| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๐. วิญฺญตฺติ สีลนฺติกถาวณฺณนา
10. Viññatti sīlantikathāvaṇṇanā
๖๐๑-๖๐๒. อิทานิ วิญฺญตฺติ สีลนฺติกถา นาม โหติฯ ตตฺถ กายวิญฺญตฺติ กายกมฺมํ, วจีวิญฺญตฺติ วจีกมฺมนฺติ คหิตตฺตา ‘‘วิญฺญตฺติ สีล’’นฺติ เยสํ ลทฺธิ, เสยฺยถาปิ มหาสํฆิกานเญฺจว สมฺมิติยานญฺจ; เต สนฺธาย วิญฺญตฺตีติ ปุจฺฉา สกวาทิสฺส, ปฎิญฺญา อิตรสฺสฯ อถ นํ ยสฺมา สีลํ นาม วิรติ, น รูปธโมฺม, ตสฺมา เตนเตฺถน โจเทตุํ ปาณาติปาตา เวรมณีติอาทิมาหฯ อภิวาทนํ สีลนฺติอาทิ ยถารูปํ วิญฺญตฺติํ โส ‘‘สีล’’นฺติ มญฺญติ ตํ อุทฺธริตฺวา ทเสฺสตุํ วุตฺตํฯ ยสฺมา ปน สา วิรติ น โหติ, ตสฺมา ปุน ปาณาติปาตาติอาทิมาหฯ ลทฺธิ ปนสฺส ฉเลน ปติฎฺฐิตตฺตา อปฺปติฎฺฐิตาเยวาติฯ
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
วิญฺญตฺติ สีลนฺติกถาวณฺณนาฯ
Viññatti sīlantikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๐๔) ๑๐. วิญฺญตฺติ สีลนฺติกถา • (104) 10. Viññatti sīlantikathā
