| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. вийн̣обамасуд̇д̇аван̣н̣анаа
9. Vīṇopamasuttavaṇṇanā
246. бхигкусса ваа бхигкунияаа ваад̇и гаамам̣ баал̣ияам̣ барисаад̣̇ваяамзва г̇ахид̇ам̣, сзсабарисаанам̣ бана д̇ад̣̇ан̃н̃зсамби д̣̇звамануссаананд̇и саб̣б̣асаад̇хааран̣овааяам̣ д̇хаммасан̇г̇аход̇и имамад̇т̇ам̣ убамаабуб̣б̣агам̣ гад̇ваа д̣̇ассзд̇ум̣ ‘‘яат̇аа наамаа’’д̇иаад̣̇и аарад̣̇д̇хам̣. яаж̇анд̇од̇и д̣̇ад̣̇анд̇о. винд̣̇ид̇аб̣б̣од̇и лад̣̇д̇хаб̣б̣о, ад̇хиг̇анд̇аб̣б̣од̇и ад̇т̇о.
246.Bhikkhussa vā bhikkhuniyā vāti kāmaṃ pāḷiyaṃ parisādvayameva gahitaṃ, sesaparisānaṃ pana tadaññesampi devamanussānanti sabbasādhāraṇovāyaṃ dhammasaṅgahoti imamatthaṃ upamāpubbakaṃ katvā dassetuṃ ‘‘yathā nāmā’’tiādi āraddhaṃ. Yajantoti dadanto. Vinditabboti laddhabbo, adhigantabboti attho.
чанд̣̇од̇и д̇ан̣хаачанд̣̇о. д̇знааха – ‘‘д̣̇уб̣б̣алад̇ан̣хаа со ран̃ж̇зд̇ум̣ на саггод̇ий’’д̇и. буб̣б̣уббад̇д̇игаа згасмим̣ аарамман̣з батамам̣ уббаннаа. саа хи анаасзванад̇д̇аа манд̣̇аа. сод̇и чанд̣̇о. ран̃ж̇зд̇ум̣ на саггод̇и лад̣̇д̇хаасзванад̇д̇аа. д̣̇осо наама жид̇д̇ад̣̇уусанад̇д̇аа. д̇аанийд̇и д̣̇ан̣д̣аад̣̇аанаад̣̇ийни. д̇аммуулагаад̇и лобхамуулагаа д̇аава мааяаасаатзяяамаанаад̇имаанад̣̇идтижаабалаад̣̇аяо, д̣̇осамуулагаа убанаахамагкабалаасаиссаамажчарияат̇амбхасаарамбхаад̣̇аяо, мохамуулагаа ахирига-анод̇д̇абба-т̇инамид̣̇д̇хавижигижчуд̣̇д̇хажжа-вибарийд̇аманасигаараад̣̇аяо, сам̣гилзсад̇хаммаа г̇ахид̇аава хонд̇и д̇ам̣муулагад̇д̇аа. яасмаа бана саб̣б̣зби сам̣гилзсад̇хаммаа д̣̇ваад̣̇асаагусалажид̇д̇уббаад̣̇абарияаабаннаа зва, д̇асмаа д̇зсамбзд̇т̇а г̇ахид̇абхаавам̣ д̣̇ассзд̇ум̣ ‘‘чанд̣̇о рааг̇од̇и ваа’’д̇и вуд̇д̇ам̣.
Chandoti taṇhāchando. Tenāha – ‘‘dubbalataṇhā so rañjetuṃ na sakkotī’’ti. Pubbuppattikā ekasmiṃ ārammaṇe paṭhamaṃ uppannā. Sā hi anāsevanattā mandā. Soti chando. Rañjetuṃ na sakkoti laddhāsevanattā. Doso nāma cittadūsanattā. Tānīti daṇḍādānādīni. Tammūlakāti lobhamūlakā tāva māyāsāṭheyyamānātimānadiṭṭhicāpalādayo, dosamūlakā upanāhamakkhapalāsaissāmacchariyathambhasārambhādayo, mohamūlakā ahirika-anottappa-thinamiddhavicikicchuddhacca-viparītamanasikārādayo, saṃkilesadhammā gahitāva honti taṃmūlakattā. Yasmā pana sabbepi saṃkilesadhammā dvādasākusalacittuppādapariyāpannā eva, tasmā tesampettha gahitabhāvaṃ dassetuṃ ‘‘chando rāgoti vā’’ti vuttaṃ.
бхааяид̇аб̣б̣адтзна сабхаяо. бхзравадтзна саббадибхаяо. гусалабагкасса вигкамбханадтзна саган̣даго. гусалаанаваж̇ж̇ад̇хаммзхи д̣̇ураваг̇аахадтзна саг̇ахано. бхавасамбад̇д̇ибхаваниб̣б̣аанаанам̣ аббад̣̇аанабхаавад̇о уммаг̇г̇о. д̣̇уг̇г̇ад̇иг̇аамимаг̇г̇ад̇д̇аа гуммаг̇г̇о. ирияанаад̇и вад̇д̇анаа бадибаж̇ж̇анаа. д̣̇уг̇г̇ад̇иг̇аамид̇ааяа гилзсо зва гилзсамаг̇г̇о. на саггаа самбад̇д̇ибхавам̣ г̇анд̇ум̣ гуд̇о ниб̣б̣аанаг̇амананд̇и ад̇хиббааяо.
Bhāyitabbaṭṭhena sabhayo. Bheravaṭṭhena sappaṭibhayo. Kusalapakkhassa vikkhambhanaṭṭhena sakaṇṭako. Kusalaanavajjadhammehi duravagāhaṭṭhena sagahano. Bhavasampattibhavanibbānānaṃ appadānabhāvato ummaggo. Duggatigāmimaggattā kummaggo. Iriyanāti vattanā paṭipajjanā. Duggatigāmitāya kileso eva kilesamaggo. Na sakkā sampattibhavaṃ gantuṃ kuto nibbānagamananti adhippāyo.
асубхааваж̇ж̇анаад̣̇ийхийд̇и аад̣̇и-сад̣̇д̣̇зна анижжаманасигаараад̣̇ийнамби сан̇г̇ахо д̣̇адтаб̣б̣о. жид̇д̇ам̣ нивад̇д̇ад̇и сарааг̇ажид̇д̇ам̣ на уббаж̇ж̇ад̇и бадибагкаманасигаарзна винод̣̇ид̇ад̇д̇аа. маж̇жхад̇д̇аарамман̣зд̇и ан̃н̃аан̣убзгкадтаанияз аарамман̣з. уд̣̇д̣̇зса…бз… ааваж̇ж̇анд̇ассаад̇и уд̣̇д̣̇исаабанавасзна уд̣̇д̣̇зсам̣, барибужчаабанавасзна барибужчам̣, г̇аруунам̣ санд̇игз васанавасзна г̇аруваасам̣ ааваж̇ж̇анд̇асса. жид̇д̇анд̇и г̇амбхийран̃аан̣ажарияа-бажжавзгкан̣а-бан̃н̃аванд̇а-буг̇г̇аласзванавасзна д̇ад̣̇ад̇химуд̇д̇исид̣̇д̇хияаа ан̃н̃аан̣ажид̇д̇ам̣ нивад̇д̇ад̇и.
Asubhāvajjanādīhīti ādi-saddena aniccamanasikārādīnampi saṅgaho daṭṭhabbo. Cittaṃ nivattati sarāgacittaṃ na uppajjati paṭipakkhamanasikārena vinoditattā. Majjhattārammaṇeti aññāṇupekkhaṭṭhāniye ārammaṇe. Uddesa…pe… āvajjantassāti uddisāpanavasena uddesaṃ, paripucchāpanavasena paripucchaṃ, garūnaṃ santike vasanavasena garuvāsaṃ āvajjantassa. Cittanti gambhīrañāṇacariya-paccavekkhaṇa-paññavanta-puggalasevanavasena tadadhimuttisiddhiyā aññāṇacittaṃ nivattati.
яат̇аа ‘‘буж̇ж̇абхавапалам̣ бун̃н̃а’’нд̇и вуд̇д̇ам̣ ‘‘звамид̣̇ам̣ бун̃н̃ам̣ бавад̣дхад̇ий’’д̇и (д̣̇ий. ни. 3.80), звам̣ гидтасамбхавад̇д̇аа ‘‘гидта’’нд̇и вуд̇д̇анд̇и ааха ‘‘гидтанд̇и гидтадтаанз уббаннасасса’’нд̇и.
Yathā ‘‘pujjabhavaphalaṃ puñña’’nti vuttaṃ ‘‘evamidaṃ puññaṃ pavaḍḍhatī’’ti (dī. ni. 3.80), evaṃ kiṭṭhasambhavattā ‘‘kiṭṭha’’nti vuttanti āha ‘‘kiṭṭhanti kiṭṭhaṭṭhāne uppannasassa’’nti.
гхадаад̇и син̇г̇аяуг̇ам̣ ид̇хаад̇хиббзд̇анд̇и ааха ‘‘д̣̇виннам̣ син̇г̇аанам̣ анд̇арз’’д̇и. гхадаад̇и г̇он̣аад̣̇ийнам̣ син̇г̇анд̇арадтасса саман̃н̃аад̇и вад̣̇анд̇и. наасаараж̇ж̇угзд̇и наасаараж̇ж̇убаад̇адтаанз.
Ghaṭāti siṅgayugaṃ idhādhippetanti āha ‘‘dvinnaṃ siṅgānaṃ antare’’ti. Ghaṭāti goṇādīnaṃ siṅgantaraṭṭhassa samaññāti vadanti. Nāsārajjuketi nāsārajjupātaṭṭhāne.
д̣̇амзд̇и бут̇уд̇д̇аарамман̣ад̇о ниваарзд̇и. нанд̇и жид̇д̇ам̣. яам̣ суд̇д̇ам̣ субхаасид̇ам̣ маяаа. д̇ад̣̇ассаад̇и д̇ад̣̇аа асса бхигкуно. аарамман̣зд̇и гаммадтаанаарамман̣з.
Dameti puthuttārammaṇato nivāreti. Nanti cittaṃ. Yaṃ suttaṃ subhāsitaṃ mayā. Tadassāti tadā assa bhikkhuno. Ārammaṇeti kammaṭṭhānārammaṇe.
суд̣̇уж̇ид̇анд̇и ниб̣б̣исзванабхаавагаран̣зна ж̇ид̇ам̣. суд̇аж̇ж̇ид̇анд̇и судту д̣̇уурагаран̣зна ж̇ид̇ам̣, д̇ат̇аабхууд̇ан̃жа д̇аж̇ж̇ид̇ам̣ наама ход̇ийд̇и д̇ат̇аа вуд̇д̇ам̣. г̇ожараж̇жхад̇д̇анд̇и аж̇жхад̇д̇абхууд̇о г̇ожаро. гаммадтаанаарамман̣ан̃хи б̣ахид̣̇д̇хааруубаад̣̇иаарамман̣авид̇хурад̇ааяа аж̇жхад̇д̇анд̇и вужжад̇и. самат̇о анурагкан̣ам̣ зд̇ассаад̇и самат̇аанурагкан̣ам̣. яат̇аа инд̣̇рияасам̣варасийлам̣ самат̇аанурагкан̣ам̣ ход̇и, д̇ат̇аа гат̇ид̇анд̇и ад̇т̇о. яат̇аа хи инд̣̇рияасам̣варасийлам̣ самат̇асса бажжаяо, звам̣ самат̇оби д̇асса бажжаяод̇и.
Sudujitanti nibbisevanabhāvakaraṇena jitaṃ. Sutajjitanti suṭṭhu dūrakaraṇena jitaṃ, tathābhūtañca tajjitaṃ nāma hotīti tathā vuttaṃ. Gocarajjhattanti ajjhattabhūto gocaro. Kammaṭṭhānārammaṇañhi bahiddhārūpādiārammaṇavidhuratāya ajjhattanti vuccati. Samatho anurakkhaṇaṃ etassāti samathānurakkhaṇaṃ. Yathā indriyasaṃvarasīlaṃ samathānurakkhaṇaṃ hoti, tathā kathitanti attho. Yathā hi indriyasaṃvarasīlaṃ samathassa paccayo, evaṃ samathopi tassa paccayoti.
ваад̣̇ияамаанааяа вийн̣ааяа. жид̇д̇ам̣ ран̃ж̇зд̇ийд̇и раж̇ж̇анзна. ависсаж̇ж̇анийяад̇ааяа жид̇д̇ам̣ б̣анд̇хад̇ийд̇и б̣анд̇ханийяо. вздтагзд̇и д̇анд̇ийнам̣ аасаж̇ж̇анавздтагз. гон̣анд̇и гаван̣ад̇о вийн̣ааяа сад̣̇д̣̇агаран̣ад̇о гон̣анд̇и лад̣̇д̇ханаамам̣ д̣̇ааруд̣̇ан̣д̣ам̣ син̇г̇аад̣̇ийсу язна гзнажи гад̇ам̣ гхадигам̣. д̇знааха ‘‘жад̇урассам̣ саарад̣̇ан̣д̣ага’’нд̇и.
Vādiyamānāya vīṇāya. Cittaṃ rañjetīti rajjanena. Avissajjanīyatāya cittaṃ bandhatīti bandhanīyo. Veṭṭhaketi tantīnaṃ āsajjanaveṭṭhake. Koṇanti kavaṇato vīṇāya saddakaraṇato koṇanti laddhanāmaṃ dārudaṇḍaṃ siṅgādīsu yena kenaci kataṃ ghaṭikaṃ. Tenāha ‘‘caturassaṃ sāradaṇḍaka’’nti.
яасмаа со рааж̇аа рааж̇амахаамад̇д̇о ваа сад̣̇д̣̇ам̣ яат̇аасабхаавад̇о на ан̃н̃ааси, д̇асмим̣ д̇асса аж̇аананаагаарамзва д̣̇ассзд̇ум̣ ‘‘сад̣̇д̣̇ам̣ бассиссаамий’’д̇иаад̣̇и вуд̇д̇ам̣.
Yasmā so rājā rājamahāmatto vā saddaṃ yathāsabhāvato na aññāsi, tasmiṃ tassa ajānanākārameva dassetuṃ ‘‘saddaṃ passissāmī’’tiādi vuttaṃ.
асад̇ий гирааяанд̇и баал̣ияам̣ лин̇г̇авибаллаасзна вуд̇д̇анд̇и яат̇аалин̇г̇амзва вад̣̇анд̇о ‘‘асаа’’д̇и ааха. ‘‘асад̇ийд̇и лаамагаад̇хиважана’’нд̇и вад̇ваа д̇ад̇т̇а баяог̇ам̣ д̣̇ассзд̇ум̣ ‘‘асаа логид̇т̇ияо наамаа’’д̇и вуд̇д̇ам̣, логз ид̇т̇ияо наама асад̇ияод̇и ад̇т̇о, д̇ад̇т̇а гааран̣амааха ‘‘взлаа д̇аасам̣ на виж̇ж̇ад̇ий’’д̇и. багад̇ияаа логз ж̇здтабхаад̇аа ганидтабхаад̇аа маад̇улод̇иаад̣̇игаа взлаа марияаад̣̇аа д̇аасам̣ на виж̇ж̇ад̇и. гасмаа? саарад̇д̇аа жа баг̇аб̣б̣аа жа саб̣б̣зсамби самбхог̇авасзна винияог̇ам̣ г̇ажчанд̇и. гат̇ам̣? сикий саб̣б̣агхасо яат̇аа. д̇знзвааха –
Asatī kirāyanti pāḷiyaṃ liṅgavipallāsena vuttanti yathāliṅgameva vadanto ‘‘asā’’ti āha. ‘‘Asatīti lāmakādhivacana’’nti vatvā tattha payogaṃ dassetuṃ ‘‘asā lokitthiyo nāmā’’ti vuttaṃ, loke itthiyo nāma asatiyoti attho, tattha kāraṇamāha ‘‘velā tāsaṃ na vijjatī’’ti. Pakatiyā loke jeṭṭhabhātā kaniṭṭhabhātā mātulotiādikā velā mariyādā tāsaṃ na vijjati. Kasmā? Sārattā ca pagabbā ca sabbesampi sambhogavasena viniyogaṃ gacchanti. Kathaṃ? Sikhī sabbaghaso yathā. Tenevāha –
‘‘саб̣б̣аа над̣̇ий ван̇гаг̇ад̇ий, саб̣б̣з гадтамаяаа ванаа;
‘‘Sabbā nadī vaṅkagatī, sabbe kaṭṭhamayā vanā;
саб̣б̣ид̇т̇ияо гарз баабам̣, лабхамаанз ниваад̇агз’’д̇и. (ж̇аа. 2.21.308);
Sabbitthiyo kare pāpaṃ, labhamāne nivātake’’ti. (jā. 2.21.308);
ан̃н̃амби д̇анд̇иб̣ад̣̇д̇хам̣ жад̇урассаамб̣ан̣аваад̣̇ид̇аад̣̇ийни. вийн̣аа вияа бан̃жагканд̇хаа анзгад̇хаммасамуухабхаавад̇о. рааж̇аа вияа яог̇ааважаро д̇аббадиб̣ад̣̇д̇хад̇хаммаг̇авзсагад̇д̇аа. ассаад̇и яог̇ааважарасса.
Aññampi tantibaddhaṃ caturassaambaṇavāditādīni. Vīṇā viya pañcakkhandhā anekadhammasamūhabhāvato. Rājā viya yogāvacaro tappaṭibaddhadhammagavesakattā. Assāti yogāvacarassa.
нираяаад̣̇ид̇о ан̃н̃асмимби г̇ад̇и-сад̣̇д̣̇о вад̇д̇ад̇и. д̇ад̇о висзсанад̇т̇ам̣ ‘‘г̇ад̇иг̇ад̇ий’’д̇и вуд̇д̇ам̣ ‘‘д̣̇угкад̣̇угкам̣, руубарууба’’нд̇и жа яат̇аа, г̇ад̇исан̃н̃ид̇ам̣ бавад̇д̇идтаананд̇и ад̇т̇о. д̇знааха – ‘‘зд̇т̇анд̇арз сам̣сарад̇и вад̇д̇ад̇ий’’д̇и. сан̃ж̇ааяанабад̣̇зсо зва г̇ад̇ийд̇и сан̃ж̇аад̇иг̇ад̇и.
Nirayādito aññasmimpi gati-saddo vattati. Tato visesanatthaṃ ‘‘gatigatī’’ti vuttaṃ ‘‘dukkhadukkhaṃ, rūparūpa’’nti ca yathā, gatisaññitaṃ pavattiṭṭhānanti attho. Tenāha – ‘‘etthantare saṃsarati vattatī’’ti. Sañjāyanapadeso eva gatīti sañjātigati.
д̇ам̣ бана г̇ад̇им̣ сад̇д̇аанам̣ сам̣взг̇авад̇т̇убхууд̇асса бажжагкасса г̇аб̣бхаасаяасса васзна д̣̇ассзд̇ум̣ ‘‘аяамасса гааяо’’д̇иаад̣̇и вуд̇д̇ам̣. руубад̇хаммасса салагкан̣ам̣ г̇ад̇и нидтаа, д̇ад̇о барам̣ ан̃н̃ам̣ гин̃жи над̇т̇ийд̇и салагкан̣аг̇ад̇и. абхааво ажжанд̇аабхааво. санд̇аанавижчзд̣̇о вибхаваг̇ад̇и д̇ам̣нидтаанабхааваа. бхзд̣̇од̇и кан̣анирод̇хо, ид̇хааби д̇ам̣нидтаанад̇ааязва барияааяо. яаава бхаваг̇г̇аад̇и яаава саб̣б̣абхаваг̇г̇аа. салагкан̣авибхаваг̇ад̇ибхзд̣̇аг̇ад̇ияо ‘‘зсзва наяо’’д̇и иминаава багаасид̇аад̇и на г̇ахид̇аа. д̇асса кийн̣аасавасса на ход̇и аг̇г̇амаг̇г̇зна самужчиннад̇д̇аа.
Taṃ pana gatiṃ sattānaṃ saṃvegavatthubhūtassa paccakkhassa gabbhāsayassa vasena dassetuṃ ‘‘ayamassa kāyo’’tiādi vuttaṃ. Rūpadhammassa salakkhaṇaṃ gati niṭṭhā, tato paraṃ aññaṃ kiñci natthīti salakkhaṇagati. Abhāvo accantābhāvo. Santānavicchedo vibhavagati taṃniṭṭhānabhāvā. Bhedoti khaṇanirodho, idhāpi taṃniṭṭhānatāyeva pariyāyo. Yāva bhavaggāti yāva sabbabhavaggā. Salakkhaṇavibhavagatibhedagatiyo ‘‘eseva nayo’’ti imināva pakāsitāti na gahitā. Tassa khīṇāsavassa na hoti aggamaggena samucchinnattā.
сийлам̣ гат̇ид̇ам̣ руубаад̣̇ийсу чанд̣̇аад̣̇инивааран̣асса гат̇ид̇ад̇д̇аа. маж̇жхз самаад̇хибхааванаа гат̇ид̇аа ‘‘аж̇жхад̇д̇амзва санд̇идтад̇и…бз… самаад̇хияад̇ий’’д̇и ж̇од̇ид̇ад̇д̇аа. барияосаанз жа ниб̣б̣аанам̣ гат̇ид̇ам̣ ‘‘яамбисса…бз… на ход̇ий’’д̇и важанад̇о.
Sīlaṃkathitaṃ rūpādīsu chandādinivāraṇassa kathitattā. Majjhe samādhibhāvanā kathitā ‘‘ajjhattameva santiṭṭhati…pe… samādhiyatī’’ti jotitattā. Pariyosāne ca nibbānaṃ kathitaṃ ‘‘yampissa…pe… na hotī’’ti vacanato.
вийн̣обамасуд̇д̇аван̣н̣анаа нидтид̇аа.
Vīṇopamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. вийн̣обамасуд̇д̇ам̣ • 9. Vīṇopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. вийн̣обамасуд̇д̇аван̣н̣анаа • 9. Vīṇopamasuttavaṇṇanā
