| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
விஞ்ஞாணஞ்சாயதனங்
Viññāṇañcāyatanaṃ
266. ஆகாஸானஞ்சாயதனங் ஸமதிக்கம்மாதி, எத்த² தாவ புப்³பே³ வுத்தனயேன ஆகாஸானஞ்சங் ஆயதனமஸ்ஸ அதி⁴ட்டா²னட்டே²னாதி ஜா²னம்பி ஆகாஸானஞ்சாயதனங். வுத்தனயேனேவ ஆரம்மணம்பி. ஏவமேதங் ஜா²னஞ்ச ஆரம்மணஞ்சாதி உப⁴யம்பி அப்பவத்திகரணேன ச அமனஸிகரணேன ச ஸமதிக்கமித்வாவ யஸ்மா இத³ங் விஞ்ஞாணஞ்சாயதனங் உபஸம்பஜ்ஜ விஹாதப்³ப³ங், தஸ்மா உப⁴யம்பேதங் ஏகஜ்ஜ²ங் கத்வா ‘ஆகாஸானஞ்சாயதனங் ஸமதிக்கம்மா’தி இத³ங் வுத்தந்தி வேதி³தப்³ப³ங்.
266. Ākāsānañcāyatanaṃ samatikkammāti, ettha tāva pubbe vuttanayena ākāsānañcaṃ āyatanamassa adhiṭṭhānaṭṭhenāti jhānampi ākāsānañcāyatanaṃ. Vuttanayeneva ārammaṇampi. Evametaṃ jhānañca ārammaṇañcāti ubhayampi appavattikaraṇena ca amanasikaraṇena ca samatikkamitvāva yasmā idaṃ viññāṇañcāyatanaṃ upasampajja vihātabbaṃ, tasmā ubhayampetaṃ ekajjhaṃ katvā ‘ākāsānañcāyatanaṃ samatikkammā’ti idaṃ vuttanti veditabbaṃ.
விஞ்ஞாணஞ்சாயதனஸஞ்ஞாஸஹக³தந்தி, எத்த² பன அனந்தந்தி மனஸிகாதப்³ப³வஸேன நாஸ்ஸ அந்தோதி அனந்தங். அனந்தமேவ ஆனஞ்சங். விஞ்ஞாணங் ஆனஞ்சங் விஞ்ஞாணானஞ்சந்தி அவத்வா விஞ்ஞாணஞ்சந்தி வுத்தங். அயஞ்ஹெத்த² ரூள்ஹீஸத்³தோ³. ததே³வ விஞ்ஞாணஞ்சங் அதி⁴ட்டா²னட்டே²ன இமாய ஸஞ்ஞாய ஆயதனந்தி விஞ்ஞாணஞ்சாயதனங். தஸ்மிங் விஞ்ஞாணஞ்சாயதனே பவத்தாய ஸஞ்ஞாய ஸஹக³தந்தி விஞ்ஞாணஞ்சாயதனஸஞ்ஞாஸஹக³தங். ஆகாஸே பவத்தவிஞ்ஞாணாரம்மணஸ்ஸ ஜா²னஸ்ஸேதங் அதி⁴வசனங். இத⁴ ஆகாஸானஞ்சாயதனஸமாபத்தியா நிகந்திபரியாதா³னது³க்க²தாய து³க்கா² படிபதா³, பரியாதி³ன்னநிகந்திகஸ்ஸ அப்பனாபரிவாஸத³ந்த⁴தாய த³ந்தா⁴பி⁴ஞ்ஞா. விபரியாயேன ஸுகா² படிபதா³ கி²ப்பாபி⁴ஞ்ஞா ச. பரித்தகஸிணுக்³கா⁴டிமாகாஸாரம்மணங் ஸமாபத்திங் ஆரப்³ப⁴ பவத்தியா பரித்தாரம்மணதா, விபரியாயேன அப்பமாணாரம்மணதா வேதி³தப்³பா³. ஸேஸங் புரிமஸதி³ஸமேவ.
Viññāṇañcāyatanasaññāsahagatanti, ettha pana anantanti manasikātabbavasena nāssa antoti anantaṃ. Anantameva ānañcaṃ. Viññāṇaṃ ānañcaṃ viññāṇānañcanti avatvā viññāṇañcanti vuttaṃ. Ayañhettha rūḷhīsaddo. Tadeva viññāṇañcaṃ adhiṭṭhānaṭṭhena imāya saññāya āyatananti viññāṇañcāyatanaṃ. Tasmiṃ viññāṇañcāyatane pavattāya saññāya sahagatanti viññāṇañcāyatanasaññāsahagataṃ. Ākāse pavattaviññāṇārammaṇassa jhānassetaṃ adhivacanaṃ. Idha ākāsānañcāyatanasamāpattiyā nikantipariyādānadukkhatāya dukkhā paṭipadā, pariyādinnanikantikassa appanāparivāsadandhatāya dandhābhiññā. Vipariyāyena sukhā paṭipadā khippābhiññā ca. Parittakasiṇugghāṭimākāsārammaṇaṃ samāpattiṃ ārabbha pavattiyā parittārammaṇatā, vipariyāyena appamāṇārammaṇatā veditabbā. Sesaṃ purimasadisameva.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / அரூபாவசரகுஸலங் • Arūpāvacarakusalaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / அரூபாவசரகுஸலகதா²வண்ணனா • Arūpāvacarakusalakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / அரூபாவசரகுஸலகதா²வண்ணனா • Arūpāvacarakusalakathāvaṇṇanā
