| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
විනීතවත්‌ථුවණ්‌ණනා
Vinītavatthuvaṇṇanā
132. අනාපත්‌ති, භික්‌ඛු, චිත්‌තුප්‌පාදෙති එත්‌ථ කෙවලං චිත්‌තං, තස්‌සෙව උප්‌පාදෙතබ්‌බාපත්‌තීහි අනාපත්‌තීති අත්‌ථො. එත්‌ථාහ – උපනික්‌ඛිත්‌තසාදියනාදීසු, සබ්‌බෙසු ච අකිරියසික්‌ඛාපදෙසු න කායඞ්‌ගචොපනං වා වාචඞ්‌ගචොපනං වා, අපිචාපත්‌ති, කස්‌මා ඉමස්‌මිංයෙව සික්‌ඛාපදෙ අනාපත්‌ති, න සබ්‌බාපත්‌තීහීති? න, කස්‌මා.
132.Anāpatti, bhikkhu, cittuppādeti ettha kevalaṃ cittaṃ, tasseva uppādetabbāpattīhi anāpattīti attho. Etthāha – upanikkhittasādiyanādīsu, sabbesu ca akiriyasikkhāpadesu na kāyaṅgacopanaṃ vā vācaṅgacopanaṃ vā, apicāpatti, kasmā imasmiṃyeva sikkhāpade anāpatti, na sabbāpattīhīti? Na, kasmā.
කත්‌තබ්‌බා සාධිකං සික්‌ඛා, විඤ්‌ඤත්‌තිං කායවාචිකං;
Kattabbā sādhikaṃ sikkhā, viññattiṃ kāyavācikaṃ;
අකත්‌වා කායවාචාහි, අවිඤ්‌ඤත්‌තීහි තං ඵුසෙ.
Akatvā kāyavācāhi, aviññattīhi taṃ phuse.
න ලෙසභාවත්‌තා. සප්‌පායෙ ආරම්‌මණෙ අට්‌ඨත්‌වා පටිලද්‌ධාසෙවනං හුත්‌වා තතො පරං සුට්‌ඨු ධාවතීති සන්‌ධාවති. තතො අභිජ්‌ඣාය සහගතං, බ්‍යාපාදසහගතං වා හුත්‌වා විසෙසතො ධාවතීති විධාවති.
Na lesabhāvattā. Sappāye ārammaṇe aṭṭhatvā paṭiladdhāsevanaṃ hutvā tato paraṃ suṭṭhu dhāvatīti sandhāvati. Tato abhijjhāya sahagataṃ, byāpādasahagataṃ vā hutvā visesato dhāvatīti vidhāvati.
137. වණං කත්‌වා ගහෙතුන්‌ති එත්‌ථ කිඤ්‌චාපි ඉමිනා සික්‌ඛාපදෙන අනාපත්‌ති, ඉත්‌ථිරූපස්‌ස නාම යත්‌ථ ආමසන්‌තස්‌ස දුක්‌කටන්‌ති කෙචි. ‘‘කායපටිබද්‌ධග්‌ගහණං යුත්‌තං, තං සන්‌ධාය වට්‌ටතීති වුත්‌ත’’න්‌ති වදන්‌ති. උභයං විචාරෙත්‌වා ගහෙතබ්‌බං.
137.Vaṇaṃ katvā gahetunti ettha kiñcāpi iminā sikkhāpadena anāpatti, itthirūpassa nāma yattha āmasantassa dukkaṭanti keci. ‘‘Kāyapaṭibaddhaggahaṇaṃ yuttaṃ, taṃ sandhāya vaṭṭatīti vutta’’nti vadanti. Ubhayaṃ vicāretvā gahetabbaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. දුතියපාරාජිකං • 2. Dutiyapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 2. දුතියපාරාජිකං • 2. Dutiyapārājikaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / විනීතවත්‌ථුවණ්‌ණනා • Vinītavatthuvaṇṇanā
