| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
14. вибаагабажжаяанид̣̇д̣̇зсаван̣н̣анаа
14. Vipākapaccayaniddesavaṇṇanā
14. вибаагабажжаяанид̣̇д̣̇зсз вибаагаа жад̇д̇ааро канд̇хаад̇и яасмаа гаммасамудтаанааби руубаа вибаагаа на хонд̇и, д̇асмаа ‘‘вибаагаа’’д̇и вад̇ваа ‘‘жад̇д̇ааро канд̇хаа’’д̇и вуд̇д̇ам̣. звам̣ аяам̣ баал̣и аруубад̇хаммаанан̃н̃зва вибаагабажжаяавасзна ааг̇ад̇аа. бан̃хааваарз бана ‘‘вибаагааб̣яаагад̇о зго канд̇хо д̇ин̣н̣ам̣ канд̇хаанам̣ жид̇д̇асамудтаанаанан̃жа руубаанам̣ вибаагабажжаязна бажжаяо. бадисанд̇хигкан̣з вибаагааб̣яаагад̇о зго канд̇хо д̇ин̣н̣аннам̣ канд̇хаанам̣ гадад̇д̇аа жа руубаанам̣ вибаагабажжаязна бажжаяо’’д̇и ааг̇ад̇ад̇д̇аа жид̇д̇асамудтаанагаммасамудтаанаруубаанамби вибаагабажжаяо лаб̣бхад̇и. ид̇ха бана саавасзсавасзна д̣̇зсанаа гад̇аад̇и аяам̣ д̇аавзд̇т̇а баал̣иван̣н̣анаа. аяам̣ бана вибаагабажжаяо вибаагабхаавзна ж̇аад̇ид̇о згавид̇хо, бхуумибхзд̣̇ад̇о гаамааважараад̣̇ивасзна жад̇уд̇хаа бхиж̇ж̇ад̇ийд̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
14. Vipākapaccayaniddese vipākā cattāro khandhāti yasmā kammasamuṭṭhānāpi rūpā vipākā na honti, tasmā ‘‘vipākā’’ti vatvā ‘‘cattāro khandhā’’ti vuttaṃ. Evaṃ ayaṃ pāḷi arūpadhammānaññeva vipākapaccayavasena āgatā. Pañhāvāre pana ‘‘vipākābyākato eko khandho tiṇṇaṃ khandhānaṃ cittasamuṭṭhānānañca rūpānaṃ vipākapaccayena paccayo. Paṭisandhikkhaṇe vipākābyākato eko khandho tiṇṇannaṃ khandhānaṃ kaṭattā ca rūpānaṃ vipākapaccayena paccayo’’ti āgatattā cittasamuṭṭhānakammasamuṭṭhānarūpānampi vipākapaccayo labbhati. Idha pana sāvasesavasena desanā katāti ayaṃ tāvettha pāḷivaṇṇanā. Ayaṃ pana vipākapaccayo vipākabhāvena jātito ekavidho, bhūmibhedato kāmāvacarādivasena catudhā bhijjatīti evamettha nānappakārabhedato viññātabbo vinicchayo.
звам̣ бхиннз банзд̇т̇а гаамааважараруубааважаравибааго ад̇д̇анаа самбаяуд̇д̇ад̇хаммаанам̣ бавад̇д̇з жид̇д̇асамудтаанаруубаанам̣ бадисанд̇хияам̣ гадад̇д̇ааруубаанан̃жа вибаагабажжаяо ход̇и. аруубааважаравибааго самбаяуд̇д̇ад̇хаммаанан̃н̃зва. логуд̇д̇аравибааго бан̃жавогаарз самбаяуд̇д̇ад̇хаммаанан̃жзва жид̇д̇асамудтаанаруубасса жа, жад̇увогаарз самбаяуд̇д̇агканд̇хаанан̃н̃зва вибаагабажжаяо ход̇ийд̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha kāmāvacararūpāvacaravipāko attanā sampayuttadhammānaṃ pavatte cittasamuṭṭhānarūpānaṃ paṭisandhiyaṃ kaṭattārūpānañca vipākapaccayo hoti. Arūpāvacaravipāko sampayuttadhammānaññeva. Lokuttaravipāko pañcavokāre sampayuttadhammānañceva cittasamuṭṭhānarūpassa ca, catuvokāre sampayuttakkhandhānaññeva vipākapaccayo hotīti evamettha paccayuppannatopi viññātabbo vinicchayoti.
вибаагабажжаяанид̣̇д̣̇зсаван̣н̣анаа.
Vipākapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
