| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဝိနီတဝတ္ထုဝဏ္ဏနာ
Vinītavatthuvaṇṇanā
၂၂၅-၆. ဒုက္ကရ အာဂာရ အာဝဋကာမ အဘိရတိဝတ္ထူသု ‘‘ယဒိ ဥလ္လပနာဓိပ္ပာယော ဘဝေယ္ယ, ပာရာဇိက’’န္တိ ဝဒန္တိ, ကာရဏံ ပန ဒုဒ္ဒသံ, ထုလ္လစ္စယံ ဝုတ္တံ ဝိယ, ဝီမံသိတဗ္ဗံ။ ယာနေန ဝာ ဣဒ္ဓိယာ ဝာ ဂစ္ဆန္တောပိ ပာရာဇိကံ နာပဇ္ဇတီတိ ပဒသာ ဂမနဝသေနေဝ ကတိကာယ ကတာယ ယုဇ္ဇတိ။ ‘‘အပုဗ္ဗံအစရိမံ ဂစ္ဆန္တောတိ ဟတ္ထပာသံ အဝိဇဟိတ္ဝာ အညမညသ္သ ဟတ္ထံ ဂဏ္ဟန္တော ဝိယ ဂစ္ဆန္တော’’တိ ဝုတ္တံ။ ဥဋ္ဌေထ ဧထ ဂစ္ဆာမာတိ ဧဝံ သဟဂမနေ ပုဗ္ဗာပရာ ဂစ္ဆန္တောပိ နာပဇ္ဇတီတိ အာစရိယသ္သ တက္ကော။ ဝသန္တသ္သာတိ တထာ ဝသန္တော စေ ဥပာသကေန ဒိသ္သတိ, ပာရာဇိကော ဟောတိ။ ‘‘ရတ္တိံ ဝသိတ္ဝာ ဂစ္ဆန္တော န ပာရာဇိကော’’တိ ဝုတ္တံ။ နာနာဝေရဇ္ဇကာတိ နာနာဇနပဒဝာသိနော။ သင္ဃလာဘောတိ ယထာဝုဍ္ဎံ အတ္တနော ပာပုဏနကောဋ္ဌာသော။
225-6. Dukkara āgāra āvaṭakāma abhirativatthūsu ‘‘yadi ullapanādhippāyo bhaveyya, pārājika’’nti vadanti, kāraṇaṃ pana duddasaṃ, thullaccayaṃ vuttaṃ viya, vīmaṃsitabbaṃ. Yānena vā iddhiyā vā gacchantopi pārājikaṃ nāpajjatīti padasā gamanavaseneva katikāya katāya yujjati. ‘‘Apubbaṃacarimaṃ gacchantoti hatthapāsaṃ avijahitvā aññamaññassa hatthaṃ gaṇhanto viya gacchanto’’ti vuttaṃ. Uṭṭhetha etha gacchāmāti evaṃ sahagamane pubbāparā gacchantopi nāpajjatīti ācariyassa takko. Vasantassāti tathā vasanto ce upāsakena dissati, pārājiko hoti. ‘‘Rattiṃ vasitvā gacchanto na pārājiko’’ti vuttaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ attano pāpuṇanakoṭṭhāso.
၂၂၈. ဣဓာတိ ‘‘ကော နု ခော’’တိအာဒိနာ ဝုတ္တေ ပဉ္ဟာကမ္မေ။ ဓမ္မဓာတု သဗ္ဗညုတညာဏံ။
228.Idhāti ‘‘ko nu kho’’tiādinā vutte pañhākamme. Dhammadhātu sabbaññutaññāṇaṃ.
၂၃၂. န ဥပ္ပဋိပာဋိယာတိ န သီဟောက္ကန္တဝသေန အနုသ္သရိ။ တသ္မာ အန္တရာဘဝဘူတာ ဧကာ ဧဝ ဇာတီတိ ပဋိဝိဇ္ဈတီတိ အတ္ထော။
232.Nauppaṭipāṭiyāti na sīhokkantavasena anussari. Tasmā antarābhavabhūtā ekā eva jātīti paṭivijjhatīti attho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၄. စတုတ္ထပာရာဇိကံ • 4. Catutthapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၄. စတုတ္ထပာရာဇိကံ • 4. Catutthapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝိနီတဝတ္ထုဝဏ္ဏနာ • Vinītavatthuvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝိနီတဝတ္ထုဝဏ္ဏနာ • Vinītavatthuvaṇṇanā
