| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. විඤ්‌ඤාණඅඤ්‌ඤාණසුත්‌තං
5. Viññāṇaaññāṇasuttaṃ
611. සාවත්‌ථිනිදානං . එකමන්‌තං නිසින්‌නො ඛො වච්‌ඡගොත්‌තො පරිබ්‌බාජකො භගවන්‌තං එතදවොච – ‘‘කො නු ඛො, භො ගොතම, හෙතු, කො පච්‌චයො, යානිමානි අනෙකවිහිතානි දිට්‌ඨිගතානි ලොකෙ උප්‌පජ්‌ජන්‌ති – සස්‌සතො ලොකොති වා, අසස්‌සතො ලොකොති වා …පෙ.… නෙව හොති න න හොති තථාගතො පරං මරණාති වා’’ති? ‘‘විඤ්‌ඤාණෙ ඛො, වච්‌ඡ, අඤ්‌ඤාණා, විඤ්‌ඤාණසමුදයෙ අඤ්‌ඤාණා, විඤ්‌ඤාණනිරොධෙ අඤ්‌ඤාණා, විඤ්‌ඤාණනිරොධගාමිනියා පටිපදාය අඤ්‌ඤාණා; එවමිමානි අනෙකවිහිතානි දිට්‌ඨිගතානි ලොකෙ උප්‌පජ්‌ජන්‌ති – සස්‌සතො ලොකොති වා, අසස්‌සතො ලොකොති වා…පෙ.… නෙව හොති න න හොති තථාගතො පරං මරණාති වාති. අයං ඛො, වච්‌ඡ, හෙතු, අයං පච්‌චයො, යානිමානි අනෙකවිහිතානි දිට්‌ඨිගතානි ලොකෙ උප්‌පජ්‌ජන්‌ති – සස්‌සතො ලොකොති වා, අසස්‌සතො ලොකොති වා…පෙ.… නෙව හොති න න හොති තථාගතො පරං මරණාති වා’’ති. පඤ්‌චමං.
611. Sāvatthinidānaṃ . Ekamantaṃ nisinno kho vacchagotto paribbājako bhagavantaṃ etadavoca – ‘‘ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā …pe… neva hoti na na hoti tathāgato paraṃ maraṇāti vā’’ti? ‘‘Viññāṇe kho, vaccha, aññāṇā, viññāṇasamudaye aññāṇā, viññāṇanirodhe aññāṇā, viññāṇanirodhagāminiyā paṭipadāya aññāṇā; evamimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vāti. Ayaṃ kho, vaccha, hetu, ayaṃ paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 12. වච්‌ඡගොත්‌තසංයුත්‌තවණ්‌ණනා • 12. Vacchagottasaṃyuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 12. වච්‌ඡගොත්‌තසංයුත්‌තවණ්‌ණනා • 12. Vacchagottasaṃyuttavaṇṇanā
