| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
10. දසමවග්‌ගො
10. Dasamavaggo
(104) 10. විඤ්‌ඤත්‌ති සීලන්‌තිකථා
(104) 10. Viññatti sīlantikathā
601. විඤ්‌ඤත්‌ති සීලන්‌ති? ආමන්‌තා. පාණාතිපාතා වෙරමණීති? න හෙවං වත්‌තබ්‌බෙ…පෙ.… අදින්‌නාදානා වෙරමණීති? න හෙවං වත්‌තබ්‌බෙ…පෙ.… කාමෙසුමිච්‌ඡාචාරා වෙරමණීති? න හෙවං වත්‌තබ්‌බෙ …පෙ.… මුසාවාදා වෙරමණීති? න හෙවං වත්‌තබ්‌බෙ…පෙ.… සුරාමෙරයමජ්‌ජපමාදට්‌ඨානා වෙරමණීති? න හෙවං වත්‌තබ්‌බෙ…පෙ.….
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
අභිවාදනං සීලං, පච්‌චුට්‌ඨානං සීලං, අඤ්‌ජලිකම්‌මං සීලං, සාමීචිකම්‌මං සීලං, ආසනාභිහාරො සීලං, සෙය්‍යාභිහාරො සීලං, පාදොදකාභිහාරො සීලං, පාදකථලිකාභිහාරො සීලං, න්‌හානෙ පිට්‌ඨිපරිකම්‌මං සීලන්‌ති? ආමන්‌තා . පාණාතිපාතා වෙරමණීති? න හෙවං වත්‌තබ්‌බෙ…පෙ.… සුරාමෙරයමජ්‌ජපමාදට්‌ඨානා වෙරමණීති? න හෙවං වත්‌තබ්‌බෙ…පෙ.….
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
602. න වත්‌තබ්‌බං – ‘‘විඤ්‌ඤත්‌ති සීල’’න්‌ති? ආමන්‌තා. දුස්‌සිල්‍යන්‌ති? න හෙවං වත්‌තබ්‌බෙ…පෙ.… තෙන හි විඤ්‌ඤත්‌ති සීලන්‌ති.
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
විඤ්‌ඤත්‌ති සීලන්‌තිකථා නිට්‌ඨිතා.
Viññatti sīlantikathā niṭṭhitā.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 10. විඤ්‌ඤත්‌ති සීලන්‌තිකථාවණ්‌ණනා • 10. Viññatti sīlantikathāvaṇṇanā
