| Library / Tipiṭaka / తిపిటక • Tipiṭaka / కథావత్థుపాళి • Kathāvatthupāḷi |
౧౦. దసమవగ్గో
10. Dasamavaggo
(౧౦౪) ౧౦. విఞ్ఞత్తి సీలన్తికథా
(104) 10. Viññatti sīlantikathā
౬౦౧. విఞ్ఞత్తి సీలన్తి? ఆమన్తా. పాణాతిపాతా వేరమణీతి? న హేవం వత్తబ్బే…పే॰… అదిన్నాదానా వేరమణీతి? న హేవం వత్తబ్బే…పే॰… కామేసుమిచ్ఛాచారా వేరమణీతి? న హేవం వత్తబ్బే …పే॰… ముసావాదా వేరమణీతి? న హేవం వత్తబ్బే…పే॰… సురామేరయమజ్జపమాదట్ఠానా వేరమణీతి? న హేవం వత్తబ్బే…పే॰….
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
అభివాదనం సీలం, పచ్చుట్ఠానం సీలం, అఞ్జలికమ్మం సీలం, సామీచికమ్మం సీలం, ఆసనాభిహారో సీలం, సేయ్యాభిహారో సీలం, పాదోదకాభిహారో సీలం, పాదకథలికాభిహారో సీలం, న్హానే పిట్ఠిపరికమ్మం సీలన్తి? ఆమన్తా . పాణాతిపాతా వేరమణీతి? న హేవం వత్తబ్బే…పే॰… సురామేరయమజ్జపమాదట్ఠానా వేరమణీతి? న హేవం వత్తబ్బే…పే॰….
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
౬౦౨. న వత్తబ్బం – ‘‘విఞ్ఞత్తి సీల’’న్తి? ఆమన్తా. దుస్సిల్యన్తి? న హేవం వత్తబ్బే…పే॰… తేన హి విఞ్ఞత్తి సీలన్తి.
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
విఞ్ఞత్తి సీలన్తికథా నిట్ఠితా.
Viññatti sīlantikathā niṭṭhitā.
Related texts:
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౧౦. విఞ్ఞత్తి సీలన్తికథావణ్ణనా • 10. Viññatti sīlantikathāvaṇṇanā
