканд̇ийд̇и уллабанаад̇хиббааяз сад̇иби згассааби батамаг̇аманаабхааваа рагканд̇и. сажз бана гад̇игам̣ гад̇ваа нисиннзсу згам̣ д̣̇вз табзд̇ваа авасзсаа уллабанаад̇хиббааязна згад̇о г̇ажчанд̇и, г̇ад̇аанам̣ саб̣б̣зсам̣ баарааж̇игамзва. д̇зсу яасса уллабанаад̇хиббааяо над̇т̇и, д̇асса анаабад̇д̇и. зд̇анд̇и хздтаа вуд̇д̇ам̣ саб̣б̣ам̣ гад̇игавад̇д̇ам̣. наанаавзраж̇ж̇агаад̇и наанааж̇анабад̣̇аваасино. сан̇гхалаабход̇и яат̇аавуд̣дхам̣ баабун̣анагагодтаасо. аяан̃жа бадигкзбо ависзсзд̇ваа гаран̣ам̣ санд̇хааяа гад̇о, висзсзд̇ваа бана ‘‘зд̇д̇аго асугассаа’’д̇и барижчинд̣̇ид̇ваа абалогзд̇ваа д̣̇аад̇ум̣ ваддад̇и.
227.Na dānāhaṃ tattha gamissāmīti puna tattha vasitaṭṭhāne na gamissāmi, evaṃ sati paṭhamaṃ gato ayaṃ puna ca nāgato, tasmā arahāti maññissantīti adhippāyo. Taṃ ṭhānanti āvāsaṃ vātiādinā pubbe paricchinnaṭṭhānaṃ. Padasā gamanaṃ sandhāya katikāya katattā yānenātiādi vuttaṃ. Vijjāmayiddhiṃ sandhāya ‘‘iddhiyā’’ti vuttaṃ ullapanādhippāyassa abhiññiddhiyā asambhavato. Aññamaññaṃ rakkhantīti ullapanādhippāye satipi ekassāpi paṭhamagamanābhāvā rakkhanti. Sace pana katikaṃ katvā nisinnesu ekaṃ dve ṭhapetvā avasesā ullapanādhippāyena ekato gacchanti, gatānaṃ sabbesaṃ pārājikameva. Tesu yassa ullapanādhippāyo natthi, tassa anāpatti. Etanti heṭṭhā vuttaṃ sabbaṃ katikavattaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ pāpuṇanakakoṭṭhāso. Ayañca paṭikkhepo avisesetvā karaṇaṃ sandhāya kato, visesetvā pana ‘‘ettako asukassā’’ti paricchinditvā apaloketvā dātuṃ vaṭṭati.
228. д̇хаммад̇хаад̇ууд̇и саб̣б̣ан̃н̃уд̇ан̃н̃аан̣ам̣, д̇хаммаанам̣ сабхааво ваа. убабад̇д̇ийд̇и ад̇д̇абхаавам̣ санд̇хааяа вад̣̇ад̇и. д̣̇уссад̣̇д̇хаабаяаа хонд̇ийд̇и бут̇уж̇ж̇анз санд̇хааяа вуд̇д̇ам̣, на лагкан̣ад̇т̇зраад̣̇игз арияабуг̇г̇алз . вид̇уд̣знд̇ийд̇и винивиж̇жхид̇ваа д̣знд̇и г̇ажчанд̇и, паасул̣анд̇аригааяо чид̣̇д̣̇аавачид̣̇д̣̇ам̣ гад̇ваа д̇аахи г̇ажчанд̇ийд̇и ниссаггавасзна ад̇т̇о. вид̇уд̣̇знд̇ийд̇и баатз паасул̣анд̇аригаахийд̇и аад̇хаарад̇т̇з ниссаггаважанам̣. лохад̇ун̣д̣зхийд̇и гаал̣алохамаязхи д̇ун̣д̣зхи. ажчарияам̣ вад̇аад̇и г̇арахид̇аб̣б̣ад̇ааяа ажчарам̣ бахарид̇ум̣ яуд̇д̇аруубам̣. жагкубхууд̇аад̇и логасса жагку вияа бхууд̇аа сан̃ж̇аад̇аа, жагкусад̣̇исаад̇иби ад̇т̇о. д̇ассзва гаммассаад̇и язна г̇огхаад̇агагаммзнзва нираяз ниб̣б̣ад̇д̇о, д̇ассзваад̇и ад̇т̇з г̇аяхамаанз згааяа жзд̇анааяа б̣ахубадисанд̇хияо хонд̇ийд̇и аабаж̇ж̇ад̇и, на жзд̇ам̣ яуд̇д̇ам̣ згасса амб̣аад̣̇иб̣ийж̇асса анзган̇гуруббад̇д̇и вияаад̇и д̇ам̣ барихаранд̇о ааха д̇асса наанаажзд̇анаахи ааяуухид̇ассаад̇иаад̣̇и, д̇зна г̇огхаад̇агагаммагкан̣з буб̣б̣ажзд̇анаа абаражзд̇анаа саннидтаабагажзд̇анаад̇и згасмимби баан̣аад̇ибаад̇з б̣ахуу жзд̇анаа хонд̇и, наанаабаан̣аад̇ибаад̇зсу вад̇д̇аб̣б̣амзва над̇т̇и. д̇ад̇т̇а згааяа жзд̇анааяа нарагз бажид̇ваа д̇ад̣̇ан̃н̃ажзд̇анаасу згааяа абараабарияажзд̇анааяа имасмим̣ бзд̇ад̇д̇абхаавз ниб̣б̣ад̇д̇од̇и д̣̇ассзд̇и, д̇знааха ‘‘авасзсагаммам̣ ваа гамманимид̇д̇ам̣ ваа’’д̇и. зд̇т̇а жа гаммасаригкавибаагуббад̇д̇им̣ санд̇хааяа гаммагамманимид̇д̇аанамзва г̇ахан̣ам̣ гад̇ам̣, на г̇ад̇инимид̇д̇асса, д̇знааха ‘‘адтираасиязва нимид̇д̇ам̣ ахосий’’д̇и. баал̣ияам̣ вид̇ажчзнд̇ийд̇и д̇ун̣д̣зхи д̇ажчзнд̇о вияа лун̃жанд̇и. вирааж̇знд̇ийд̇и виликанд̇и.
228.Dhammadhātūti sabbaññutaññāṇaṃ, dhammānaṃ sabhāvo vā. Upapattīti attabhāvaṃ sandhāya vadati. Dussaddhāpayā hontīti puthujjane sandhāya vuttaṃ, na lakkhaṇattherādike ariyapuggale . Vituḍentīti vinivijjhitvā ḍenti gacchanti, phāsuḷantarikāyo chiddāvachiddaṃ katvā tāhi gacchantīti nissakkavasena attho. Vitudentīti pāṭhe phāsuḷantarikāhīti ādhāratthe nissakkavacanaṃ. Lohatuṇḍehīti kāḷalohamayehi tuṇḍehi. Acchariyaṃ vatāti garahitabbatāya accharaṃ paharituṃ yuttarūpaṃ. Cakkhubhūtāti lokassa cakkhu viya bhūtā sañjātā, cakkhusadisātipi attho. Tasseva kammassāti yena goghātakakammeneva niraye nibbatto, tassevāti atthe gayhamāne ekāya cetanāya bahupaṭisandhiyo hontīti āpajjati, na cetaṃ yuttaṃ ekassa ambādibījassa anekaṅkuruppatti viyāti taṃ pariharanto āha tassa nānācetanāhi āyūhitassātiādi, tena goghātakakammakkhaṇe pubbacetanā aparacetanā sanniṭṭhāpakacetanāti ekasmimpi pāṇātipāte bahū cetanā honti, nānāpāṇātipātesu vattabbameva natthi. Tattha ekāya cetanāya narake pacitvā tadaññacetanāsu ekāya aparāpariyacetanāya imasmiṃ petattabhāve nibbattoti dasseti, tenāha ‘‘avasesakammaṃ vā kammanimittaṃ vā’’ti. Ettha ca kammasarikkhavipākuppattiṃ sandhāya kammakammanimittānameva gahaṇaṃ kataṃ, na gatinimittassa, tenāha ‘‘aṭṭhirāsiyeva nimittaṃ ahosī’’ti. Pāḷiyaṃ vitacchentīti tuṇḍehi tacchento viya luñcanti. Virājentīti vilikhanti.
229. валлууравиггаязнаад̇и сугкаабид̇амам̣савиггаязна. ниббагкажаммзд̇и виг̇ад̇абагкаломажаммз. згам̣ миг̇анд̇и д̣̇ийбагамиг̇ам̣. гааран̣аахийд̇и гхаад̇анаахи. н̃ад̇ваад̇и гаммадтаанам̣ н̃ад̇ваа.
229.Vallūravikkayenāti sukkhāpitamaṃsavikkayena. Nippakkhacammeti vigatapakkhalomacamme. Ekaṃ miganti dīpakamigaṃ. Kāraṇāhīti ghātanāhi. Ñatvāti kammaṭṭhānaṃ ñatvā.
230. ман̇г̇анавасзна улад̇ийд̇и ман̇г̇ули, вируубаб̣ийбхажчабхаавзна бавад̇д̇ад̇ийд̇и ад̇т̇о. жид̇д̇агзл̣инд̇и жид̇д̇аружияам̣ анаажаарагийл̣ам̣.
230. Maṅganavasena ulatīti maṅguli, virūpabībhacchabhāvena pavattatīti attho. Cittakeḷinti cittaruciyaṃ anācārakīḷaṃ.
231. ниссзваалабан̣агагад̣̇д̣̇амод̇и д̇илаб̣ийж̇агаад̣̇исзваалзна нийламан̣д̣уугабидтиван̣н̣зна уд̣̇агабидтз уд̣̇агам̣ нийлаван̣н̣ам̣ гурумаанзна бан̣агзна гад̣̇д̣̇амзна жа вирахид̇о. ун̣хабхаавзна д̇абанад̇о д̇абам̣ уд̣̇агам̣ ассаад̇и д̇абод̣̇агаад̇и вад̇д̇аб̣б̣з га-гааралобам̣ гад̇ваа ‘‘д̇абод̣̇аа’’д̇и вужжад̇и. бзд̇алогод̇и багадтзна агусалагаммзна суг̇ад̇ид̇о д̣̇уг̇г̇ад̇им̣ ид̇аанам̣ г̇ад̇аанам̣ лого самуухо, ниваасадтаанам̣ ваа. гад̇ахад̇т̇аад̇и д̇ханусиббз судту сигкид̇ахад̇т̇аа, авираж̇жханалагкавзд̇хаад̇и ад̇т̇о. сиббад̣̇ассанавасзна рааж̇агулаад̣̇ийсу рааж̇асамуухам̣ убзжжа гад̇ам̣ асанам̣ сарагкзбо зд̇зсанд̇и гад̇убаасанаа, саб̣б̣ад̇т̇а д̣̇ассид̇асиббаад̇и ад̇т̇о. бабхаг̇г̇од̇и бабхан̃ж̇ид̇о, барааж̇ид̇од̇и ад̇т̇о.
231.Nissevālapaṇakakaddamoti tilabījakādisevālena nīlamaṇḍūkapiṭṭhivaṇṇena udakapiṭṭhe udakaṃ nīlavaṇṇaṃ kurumānena paṇakena kaddamena ca virahito. Uṇhabhāvena tapanato tapaṃ udakaṃ assāti tapodakāti vattabbe ka-kāralopaṃ katvā ‘‘tapodā’’ti vuccati. Petalokoti pakaṭṭhena akusalakammena sugatito duggatiṃ itānaṃ gatānaṃ loko samūho, nivāsaṭṭhānaṃ vā. Katahatthāti dhanusippe suṭṭhu sikkhitahatthā, avirajjhanalakkhavedhāti attho. Sippadassanavasena rājakulādīsu rājasamūhaṃ upecca kataṃ asanaṃ sarakkhepo etesanti katupāsanā, sabbattha dassitasippāti attho. Pabhaggoti pabhañjito, parājitoti attho.
232. аанзн̃ж̇асамаад̇хинд̇и аруубасамаабад̇д̇ияам̣ нируд̣̇д̇хз сад̇иби сад̣̇д̣̇аган̣дагзна удтаанаарахо руубааважарасамаад̇хиязва ид̇ха вад̇д̇аб̣б̣од̇и ааха анзж̇ам̣ ажаланд̇иаад̣̇и. самаад̇хибарибант̇агзд̇и вид̇аггаад̣̇игз санд̇хааяа вад̣̇ад̇и, ид̣̇ам̣ бана батамаб̣од̇хияам̣ уббаннамби вад̇т̇ум̣ анаажаарамад̇д̇авасзна бхигкуухи жод̣̇ид̇зби бхаг̇авад̇аа ‘‘анаабад̇д̇и, бхигкавз, мог̇г̇аллаанассаа’’д̇и (баараа. 228) звам̣ ааяад̇им̣ ад̇д̇анаа бан̃н̃абияамаанабаарааж̇игаануг̇ун̣ам̣ д̇ад̣̇аа зва винийд̇анд̇и д̇хаммасан̇г̇аахагад̇т̇зрзхи бажчаа бан̃н̃ад̇д̇асса имасса сигкаабад̣̇асса винийд̇авад̇т̇убхаавзна сан̇г̇ахамааробид̇анд̇и д̣̇адтаб̣б̣ам̣. саавагаанам̣ уббадибаадияаа ануссаран̣аабхаавам̣ д̣̇ассзд̇ум̣ ‘‘на уббадибаадияаа’’д̇и вуд̇д̇ам̣. д̣̇уггарам̣ гад̇анд̇и ананд̇арз бан̃жагаббасад̇игз гаалз вин̃н̃аан̣асанд̇ад̇им̣ ад̣̇исвааби асаммуяхид̇ваа барад̇о д̇ад̇ияад̇д̇абхаавз д̣̇идтажуд̇ижид̇д̇зна сад̣̇д̇хим̣ вад̇д̇амаанабхавабадисанд̇хияаа анумаанзнааби гаарияагааран̣аабхааваг̇ахан̣ам̣ наама саавагаанам̣ д̣̇уггарад̇д̇аа вуд̇д̇ам̣. бадивид̣̇д̇хаад̇и бадивид̣̇д̇хасад̣̇исаа. яат̇аа наама сад̇д̇ад̇хаа паалид̇асса жаамараваалаломасса згааяа аг̇г̇агодияаа абарасса ваалаломам̣суно годим̣ д̣̇уурз тад̇ваа виж̇жхзяяа аавунанд̇о вияа бадибаад̣̇зяяа, звамзва иминааби д̣̇уггарам̣ гад̇анд̇и вуд̇д̇ам̣ ход̇и. зд̇ад̣̇аг̇г̇анд̇и зсо аг̇г̇о. яад̣̇ид̣̇анд̇и яо аяам̣.
232.Āneñjasamādhinti arūpasamāpattiyaṃ niruddhe satipi saddakaṇṭakena uṭṭhānāraho rūpāvacarasamādhiyeva idha vattabboti āha anejaṃ acalantiādi. Samādhiparipanthaketi vitakkādike sandhāya vadati, idaṃ pana paṭhamabodhiyaṃ uppannampi vatthuṃ anācāramattavasena bhikkhūhi coditepi bhagavatā ‘‘anāpatti, bhikkhave, moggallānassā’’ti (pārā. 228) evaṃ āyatiṃ attanā paññapiyamānapārājikānuguṇaṃ tadā eva vinītanti dhammasaṅgāhakattherehi pacchā paññattassa imassa sikkhāpadassa vinītavatthubhāvena saṅgahamāropitanti daṭṭhabbaṃ. Sāvakānaṃ uppaṭipāṭiyā anussaraṇābhāvaṃ dassetuṃ ‘‘na uppaṭipāṭiyā’’ti vuttaṃ. Dukkaraṃ katanti anantare pañcakappasatike kāle viññāṇasantatiṃ adisvāpi asammuyhitvā parato tatiyattabhāve diṭṭhacuticittena saddhiṃ vattamānabhavapaṭisandhiyā anumānenāpi kāriyakāraṇābhāvagahaṇaṃ nāma sāvakānaṃ dukkarattā vuttaṃ. Paṭividdhāti paṭividdhasadisā. Yathā nāma sattadhā phālitassa cāmaravālalomassa ekāya aggakoṭiyā aparassa vālalomaṃsuno koṭiṃ dūre ṭhatvā vijjheyya āvunanto viya paṭipādeyya, evameva imināpi dukkaraṃ katanti vuttaṃ hoti. Etadagganti eso aggo. Yadidanti yo ayaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / винийд̇авад̇т̇уван̣н̣анаа • Vinītavatthuvaṇṇanā
