| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১০. দসমৰগ্গো
10. Dasamavaggo
(১০৪) ১০. ৰিঞ্ঞত্তি সীলন্তিকথা
(104) 10. Viññatti sīlantikathā
৬০১. ৰিঞ্ঞত্তি সীলন্তি? আমন্তা। পাণাতিপাতা ৰেরমণীতি? ন হেৰং ৰত্তব্বে…পে॰… অদিন্নাদানা ৰেরমণীতি? ন হেৰং ৰত্তব্বে…পে॰… কামেসুমিচ্ছাচারা ৰেরমণীতি? ন হেৰং ৰত্তব্বে …পে॰… মুসাৰাদা ৰেরমণীতি? ন হেৰং ৰত্তব্বে…পে॰… সুরামেরযমজ্জপমাদট্ঠানা ৰেরমণীতি? ন হেৰং ৰত্তব্বে…পে॰…।
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
অভিৰাদনং সীলং, পচ্চুট্ঠানং সীলং, অঞ্জলিকম্মং সীলং, সামীচিকম্মং সীলং, আসনাভিহারো সীলং, সেয্যাভিহারো সীলং, পাদোদকাভিহারো সীলং, পাদকথলিকাভিহারো সীলং, ন্হানে পিট্ঠিপরিকম্মং সীলন্তি? আমন্তা । পাণাতিপাতা ৰেরমণীতি? ন হেৰং ৰত্তব্বে…পে॰… সুরামেরযমজ্জপমাদট্ঠানা ৰেরমণীতি? ন হেৰং ৰত্তব্বে…পে॰…।
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
৬০২. ন ৰত্তব্বং – ‘‘ৰিঞ্ঞত্তি সীল’’ন্তি? আমন্তা। দুস্সিল্যন্তি? ন হেৰং ৰত্তব্বে…পে॰… তেন হি ৰিঞ্ঞত্তি সীলন্তি।
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
ৰিঞ্ঞত্তি সীলন্তিকথা নিট্ঠিতা।
Viññatti sīlantikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. ৰিঞ্ঞত্তি সীলন্তিকথাৰণ্ণনা • 10. Viññatti sīlantikathāvaṇṇanā
