| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๐. ทสมวโคฺค
10. Dasamavaggo
(๑๐๔) ๑๐. วิญฺญตฺติ สีลนฺติกถา
(104) 10. Viññatti sīlantikathā
๖๐๑. วิญฺญตฺติ สีลนฺติ? อามนฺตาฯ ปาณาติปาตา เวรมณีติ? น เหวํ วตฺตเพฺพ…เป.… อทินฺนาทานา เวรมณีติ? น เหวํ วตฺตเพฺพ…เป.… กาเมสุมิจฺฉาจารา เวรมณีติ? น เหวํ วตฺตเพฺพ …เป.… มุสาวาทา เวรมณีติ? น เหวํ วตฺตเพฺพ…เป.… สุราเมรยมชฺชปมาทฎฺฐานา เวรมณีติ? น เหวํ วตฺตเพฺพ…เป.…ฯ
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
อภิวาทนํ สีลํ, ปจฺจุฎฺฐานํ สีลํ, อญฺชลิกมฺมํ สีลํ, สามีจิกมฺมํ สีลํ, อาสนาภิหาโร สีลํ, เสยฺยาภิหาโร สีลํ, ปาโททกาภิหาโร สีลํ, ปาทกถลิกาภิหาโร สีลํ, นฺหาเน ปิฎฺฐิปริกมฺมํ สีลนฺติ? อามนฺตา ฯ ปาณาติปาตา เวรมณีติ? น เหวํ วตฺตเพฺพ…เป.… สุราเมรยมชฺชปมาทฎฺฐานา เวรมณีติ? น เหวํ วตฺตเพฺพ…เป.…ฯ
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
๖๐๒. น วตฺตพฺพํ – ‘‘วิญฺญตฺติ สีล’’นฺติ? อามนฺตาฯ ทุสฺสิลฺยนฺติ? น เหวํ วตฺตเพฺพ…เป.… เตน หิ วิญฺญตฺติ สีลนฺติฯ
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
วิญฺญตฺติ สีลนฺติกถา นิฎฺฐิตาฯ
Viññatti sīlantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๐. วิญฺญตฺติ สีลนฺติกถาวณฺณนา • 10. Viññatti sīlantikathāvaṇṇanā
