| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. விஞ்ஞாணஞ்சாயதனபஞ்ஹாஸுத்தங்
6. Viññāṇañcāyatanapañhāsuttaṃ
337. ‘‘‘விஞ்ஞாணஞ்சாயதனங், விஞ்ஞாணஞ்சாயதன’ந்தி வுச்சதி. கதமங் நு கோ² விஞ்ஞாணஞ்சாயதனந்தி? தஸ்ஸ மய்ஹங், ஆவுஸோ, ஏதத³ஹோஸி – ‘இத⁴ பி⁴க்கு² ஸப்³ப³ஸோ ஆகாஸானஞ்சாயதனங் ஸமதிக்கம்ம அனந்தங் விஞ்ஞாணந்தி விஞ்ஞாணஞ்சாயதனங் உபஸம்பஜ்ஜ விஹரதி. இத³ங் வுச்சதி விஞ்ஞாணஞ்சாயதன’ந்தி. ஸோ க்²வாஹங், ஆவுஸோ, ஸப்³ப³ஸோ ஆகாஸானஞ்சாயதனங் ஸமதிக்கம்ம அனந்தங் விஞ்ஞாணந்தி விஞ்ஞாணஞ்சாயதனங் உபஸம்பஜ்ஜ விஹராமி . தஸ்ஸ மய்ஹங், ஆவுஸோ, இமினா விஹாரேன விஹரதோ ஆகாஸானஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி.
337. ‘‘‘Viññāṇañcāyatanaṃ, viññāṇañcāyatana’nti vuccati. Katamaṃ nu kho viññāṇañcāyatananti? Tassa mayhaṃ, āvuso, etadahosi – ‘idha bhikkhu sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja viharati. Idaṃ vuccati viññāṇañcāyatana’nti. So khvāhaṃ, āvuso, sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja viharāmi . Tassa mayhaṃ, āvuso, iminā vihārena viharato ākāsānañcāyatanasahagatā saññāmanasikārā samudācaranti.
‘‘அத² கோ² மங், ஆவுஸோ, ப⁴க³வா இத்³தி⁴யா உபஸங்கமித்வா ஏதத³வோச – ‘மொக்³க³ல்லான, மொக்³க³ல்லான! மா, ப்³ராஹ்மண, விஞ்ஞாணஞ்சாயதனங் பமாதோ³, விஞ்ஞாணஞ்சாயதனே சித்தங் ஸண்ட²பேஹி, விஞ்ஞாணஞ்சாயதனே சித்தங் ஏகோதி³ங் கரோஹி, விஞ்ஞாணஞ்சாயதனே சித்தங் ஸமாத³ஹா’தி. ஸோ க்²வாஹங், ஆவுஸோ, அபரேன ஸமயேன ஸப்³ப³ஸோ ஆகாஸானஞ்சாயதனங் ஸமதிக்கம்ம அனந்தங் விஞ்ஞாணந்தி விஞ்ஞாணஞ்சாயதனங் உபஸம்பஜ்ஜ விஹாஸிங். யஞ்ஹி தங், ஆவுஸோ, ஸம்மா வத³மானோ வதெ³ய்ய…பே॰… மஹாபி⁴ஞ்ஞதங் பத்தோ’’தி. ச²ட்ட²ங்.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, viññāṇañcāyatanaṃ pamādo, viññāṇañcāyatane cittaṃ saṇṭhapehi, viññāṇañcāyatane cittaṃ ekodiṃ karohi, viññāṇañcāyatane cittaṃ samādahā’ti. So khvāhaṃ, āvuso, aparena samayena sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja vihāsiṃ. Yañhi taṃ, āvuso, sammā vadamāno vadeyya…pe… mahābhiññataṃ patto’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-8. பட²மஜா²னபஞ்ஹாஸுத்தாதி³வண்ணனா • 1-8. Paṭhamajhānapañhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-8. பட²மஜ்ஜா²னபஞ்ஹஸுத்தாதி³வண்ணனா • 1-8. Paṭhamajjhānapañhasuttādivaṇṇanā
