| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
4. вин̃н̃ад̇д̇ивинижчаяагат̇аа
4. Viññattivinicchayakathā
21. звам̣ бхзсаж̇ж̇аад̣̇ивинижчаяам̣ гат̇зд̇ваа ид̣̇аани вин̃н̃ад̇д̇ивинижчаяам̣ гат̇зд̇ум̣ ‘‘вин̃н̃ад̇д̇ийд̇и яаажанаа’’д̇иаад̣̇имааха. д̇ад̇т̇а вин̃н̃аабанаа вин̃н̃ад̇д̇и, ‘‘иминаа но ад̇т̇о’’д̇и вин̃н̃аабанаа, яаажанаад̇и вуд̇д̇ам̣ ход̇и. д̇знааха ‘‘вин̃н̃ад̇д̇ийд̇и яаажанаа’’д̇и. д̇ад̇ра вин̃н̃ад̇д̇ияам̣ аяам̣ маяаа вагкамаано винижчаяо взд̣̇ид̇аб̣б̣од̇и яож̇анаа. муулажчзж̇ж̇ааяаад̇и (ви. ви. дий. 1.342) барасанд̇агабхаавад̇о можзд̇ваа ад̇д̇ано зва санд̇агагаран̣авасзна. звам̣ яаажад̇о ан̃н̃аад̇агавин̃н̃ад̇д̇ид̣̇уггадан̃жзва д̣̇аасабадиг̇г̇ахад̣̇уггадан̃жа ход̇и ‘‘д̣̇аасид̣̇аасабадиг̇г̇ахан̣аа бадивирад̇о (д̣̇ий. ни. 1.10, 194) ход̇ий’’д̇и важанам̣ ниссааяа адтагат̇ааяам̣ бадигкид̇д̇ад̇д̇аа. н̃аад̇агабаваарид̇адтаанад̇о бана д̣̇аасам̣ муулажчзж̇ж̇ааяа яаажанд̇асса саад̣̇ияанавасзнзва д̣̇уггадам̣. сагагамманд̇и баан̣авад̇хагаммам̣. ид̣̇ан̃жа баан̣аад̇ибаад̇ад̣̇осабарихаарааяа вуд̇д̇ам̣, на вин̃н̃ад̇д̇ибарихаарааяа. анияамзд̇вааби на яаажид̇аб̣б̣аад̇и саамийжид̣̇ассанад̇т̇ам̣ вуд̇д̇ам̣, суд̣̇д̇хажид̇д̇зна бана хад̇т̇агаммам̣ яаажанд̇асса аабад̇д̇и наама над̇т̇и. яад̣̇ижчагам̣ гаараабзд̇ум̣ ваддад̇ийд̇и ‘‘хад̇т̇агаммам̣ яаажаами, д̣̇зт̇аа’’д̇иаад̣̇инаа аяаажид̇вааби ваддад̇и, сагижжабасуд̇амби звам̣ гаараабзнд̇асса вин̃н̃ад̇д̇и над̇т̇и зва, саамийжид̣̇ассанад̇т̇ам̣ бана вибхаж̇ид̇ваа вуд̇д̇ам̣.
21. Evaṃ bhesajjādivinicchayaṃ kathetvā idāni viññattivinicchayaṃ kathetuṃ ‘‘viññattīti yācanā’’tiādimāha. Tattha viññāpanā viññatti, ‘‘iminā no attho’’ti viññāpanā, yācanāti vuttaṃ hoti. Tenāha ‘‘viññattīti yācanā’’ti. Tatra viññattiyaṃ ayaṃ mayā vakkhamāno vinicchayo veditabboti yojanā. Mūlacchejjāyāti (vi. vi. ṭī. 1.342) parasantakabhāvato mocetvā attano eva santakakaraṇavasena. Evaṃ yācato aññātakaviññattidukkaṭañceva dāsapaṭiggahadukkaṭañca hoti ‘‘dāsidāsapaṭiggahaṇā paṭivirato (dī. ni. 1.10, 194) hotī’’ti vacanaṃ nissāya aṭṭhakathāyaṃ paṭikkhittattā. Ñātakapavāritaṭṭhānato pana dāsaṃ mūlacchejjāya yācantassa sādiyanavaseneva dukkaṭaṃ. Sakakammanti pāṇavadhakammaṃ. Idañca pāṇātipātadosaparihārāya vuttaṃ, na viññattiparihārāya. Aniyametvāpi na yācitabbāti sāmīcidassanatthaṃ vuttaṃ, suddhacittena pana hatthakammaṃ yācantassa āpatti nāma natthi. Yadicchakaṃ kārāpetuṃ vaṭṭatīti ‘‘hatthakammaṃ yācāmi, dethā’’tiādinā ayācitvāpi vaṭṭati, sakiccapasutampi evaṃ kārāpentassa viññatti natthi eva, sāmīcidassanatthaṃ pana vibhajitvā vuttaṃ.
саб̣б̣агаббияабхаавад̣̇ийбанад̇т̇анд̇и саб̣б̣асо габбияабхаавад̣̇ассанад̇т̇ам̣. муулам̣ д̣̇зт̇аад̇и вад̇д̇ум̣ ваддад̇ийд̇и ‘‘муулам̣ д̣̇ассаамаа’’д̇и батамам̣ вуд̇д̇ад̇д̇аа вин̃н̃ад̇д̇и ваа ‘‘муула’’нд̇и важанасса габбияаагаббияавад̇т̇усааман̃н̃аважанад̇д̇аа агаббияаважанам̣ ваа нидтид̇абхад̇игижжаанам̣ д̣̇аабанад̇о агаббияавад̇т̇усаад̣̇ияанам̣ ваа на ход̇ийд̇и гад̇ваа вуд̇д̇ам̣. муулажчзж̇ж̇ааяа ваад̇и ид̣̇ам̣ ид̇ха т̇амбхаад̣̇ийнам̣ д̣̇аасид̣̇аасаад̣̇ибхааваабхаавад̇о вуд̇д̇ам̣. анаж̇жхаавуд̇т̇аганд̇и абариг̇г̇ахид̇ам̣, ассаамиганд̇и ад̇т̇о.
Sabbakappiyabhāvadīpanatthanti sabbaso kappiyabhāvadassanatthaṃ. Mūlaṃ dethāti vattuṃ vaṭṭatīti ‘‘mūlaṃ dassāmā’’ti paṭhamaṃ vuttattā viññatti vā ‘‘mūla’’nti vacanassa kappiyākappiyavatthusāmaññavacanattā akappiyavacanaṃ vā niṭṭhitabhatikiccānaṃ dāpanato akappiyavatthusādiyanaṃ vā na hotīti katvā vuttaṃ. Mūlacchejjāya vāti idaṃ idha thambhādīnaṃ dāsidāsādibhāvābhāvato vuttaṃ. Anajjhāvutthakanti apariggahitaṃ, assāmikanti attho.
22. на гзвалан̃жа…бз… жийвараад̣̇ийни гаараабзд̇угаамзнаад̇иаад̣̇ийсу жийварам̣ гаараабзд̇угаамасса ан̃н̃аад̇агааббаваарид̇ад̇анд̇авааязхи хад̇т̇агаммаяаажанавасзна вааяаабанз вин̃н̃ад̇д̇ибажжаяаа д̣̇уггадаабхаавзби жийваравааяаабанасигкаабад̣̇зна яат̇аарахам̣ баажид̇д̇ияад̣̇уггадаани хонд̇ийд̇и взд̣̇ид̇аб̣б̣ам̣. агаббияагахаабан̣аад̣̇и на д̣̇аад̇аб̣б̣анд̇и габбияамукзна лад̣̇д̇хамби д̇ад̇т̇а гаммагаран̣ад̇т̇ааяа имасса гахаабан̣ам̣ д̣̇зхийд̇и вад̇ваа ‘‘д̣̇аад̇ум̣ ваддад̇ий’’д̇и вуд̇д̇ам̣. буб̣б̣з гад̇агаммасса д̣̇аабанз гин̃жааби д̣̇осо на д̣̇иссад̇и, д̇ат̇ааби асааруббамзваад̇и вад̣̇анд̇и. гад̇агаммад̇т̇ааяаби габбияавохаарзна барияааяад̇о бхад̇им̣ д̣̇аабзнд̇асса над̇т̇и д̣̇осо, саарад̇т̇ад̣̇ийбанияам̣ (саарад̇т̇а. дий. 1.342) бана ‘‘агаббияагахаабан̣аад̣̇и на д̣̇аад̇аб̣б̣анд̇и гин̃жааби агаббияагахаабан̣аад̣̇им̣ асаад̣̇ияанд̇зна габбияавохаарад̇о д̣̇аад̇ум̣ ваддад̇и, д̇ат̇ааби сааруббам̣ на ход̇и, мануссаа жа зд̇асса санд̇агам̣ гин̃жи ад̇т̇ийд̇и вихзтзд̇аб̣б̣ам̣ ман̃н̃анд̇ийд̇и агаббияагахаабан̣аад̣̇ид̣̇аанам̣ бадигкид̇д̇а’’нд̇и вуд̇д̇ам̣. д̇ат̇зва баажзд̇ваад̇и хад̇т̇агаммавасзнзва баажзд̇ваа. ‘‘гим̣ бханд̇з’’д̇и зд̇д̇агзби бужчид̇з яад̣̇ад̇т̇ааяа бавидто, д̇ам̣ гат̇зд̇ум̣ лабхад̇и бужчид̇абан̃хад̇д̇аа.
22.Na kevalañca…pe… cīvarādīni kārāpetukāmenātiādīsu cīvaraṃ kārāpetukāmassa aññātakaappavāritatantavāyehi hatthakammayācanavasena vāyāpane viññattipaccayā dukkaṭābhāvepi cīvaravāyāpanasikkhāpadena yathārahaṃ pācittiyadukkaṭāni hontīti veditabbaṃ. Akappiyakahāpaṇādi na dātabbanti kappiyamukhena laddhampi tattha kammakaraṇatthāya imassa kahāpaṇaṃ dehīti vatvā ‘‘dātuṃ vaṭṭatī’’ti vuttaṃ. Pubbe katakammassa dāpane kiñcāpi doso na dissati, tathāpi asāruppamevāti vadanti. Katakammatthāyapi kappiyavohārena pariyāyato bhatiṃ dāpentassa natthi doso, sāratthadīpaniyaṃ (sārattha. ṭī. 1.342) pana ‘‘akappiyakahāpaṇādi na dātabbanti kiñcāpi akappiyakahāpaṇādiṃ asādiyantena kappiyavohārato dātuṃ vaṭṭati, tathāpi sāruppaṃ na hoti, manussā ca etassa santakaṃ kiñci atthīti viheṭhetabbaṃ maññantīti akappiyakahāpaṇādidānaṃ paṭikkhitta’’nti vuttaṃ. Tatheva pācetvāti hatthakammavaseneva pācetvā. ‘‘Kiṃ bhante’’ti ettakepi pucchite yadatthāya paviṭṭho, taṃ kathetuṃ labhati pucchitapañhattā.
23. вад̇д̇анд̇и жаарид̇д̇ам̣, аабад̇д̇и бана на ход̇ийд̇и ад̇хиббааяо. габбияам̣ гаараабзд̇ваа бадиг̇г̇ахзд̇аб̣б̣аанийд̇и саакааяа магкигаб̣ийж̇анзна бан̣н̣аад̣̇ичзд̣̇з б̣ийж̇аг̇аамагобанасса жзва д̇ад̇т̇а лаг̇г̇араж̇аад̣̇иаббадиг̇г̇ахид̇агасса жа барихаарад̇т̇ааяа вуд̇д̇ам̣, д̇ад̣̇убхаяаасан̇гааяа асад̇и д̇ат̇аа агаран̣з д̣̇осо над̇т̇и. саарад̇т̇ад̣̇ийбанияам̣ (саарад̇т̇а. дий. 1.342) бана ‘‘габбияам̣ гаараабзд̇ваа бадиг̇г̇ахзд̇аб̣б̣аанийд̇и саакааяа лаг̇г̇араж̇асмим̣ бад̇д̇з бад̇ид̇зби саакам̣ чинд̣̇ид̇ваа каад̣̇ид̇угаамад̇ааяаби сад̇и сукабарибхог̇ад̇т̇ам̣ вуд̇д̇а’’нд̇и вуд̇д̇ам̣. над̣̇ияаад̣̇ийсу уд̣̇агасса абариг̇г̇ахид̇ад̇д̇аа ‘‘аахараад̇и вад̇д̇ум̣ ваддад̇ий’’д̇и вуд̇д̇ам̣. г̇зхад̇о…бз… нзва ваддад̇ийд̇и бариг̇г̇ахид̇уд̣̇агад̇д̇аа вин̃н̃ад̇д̇ияаа д̣̇уггадам̣ ход̇ийд̇и ад̇хиббааяо. ‘‘на аахадам̣ барибхун̃ж̇ид̇у’’нд̇и важанад̇о вин̃н̃ад̇д̇ияаа аабаннам̣ д̣̇уггадам̣ д̣̇зсзд̇вааби д̇ам̣ вад̇т̇ум̣ барибхун̃ж̇анд̇асса барибхог̇з барибхог̇з д̣̇уггадамзва, бан̃жаннамби сахад̇хаммигаанам̣ на ваддад̇и.
23.Vattanti cārittaṃ, āpatti pana na hotīti adhippāyo. Kappiyaṃ kārāpetvā paṭiggahetabbānīti sākhāya makkhikabījanena paṇṇādichede bījagāmakopanassa ceva tattha laggarajādiappaṭiggahitakassa ca parihāratthāya vuttaṃ, tadubhayāsaṅkāya asati tathā akaraṇe doso natthi. Sāratthadīpaniyaṃ (sārattha. ṭī. 1.342) pana ‘‘kappiyaṃ kārāpetvā paṭiggahetabbānīti sākhāya laggarajasmiṃ patte patitepi sākhaṃ chinditvā khāditukāmatāyapi sati sukhaparibhogatthaṃ vutta’’nti vuttaṃ. Nadiyādīsu udakassa apariggahitattā ‘‘āharāti vattuṃ vaṭṭatī’’ti vuttaṃ. Gehato…pe… neva vaṭṭatīti pariggahitudakattā viññattiyā dukkaṭaṃ hotīti adhippāyo. ‘‘Na āhaṭaṃ paribhuñjitu’’nti vacanato viññattiyā āpannaṃ dukkaṭaṃ desetvāpi taṃ vatthuṃ paribhuñjantassa paribhoge paribhoge dukkaṭameva, pañcannampi sahadhammikānaṃ na vaṭṭati.
‘‘алаж̇ж̇ийхи бана бхигкуухи ваа сааман̣зрзхи ваа хад̇т̇агаммам̣ на гаарзд̇аб̣б̣а’’нд̇и сааман̃н̃ад̇о вуд̇д̇ад̇д̇аа ад̇д̇ано ад̇т̇ааяа яам̣ гин̃жи хад̇т̇агаммам̣ гаарзд̇ум̣ на ваддад̇и. яам̣ бана алаж̇ж̇ий ниваарияамааноби б̣ийж̇анаад̣̇им̣ гарод̇и, д̇ад̇т̇а д̣̇осо над̇т̇и, жзд̇ияагаммаад̣̇ийни бана д̇зхи гаараабзд̇ум̣ ваддад̇ийд̇и вимад̇ивинод̣̇анияам̣ (ви. ви. дий. 1.342) вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. 2.342) бана ‘‘алаж̇ж̇ийхи…бз… на гаарзд̇аб̣б̣анд̇и ид̣̇ам̣ уд̇д̇арибхан̇г̇аад̇хигаарад̇д̇аа аж̇жхохаран̣ийяам̣ санд̇хааяа вуд̇д̇ам̣, б̣аахирабарибхог̇зсу бана алаж̇ж̇ийхиби хад̇т̇агаммам̣ гаарзд̇ум̣ ваддад̇ий’’д̇и вуд̇д̇ам̣. зд̇т̇а жа ‘‘алаж̇ж̇ийхи сааман̣зрзхий’’д̇и вуд̇д̇ад̇д̇аа ‘‘сан̃жижжа аабад̇д̇им̣ аабаж̇ж̇ад̇ий’’д̇и (бари. 359) алаж̇ж̇илагкан̣ам̣ уггадтавасзна убасамбаннз бадижжа убалагкан̣ад̇о вуд̇д̇анд̇и д̇ам̣лагкан̣авирахид̇аанам̣ сааман̣зраад̣̇ийнам̣ лин̇г̇ад̇т̇знаг̇од̇рабхубарияосаанаанам̣ бхигкубадин̃н̃аанам̣ д̣̇уссийлаанамби саад̇хааран̣авасзна алаж̇ж̇илагкан̣ам̣ яат̇аатабид̇абадибад̇д̇ияаа ад̇идтанамзваад̇и г̇ахзд̇аб̣б̣ам̣.
‘‘Alajjīhi pana bhikkhūhi vā sāmaṇerehi vā hatthakammaṃ na kāretabba’’nti sāmaññato vuttattā attano atthāya yaṃ kiñci hatthakammaṃ kāretuṃ na vaṭṭati. Yaṃ pana alajjī nivāriyamānopi bījanādiṃ karoti, tattha doso natthi, cetiyakammādīni pana tehi kārāpetuṃ vaṭṭatīti vimativinodaniyaṃ (vi. vi. ṭī. 1.342) vuttaṃ. Sāratthadīpaniyaṃ (sārattha. ṭī. 2.342) pana ‘‘alajjīhi…pe… na kāretabbanti idaṃ uttaribhaṅgādhikārattā ajjhoharaṇīyaṃ sandhāya vuttaṃ, bāhiraparibhogesu pana alajjīhipi hatthakammaṃ kāretuṃ vaṭṭatī’’ti vuttaṃ. Ettha ca ‘‘alajjīhi sāmaṇerehī’’ti vuttattā ‘‘sañcicca āpattiṃ āpajjatī’’ti (pari. 359) alajjilakkhaṇaṃ ukkaṭṭhavasena upasampanne paṭicca upalakkhaṇato vuttanti taṃlakkhaṇavirahitānaṃ sāmaṇerādīnaṃ liṅgatthenagotrabhupariyosānānaṃ bhikkhupaṭiññānaṃ dussīlānampi sādhāraṇavasena alajjilakkhaṇaṃ yathāṭhapitapaṭipattiyā atiṭṭhanamevāti gahetabbaṃ.
24. г̇он̣ам̣ бана…бз… аахараабзнд̇асса д̣̇уггаданд̇и вин̃н̃ад̇д̇игкан̣з вин̃н̃ад̇д̇ибажжаяаа, бадилаабхагкан̣з г̇он̣аанам̣ саад̣̇ияанабажжаяаа жа д̣̇уггадам̣. г̇он̣ан̃хи ад̇д̇ано ад̇т̇ааяа авин̃н̃ад̇д̇ияаа лад̣̇д̇хамби саад̣̇ид̇ум̣ на ваддад̇и ‘‘хад̇т̇иг̇аваассавал̣авабадиг̇г̇ахан̣аа бадивирад̇о ход̇ий’’д̇и (д̣̇ий. ни. 1.10, 194) вуд̇д̇ад̇д̇аа. д̇знзвааха ‘‘н̃аад̇агабаваарид̇адтаанад̇оби муулажчзж̇ж̇ааяа яаажид̇ум̣ на ваддад̇ий’’д̇и. зд̇т̇а жа вин̃н̃ад̇д̇ид̣̇уггадаабхаавзби агаббияавад̇т̇уяаажанзби бадиг̇г̇ахан̣зби д̣̇уггадамзва. рагкид̇ваад̇и жораад̣̇иубад̣̇д̣̇авад̇о рагкид̇ваа. ж̇аг̇г̇ид̇ваад̇и д̇ин̣ааннаад̣̇ийхи босзд̇ваа. на самбадижчид̇аб̣б̣анд̇и ад̇д̇ано ад̇т̇ааяа г̇осаад̣̇ияанасса бадигкид̇д̇ад̇д̇аа вуд̇д̇ам̣.
24.Goṇaṃpana…pe… āharāpentassa dukkaṭanti viññattikkhaṇe viññattipaccayā, paṭilābhakkhaṇe goṇānaṃ sādiyanapaccayā ca dukkaṭaṃ. Goṇañhi attano atthāya aviññattiyā laddhampi sādituṃ na vaṭṭati ‘‘hatthigavāssavaḷavapaṭiggahaṇā paṭivirato hotī’’ti (dī. ni. 1.10, 194) vuttattā. Tenevāha ‘‘ñātakapavāritaṭṭhānatopi mūlacchejjāya yācituṃ na vaṭṭatī’’ti. Ettha ca viññattidukkaṭābhāvepi akappiyavatthuyācanepi paṭiggahaṇepi dukkaṭameva. Rakkhitvāti corādiupaddavato rakkhitvā. Jaggitvāti tiṇaannādīhi posetvā. Na sampaṭicchitabbanti attano atthāya gosādiyanassa paṭikkhittattā vuttaṃ.
25. н̃аад̇агабаваарид̇адтаанз бана ваддад̇ийд̇и сагадасса самбадижчид̇аб̣б̣ад̇д̇аа муулажчзж̇ж̇авасзна яаажид̇ум̣ ваддад̇и. д̇аавагаалигам̣ ваддад̇ийд̇и убхаяад̇т̇ааби ваддад̇ийд̇и ад̇т̇од̇и вимад̇ивинод̣̇анияам̣ (ви. ви. дий. 1.342) вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. 2.342) бана ‘‘сагадам̣ д̣̇зт̇аад̇и…бз… на ваддад̇ийд̇и муулажчзж̇ж̇авасзна сагадам̣ д̣̇зт̇аад̇и вад̇д̇ум̣ на ваддад̇и. д̇аавагаалигам̣ ваддад̇ийд̇и д̇аавагаалигам̣ гад̇ваа саб̣б̣ад̇т̇а яаажид̇ум̣ ваддад̇ий’’д̇и вуд̇д̇ам̣. ваасиаад̣̇ийни буг̇г̇алигааниби вадданд̇ийд̇и ааха ‘‘зса наяо ваасий’’д̇иаад̣̇и. валлиаад̣̇ийсу жа барабариг̇г̇ахид̇зсу зса наяод̇и яож̇зд̇аб̣б̣ам̣. г̇арубхан̣д̣аббахонагзсуязваад̇и ид̣̇ам̣ вин̃н̃ад̇д̇им̣ санд̇хааяа вуд̇д̇ам̣, ад̣̇иннаад̣̇аанз бана д̇ин̣асалаагам̣ убаад̣̇ааяа барабариг̇г̇ахид̇ам̣ т̇зяяажид̇д̇зна г̇ан̣хад̇о авахааро зва, бхан̣д̣аг̇гхзна гаарзд̇аб̣б̣о. валлиаад̣̇ийсууд̇и зд̇т̇а аад̣̇и-сад̣̇д̣̇зна баал̣иааг̇ад̇аанам̣ взл̣умун̃ж̇абаб̣б̣аж̇ад̇ин̣амад̇д̇игаанам̣ сан̇г̇ахо д̣̇адтаб̣б̣о. д̇ад̇т̇а жа яасмим̣ бад̣̇зсз харид̇аалаж̇аад̇ихин̇г̇улигаад̣̇и аббагамби махаг̇гхам̣ ход̇и, д̇ад̇т̇а д̇ам̣ д̇аалабаггаббамаан̣ад̇о уунамби г̇арубхан̣д̣амзва, вин̃н̃аабзд̇ун̃жа на ваддад̇и.
25.Ñātakapavāritaṭṭhāne pana vaṭṭatīti sakaṭassa sampaṭicchitabbattā mūlacchejjavasena yācituṃ vaṭṭati. Tāvakālikaṃ vaṭṭatīti ubhayatthāpi vaṭṭatīti atthoti vimativinodaniyaṃ (vi. vi. ṭī. 1.342) vuttaṃ. Sāratthadīpaniyaṃ (sārattha. ṭī. 2.342) pana ‘‘sakaṭaṃ dethāti…pe… na vaṭṭatīti mūlacchejjavasena sakaṭaṃ dethāti vattuṃ na vaṭṭati. Tāvakālikaṃ vaṭṭatīti tāvakālikaṃ katvā sabbattha yācituṃ vaṭṭatī’’ti vuttaṃ. Vāsiādīni puggalikānipi vaṭṭantīti āha ‘‘esa nayo vāsī’’tiādi. Valliādīsu ca parapariggahitesu esa nayoti yojetabbaṃ. Garubhaṇḍappahonakesuyevāti idaṃ viññattiṃ sandhāya vuttaṃ, adinnādāne pana tiṇasalākaṃ upādāya parapariggahitaṃ theyyacittena gaṇhato avahāro eva, bhaṇḍagghena kāretabbo. Valliādīsūti ettha ādi-saddena pāḷiāgatānaṃ veḷumuñjapabbajatiṇamattikānaṃ saṅgaho daṭṭhabbo. Tattha ca yasmiṃ padese haritālajātihiṅgulikādi appakampi mahagghaṃ hoti, tattha taṃ tālapakkappamāṇato ūnampi garubhaṇḍameva, viññāpetuñca na vaṭṭati.
26. саад̇и вин̃н̃ад̇д̇и. баригат̇аад̣̇ийсу ‘‘сзнаасанам̣ самб̣аад̇ха’’нд̇иаад̣̇инаа барияааязна гат̇анам̣ баригат̇аа наама. уж̇угамзва агат̇зд̇ваа ‘‘бхигкуунам̣ гим̣ баасаад̣̇о на ваддад̇ий’’д̇иаад̣̇инаа ад̇хиббааяо яат̇аа вибхууд̇о ход̇и, звам̣ гат̇анам̣ обхаасо наама. сзнаасанаад̣̇иад̇т̇ам̣ бхуумибаригаммаад̣̇игаран̣авасзна бажжаяуббаад̣̇ааяа нимид̇д̇агаран̣ам̣ нимид̇д̇агаммам̣ наама. д̇ийсу бажжаязсу вин̃н̃ад̇д̇иаад̣̇аяо д̣̇ассид̇аа, г̇илаанабажжаяз бана гат̇анд̇и ааха ‘‘г̇илаанабажжаяз банаа’’д̇иаад̣̇и. д̇ат̇аа уббаннам̣ бана бхзсаж̇ж̇ам̣ рог̇з вуубасанд̇з бхун̃ж̇ид̇ум̣ ваддад̇и, на ваддад̇ийд̇и? д̇ад̇т̇а винаяад̇хараа ‘‘бхаг̇авад̇аа рог̇асийсзна барибхог̇асса д̣̇ваарам̣ д̣̇иннам̣, д̇асмаа арог̇агаалзби бхун̃ж̇ид̇ум̣ ваддад̇и, аабад̇д̇и на ход̇ий’’д̇и вад̣̇анд̇и, суд̇д̇анд̇игаа бана ‘‘гин̃жааби аабад̇д̇и на ход̇и, ааж̇ийвам̣ бана гобзд̇и, д̇асмаа саллзкабадибад̇д̇ияам̣ тид̇асса на ваддад̇и, саллзкам̣ гобзд̇ий’’д̇и вад̣̇анд̇ийд̇и.
26.Sāti viññatti. Parikathādīsu ‘‘senāsanaṃ sambādha’’ntiādinā pariyāyena kathanaṃ parikathā nāma. Ujukameva akathetvā ‘‘bhikkhūnaṃ kiṃ pāsādo na vaṭṭatī’’tiādinā adhippāyo yathā vibhūto hoti, evaṃ kathanaṃ obhāso nāma. Senāsanādiatthaṃ bhūmiparikammādikaraṇavasena paccayuppādāya nimittakaraṇaṃ nimittakammaṃ nāma. Tīsu paccayesu viññattiādayo dassitā, gilānapaccaye pana kathanti āha ‘‘gilānapaccaye panā’’tiādi. Tathā uppannaṃ pana bhesajjaṃ roge vūpasante bhuñjituṃ vaṭṭati, na vaṭṭatīti? Tattha vinayadharā ‘‘bhagavatā rogasīsena paribhogassa dvāraṃ dinnaṃ, tasmā arogakālepi bhuñjituṃ vaṭṭati, āpatti na hotī’’ti vadanti, suttantikā pana ‘‘kiñcāpi āpatti na hoti, ājīvaṃ pana kopeti, tasmā sallekhapaṭipattiyaṃ ṭhitassa na vaṭṭati, sallekhaṃ kopetī’’ti vadantīti.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
вин̃н̃ад̇д̇ивинижчаяагат̇аалан̇гааро наама
Viññattivinicchayakathālaṅkāro nāma
жад̇уд̇т̇о барижчзд̣̇о.
Catuttho paricchedo.
