| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൩. വിഞ്ഞാണസുത്തം
3. Viññāṇasuttaṃ
൩൨൪. സാവത്ഥിനിദാനം. ‘‘യോ, ഭിക്ഖവേ, ചക്ഖുവിഞ്ഞാണസ്മിം ഛന്ദരാഗോ, ചിത്തസ്സേസോ ഉപക്കിലേസോ. യോ സോതവിഞ്ഞാണസ്മിം… യോ ഘാനവിഞ്ഞാണസ്മിം… യോ ജിവ്ഹാവിഞ്ഞാണസ്മിം… യോ കായവിഞ്ഞാണസ്മിം… യോ മനോവിഞ്ഞാണസ്മിം ഛന്ദരാഗോ, ചിത്തസ്സേസോ ഉപക്കിലേസോ. യതോ ഖോ , ഭിക്ഖവേ, ഭിക്ഖുനോ ഇമേസു ഛസു ഠാനേസു ചേതസോ ഉപക്കിലേസോ പഹീനോ ഹോതി, നേക്ഖമ്മനിന്നഞ്ചസ്സ ചിത്തം ഹോതി. നേക്ഖമ്മപരിഭാവിതം ചിത്തം കമ്മനിയം ഖായതി, അഭിഞ്ഞാ സച്ഛികരണീയേസു ധമ്മേസൂ’’തി. തതിയം.
324. Sāvatthinidānaṃ. ‘‘Yo, bhikkhave, cakkhuviññāṇasmiṃ chandarāgo, cittasseso upakkileso. Yo sotaviññāṇasmiṃ… yo ghānaviññāṇasmiṃ… yo jivhāviññāṇasmiṃ… yo kāyaviññāṇasmiṃ… yo manoviññāṇasmiṃ chandarāgo, cittasseso upakkileso. Yato kho , bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Tatiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬. കിലേസസംയുത്തവണ്ണനാ • 6. Kilesasaṃyuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. കിലേസസംയുത്തവണ്ണനാ • 6. Kilesasaṃyuttavaṇṇanā
