| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
12. вин̃н̃аан̣алагкан̣абан̃хо
12. Viññāṇalakkhaṇapañho
12. ‘‘бханд̇з нааг̇асзна, гим̣лагкан̣ам̣ вин̃н̃аан̣а’’нд̇и? ‘‘виж̇аананалагкан̣ам̣, махаарааж̇а, вин̃н̃аан̣а’’нд̇и.
12. ‘‘Bhante nāgasena, kiṃlakkhaṇaṃ viññāṇa’’nti? ‘‘Vijānanalakkhaṇaṃ, mahārāja, viññāṇa’’nti.
‘‘обаммам̣ гарохий’’д̇и. ‘‘яат̇аа, махаарааж̇а, наг̇араг̇уд̇д̇иго маж̇жхз наг̇арасин̇гхаадагз нисинно бассзяяа бурад̇т̇имад̣̇исад̇о бурисам̣ ааг̇ажчанд̇ам̣, бассзяяа д̣̇агкин̣ад̣̇исад̇о бурисам̣ ааг̇ажчанд̇ам̣, бассзяяа бажчимад̣̇исад̇о бурисам̣ ааг̇ажчанд̇ам̣, бассзяяа уд̇д̇арад̣̇исад̇о бурисам̣ ааг̇ажчанд̇ам̣. звамзва ко, махаарааж̇а, яан̃жа бурисо жагкунаа руубам̣ бассад̇и, д̇ам̣ вин̃н̃аан̣зна виж̇аанаад̇и. яан̃жа сод̇зна сад̣̇д̣̇ам̣ сун̣аад̇и, д̇ам̣ вин̃н̃аан̣зна виж̇аанаад̇и. яан̃жа гхаанзна г̇анд̇хам̣ гхааяад̇и, д̇ам̣ вин̃н̃аан̣зна виж̇аанаад̇и. яан̃жа ж̇ивхааяа расам̣ сааяад̇и, д̇ам̣ вин̃н̃аан̣зна виж̇аанаад̇и. яан̃жа гааязна подтаб̣б̣ам̣ пусад̇и, д̇ам̣ вин̃н̃аан̣зна виж̇аанаад̇и, яан̃жа манасаа д̇хаммам̣ виж̇аанаад̇и, д̇ам̣ вин̃н̃аан̣зна виж̇аанаад̇и. звам̣ ко, махаарааж̇а, виж̇аананалагкан̣ам̣ вин̃н̃аан̣а’’нд̇и.
‘‘Opammaṃ karohī’’ti. ‘‘Yathā, mahārāja, nagaraguttiko majjhe nagarasiṅghāṭake nisinno passeyya puratthimadisato purisaṃ āgacchantaṃ, passeyya dakkhiṇadisato purisaṃ āgacchantaṃ, passeyya pacchimadisato purisaṃ āgacchantaṃ, passeyya uttaradisato purisaṃ āgacchantaṃ. Evameva kho, mahārāja, yañca puriso cakkhunā rūpaṃ passati, taṃ viññāṇena vijānāti. Yañca sotena saddaṃ suṇāti, taṃ viññāṇena vijānāti. Yañca ghānena gandhaṃ ghāyati, taṃ viññāṇena vijānāti. Yañca jivhāya rasaṃ sāyati, taṃ viññāṇena vijānāti. Yañca kāyena phoṭṭhabbaṃ phusati, taṃ viññāṇena vijānāti, yañca manasā dhammaṃ vijānāti, taṃ viññāṇena vijānāti. Evaṃ kho, mahārāja, vijānanalakkhaṇaṃ viññāṇa’’nti.
‘‘галлоси , бханд̇з нааг̇асзнаа’’д̇и.
‘‘Kallosi , bhante nāgasenā’’ti.
вин̃н̃аан̣алагкан̣абан̃хо д̣̇ваад̣̇асамо.
Viññāṇalakkhaṇapañho dvādasamo.
