| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
১৪. ৰিপাকপচ্চযনিদ্দেসৰণ্ণনা
14. Vipākapaccayaniddesavaṇṇanā
১৪. যথা হি রূপভৰে সঞ্ঞীনং তংনিব্বত্তিতপুঞ্ঞাভিসঙ্খারেনেৰ রূপুপ্পত্তি, এৰং অসঞ্ঞীনম্পীতি তত্থ কামাৰচরকম্মুনা যথা ৰিপাকানুরূপানং পচ্চযো হোন্তো কেসঞ্চিযেৰ হোতি, ন সব্বেসং, কত্থচিযেৰ হোতি, ন সব্বত্থ, ন এৰং ৰিপাকানন্তি আহ ‘‘একন্তেনা’’তি। তেসং ৰসেনাতি তেসং ৰিপাকপচ্চযলাভীনং ৰিপাকক্খন্ধানং ৰসেন। ন হীতিআদিনা ‘‘একন্তেনা’’তি ৰুত্তমত্থং ব্যতিরেকতো ৰিভাৰেতি। ভূমিদ্ৰযৰিপাকোতি কামাৰচররূপাৰচরৰিপাকো আরুপ্পে রূপস্স ন হি পচ্চযোতি যোজনা।
14. Yathā hi rūpabhave saññīnaṃ taṃnibbattitapuññābhisaṅkhāreneva rūpuppatti, evaṃ asaññīnampīti tattha kāmāvacarakammunā yathā vipākānurūpānaṃ paccayo honto kesañciyeva hoti, na sabbesaṃ, katthaciyeva hoti, na sabbattha, na evaṃ vipākānanti āha ‘‘ekantenā’’ti. Tesaṃ vasenāti tesaṃ vipākapaccayalābhīnaṃ vipākakkhandhānaṃ vasena. Na hītiādinā ‘‘ekantenā’’ti vuttamatthaṃ byatirekato vibhāveti. Bhūmidvayavipākoti kāmāvacararūpāvacaravipāko āruppe rūpassa na hi paccayoti yojanā.
ৰিপাকপচ্চযনিদ্দেসৰণ্ণনা নিট্ঠিতা।
Vipākapaccayaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / (২) পচ্চযনিদ্দেসো • (2) Paccayaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১৪. ৰিপাকপচ্চযনিদ্দেসৰণ্ণনা • 14. Vipākapaccayaniddesavaṇṇanā
