| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੦. વਿਞ੍ਞਤ੍ਤਿ ਸੀਲਨ੍ਤਿਕਥਾવਣ੍ਣਨਾ
10. Viññatti sīlantikathāvaṇṇanā
੬੦੧-੬੦੨. ਇਦਾਨਿ વਿਞ੍ਞਤ੍ਤਿ ਸੀਲਨ੍ਤਿਕਥਾ ਨਾਮ ਹੋਤਿ। ਤਤ੍ਥ ਕਾਯવਿਞ੍ਞਤ੍ਤਿ ਕਾਯਕਮ੍ਮਂ, વਚੀવਿਞ੍ਞਤ੍ਤਿ વਚੀਕਮ੍ਮਨ੍ਤਿ ਗਹਿਤਤ੍ਤਾ ‘‘વਿਞ੍ਞਤ੍ਤਿ ਸੀਲ’’ਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਮਹਾਸਂਘਿਕਾਨਞ੍ਚੇવ ਸਮ੍ਮਿਤਿਯਾਨਞ੍ਚ; ਤੇ ਸਨ੍ਧਾਯ વਿਞ੍ਞਤ੍ਤੀਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ਯਸ੍ਮਾ ਸੀਲਂ ਨਾਮ વਿਰਤਿ, ਨ ਰੂਪਧਮ੍ਮੋ, ਤਸ੍ਮਾ ਤੇਨਤ੍ਥੇਨ ਚੋਦੇਤੁਂ ਪਾਣਾਤਿਪਾਤਾ વੇਰਮਣੀਤਿਆਦਿਮਾਹ। ਅਭਿવਾਦਨਂ ਸੀਲਨ੍ਤਿਆਦਿ ਯਥਾਰੂਪਂ વਿਞ੍ਞਤ੍ਤਿਂ ਸੋ ‘‘ਸੀਲ’’ਨ੍ਤਿ ਮਞ੍ਞਤਿ ਤਂ ਉਦ੍ਧਰਿਤ੍વਾ ਦਸ੍ਸੇਤੁਂ વੁਤ੍ਤਂ। ਯਸ੍ਮਾ ਪਨ ਸਾ વਿਰਤਿ ਨ ਹੋਤਿ, ਤਸ੍ਮਾ ਪੁਨ ਪਾਣਾਤਿਪਾਤਾਤਿਆਦਿਮਾਹ। ਲਦ੍ਧਿ ਪਨਸ੍ਸ ਛਲੇਨ ਪਤਿਟ੍ਠਿਤਤ੍ਤਾ ਅਪ੍ਪਤਿਟ੍ਠਿਤਾਯੇવਾਤਿ।
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
વਿਞ੍ਞਤ੍ਤਿ ਸੀਲਨ੍ਤਿਕਥਾવਣ੍ਣਨਾ।
Viññatti sīlantikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੦੪) ੧੦. વਿਞ੍ਞਤ੍ਤਿ ਸੀਲਨ੍ਤਿਕਥਾ • (104) 10. Viññatti sīlantikathā
