| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৩. ৰিপাকত্তিকৰণ্ণনা
3. Vipākattikavaṇṇanā
১-২৩. ৰিপাকত্তিকে ৰিপাকধম্মং পটিচ্চাতি ৰিপাকং ধম্মং পটিচ্চ। সমাসেনপি হি সোযেৰত্থো ৰুত্তোতি পাল়িযং সমাসং কত্ৰা লিখিতং।
1-23. Vipākattike vipākadhammaṃ paṭiccāti vipākaṃ dhammaṃ paṭicca. Samāsenapi hi soyevattho vuttoti pāḷiyaṃ samāsaṃ katvā likhitaṃ.
২৪-৫২. ‘‘নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নৰিপাকপচ্চযা’’তি এতস্স ৰিভঙ্গে ‘‘মহাভূতে পটিচ্চ চিত্তসমুট্ঠানং রূপং উপাদারূপ’’ন্তি এত্তকমেৰ ৰুত্তং, ন ৰুত্তং ‘‘কটত্তারূপ’’ন্তি। তং খন্ধে পটিচ্চ উপ্পজ্জমানস্স মহাভূতে পটিচ্চ উপ্পত্তিদস্সনত্থত্তা ন ৰুত্তং। ন হেত্থ কটত্তারূপস্স খন্ধে পটিচ্চ উপ্পত্তি অত্থি, যস্স মহাভূতে পটিচ্চ উপ্পত্তি ৰত্তব্বা সিযা। পৰত্তিযং পন কটত্তারূপং ‘‘অসঞ্ঞসত্তানং…পে॰… মহাভূতে পটিচ্চ কটত্তারূপং উপাদারূপ’’ন্তি এতেনেৰ দস্সিতং হোতি। এৰঞ্চ কত্ৰা অসঞ্ঞসত্তানং রূপসমানগতিকত্তা নাহারপচ্চযে চ পৰত্তিযং কটত্তারূপং ন উদ্ধটং। তম্পি হি উপ্পাদক্খণে আহারপচ্চযেন ৰিনা উপ্পজ্জতীতি উদ্ধরিতব্বং সিযাতি।
24-52. ‘‘Nevavipākanavipākadhammadhammaṃpaṭicca nevavipākanavipākadhammadhammo uppajjati navipākapaccayā’’ti etassa vibhaṅge ‘‘mahābhūte paṭicca cittasamuṭṭhānaṃ rūpaṃ upādārūpa’’nti ettakameva vuttaṃ, na vuttaṃ ‘‘kaṭattārūpa’’nti. Taṃ khandhe paṭicca uppajjamānassa mahābhūte paṭicca uppattidassanatthattā na vuttaṃ. Na hettha kaṭattārūpassa khandhe paṭicca uppatti atthi, yassa mahābhūte paṭicca uppatti vattabbā siyā. Pavattiyaṃ pana kaṭattārūpaṃ ‘‘asaññasattānaṃ…pe… mahābhūte paṭicca kaṭattārūpaṃ upādārūpa’’nti eteneva dassitaṃ hoti. Evañca katvā asaññasattānaṃ rūpasamānagatikattā nāhārapaccaye ca pavattiyaṃ kaṭattārūpaṃ na uddhaṭaṃ. Tampi hi uppādakkhaṇe āhārapaccayena vinā uppajjatīti uddharitabbaṃ siyāti.
ৰিপাকত্তিকৰণ্ণনা নিট্ঠিতা।
Vipākattikavaṇṇanā niṭṭhitā.
Related texts:
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. ৰিপাকত্তিকৰণ্ণনা • 3. Vipākattikavaṇṇanā
