| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
વਿਨੀਤવਤ੍ਥੁવਣ੍ਣਨਾ
Vinītavatthuvaṇṇanā
੨੨੩. ਸੇਕ੍ਖਭੂਮਿਯਨ੍ਤਿ ਇਮਿਨਾ ਝਾਨਭੂਮਿਮ੍ਪਿ ਸਙ੍ਗਣ੍ਹਾਤਿ। ਤਿਣ੍ਣਂ વਿવੇਕਾਨਨ੍ਤਿ ਕਾਯਚਿਤ੍ਤਉਪਧਿવਿવੇਕਾਨਂ। ਪਿਣ੍ਡਾਯ ਚਰਣਸ੍ਸ ਭੋਜਨਪਰਿਯੋਸਾਨਤਾਯ વੁਤ੍ਤਂ ‘‘ਯਾવ ਭੋਜਨਪਅਯੋਸਾਨ’’ਨ੍ਤਿ। ਅਨ੍ਤਰਘਰੇ ਭੁਤ੍વਾ ਆਗਚ੍ਛਨ੍ਤਸ੍ਸਾਪਿ વੁਤ੍ਤਨਯੇਨੇવ ਸਮ੍ਭਾવਨਿਚ੍ਛਾਯ ਚੀવਰਸਣ੍ਠਾਪਨਾਦੀਨਿ ਕਰੋਨ੍ਤਸ੍ਸ ਦੁਕ੍ਕਟਮੇવ, ਪਾਲ਼ਿਯਂ ਪਨ ਦੁਕ੍ਕਰਾਦਿવਤ੍ਥੂਸੁ ‘‘ਅਨਾਪਤ੍ਤਿ ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ ਇਦਂ ਥੁਲ੍ਲਚ੍ਚਯੇਨਾਪਿ ਅਨਾਪਤ੍ਤਿਦਸ੍ਸਨਤ੍ਥਂ વੁਤ੍ਤਂ। ਉਲ੍ਲਪਨਾਧਿਪ੍ਪਾਯਸ੍ਸਾਪਿ ਹਿ ‘‘ਨਾવੁਸੋ, ਦੁਕ੍ਕਰਂ ਅਞ੍ਞਂ ਬ੍ਯਾਕਾਤੁ’’ਨ੍ਤਿ વੁਤ੍ਤੇ ਥੁਲ੍ਲਚ੍ਚਯਮੇવ ਅਤ੍ਤੁਪਨਾਯਿਕਤ੍ਤਾਭਾવਤੋਤਿ ਦਟ੍ਠਬ੍ਬਂ।
223.Sekkhabhūmiyanti iminā jhānabhūmimpi saṅgaṇhāti. Tiṇṇaṃ vivekānanti kāyacittaupadhivivekānaṃ. Piṇḍāya caraṇassa bhojanapariyosānatāya vuttaṃ ‘‘yāva bhojanapaayosāna’’nti. Antaraghare bhutvā āgacchantassāpi vuttanayeneva sambhāvanicchāya cīvarasaṇṭhāpanādīni karontassa dukkaṭameva, pāḷiyaṃ pana dukkarādivatthūsu ‘‘anāpatti anullapanādhippāyassā’’ti idaṃ thullaccayenāpi anāpattidassanatthaṃ vuttaṃ. Ullapanādhippāyassāpi hi ‘‘nāvuso, dukkaraṃ aññaṃ byākātu’’nti vutte thullaccayameva attupanāyikattābhāvatoti daṭṭhabbaṃ.
੨੨੭. ਨ ਦਾਨਾਹਂ ਤਤ੍ਥ ਗਮਿਸ੍ਸਾਮੀਤਿ ਪੁਨ ਤਤ੍ਥ વਸਿਤਟ੍ਠਾਨੇ ਨ ਗਮਿਸ੍ਸਾਮਿ, ਏવਂ ਸਤਿ ਪਠਮਂ ਗਤੋ ਅਯਂ ਪੁਨ ਚ ਨਾਗਤੋ, ਤਸ੍ਮਾ ਅਰਹਾਤਿ ਮਞ੍ਞਿਸ੍ਸਨ੍ਤੀਤਿ ਅਧਿਪ੍ਪਾਯੋ। ਤਂ ਠਾਨਨ੍ਤਿ ਆવਾਸਂ વਾਤਿਆਦਿਨਾ ਪੁਬ੍ਬੇ ਪਰਿਚ੍ਛਿਨ੍ਨਟ੍ਠਾਨਂ। ਪਦਸਾ ਗਮਨਂ ਸਨ੍ਧਾਯ ਕਤਿਕਾਯ ਕਤਤ੍ਤਾ ਯਾਨੇਨਾਤਿਆਦਿ વੁਤ੍ਤਂ। વਿਜ੍ਜਾਮਯਿਦ੍ਧਿਂ ਸਨ੍ਧਾਯ ‘‘ਇਦ੍ਧਿਯਾ’’ਤਿ વੁਤ੍ਤਂ ਉਲ੍ਲਪਨਾਧਿਪ੍ਪਾਯਸ੍ਸ ਅਭਿਞ੍ਞਿਦ੍ਧਿਯਾ ਅਸਮ੍ਭવਤੋ। ਅਞ੍ਞਮਞ੍ਞਂ ਰਕ੍ਖਨ੍ਤੀਤਿ ਉਲ੍ਲਪਨਾਧਿਪ੍ਪਾਯੇ ਸਤਿਪਿ ਏਕਸ੍ਸਾਪਿ ਪਠਮਗਮਨਾਭਾવਾ ਰਕ੍ਖਨ੍ਤਿ। ਸਚੇ ਪਨ ਕਤਿਕਂ ਕਤ੍વਾ ਨਿਸਿਨ੍ਨੇਸੁ ਏਕਂ ਦ੍વੇ ਠਪੇਤ੍વਾ ਅવਸੇਸਾ ਉਲ੍ਲਪਨਾਧਿਪ੍ਪਾਯੇਨ ਏਕਤੋ ਗਚ੍ਛਨ੍ਤਿ, ਗਤਾਨਂ ਸਬ੍ਬੇਸਂ ਪਾਰਾਜਿਕਮੇવ। ਤੇਸੁ ਯਸ੍ਸ ਉਲ੍ਲਪਨਾਧਿਪ੍ਪਾਯੋ ਨਤ੍ਥਿ, ਤਸ੍ਸ ਅਨਾਪਤ੍ਤਿ। ਏਤਨ੍ਤਿ ਹੇਟ੍ਠਾ વੁਤ੍ਤਂ ਸਬ੍ਬਂ ਕਤਿਕવਤ੍ਤਂ। ਨਾਨਾવੇਰਜ੍ਜਕਾਤਿ ਨਾਨਾਜਨਪਦવਾਸਿਨੋ। ਸਙ੍ਘਲਾਭੋਤਿ ਯਥਾવੁਡ੍ਢਂ ਪਾਪੁਣਨਕਕੋਟ੍ਠਾਸੋ। ਅਯਞ੍ਚ ਪਟਿਕ੍ਖੇਪੋ ਅવਿਸੇਸੇਤ੍વਾ ਕਰਣਂ ਸਨ੍ਧਾਯ ਕਤੋ, વਿਸੇਸੇਤ੍વਾ ਪਨ ‘‘ਏਤ੍ਤਕੋ ਅਸੁਕਸ੍ਸਾ’’ਤਿ ਪਰਿਚ੍ਛਿਨ੍ਦਿਤ੍વਾ ਅਪਲੋਕੇਤ੍વਾ ਦਾਤੁਂ વਟ੍ਟਤਿ।
227.Na dānāhaṃ tattha gamissāmīti puna tattha vasitaṭṭhāne na gamissāmi, evaṃ sati paṭhamaṃ gato ayaṃ puna ca nāgato, tasmā arahāti maññissantīti adhippāyo. Taṃ ṭhānanti āvāsaṃ vātiādinā pubbe paricchinnaṭṭhānaṃ. Padasā gamanaṃ sandhāya katikāya katattā yānenātiādi vuttaṃ. Vijjāmayiddhiṃ sandhāya ‘‘iddhiyā’’ti vuttaṃ ullapanādhippāyassa abhiññiddhiyā asambhavato. Aññamaññaṃ rakkhantīti ullapanādhippāye satipi ekassāpi paṭhamagamanābhāvā rakkhanti. Sace pana katikaṃ katvā nisinnesu ekaṃ dve ṭhapetvā avasesā ullapanādhippāyena ekato gacchanti, gatānaṃ sabbesaṃ pārājikameva. Tesu yassa ullapanādhippāyo natthi, tassa anāpatti. Etanti heṭṭhā vuttaṃ sabbaṃ katikavattaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ pāpuṇanakakoṭṭhāso. Ayañca paṭikkhepo avisesetvā karaṇaṃ sandhāya kato, visesetvā pana ‘‘ettako asukassā’’ti paricchinditvā apaloketvā dātuṃ vaṭṭati.
੨੨੮. ਧਮ੍ਮਧਾਤੂਤਿ ਸਬ੍ਬਞ੍ਞੁਤਞ੍ਞਾਣਂ, ਧਮ੍ਮਾਨਂ ਸਭਾવੋ વਾ। ਉਪਪਤ੍ਤੀਤਿ ਅਤ੍ਤਭਾવਂ ਸਨ੍ਧਾਯ વਦਤਿ। ਦੁਸ੍ਸਦ੍ਧਾਪਯਾ ਹੋਨ੍ਤੀਤਿ ਪੁਥੁਜ੍ਜਨੇ ਸਨ੍ਧਾਯ વੁਤ੍ਤਂ, ਨ ਲਕ੍ਖਣਤ੍ਥੇਰਾਦਿਕੇ ਅਰਿਯਪੁਗ੍ਗਲੇ । વਿਤੁਡੇਨ੍ਤੀਤਿ વਿਨਿવਿਜ੍ਝਿਤ੍વਾ ਡੇਨ੍ਤਿ ਗਚ੍ਛਨ੍ਤਿ, ਫਾਸੁਲ਼ਨ੍ਤਰਿਕਾਯੋ ਛਿਦ੍ਦਾવਛਿਦ੍ਦਂ ਕਤ੍વਾ ਤਾਹਿ ਗਚ੍ਛਨ੍ਤੀਤਿ ਨਿਸ੍ਸਕ੍ਕવਸੇਨ ਅਤ੍ਥੋ। વਿਤੁਦੇਨ੍ਤੀਤਿ ਪਾਠੇ ਫਾਸੁਲ਼ਨ੍ਤਰਿਕਾਹੀਤਿ ਆਧਾਰਤ੍ਥੇ ਨਿਸ੍ਸਕ੍ਕવਚਨਂ। ਲੋਹਤੁਣ੍ਡੇਹੀਤਿ ਕਾਲ਼ਲੋਹਮਯੇਹਿ ਤੁਣ੍ਡੇਹਿ। ਅਚ੍ਛਰਿਯਂ વਤਾਤਿ ਗਰਹਿਤਬ੍ਬਤਾਯ ਅਚ੍ਛਰਂ ਪਹਰਿਤੁਂ ਯੁਤ੍ਤਰੂਪਂ। ਚਕ੍ਖੁਭੂਤਾਤਿ ਲੋਕਸ੍ਸ ਚਕ੍ਖੁ વਿਯ ਭੂਤਾ ਸਞ੍ਜਾਤਾ, ਚਕ੍ਖੁਸਦਿਸਾਤਿਪਿ ਅਤ੍ਥੋ। ਤਸ੍ਸੇવ ਕਮ੍ਮਸ੍ਸਾਤਿ ਯੇਨ ਗੋਘਾਤਕਕਮ੍ਮੇਨੇવ ਨਿਰਯੇ ਨਿਬ੍ਬਤ੍ਤੋ, ਤਸ੍ਸੇવਾਤਿ ਅਤ੍ਥੇ ਗਯ੍ਹਮਾਨੇ ਏਕਾਯ ਚੇਤਨਾਯ ਬਹੁਪਟਿਸਨ੍ਧਿਯੋ ਹੋਨ੍ਤੀਤਿ ਆਪਜ੍ਜਤਿ, ਨ ਚੇਤਂ ਯੁਤ੍ਤਂ ਏਕਸ੍ਸ ਅਮ੍ਬਾਦਿਬੀਜਸ੍ਸ ਅਨੇਕਙ੍ਕੁਰੁਪ੍ਪਤ੍ਤਿ વਿਯਾਤਿ ਤਂ ਪਰਿਹਰਨ੍ਤੋ ਆਹ ਤਸ੍ਸ ਨਾਨਾਚੇਤਨਾਹਿ ਆਯੂਹਿਤਸ੍ਸਾਤਿਆਦਿ, ਤੇਨ ਗੋਘਾਤਕਕਮ੍ਮਕ੍ਖਣੇ ਪੁਬ੍ਬਚੇਤਨਾ ਅਪਰਚੇਤਨਾ ਸਨ੍ਨਿਟ੍ਠਾਪਕਚੇਤਨਾਤਿ ਏਕਸ੍ਮਿਮ੍ਪਿ ਪਾਣਾਤਿਪਾਤੇ ਬਹੂ ਚੇਤਨਾ ਹੋਨ੍ਤਿ, ਨਾਨਾਪਾਣਾਤਿਪਾਤੇਸੁ વਤ੍ਤਬ੍ਬਮੇવ ਨਤ੍ਥਿ। ਤਤ੍ਥ ਏਕਾਯ ਚੇਤਨਾਯ ਨਰਕੇ ਪਚਿਤ੍વਾ ਤਦਞ੍ਞਚੇਤਨਾਸੁ ਏਕਾਯ ਅਪਰਾਪਰਿਯਚੇਤਨਾਯ ਇਮਸ੍ਮਿਂ ਪੇਤਤ੍ਤਭਾવੇ ਨਿਬ੍ਬਤ੍ਤੋਤਿ ਦਸ੍ਸੇਤਿ, ਤੇਨਾਹ ‘‘ਅવਸੇਸਕਮ੍ਮਂ વਾ ਕਮ੍ਮਨਿਮਿਤ੍ਤਂ વਾ’’ਤਿ। ਏਤ੍ਥ ਚ ਕਮ੍ਮਸਰਿਕ੍ਖવਿਪਾਕੁਪ੍ਪਤ੍ਤਿਂ ਸਨ੍ਧਾਯ ਕਮ੍ਮਕਮ੍ਮਨਿਮਿਤ੍ਤਾਨਮੇવ ਗਹਣਂ ਕਤਂ, ਨ ਗਤਿਨਿਮਿਤ੍ਤਸ੍ਸ, ਤੇਨਾਹ ‘‘ਅਟ੍ਠਿਰਾਸਿਯੇવ ਨਿਮਿਤ੍ਤਂ ਅਹੋਸੀ’’ਤਿ। ਪਾਲ਼ਿਯਂ વਿਤਚ੍ਛੇਨ੍ਤੀਤਿ ਤੁਣ੍ਡੇਹਿ ਤਚ੍ਛੇਨ੍ਤੋ વਿਯ ਲੁਞ੍ਚਨ੍ਤਿ। વਿਰਾਜੇਨ੍ਤੀਤਿ વਿਲਿਖਨ੍ਤਿ।
228.Dhammadhātūti sabbaññutaññāṇaṃ, dhammānaṃ sabhāvo vā. Upapattīti attabhāvaṃ sandhāya vadati. Dussaddhāpayā hontīti puthujjane sandhāya vuttaṃ, na lakkhaṇattherādike ariyapuggale . Vituḍentīti vinivijjhitvā ḍenti gacchanti, phāsuḷantarikāyo chiddāvachiddaṃ katvā tāhi gacchantīti nissakkavasena attho. Vitudentīti pāṭhe phāsuḷantarikāhīti ādhāratthe nissakkavacanaṃ. Lohatuṇḍehīti kāḷalohamayehi tuṇḍehi. Acchariyaṃ vatāti garahitabbatāya accharaṃ paharituṃ yuttarūpaṃ. Cakkhubhūtāti lokassa cakkhu viya bhūtā sañjātā, cakkhusadisātipi attho. Tasseva kammassāti yena goghātakakammeneva niraye nibbatto, tassevāti atthe gayhamāne ekāya cetanāya bahupaṭisandhiyo hontīti āpajjati, na cetaṃ yuttaṃ ekassa ambādibījassa anekaṅkuruppatti viyāti taṃ pariharanto āha tassa nānācetanāhi āyūhitassātiādi, tena goghātakakammakkhaṇe pubbacetanā aparacetanā sanniṭṭhāpakacetanāti ekasmimpi pāṇātipāte bahū cetanā honti, nānāpāṇātipātesu vattabbameva natthi. Tattha ekāya cetanāya narake pacitvā tadaññacetanāsu ekāya aparāpariyacetanāya imasmiṃ petattabhāve nibbattoti dasseti, tenāha ‘‘avasesakammaṃ vā kammanimittaṃ vā’’ti. Ettha ca kammasarikkhavipākuppattiṃ sandhāya kammakammanimittānameva gahaṇaṃ kataṃ, na gatinimittassa, tenāha ‘‘aṭṭhirāsiyeva nimittaṃ ahosī’’ti. Pāḷiyaṃ vitacchentīti tuṇḍehi tacchento viya luñcanti. Virājentīti vilikhanti.
੨੨੯. વਲ੍ਲੂਰવਿਕ੍ਕਯੇਨਾਤਿ ਸੁਕ੍ਖਾਪਿਤਮਂਸવਿਕ੍ਕਯੇਨ। ਨਿਪ੍ਪਕ੍ਖਚਮ੍ਮੇਤਿ વਿਗਤਪਕ੍ਖਲੋਮਚਮ੍ਮੇ। ਏਕਂ ਮਿਗਨ੍ਤਿ ਦੀਪਕਮਿਗਂ। ਕਾਰਣਾਹੀਤਿ ਘਾਤਨਾਹਿ। ਞਤ੍વਾਤਿ ਕਮ੍ਮਟ੍ਠਾਨਂ ਞਤ੍વਾ।
229.Vallūravikkayenāti sukkhāpitamaṃsavikkayena. Nippakkhacammeti vigatapakkhalomacamme. Ekaṃ miganti dīpakamigaṃ. Kāraṇāhīti ghātanāhi. Ñatvāti kammaṭṭhānaṃ ñatvā.
੨੩੦. ਮਙ੍ਗਨવਸੇਨ ਉਲਤੀਤਿ ਮਙ੍ਗੁਲਿ, વਿਰੂਪਬੀਭਚ੍ਛਭਾવੇਨ ਪવਤ੍ਤਤੀਤਿ ਅਤ੍ਥੋ। ਚਿਤ੍ਤਕੇਲ਼ਿਨ੍ਤਿ ਚਿਤ੍ਤਰੁਚਿਯਂ ਅਨਾਚਾਰਕੀਲ਼ਂ।
230. Maṅganavasena ulatīti maṅguli, virūpabībhacchabhāvena pavattatīti attho. Cittakeḷinti cittaruciyaṃ anācārakīḷaṃ.
੨੩੧. ਨਿਸ੍ਸੇવਾਲਪਣਕਕਦ੍ਦਮੋਤਿ ਤਿਲਬੀਜਕਾਦਿਸੇવਾਲੇਨ ਨੀਲਮਣ੍ਡੂਕਪਿਟ੍ਠਿવਣ੍ਣੇਨ ਉਦਕਪਿਟ੍ਠੇ ਉਦਕਂ ਨੀਲવਣ੍ਣਂ ਕੁਰੁਮਾਨੇਨ ਪਣਕੇਨ ਕਦ੍ਦਮੇਨ ਚ વਿਰਹਿਤੋ। ਉਣ੍ਹਭਾવੇਨ ਤਪਨਤੋ ਤਪਂ ਉਦਕਂ ਅਸ੍ਸਾਤਿ ਤਪੋਦਕਾਤਿ વਤ੍ਤਬ੍ਬੇ ਕ-ਕਾਰਲੋਪਂ ਕਤ੍વਾ ‘‘ਤਪੋਦਾ’’ਤਿ વੁਚ੍ਚਤਿ। ਪੇਤਲੋਕੋਤਿ ਪਕਟ੍ਠੇਨ ਅਕੁਸਲਕਮ੍ਮੇਨ ਸੁਗਤਿਤੋ ਦੁਗ੍ਗਤਿਂ ਇਤਾਨਂ ਗਤਾਨਂ ਲੋਕੋ ਸਮੂਹੋ, ਨਿવਾਸਟ੍ਠਾਨਂ વਾ। ਕਤਹਤ੍ਥਾਤਿ ਧਨੁਸਿਪ੍ਪੇ ਸੁਟ੍ਠੁ ਸਿਕ੍ਖਿਤਹਤ੍ਥਾ, ਅવਿਰਜ੍ਝਨਲਕ੍ਖવੇਧਾਤਿ ਅਤ੍ਥੋ। ਸਿਪ੍ਪਦਸ੍ਸਨવਸੇਨ ਰਾਜਕੁਲਾਦੀਸੁ ਰਾਜਸਮੂਹਂ ਉਪੇਚ੍ਚ ਕਤਂ ਅਸਨਂ ਸਰਕ੍ਖੇਪੋ ਏਤੇਸਨ੍ਤਿ ਕਤੁਪਾਸਨਾ, ਸਬ੍ਬਤ੍ਥ ਦਸ੍ਸਿਤਸਿਪ੍ਪਾਤਿ ਅਤ੍ਥੋ। ਪਭਗ੍ਗੋਤਿ ਪਭਞ੍ਜਿਤੋ, ਪਰਾਜਿਤੋਤਿ ਅਤ੍ਥੋ।
231.Nissevālapaṇakakaddamoti tilabījakādisevālena nīlamaṇḍūkapiṭṭhivaṇṇena udakapiṭṭhe udakaṃ nīlavaṇṇaṃ kurumānena paṇakena kaddamena ca virahito. Uṇhabhāvena tapanato tapaṃ udakaṃ assāti tapodakāti vattabbe ka-kāralopaṃ katvā ‘‘tapodā’’ti vuccati. Petalokoti pakaṭṭhena akusalakammena sugatito duggatiṃ itānaṃ gatānaṃ loko samūho, nivāsaṭṭhānaṃ vā. Katahatthāti dhanusippe suṭṭhu sikkhitahatthā, avirajjhanalakkhavedhāti attho. Sippadassanavasena rājakulādīsu rājasamūhaṃ upecca kataṃ asanaṃ sarakkhepo etesanti katupāsanā, sabbattha dassitasippāti attho. Pabhaggoti pabhañjito, parājitoti attho.
੨੩੨. ਆਨੇਞ੍ਜਸਮਾਧਿਨ੍ਤਿ ਅਰੂਪਸਮਾਪਤ੍ਤਿਯਂ ਨਿਰੁਦ੍ਧੇ ਸਤਿਪਿ ਸਦ੍ਦਕਣ੍ਟਕੇਨ ਉਟ੍ਠਾਨਾਰਹੋ ਰੂਪਾવਚਰਸਮਾਧਿਯੇવ ਇਧ વਤ੍ਤਬ੍ਬੋਤਿ ਆਹ ਅਨੇਜਂ ਅਚਲਨ੍ਤਿਆਦਿ। ਸਮਾਧਿਪਰਿਪਨ੍ਥਕੇਤਿ વਿਤਕ੍ਕਾਦਿਕੇ ਸਨ੍ਧਾਯ વਦਤਿ, ਇਦਂ ਪਨ ਪਠਮਬੋਧਿਯਂ ਉਪ੍ਪਨ੍ਨਮ੍ਪਿ વਤ੍ਥੁਂ ਅਨਾਚਾਰਮਤ੍ਤવਸੇਨ ਭਿਕ੍ਖੂਹਿ ਚੋਦਿਤੇਪਿ ਭਗવਤਾ ‘‘ਅਨਾਪਤ੍ਤਿ, ਭਿਕ੍ਖવੇ, ਮੋਗ੍ਗਲ੍ਲਾਨਸ੍ਸਾ’’ਤਿ (ਪਾਰਾ॰ ੨੨੮) ਏવਂ ਆਯਤਿਂ ਅਤ੍ਤਨਾ ਪਞ੍ਞਪਿਯਮਾਨਪਾਰਾਜਿਕਾਨੁਗੁਣਂ ਤਦਾ ਏવ વਿਨੀਤਨ੍ਤਿ ਧਮ੍ਮਸਙ੍ਗਾਹਕਤ੍ਥੇਰੇਹਿ ਪਚ੍ਛਾ ਪਞ੍ਞਤ੍ਤਸ੍ਸ ਇਮਸ੍ਸ ਸਿਕ੍ਖਾਪਦਸ੍ਸ વਿਨੀਤવਤ੍ਥੁਭਾવੇਨ ਸਙ੍ਗਹਮਾਰੋਪਿਤਨ੍ਤਿ ਦਟ੍ਠਬ੍ਬਂ। ਸਾવਕਾਨਂ ਉਪ੍ਪਟਿਪਾਟਿਯਾ ਅਨੁਸ੍ਸਰਣਾਭਾવਂ ਦਸ੍ਸੇਤੁਂ ‘‘ਨ ਉਪ੍ਪਟਿਪਾਟਿਯਾ’’ਤਿ વੁਤ੍ਤਂ। ਦੁਕ੍ਕਰਂ ਕਤਨ੍ਤਿ ਅਨਨ੍ਤਰੇ ਪਞ੍ਚਕਪ੍ਪਸਤਿਕੇ ਕਾਲੇ વਿਞ੍ਞਾਣਸਨ੍ਤਤਿਂ ਅਦਿਸ੍વਾਪਿ ਅਸਮ੍ਮੁਯ੍ਹਿਤ੍વਾ ਪਰਤੋ ਤਤਿਯਤ੍ਤਭਾવੇ ਦਿਟ੍ਠਚੁਤਿਚਿਤ੍ਤੇਨ ਸਦ੍ਧਿਂ વਤ੍ਤਮਾਨਭવਪਟਿਸਨ੍ਧਿਯਾ ਅਨੁਮਾਨੇਨਾਪਿ ਕਾਰਿਯਕਾਰਣਾਭਾવਗਹਣਂ ਨਾਮ ਸਾવਕਾਨਂ ਦੁਕ੍ਕਰਤ੍ਤਾ વੁਤ੍ਤਂ। ਪਟਿવਿਦ੍ਧਾਤਿ ਪਟਿવਿਦ੍ਧਸਦਿਸਾ। ਯਥਾ ਨਾਮ ਸਤ੍ਤਧਾ ਫਾਲਿਤਸ੍ਸ ਚਾਮਰવਾਲਲੋਮਸ੍ਸ ਏਕਾਯ ਅਗ੍ਗਕੋਟਿਯਾ ਅਪਰਸ੍ਸ વਾਲਲੋਮਂਸੁਨੋ ਕੋਟਿਂ ਦੂਰੇ ਠਤ੍વਾ વਿਜ੍ਝੇਯ੍ਯ ਆવੁਨਨ੍ਤੋ વਿਯ ਪਟਿਪਾਦੇਯ੍ਯ, ਏવਮੇવ ਇਮਿਨਾਪਿ ਦੁਕ੍ਕਰਂ ਕਤਨ੍ਤਿ વੁਤ੍ਤਂ ਹੋਤਿ। ਏਤਦਗ੍ਗਨ੍ਤਿ ਏਸੋ ਅਗ੍ਗੋ। ਯਦਿਦਨ੍ਤਿ ਯੋ ਅਯਂ।
232.Āneñjasamādhinti arūpasamāpattiyaṃ niruddhe satipi saddakaṇṭakena uṭṭhānāraho rūpāvacarasamādhiyeva idha vattabboti āha anejaṃ acalantiādi. Samādhiparipanthaketi vitakkādike sandhāya vadati, idaṃ pana paṭhamabodhiyaṃ uppannampi vatthuṃ anācāramattavasena bhikkhūhi coditepi bhagavatā ‘‘anāpatti, bhikkhave, moggallānassā’’ti (pārā. 228) evaṃ āyatiṃ attanā paññapiyamānapārājikānuguṇaṃ tadā eva vinītanti dhammasaṅgāhakattherehi pacchā paññattassa imassa sikkhāpadassa vinītavatthubhāvena saṅgahamāropitanti daṭṭhabbaṃ. Sāvakānaṃ uppaṭipāṭiyā anussaraṇābhāvaṃ dassetuṃ ‘‘na uppaṭipāṭiyā’’ti vuttaṃ. Dukkaraṃ katanti anantare pañcakappasatike kāle viññāṇasantatiṃ adisvāpi asammuyhitvā parato tatiyattabhāve diṭṭhacuticittena saddhiṃ vattamānabhavapaṭisandhiyā anumānenāpi kāriyakāraṇābhāvagahaṇaṃ nāma sāvakānaṃ dukkarattā vuttaṃ. Paṭividdhāti paṭividdhasadisā. Yathā nāma sattadhā phālitassa cāmaravālalomassa ekāya aggakoṭiyā aparassa vālalomaṃsuno koṭiṃ dūre ṭhatvā vijjheyya āvunanto viya paṭipādeyya, evameva imināpi dukkaraṃ katanti vuttaṃ hoti. Etadagganti eso aggo. Yadidanti yo ayaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਚਤੁਤ੍ਥਪਾਰਾਜਿਕਂ • 4. Catutthapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਚਤੁਤ੍ਥਪਾਰਾਜਿਕਂ • 4. Catutthapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā
