| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဝိနီတဝတ္ထုဝဏ္ဏနာ
Vinītavatthuvaṇṇanā
၃၄၁. အလံဝစနီယာတိ န ဝစနီယာ, နိဝာရဏေ အလံ-သဒ္ဒော။ ထေရပိတာ ဝဒတီတိ ဇိဏ္ဏပိတာ ဝဒတီတိ အတ္ထော။ ကိဉ္စာပိ ဧတ္ထ ‘‘ဣတ္ထီ နာမ မနုသ္သိတ္ထီ န ယက္ခီ န ပေတီ န တိရစ္ဆာနဂတာ, ပုရိသော နာမ မနုသ္သပုရိသော န ယက္ခော’’တိအာဒိ နတ္ထိ, တထာပိ ကာယသံသဂ္ဂာဒီသု ‘‘မနုသ္သိတ္ထီ’’တိ ဣတ္ထီဝဝတ္ထာနသ္သ ကတတ္တာ ဣဓာပိ မနုသ္သိတ္ထီ ဧဝာတိ ပညာယတိ။ မေထုနပုဗ္ဗဘာဂတ္တာ မနုသ္သဥဘတောဗ္ယဉ္ဇနကော စ ထုလ္လစ္စယဝတ္ထုကောဝ ဟောတိ, သေသာ မနုသ္သပဏ္ဍကဥဘတောဗ္ယဉ္ဇနကတိရစ္ဆာနဂတပုရိသာဒယော ဒုက္ကဋဝတ္ထုကာဝ မိစ္ဆာစာရသာသနင္ဂသမ္ဘဝတောတိ ဝေဒိတဗ္ဗံ။ ယထာသမ္ဘဝံ ပန ဝာရာ ဥဒ္ဓရိတဗ္ဗာ။ ပညတ္တိအဇာနနေ ဝိယ အလံဝစနီယဘာဝာဇာနနေပိ အစိတ္တကတာ ဝေဒိတဗ္ဗာ။ ဒုဋ္ဌုလ္လာဒီသုပီတိ ‘‘ဣမသ္မိမ္ပီ’’တိ ဝုတ္တမေဝ ဟောတိ။ ‘‘လေခံ နေတ္ဝာ ပဋိလေခံ အာရောစိတသ္သာပိ သဉ္စရိတ္တံ နတ္ထိ သဉ္စရိတ္တဘာဝမဇာနန္တသ္သာ’’တိ ဝဒန္တိ, ဝီမံသိတ္ဝာ ဂဟေတဗ္ဗံ။
341.Alaṃvacanīyāti na vacanīyā, nivāraṇe alaṃ-saddo. Therapitā vadatīti jiṇṇapitā vadatīti attho. Kiñcāpi ettha ‘‘itthī nāma manussitthī na yakkhī na petī na tiracchānagatā, puriso nāma manussapuriso na yakkho’’tiādi natthi, tathāpi kāyasaṃsaggādīsu ‘‘manussitthī’’ti itthīvavatthānassa katattā idhāpi manussitthī evāti paññāyati. Methunapubbabhāgattā manussaubhatobyañjanako ca thullaccayavatthukova hoti, sesā manussapaṇḍakaubhatobyañjanakatiracchānagatapurisādayo dukkaṭavatthukāva micchācārasāsanaṅgasambhavatoti veditabbaṃ. Yathāsambhavaṃ pana vārā uddharitabbā. Paññattiajānane viya alaṃvacanīyabhāvājānanepi acittakatā veditabbā. Duṭṭhullādīsupīti ‘‘imasmimpī’’ti vuttameva hoti. ‘‘Lekhaṃ netvā paṭilekhaṃ ārocitassāpi sañcarittaṃ natthi sañcarittabhāvamajānantassā’’ti vadanti, vīmaṃsitvā gahetabbaṃ.
သဉ္စရိတ္တသိက္ခာပဒဝဏ္ဏနာ နိဋ္ဌိတာ။
Sañcarittasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. သဉ္စရိတ္တသိက္ခာပဒံ • 5. Sañcarittasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၅. သဉ္စရိတ္တသိက္ခာပဒဝဏ္ဏနာ • 5. Sañcarittasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. သဉ္စရိတ္တသိက္ခာပဒဝဏ္ဏနာ • 5. Sañcarittasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၅. သဉ္စရိတ္တသိက္ခာပဒဝဏ္ဏနာ • 5. Sañcarittasikkhāpadavaṇṇanā
