| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
14. විපාකපච්‌චයනිද්‌දෙසවණ්‌ණනා
14. Vipākapaccayaniddesavaṇṇanā
14. යථා හි රූපභවෙ සඤ්‌ඤීනං තංනිබ්‌බත්‌තිතපුඤ්‌ඤාභිසඞ්‌ඛාරෙනෙව රූපුප්‌පත්‌ති, එවං අසඤ්‌ඤීනම්‌පීති තත්‌ථ කාමාවචරකම්‌මුනා යථා විපාකානුරූපානං පච්‌චයො හොන්‌තො කෙසඤ්‌චියෙව හොති, න සබ්‌බෙසං, කත්‌ථචියෙව හොති, න සබ්‌බත්‌ථ, න එවං විපාකානන්‌ති ආහ ‘‘එකන්‌තෙනා’’ති. තෙසං වසෙනාති තෙසං විපාකපච්‌චයලාභීනං විපාකක්‌ඛන්‌ධානං වසෙන. න හීතිආදිනා ‘‘එකන්‌තෙනා’’ති වුත්‌තමත්‌ථං බ්‍යතිරෙකතො විභාවෙති. භූමිද්‌වයවිපාකොති කාමාවචරරූපාවචරවිපාකො ආරුප්‌පෙ රූපස්‌ස න හි පච්‌චයොති යොජනා.
14. Yathā hi rūpabhave saññīnaṃ taṃnibbattitapuññābhisaṅkhāreneva rūpuppatti, evaṃ asaññīnampīti tattha kāmāvacarakammunā yathā vipākānurūpānaṃ paccayo honto kesañciyeva hoti, na sabbesaṃ, katthaciyeva hoti, na sabbattha, na evaṃ vipākānanti āha ‘‘ekantenā’’ti. Tesaṃ vasenāti tesaṃ vipākapaccayalābhīnaṃ vipākakkhandhānaṃ vasena. Na hītiādinā ‘‘ekantenā’’ti vuttamatthaṃ byatirekato vibhāveti. Bhūmidvayavipākoti kāmāvacararūpāvacaravipāko āruppe rūpassa na hi paccayoti yojanā.
විපාකපච්‌චයනිද්‌දෙසවණ්‌ණනා නිට්‌ඨිතා.
Vipākapaccayaniddesavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / පට්‌ඨානපාළි • Paṭṭhānapāḷi / (2) පච්‌චයනිද්‌දෙසො • (2) Paccayaniddeso
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 14. විපාකපච්‌චයනිද්‌දෙසවණ්‌ණනා • 14. Vipākapaccayaniddesavaṇṇanā
