| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
ཝིནཱིཏཝཏྠུཝཎྞནཱ
Vinītavatthuvaṇṇanā
༡༣༢. ཨནཱཔཏྟི, བྷིཀྑུ, ཙིཏྟུཔྤཱདེཏི ཨེཏྠ ཀེཝལཾ ཙིཏྟཾ, ཏསྶེཝ ཨུཔྤཱདེཏབྦཱཔཏྟཱིཧི ཨནཱཔཏྟཱིཏི ཨཏྠོ། ཨེཏྠཱཧ – ཨུཔནིཀྑིཏྟསཱདིཡནཱདཱིསུ, སབྦེསུ ཙ ཨཀིརིཡསིཀྑཱཔདེསུ ན ཀཱཡངྒཙོཔནཾ ཝཱ ཝཱཙངྒཙོཔནཾ ཝཱ, ཨཔིཙཱཔཏྟི, ཀསྨཱ ཨིམསྨིཾཡེཝ སིཀྑཱཔདེ ཨནཱཔཏྟི, ན སབྦཱཔཏྟཱིཧཱིཏི? ན, ཀསྨཱ།
132.Anāpatti, bhikkhu, cittuppādeti ettha kevalaṃ cittaṃ, tasseva uppādetabbāpattīhi anāpattīti attho. Etthāha – upanikkhittasādiyanādīsu, sabbesu ca akiriyasikkhāpadesu na kāyaṅgacopanaṃ vā vācaṅgacopanaṃ vā, apicāpatti, kasmā imasmiṃyeva sikkhāpade anāpatti, na sabbāpattīhīti? Na, kasmā.
ཀཏྟབྦཱ སཱདྷིཀཾ སིཀྑཱ, ཝིཉྙཏྟིཾ ཀཱཡཝཱཙིཀཾ།
Kattabbā sādhikaṃ sikkhā, viññattiṃ kāyavācikaṃ;
ཨཀཏྭཱ ཀཱཡཝཱཙཱཧི, ཨཝིཉྙཏྟཱིཧི ཏཾ ཕུསེ༎
Akatvā kāyavācāhi, aviññattīhi taṃ phuse.
ན ལེསབྷཱཝཏྟཱ། སཔྤཱཡེ ཨཱརམྨཎེ ཨཊྛཏྭཱ པཊིལདྡྷཱསེཝནཾ ཧུཏྭཱ ཏཏོ པརཾ སུཊྛུ དྷཱཝཏཱིཏི སནྡྷཱཝཏི། ཏཏོ ཨབྷིཛ྄ཛྷཱཡ སཧགཏཾ, བྱཱཔཱདསཧགཏཾ ཝཱ ཧུཏྭཱ ཝིསེསཏོ དྷཱཝཏཱིཏི ཝིདྷཱཝཏི།
Na lesabhāvattā. Sappāye ārammaṇe aṭṭhatvā paṭiladdhāsevanaṃ hutvā tato paraṃ suṭṭhu dhāvatīti sandhāvati. Tato abhijjhāya sahagataṃ, byāpādasahagataṃ vā hutvā visesato dhāvatīti vidhāvati.
༡༣༧. ཝཎཾ ཀཏྭཱ གཧེཏུནྟི ཨེཏྠ ཀིཉྩཱཔི ཨིམིནཱ སིཀྑཱཔདེན ཨནཱཔཏྟི, ཨིཏྠིརཱུཔསྶ ནཱམ ཡཏྠ ཨཱམསནྟསྶ དུཀྐཊནྟི ཀེཙི། ‘‘ཀཱཡཔཊིབདྡྷགྒཧཎཾ ཡུཏྟཾ, ཏཾ སནྡྷཱཡ ཝཊྚཏཱིཏི ཝུཏྟ’’ནྟི ཝདནྟི། ཨུབྷཡཾ ཝིཙཱརེཏྭཱ གཧེཏབྦཾ།
137.Vaṇaṃ katvā gahetunti ettha kiñcāpi iminā sikkhāpadena anāpatti, itthirūpassa nāma yattha āmasantassa dukkaṭanti keci. ‘‘Kāyapaṭibaddhaggahaṇaṃ yuttaṃ, taṃ sandhāya vaṭṭatīti vutta’’nti vadanti. Ubhayaṃ vicāretvā gahetabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཝིནཱིཏཝཏྠུཝཎྞནཱ • Vinītavatthuvaṇṇanā
