| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. விஞ்ஞாணஸுத்தங்
9. Viññāṇasuttaṃ
59. ஸாவத்தி²யங் விஹரதி…பே॰… ‘‘ஸங்யோஜனியேஸு, பி⁴க்க²வே, த⁴ம்மேஸு அஸ்ஸாதா³னுபஸ்ஸினோ விஹரதோ விஞ்ஞாணஸ்ஸ அவக்கந்தி ஹோதி. விஞ்ஞாணபச்சயா நாமரூபங்…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி’’.
59. Sāvatthiyaṃ viharati…pe… ‘‘saṃyojaniyesu, bhikkhave, dhammesu assādānupassino viharato viññāṇassa avakkanti hoti. Viññāṇapaccayā nāmarūpaṃ…pe… evametassa kevalassa dukkhakkhandhassa samudayo hoti’’.
‘‘ஸெய்யதா²பி, பி⁴க்க²வே, மஹாருக்கோ². தஸ்ஸ யானி சேவ மூலானி …பே॰… ஏவமேவ கோ², பி⁴க்க²வே, ஸங்யோஜனியேஸு த⁴ம்மேஸு அஸ்ஸாதா³னுபஸ்ஸினோ விஹரதோ விஞ்ஞாணஸ்ஸ அவக்கந்தி ஹோதி…பே॰….
‘‘Seyyathāpi, bhikkhave, mahārukkho. Tassa yāni ceva mūlāni …pe… evameva kho, bhikkhave, saṃyojaniyesu dhammesu assādānupassino viharato viññāṇassa avakkanti hoti…pe….
‘‘ஸங்யோஜனியேஸு, பி⁴க்க²வே, த⁴ம்மேஸு ஆதீ³னவானுபஸ்ஸினோ விஹரதோ விஞ்ஞாணஸ்ஸ அவக்கந்தி ந ஹோதி. விஞ்ஞாணனிரோதா⁴ நாமரூபனிரோதோ⁴…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதி.
‘‘Saṃyojaniyesu, bhikkhave, dhammesu ādīnavānupassino viharato viññāṇassa avakkanti na hoti. Viññāṇanirodhā nāmarūpanirodho…pe… evametassa kevalassa dukkhakkhandhassa nirodho hoti.
‘‘ஸெய்யதா²பி, பி⁴க்க²வே, மஹாருக்கோ². அத² புரிஸோ ஆக³ச்செ²ய்ய குத்³தா³லபிடகங் ஆதா³ய…பே॰… ஆயதிங் அனுப்பாத³த⁴ம்மோ. ஏவமேவ கோ², பி⁴க்க²வே, ஸங்யோஜனியேஸு த⁴ம்மேஸு ஆதீ³னவானுபஸ்ஸினோ விஹரதோ விஞ்ஞாணஸ்ஸ அவக்கந்தி ந ஹோதி. விஞ்ஞாணஸ்ஸ நிரோதா⁴ நாமரூபனிரோதோ⁴…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதீ’’தி. நவமங்.
‘‘Seyyathāpi, bhikkhave, mahārukkho. Atha puriso āgaccheyya kuddālapiṭakaṃ ādāya…pe… āyatiṃ anuppādadhammo. Evameva kho, bhikkhave, saṃyojaniyesu dhammesu ādīnavānupassino viharato viññāṇassa avakkanti na hoti. Viññāṇassa nirodhā nāmarūpanirodho…pe… evametassa kevalassa dukkhakkhandhassa nirodho hotī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. தருணருக்க²ஸுத்தவண்ணனா • 7. Taruṇarukkhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. தருணருக்க²ஸுத்தவண்ணனா • 7. Taruṇarukkhasuttavaṇṇanā
