| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
១០. វិញ្ញត្តិ សីលន្តិកថាវណ្ណនា
10. Viññatti sīlantikathāvaṇṇanā
៦០១-៦០២. ឥទានិ វិញ្ញត្តិ សីលន្តិកថា នាម ហោតិ។ តត្ថ កាយវិញ្ញត្តិ កាយកម្មំ, វចីវិញ្ញត្តិ វចីកម្មន្តិ គហិតត្តា ‘‘វិញ្ញត្តិ សីល’’ន្តិ យេសំ លទ្ធិ, សេយ្យថាបិ មហាសំឃិកានញ្ចេវ សម្មិតិយានញ្ច; តេ សន្ធាយ វិញ្ញត្តីតិ បុច្ឆា សកវាទិស្ស, បដិញ្ញា ឥតរស្ស។ អថ នំ យស្មា សីលំ នាម វិរតិ, ន រូបធម្មោ, តស្មា តេនត្ថេន ចោទេតុំ បាណាតិបាតា វេរមណីតិអាទិមាហ។ អភិវាទនំ សីលន្តិអាទិ យថារូបំ វិញ្ញត្តិំ សោ ‘‘សីល’’ន្តិ មញ្ញតិ តំ ឧទ្ធរិត្វា ទស្សេតុំ វុត្តំ។ យស្មា បន សា វិរតិ ន ហោតិ, តស្មា បុន បាណាតិបាតាតិអាទិមាហ។ លទ្ធិ បនស្ស ឆលេន បតិដ្ឋិតត្តា អប្បតិដ្ឋិតាយេវាតិ។
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
វិញ្ញត្តិ សីលន្តិកថាវណ្ណនា។
Viññatti sīlantikathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១០៤) ១០. វិញ្ញត្តិ សីលន្តិកថា • (104) 10. Viññatti sīlantikathā
