| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. вийн̣обамасуд̇д̇аван̣н̣анаа
9. Vīṇopamasuttavaṇṇanā
246. навамз яасса гассажи, бхигкавз, бхигкусса ваа бхигкунияаа ваад̇и ид̣̇ам̣ сад̇т̇аа яат̇аа наама махаагудумб̣иго маханд̇ам̣ гасигаммам̣ гад̇ваа, нибпаннасассо гхарад̣̇ваарз ман̣д̣абам̣ гад̇ваа, убхад̇осан̇гхасса д̣̇аанам̣ бавад̇д̇зяяа. гин̃жааби д̇зна убхад̇осан̇гхасса д̣̇аанам̣ бадтабид̇ам̣, д̣̇вийсу бана барисаасу санд̇аббид̇аасу сзсаж̇анамби санд̇аббзд̇иязва, звамзва бхаг̇аваа самад̇хигаани жад̇д̇аари асан̇кязяяаани баарамияо буурзд̇ваа б̣од̇химан̣д̣з саб̣б̣ан̃н̃уд̇ан̃н̃аан̣ам̣ ад̇хиг̇анд̇ваа бавад̇д̇ид̇аварад̇хаммажагго ж̇зд̇аванамахаавихаарз нисинно бхигкубарисааяа жзва бхигкунибарисааяа жа махаад̇хаммаяааг̇ам̣ яаж̇анд̇о вийн̣обамасуд̇д̇ам̣ аарабхи. д̇ам̣ бзнзд̇ам̣ гин̃жааби д̣̇вз барисаа санд̇хааяа аарад̣̇д̇хам̣, жад̇уннамби бана барисаанам̣ аваарид̇ам̣. д̇асмаа саб̣б̣зхиби сод̇аб̣б̣ан̃жзва сад̣̇д̇хаад̇аб̣б̣ан̃жа, барияог̇аахид̇ваа жасса ад̇т̇арасо винд̣̇ид̇аб̣б̣од̇и.
246. Navame yassa kassaci, bhikkhave, bhikkhussa vā bhikkhuniyā vāti idaṃ satthā yathā nāma mahākuṭumbiko mahantaṃ kasikammaṃ katvā, nipphannasasso gharadvāre maṇḍapaṃ katvā, ubhatosaṅghassa dānaṃ pavatteyya. Kiñcāpi tena ubhatosaṅghassa dānaṃ paṭṭhapitaṃ, dvīsu pana parisāsu santappitāsu sesajanampi santappetiyeva, evameva bhagavā samadhikāni cattāri asaṅkhyeyyāni pāramiyo pūretvā bodhimaṇḍe sabbaññutaññāṇaṃ adhigantvā pavattitavaradhammacakko jetavanamahāvihāre nisinno bhikkhuparisāya ceva bhikkhuniparisāya ca mahādhammayāgaṃ yajanto vīṇopamasuttaṃ ārabhi. Taṃ penetaṃ kiñcāpi dve parisā sandhāya āraddhaṃ, catunnampi pana parisānaṃ avāritaṃ. Tasmā sabbehipi sotabbañceva saddhātabbañca, pariyogāhitvā cassa attharaso vinditabboti.
д̇ад̇т̇а чанд̣̇од̇иаад̣̇ийсу чанд̣̇о наама буб̣б̣уббад̇д̇игаа д̣̇уб̣б̣алад̇ан̣хаа, со ран̃ж̇зд̇ум̣ на саггод̇и . абараабарам̣ уббаж̇ж̇амаанаа бана б̣алавад̇ан̣хаа рааг̇о наама, со ран̃ж̇зд̇ум̣ саггод̇и. д̣̇ан̣д̣аад̣̇аанаад̣̇ийни гаад̇ум̣ асамад̇т̇о буб̣б̣уббад̇д̇иго д̣̇уб̣б̣алагод̇хо д̣̇осо наама. д̇аани гаад̇ум̣ самад̇т̇о абараабаруббад̇д̇иго б̣алавагод̇хо бадигхам̣ наама. мохо бана моханасаммоханавасзна уббаннам̣ ан̃н̃аан̣ам̣. звамзд̇т̇а бан̃жахиби бад̣̇зхи д̇ийн̣и агусаламуулаани г̇ахид̇аани. д̇зсу г̇ахид̇зсу саб̣б̣зби д̇аммуулагаа гилзсаа г̇ахид̇аава хонд̇и. ‘‘чанд̣̇о рааг̇о’’д̇и ваа бад̣̇ад̣̇ваязна адталобхасахаг̇ад̇ажид̇д̇уббаад̣̇аа, ‘‘д̣̇осо бадигха’’нд̇и бад̣̇ад̣̇ваязна д̣̇вз д̣̇оманассасахаг̇ад̇ажид̇д̇уббаад̣̇аа, мохабад̣̇зна лобхад̣̇осарахид̇аа д̣̇вз уд̣̇д̇хажжавижигижчаасахаг̇ад̇ажид̇д̇уббаад̣̇аа г̇ахид̇аад̇и. звам̣ саб̣б̣зби д̣̇ваад̣̇аса жид̇д̇уббаад̣̇аа д̣̇ассид̇аава хонд̇и.
Tattha chandotiādīsu chando nāma pubbuppattikā dubbalataṇhā, so rañjetuṃ na sakkoti . Aparāparaṃ uppajjamānā pana balavataṇhā rāgo nāma, so rañjetuṃ sakkoti. Daṇḍādānādīni kātuṃ asamattho pubbuppattiko dubbalakodho doso nāma. Tāni kātuṃ samattho aparāparuppattiko balavakodho paṭighaṃ nāma. Moho pana mohanasammohanavasena uppannaṃ aññāṇaṃ. Evamettha pañcahipi padehi tīṇi akusalamūlāni gahitāni. Tesu gahitesu sabbepi tammūlakā kilesā gahitāva honti. ‘‘Chando rāgo’’ti vā padadvayena aṭṭhalobhasahagatacittuppādā, ‘‘doso paṭigha’’nti padadvayena dve domanassasahagatacittuppādā, mohapadena lobhadosarahitā dve uddhaccavicikicchāsahagatacittuppādā gahitāti. Evaṃ sabbepi dvādasa cittuppādā dassitāva honti.
сабхаяод̇и гилзсажораанам̣ ниваасадтаанад̇д̇аа сабхаяо. саббадибхаяод̇и вад̇хаб̣анд̇ханаад̣̇ийнам̣ гааран̣ад̇д̇аа саббадибхаяо. саган̣дагод̇и рааг̇аад̣̇ийхи ган̣дагзхи саган̣даго. саг̇аханод̇и рааг̇аг̇аханаад̣̇ийхи саг̇ахано. уммаг̇г̇од̇и д̣̇звалогам̣ ваа мануссалогам̣ ваа ниб̣б̣аанам̣ ваа г̇ажчанд̇асса амаг̇г̇о. гуммаг̇г̇од̇и гужчид̇аж̇зг̇ужчибхууд̇адтаанаг̇аманазгабад̣̇игамаг̇г̇о вияа абааяасамбаабагад̇д̇аа гуммаг̇г̇о. д̣̇ухид̇игод̇и зд̇т̇а ихид̇ийд̇и ирияанаа, д̣̇угкаа ихид̇и зд̇т̇аад̇и, д̣̇ухид̇иго. яасмин̃хи маг̇г̇з муулапалаад̣̇икаад̣̇анийяам̣ ваа сааяанийяам̣ ваа над̇т̇и, д̇асмим̣ ирияанаа д̣̇угкаа ход̇и, на саггаа д̇ам̣ бадибаж̇ж̇ид̇ваа ижчид̇адтаанам̣ г̇анд̇ум̣. гилзсамаг̇г̇амби бадибаж̇ж̇ид̇ваа на саггаа самбад̇д̇ибхавам̣ г̇анд̇унд̇и гилзсамаг̇г̇о д̣̇ухид̇игод̇и вуд̇д̇о. д̣̇вийхид̇игод̇иби баато, зсзвад̇т̇о. асаббурисасзвид̇од̇и гогаалигаад̣̇ийхи асаббурисзхи сзвид̇о.
Sabhayoti kilesacorānaṃ nivāsaṭṭhānattā sabhayo. Sappaṭibhayoti vadhabandhanādīnaṃ kāraṇattā sappaṭibhayo. Sakaṇṭakoti rāgādīhi kaṇṭakehi sakaṇṭako. Sagahanoti rāgagahanādīhi sagahano. Ummaggoti devalokaṃ vā manussalokaṃ vā nibbānaṃ vā gacchantassa amaggo. Kummaggoti kucchitajegucchibhūtaṭṭhānagamanaekapadikamaggo viya apāyasampāpakattā kummaggo. Duhitikoti ettha ihitīti iriyanā, dukkhā ihiti etthāti, duhitiko. Yasmiñhi magge mūlaphalādikhādanīyaṃ vā sāyanīyaṃ vā natthi, tasmiṃ iriyanā dukkhā hoti, na sakkā taṃ paṭipajjitvā icchitaṭṭhānaṃ gantuṃ. Kilesamaggampi paṭipajjitvā na sakkā sampattibhavaṃ gantunti kilesamaggo duhitikoti vutto. Dvīhitikotipi pāṭho, esevattho. Asappurisasevitoti kokālikādīhi asappurisehi sevito.
д̇ад̇о жид̇д̇ам̣ ниваараязд̇и д̇зхи жагкувин̃н̃зяязхи руубзхи д̇ам̣ чанд̣̇аад̣̇ивасзна бавад̇д̇ажид̇д̇ам̣ асубхааваж̇ж̇анаад̣̇ийхи убааязхи ниваараяз. жагкуд̣̇ваарасмин̃хи идтаарамман̣з рааг̇з уббаннз асубхад̇о ааваж̇ж̇анд̇асса жид̇д̇ам̣ нивад̇д̇ад̇и, анидтаарамман̣з д̣̇осз уббаннз мзд̇д̇ад̇о ааваж̇ж̇анд̇асса жид̇д̇ам̣ нивад̇д̇ад̇и, маж̇жхад̇д̇аарамман̣з мохз уббаннз уд̣̇д̣̇зсабарибужчам̣ г̇аруваасам̣ ааваж̇ж̇анд̇асса жид̇д̇ам̣ нивад̇д̇ад̇и. звам̣ асаггонд̇зна бана сад̇т̇умахад̇д̇ад̇ам̣ д̇хаммасса сваагкаад̇ад̇аа сан̇гхасса суббадибад̇д̇и жа ааваж̇ж̇ид̇аб̣б̣аа. сад̇т̇умахад̇д̇ад̇ам̣ бажжавзгкад̇оби хи д̇хаммасса сваагкаад̇ад̇ам̣ сан̇гхасса суббадибад̇д̇им̣ бажжавзгкад̇оби жид̇д̇ам̣ нивад̇д̇ад̇и. д̇зна вуд̇д̇ам̣ ‘‘асубхааваж̇ж̇анаад̣̇ийхи убааязхи ниваараяз’’д̇и.
Tato cittaṃ nivārayeti tehi cakkhuviññeyyehi rūpehi taṃ chandādivasena pavattacittaṃ asubhāvajjanādīhi upāyehi nivāraye. Cakkhudvārasmiñhi iṭṭhārammaṇe rāge uppanne asubhato āvajjantassa cittaṃ nivattati, aniṭṭhārammaṇe dose uppanne mettato āvajjantassa cittaṃ nivattati, majjhattārammaṇe mohe uppanne uddesaparipucchaṃ garuvāsaṃ āvajjantassa cittaṃ nivattati. Evaṃ asakkontena pana satthumahattataṃ dhammassa svākkhātatā saṅghassa suppaṭipatti ca āvajjitabbā. Satthumahattataṃ paccavekkhatopi hi dhammassa svākkhātataṃ saṅghassa suppaṭipattiṃ paccavekkhatopi cittaṃ nivattati. Tena vuttaṃ ‘‘asubhāvajjanādīhi upāyehi nivāraye’’ti.
гидтанд̇и гидтадтаанз уббаннасассам̣. самбаннанд̇и барибун̣н̣ам̣ сунибпаннам̣. гидтаад̣̇од̇и сассакаад̣̇аго . звамзва код̇и зд̇т̇а самбаннагидтам̣ вияа бан̃жа гаамаг̇ун̣аа д̣̇адтаб̣б̣аа, гидтаад̣̇о г̇он̣о вияа гуудажид̇д̇ам̣, гидтаарагкасса бамаад̣̇агаало вияа бхигкуно часу д̣̇ваарзсу сад̇им̣ бахааяа вижаран̣агаало, гидтаарагкасса бамаад̣̇амааг̇амма г̇он̣зна г̇ахид̇аг̇аб̣бхасса гидтасса каад̣̇ид̇ад̇д̇аа сассасаамино сассапалаанад̇хиг̇амо вияа чад̣̇ваарарагкигааяа сад̇ияаа виббаваасамааг̇амма бан̃жагаамаг̇ун̣ам̣ ассаад̣̇знд̇зна жид̇д̇зна гусалабагкасса наасид̇ад̇д̇аа бхигкуно сааман̃н̃апалаад̇хиг̇амаабхааво взд̣̇ид̇аб̣б̣о.
Kiṭṭhanti kiṭṭhaṭṭhāne uppannasassaṃ. Sampannanti paripuṇṇaṃ sunipphannaṃ. Kiṭṭhādoti sassakhādako . Evameva khoti ettha sampannakiṭṭhaṃ viya pañca kāmaguṇā daṭṭhabbā, kiṭṭhādo goṇo viya kūṭacittaṃ, kiṭṭhārakkhassa pamādakālo viya bhikkhuno chasu dvāresu satiṃ pahāya vicaraṇakālo, kiṭṭhārakkhassa pamādamāgamma goṇena gahitagabbhassa kiṭṭhassa khāditattā sassasāmino sassaphalānadhigamo viya chadvārarakkhikāya satiyā vippavāsamāgamma pañcakāmaguṇaṃ assādentena cittena kusalapakkhassa nāsitattā bhikkhuno sāmaññaphalādhigamābhāvo veditabbo.
убаригхадааяанд̇и д̣̇виннам̣ син̇г̇аанам̣ анд̇арз. суниг̇г̇ахид̇ам̣ ниг̇г̇ан̣хзяяаад̇и гхадааяам̣ бад̇идтид̇з наасаараж̇ж̇угз судту ниг̇г̇ахид̇ам̣ гад̇ваа ниг̇г̇ан̣хзяяа. д̣̇ан̣д̣знаад̇и муг̇г̇арасад̣̇исзна т̇уулад̣̇ан̣д̣агзна. зван̃хи со бхигкавз г̇он̣од̇и звам̣ со гидтаарагкасса бамаад̣̇аманвааяа яасмим̣ яасмим̣ кан̣з гидтам̣ од̇арид̇угаамо ход̇и, д̇асмим̣ д̇асмим̣ кан̣з звам̣ ниг̇г̇ан̣хид̇ваа д̇аал̣зд̇ваа осаж̇ж̇анзна ниб̣б̣исзванабхаавам̣ убанийд̇о г̇он̣о.
Uparighaṭāyanti dvinnaṃ siṅgānaṃ antare. Suniggahitaṃ niggaṇheyyāti ghaṭāyaṃ patiṭṭhite nāsārajjuke suṭṭhu niggahitaṃ katvā niggaṇheyya. Daṇḍenāti muggarasadisena thūladaṇḍakena. Evañhi so bhikkhave goṇoti evaṃ so kiṭṭhārakkhassa pamādamanvāya yasmiṃ yasmiṃ khaṇe kiṭṭhaṃ otaritukāmo hoti, tasmiṃ tasmiṃ khaṇe evaṃ niggaṇhitvā tāḷetvā osajjanena nibbisevanabhāvaṃ upanīto goṇo.
звамзва код̇и ид̇хааби самбаннагидтамива бан̃жа гаамаг̇ун̣аа д̣̇адтаб̣б̣аа, гидтаад̣̇о вияа гуудажид̇д̇ам̣, гидтаарагкасса аббамаад̣̇о вияа имасса бхигкуно часу д̣̇ваарзсу сад̇ияаа ависсаж̇ж̇анам̣, д̣̇ан̣д̣о вияа суд̇д̇анд̇о, г̇он̣асса гидтаабхимукагаалз д̣̇ан̣д̣зна д̇аал̣анам̣ вияа жид̇д̇асса б̣ахид̣̇д̇хаа бут̇уд̇д̇аарамман̣аабхимукагаалз анамад̇аг̇г̇ияад̣̇звад̣̇ууд̇ааад̣̇ид̇д̇ааасийвисуубамаанааг̇ад̇абхаяаад̣̇ийсу д̇ам̣ д̇ам̣ суд̇д̇ам̣ ааваж̇ж̇зд̇ваа жид̇д̇уббаад̣̇асса бут̇уд̇д̇аарамман̣ад̇о ниваарзд̇ваа муулагаммадтаанз од̇ааран̣ам̣ взд̣̇ид̇аб̣б̣ам̣. д̇знааху бораан̣аа –
Evameva khoti idhāpi sampannakiṭṭhamiva pañca kāmaguṇā daṭṭhabbā, kiṭṭhādo viya kūṭacittaṃ, kiṭṭhārakkhassa appamādo viya imassa bhikkhuno chasu dvāresu satiyā avissajjanaṃ, daṇḍo viya suttanto, goṇassa kiṭṭhābhimukhakāle daṇḍena tāḷanaṃ viya cittassa bahiddhā puthuttārammaṇābhimukhakāle anamataggiyadevadūtaādittaāsīvisūpamaanāgatabhayādīsu taṃ taṃ suttaṃ āvajjetvā cittuppādassa puthuttārammaṇato nivāretvā mūlakammaṭṭhāne otāraṇaṃ veditabbaṃ. Tenāhu porāṇā –
‘‘субхаасид̇ам̣ суд̇ваа мано басийд̣̇ад̇и,
‘‘Subhāsitaṃ sutvā mano pasīdati,
д̣̇амзд̇и нам̣ бийд̇исукан̃жа винд̣̇ад̇и;
Dameti naṃ pītisukhañca vindati;
д̇ад̣̇асса аарамман̣з д̇идтад̇з мано,
Tadassa ārammaṇe tiṭṭhate mano,
г̇он̣ова гидтаад̣̇аго д̣̇ан̣д̣ад̇аж̇ж̇ид̇о’’д̇и.
Goṇova kiṭṭhādako daṇḍatajjito’’ti.
уд̣̇уж̇ид̇анд̇и д̇аж̇ж̇ид̇ам̣. суд̣̇уж̇ид̇анд̇и суд̇аж̇ж̇ид̇ам̣, суж̇ид̇анд̇иби ад̇т̇о. уд̣̇у, суд̣̇ууд̇и ид̣̇ам̣ бана нибаад̇амад̇д̇амзва. аж̇жхад̇д̇анд̇и г̇ожараж̇жхад̇д̇ам̣. санд̇идтад̇ийд̇иаад̣̇ийсу батамаж̇жхаанавасзна санд̇идтад̇и, д̣̇уд̇ияаж̇жхаанавасзна саннисийд̣̇ад̇и, д̇ад̇ияаж̇жхаанавасзна згод̣̇и ход̇и, жад̇уд̇т̇аж̇жхаанавасзна самаад̇хияад̇и. саб̣б̣амби ваа зд̇ам̣ батамаж̇жхаанавасзна взд̣̇ид̇аб̣б̣ам̣. зд̇д̇аавад̇аа хи саммаасамб̣уд̣̇д̇хзна самат̇аанурагкан̣аинд̣̇рияасам̣варасийлам̣ наама гат̇ид̇ам̣.
Udujitanti tajjitaṃ. Sudujitanti sutajjitaṃ, sujitantipi attho. Udu, sudūti idaṃ pana nipātamattameva. Ajjhattanti gocarajjhattaṃ. Santiṭṭhatītiādīsu paṭhamajjhānavasena santiṭṭhati, dutiyajjhānavasena sannisīdati, tatiyajjhānavasena ekodi hoti, catutthajjhānavasena samādhiyati. Sabbampi vā etaṃ paṭhamajjhānavasena veditabbaṃ. Ettāvatā hi sammāsambuddhena samathānurakkhaṇaindriyasaṃvarasīlaṃ nāma kathitaṃ.
ран̃н̃о ваад̇и гассажид̣̇зва бажжанд̇аран̃н̃о ваа. сад̣̇д̣̇ам̣ сун̣зяяаад̇и бажжуусагаалз баб̣уд̣̇д̇хо гусалзна вийн̣ааваад̣̇агзна ваад̣̇ияамаанааяа мад̇хурасад̣̇д̣̇ам̣ сун̣зяяа. раж̇анийяод̇иаад̣̇ийсу жид̇д̇ам̣ ран̃ж̇зд̇ийд̇и раж̇анийяо. гаамзд̇аб̣б̣ад̇ааяа гаманийяо. жид̇д̇ам̣ мад̣̇аяад̇ийд̇и мад̣̇анийяо. жид̇д̇ам̣ мужчид̇ам̣ вияа гаран̣ад̇о мужчияад̇ийд̇и мужчанийяо. ааб̣анд̇хид̇ваа вияа г̇ахан̣ад̇о б̣анд̇хад̇ийд̇и б̣анд̇ханийяо. алам̣ мз, бход̇и вийн̣ааяа сан̣таанам̣ д̣̇исваа д̇ам̣ анижчанд̇о звамааха. убад̇хааран̣зд̇и вздтагз. гон̣анд̇и жад̇урассам̣ саарад̣̇ан̣д̣агам̣.
Rañño vāti kassacideva paccantarañño vā. Saddaṃ suṇeyyāti paccūsakāle pabuddho kusalena vīṇāvādakena vādiyamānāya madhurasaddaṃ suṇeyya. Rajanīyotiādīsu cittaṃ rañjetīti rajanīyo. Kāmetabbatāya kamanīyo. Cittaṃ madayatīti madanīyo. Cittaṃ mucchitaṃ viya karaṇato mucchiyatīti mucchanīyo. Ābandhitvā viya gahaṇato bandhatīti bandhanīyo. Alaṃ me, bhoti vīṇāya saṇṭhānaṃ disvā taṃ anicchanto evamāha. Upadhāraṇeti veṭṭhake. Koṇanti caturassaṃ sāradaṇḍakaṃ.
со д̇ам̣ вийн̣анд̇и со рааж̇аа ‘‘аахарат̇а нам̣ вийн̣ам̣, ахамассаа сад̣̇д̣̇ам̣ басиссаамий’’д̇и д̇ам̣ вийн̣ам̣ г̇ахзд̇ваа. д̣̇асад̇хаа ваад̇иаад̣̇ийсу батамам̣ д̇аава д̣̇асад̇хаа паалзяяа, ат̇ассаа сад̣̇д̣̇ам̣ абассанд̇о сад̇ад̇хаа паалзяяа, д̇ат̇ааби абассанд̇о сагалигам̣ сагалигам̣ гарзяяа, д̇ат̇ааби абассанд̇о ‘‘сагалигаа жхааяиссанд̇и, сад̣̇д̣̇о бана нигкамид̇ваа балааяиссад̇и, д̇ад̣̇аа нам̣ бассиссаамий’’д̇и аг̇г̇инаа д̣ахзяяа. д̇ат̇ааби абассанд̇о ‘‘саллахугаани масижун̣н̣аани ваад̇зна бхассиссанд̇и, сад̣̇д̣̇о саарад̇хан̃н̃ам̣ вияа баад̣̇амуулз бад̇иссад̇и, д̇ад̣̇аа нам̣ бассиссаамий’’д̇и махааваад̇з ваа опунзяяа. д̇ат̇ааби абассанд̇о ‘‘масижун̣н̣аани яат̇од̣̇агам̣ г̇амиссанд̇и, сад̣̇д̣̇о бана баарам̣ г̇ажчанд̇о бурисо вияа нигкамид̇ваа д̇ариссад̇и, д̇ад̣̇аа нам̣ бассиссаамий’’д̇и над̣̇ияаа ваа сийгхасод̇ааяа баваахзяяа.
So taṃ vīṇanti so rājā ‘‘āharatha naṃ vīṇaṃ, ahamassā saddaṃ pasissāmī’’ti taṃ vīṇaṃ gahetvā. Dasadhā vātiādīsu paṭhamaṃ tāva dasadhā phāleyya, athassā saddaṃ apassanto satadhā phāleyya, tathāpi apassanto sakalikaṃ sakalikaṃ kareyya, tathāpi apassanto ‘‘sakalikā jhāyissanti, saddo pana nikkhamitvā palāyissati, tadā naṃ passissāmī’’ti agginā ḍaheyya. Tathāpi apassanto ‘‘sallahukāni masicuṇṇāni vātena bhassissanti, saddo sāradhaññaṃ viya pādamūle patissati, tadā naṃ passissāmī’’ti mahāvāte vā ophuneyya. Tathāpi apassanto ‘‘masicuṇṇāni yathodakaṃ gamissanti, saddo pana pāraṃ gacchanto puriso viya nikkhamitvā tarissati, tadā naṃ passissāmī’’ti nadiyā vā sīghasotāya pavāheyya.
звам̣ вад̣̇зяяаад̇и саб̣б̣зхибимзхи убааязхи абассанд̇о д̇з мануссз звам̣ вад̣̇зяяа. асад̇ий гирааяанд̇и асад̇ий гира аяам̣ вийн̣аа, лаамигаад̇и ад̇т̇о. асад̇ийд̇и лаамагаад̇хиважанамзд̇ам̣. яат̇ааха –
Evaṃ vadeyyāti sabbehipimehi upāyehi apassanto te manusse evaṃ vadeyya. Asatī kirāyanti asatī kira ayaṃ vīṇā, lāmikāti attho. Asatīti lāmakādhivacanametaṃ. Yathāha –
‘‘асаа логид̇т̇ияо наама, взлаа д̇аасам̣ на виж̇ж̇ад̇и;
‘‘Asā lokitthiyo nāma, velā tāsaṃ na vijjati;
саарад̇д̇аа жа баг̇аб̣бхаа жа, сикий саб̣б̣агхасо яат̇аа’’д̇и. (ж̇аа. 1.1.61);
Sārattā ca pagabbhā ca, sikhī sabbaghaso yathā’’ti. (jā. 1.1.61);
яат̇звам̣ яам̣гин̃жи вийн̣аа наамаад̇и на гзвалан̃жа вийн̣ааязва лаамигаа, яат̇зва бана аяам̣ вийн̣аа наама, звам̣ яам̣гин̃жи ан̃н̃амби д̇анд̇иб̣ад̣̇д̇хам̣, саб̣б̣ам̣ д̇ам̣ лаамагамзваад̇и ад̇т̇о. звамзва код̇и зд̇т̇а вийн̣аа вияа бан̃жагканд̇хаа д̣̇адтаб̣б̣аа, рааж̇аа вияа яог̇ааважаро. яат̇аа со рааж̇аа д̇ам̣ вийн̣ам̣ д̣̇асад̇хаа пааланад̇о бадтааяа вижинанд̇о сад̣̇д̣̇ам̣ ад̣̇исваа вийн̣ааяа анад̇т̇иго ход̇и, звам̣ яог̇ааважаро бан̃жагканд̇хз саммасанд̇о аханд̇и ваа маманд̇и ваа г̇ахзд̇аб̣б̣ам̣ абассанд̇о канд̇хзхи анад̇т̇иго ход̇и. д̇знасса д̇ам̣ канд̇хасаммасанам̣ д̣̇ассзнд̇о руубам̣ саманвзсад̇и яаавад̇аа руубасса г̇ад̇ийд̇иаад̣̇имааха.
Yathevaṃ yaṃkiñci vīṇā nāmāti na kevalañca vīṇāyeva lāmikā, yatheva pana ayaṃ vīṇā nāma, evaṃ yaṃkiñci aññampi tantibaddhaṃ, sabbaṃ taṃ lāmakamevāti attho. Evameva khoti ettha vīṇā viya pañcakkhandhā daṭṭhabbā, rājā viya yogāvacaro. Yathā so rājā taṃ vīṇaṃ dasadhā phālanato paṭṭhāya vicinanto saddaṃ adisvā vīṇāya anatthiko hoti, evaṃ yogāvacaro pañcakkhandhe sammasanto ahanti vā mamanti vā gahetabbaṃ apassanto khandhehi anatthiko hoti. Tenassa taṃ khandhasammasanaṃ dassento rūpaṃ samanvesati yāvatā rūpassa gatītiādimāha.
д̇ад̇т̇а саманвзсад̇ийд̇и бариязсад̇и. яаавад̇аа руубасса г̇ад̇ийд̇и яад̇д̇агаа руубасса г̇ад̇и. д̇ад̇т̇а г̇ад̇ийд̇и г̇ад̇иг̇ад̇и, сан̃ж̇аад̇иг̇ад̇и, салагкан̣аг̇ад̇и, вибхаваг̇ад̇и, бхзд̣̇аг̇ад̇ийд̇и бан̃жавид̇хаа хонд̇и. д̇ад̇т̇а ид̣̇ам̣ руубам̣ наама хздтаа авийжибарияанд̇ам̣ гад̇ваа убари аганидтаб̣рахмалогам̣ анд̇о гад̇ваа зд̇т̇анд̇арз сам̣сарад̇и вад̇д̇ад̇и, аяамасса г̇ад̇иг̇ад̇и наама.
Tattha samanvesatīti pariyesati. Yāvatā rūpassa gatīti yattakā rūpassa gati. Tattha gatīti gatigati, sañjātigati, salakkhaṇagati, vibhavagati, bhedagatīti pañcavidhā honti. Tattha idaṃ rūpaṃ nāma heṭṭhā avīcipariyantaṃ katvā upari akaniṭṭhabrahmalokaṃ anto katvā etthantare saṃsarati vattati, ayamassa gatigati nāma.
аяам̣ бана гааяо нзва бад̣̇умаг̇аб̣бхз, на бун̣д̣арийганийлуббалаад̣̇ийсу сан̃ж̇ааяад̇и, аамаасаяабаггаасаяаанам̣ бана анд̇арз б̣ахаланд̇хагаарз д̣̇уг̇г̇анд̇хабаванавижарид̇з барамаж̇зг̇ужчз огаасз бууд̇имажчаад̣̇ийсу гими вияа сан̃ж̇ааяад̇и , аяам̣ руубасса сан̃ж̇аад̇иг̇ад̇и наама.
Ayaṃ pana kāyo neva padumagabbhe, na puṇḍarīkanīluppalādīsu sañjāyati, āmāsayapakkāsayānaṃ pana antare bahalandhakāre duggandhapavanavicarite paramajegucche okāse pūtimacchādīsu kimi viya sañjāyati , ayaṃ rūpassa sañjātigati nāma.
д̣̇увид̇хам̣ бана руубасса лагкан̣ам̣, ‘‘руббад̇ийд̇и ко, бхигкавз, д̇асмаа рууба’’нд̇и (сам̣. ни. 3.79) звам̣ вуд̇д̇а руббанасан̇каад̇ам̣ бажжад̇д̇алагкан̣ан̃жа анижжаад̣̇ибхзд̣̇ам̣ сааман̃н̃алагкан̣ан̃жа, аяамасса салагкан̣аг̇ад̇и наама.
Duvidhaṃ pana rūpassa lakkhaṇaṃ, ‘‘ruppatīti kho, bhikkhave, tasmā rūpa’’nti (saṃ. ni. 3.79) evaṃ vutta ruppanasaṅkhātaṃ paccattalakkhaṇañca aniccādibhedaṃ sāmaññalakkhaṇañca, ayamassa salakkhaṇagati nāma.
‘‘г̇ад̇и миг̇аанам̣ баванам̣, аагаасо багкинам̣ г̇ад̇и;
‘‘Gati migānaṃ pavanaṃ, ākāso pakkhinaṃ gati;
вибхаво г̇ад̇и д̇хаммаанам̣, ниб̣б̣аанам̣ арахад̇о г̇ад̇ий’’д̇и. (бари. 339) –
Vibhavo gati dhammānaṃ, nibbānaṃ arahato gatī’’ti. (pari. 339) –
звам̣ вуд̇д̇о руубасса абхааво вибхаваг̇ад̇и наама. яо банасса бхзд̣̇о, аяам̣ бхзд̣̇аг̇ад̇и наама. взд̣̇анаад̣̇ийсуби зсзва наяо. гзвалан̃хзд̇т̇а убари яаава бхаваг̇г̇аа д̇зсам̣ сан̃ж̇аад̇иг̇ад̇и, салагкан̣аг̇ад̇ияан̃жа взд̣̇аяид̇асан̃ж̇аананаабхисан̇каран̣авиж̇аананавасзна бажжад̇д̇алагкан̣ам̣ взд̣̇ид̇аб̣б̣ам̣.
Evaṃ vutto rūpassa abhāvo vibhavagati nāma. Yo panassa bhedo, ayaṃ bhedagati nāma. Vedanādīsupi eseva nayo. Kevalañhettha upari yāva bhavaggā tesaṃ sañjātigati, salakkhaṇagatiyañca vedayitasañjānanaabhisaṅkharaṇavijānanavasena paccattalakkhaṇaṃ veditabbaṃ.
д̇амби д̇асса на ход̇ийд̇и яад̣̇зд̇ам̣ руубаад̣̇ийсу аханд̇и ваа маманд̇и ваа асмийд̇и ваа звам̣ нид̣̇д̣̇идтам̣ д̣̇идтид̇ан̣хаамаанаг̇г̇аахад̇д̇аяам̣, д̇амби д̇асса кийн̣аасавасса на ход̇ийд̇и яат̇аанусанд̇хинаава суд̇д̇ааг̇ад̇ам̣. д̇зна вуд̇д̇ам̣ махааадтагат̇ааяам̣ –
Tampi tassa na hotīti yadetaṃ rūpādīsu ahanti vā mamanti vā asmīti vā evaṃ niddiṭṭhaṃ diṭṭhitaṇhāmānaggāhattayaṃ, tampi tassa khīṇāsavassa na hotīti yathānusandhināva suttāgataṃ. Tena vuttaṃ mahāaṭṭhakathāyaṃ –
‘‘аад̣̇имхи сийлам̣ гат̇ид̇ам̣, маж̇жхз самаад̇хибхааванаа;
‘‘Ādimhi sīlaṃ kathitaṃ, majjhe samādhibhāvanā;
барияосаанз жа ниб̣б̣аанам̣, зсаа вийн̣обамаа гат̇аа’’д̇и.
Pariyosāne ca nibbānaṃ, esā vīṇopamā kathā’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. вийн̣обамасуд̇д̇ам̣ • 9. Vīṇopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. вийн̣обамасуд̇д̇аван̣н̣анаа • 9. Vīṇopamasuttavaṇṇanā
