| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೫೫. ವಿಞ್ಞಾಣಅಪ್ಪಚ್ಚಕ್ಖಕಮ್ಮಸುತ್ತಂ
55. Viññāṇaappaccakkhakammasuttaṃ
೬೬೧. ಸಾವತ್ಥಿನಿದಾನಂ। ‘‘ವಿಞ್ಞಾಣೇ ಖೋ, ವಚ್ಛ, ಅಪ್ಪಚ್ಚಕ್ಖಕಮ್ಮಾ, ವಿಞ್ಞಾಣಸಮುದಯೇ ಅಪ್ಪಚ್ಚಕ್ಖಕಮ್ಮಾ, ವಿಞ್ಞಾಣನಿರೋಧೇ ಅಪ್ಪಚ್ಚಕ್ಖಕಮ್ಮಾ, ವಿಞ್ಞಾಣನಿರೋಧಗಾಮಿನಿಯಾ ಪಟಿಪದಾಯ ಅಪ್ಪಚ್ಚಕ್ಖಕಮ್ಮಾ; ಏವಮಿಮಾನಿ ಅನೇಕವಿಹಿತಾನಿ ದಿಟ್ಠಿಗತಾನಿ ಲೋಕೇ ಉಪ್ಪಜ್ಜನ್ತಿ – ಸಸ್ಸತೋ ಲೋಕೋತಿ ವಾ, ಅಸಸ್ಸತೋ ಲೋಕೋತಿ ವಾ…ಪೇ॰… ನೇವ ಹೋತಿ ನ ನ ಹೋತಿ ತಥಾಗತೋ ಪರಂ ಮರಣಾತಿ ವಾತಿ। ಅಯಂ ಖೋ, ವಚ್ಛ, ಹೇತು, ಅಯಂ ಪಚ್ಚಯೋ , ಯಾನಿಮಾನಿ ಅನೇಕವಿಹಿತಾನಿ ದಿಟ್ಠಿಗತಾನಿ ಲೋಕೇ ಉಪ್ಪಜ್ಜನ್ತಿ – ಸಸ್ಸತೋ ಲೋಕೋತಿ ವಾ, ಅಸಸ್ಸತೋ ಲೋಕೋತಿ ವಾ, ಅನ್ತವಾ ಲೋಕೋತಿ ವಾ, ಅನನ್ತವಾ ಲೋಕೋತಿ ವಾ, ತಂ ಜೀವಂ ತಂ ಸರೀರನ್ತಿ ವಾ, ಅಞ್ಞಂ ಜೀವಂ ಅಞ್ಞಂ ಸರೀರನ್ತಿ ವಾ, ಹೋತಿ ತಥಾಗತೋ ಪರಂ ಮರಣಾತಿ ವಾ, ನ ಹೋತಿ ತಥಾಗತೋ ಪರಂ ಮರಣಾತಿ ವಾ, ಹೋತಿ ಚ ನ ಚ ಹೋತಿ ತಥಾಗತೋ ಪರಂ ಮರಣಾತಿ ವಾ, ನೇವ ಹೋತಿ ನ ನ ಹೋತಿ ತಥಾಗತೋ ಪರಂ ಮರಣಾತಿ ವಾ’’ತಿ। ಪಞ್ಚಪಞ್ಞಾಸಮಂ।
661. Sāvatthinidānaṃ. ‘‘Viññāṇe kho, vaccha, appaccakkhakammā, viññāṇasamudaye appaccakkhakammā, viññāṇanirodhe appaccakkhakammā, viññāṇanirodhagāminiyā paṭipadāya appaccakkhakammā; evamimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vāti. Ayaṃ kho, vaccha, hetu, ayaṃ paccayo , yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā’’ti. Pañcapaññāsamaṃ.
ವಚ್ಛಗೋತ್ತಸಂಯುತ್ತಂ ಸಮತ್ತಂ।
Vacchagottasaṃyuttaṃ samattaṃ.
ತಸ್ಸುದ್ದಾನಂ –
Tassuddānaṃ –
ಅಞ್ಞಾಣಾ ಅದಸ್ಸನಾ ಚೇವ, ಅನಭಿಸಮಯಾ ಅನನುಬೋಧಾ।
Aññāṇā adassanā ceva, anabhisamayā ananubodhā;
ಅಪ್ಪಟಿವೇಧಾ ಅಸಲ್ಲಕ್ಖಣಾ, ಅನುಪಲಕ್ಖಣೇನ ಅಪ್ಪಚ್ಚುಪಲಕ್ಖಣಾ।
Appaṭivedhā asallakkhaṇā, anupalakkhaṇena appaccupalakkhaṇā;
ಅಸಮಪೇಕ್ಖಣಾ ಅಪ್ಪಚ್ಚುಪೇಕ್ಖಣಾ, ಅಪ್ಪಚ್ಚಕ್ಖಕಮ್ಮನ್ತಿ॥
Asamapekkhaṇā appaccupekkhaṇā, appaccakkhakammanti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೨. ವಚ್ಛಗೋತ್ತಸಂಯುತ್ತವಣ್ಣನಾ • 12. Vacchagottasaṃyuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೨. ವಚ್ಛಗೋತ್ತಸಂಯುತ್ತವಣ್ಣನಾ • 12. Vacchagottasaṃyuttavaṇṇanā
