| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. вибаагад̇д̇игаван̣н̣анаа
3. Vipākattikavaṇṇanā
1-23. вибаагад̇д̇игз вибаагам̣ д̇хаммам̣ бадижжа вибааго д̇хаммо уббаж̇ж̇ад̇и хзд̇убажжаяаад̇и яз хзд̇убажжаяз д̇зраса ваараа вуд̇д̇аа, д̇з сан̇кибид̇ваа г̇ан̣анааяа д̣̇ассзд̇ум̣ хзд̇уяаа д̇зрасаад̇и вуд̇д̇ам̣. аарамман̣з бан̃жаад̇иаад̣̇ийсуби зсзва наяо. звамзд̇т̇а д̇зраса бан̃жа нава сад̇д̇а д̇ийн̣и д̣̇взд̇и ча г̇ан̣анабарижчзд̣̇аа, д̇зсам̣ васзна бажжаяасам̣санд̣̇анз хздтаа вуд̇д̇анаязнзва г̇ан̣анаа взд̣̇ид̇аб̣б̣аа.
1-23. Vipākattike vipākaṃ dhammaṃ paṭicca vipāko dhammo uppajjati hetupaccayāti ye hetupaccaye terasa vārā vuttā, te saṅkhipitvā gaṇanāya dassetuṃ hetuyā terasāti vuttaṃ. Ārammaṇe pañcātiādīsupi eseva nayo. Evamettha terasa pañca nava satta tīṇi dveti cha gaṇanaparicchedā, tesaṃ vasena paccayasaṃsandane heṭṭhā vuttanayeneva gaṇanā veditabbā.
24-52. бажжанийязби вибаагам̣ д̇хаммам̣ бадижжа вибааго д̇хаммо уббаж̇ж̇ад̇и нахзд̇убажжаяаад̇и яз нахзд̇убажжаяз д̣̇аса ваараа вуд̇д̇аа, д̇з сан̇кибид̇ваа г̇ан̣анааяа д̣̇ассзд̇ум̣ нахзд̇уяаа д̣̇асаад̇и вуд̇д̇ам̣. на аарамман̣з бан̃жаад̇иаад̣̇ийсуби зсзва наяо. звамзд̇т̇а д̣̇аса бан̃жа д̇зраса д̣̇ваад̣̇аса д̣̇вз згам̣ нава д̇ийн̣ийд̇и адта г̇ан̣анабарижчзд̣̇аа, д̇зсам̣ васзна бажжаяасам̣санд̣̇анз хздтаа вуд̇д̇анаязнзва вид̇т̇аарад̇о г̇ан̣анаа взд̣̇ид̇аб̣б̣аа. баал̣и бана сан̇кид̇д̇аа, зд̇зсан̃н̃зва бана лад̣̇д̇хаг̇ан̣анарабарижчзд̣̇аанам̣ ваараанам̣ васзна сам̣санд̣̇ид̇ваа ануломабажжанийяам̣ бажжанийяаануломан̃жа взд̣̇ид̇аб̣б̣ам̣.
24-52. Paccanīyepi vipākaṃ dhammaṃ paṭicca vipāko dhammo uppajjati nahetupaccayāti ye nahetupaccaye dasa vārā vuttā, te saṅkhipitvā gaṇanāya dassetuṃ nahetuyā dasāti vuttaṃ. Na ārammaṇe pañcātiādīsupi eseva nayo. Evamettha dasa pañca terasa dvādasa dve ekaṃ nava tīṇīti aṭṭha gaṇanaparicchedā, tesaṃ vasena paccayasaṃsandane heṭṭhā vuttanayeneva vitthārato gaṇanā veditabbā. Pāḷi pana saṅkhittā, etesaññeva pana laddhagaṇanaraparicchedānaṃ vārānaṃ vasena saṃsanditvā anulomapaccanīyaṃ paccanīyānulomañca veditabbaṃ.
сахаж̇аад̇авааро иминаава згаг̇ад̇иго. бажжаяаниссаяасам̣садтасамбаяуд̇д̇аваараа яат̇аабаал̣имзва нияяанд̇и.
Sahajātavāro imināva ekagatiko. Paccayanissayasaṃsaṭṭhasampayuttavārā yathāpāḷimeva niyyanti.
92. бан̃хааваарз гусалаагусалз нируд̣̇д̇хзд̇и зд̇асмим̣ вибассанаавасзна бавад̇д̇з гусалз саараж̇ж̇анаад̣̇ивасзна бавад̇д̇з агусалз жа нируд̣̇д̇хз. вибааго д̇ад̣̇аарамман̣ад̇аа уббаж̇ж̇ад̇ийд̇и гаамааважаравибааго д̇ад̣̇аарамман̣ад̇ааяа уббаж̇ж̇ад̇и. яз бана ‘‘вибассанааж̇аванаанам̣ вижигижчуд̣̇д̇хажжаанан̃жа барияосаанз д̇ад̣̇аарамман̣ам̣ над̇т̇ий’’д̇и вад̣̇анд̇и, д̇з имааяа д̇анд̇ияаа бадисзд̇хзд̇аб̣б̣аа. аагаасаанан̃жааяад̇анагусалам̣ вин̃н̃аан̣ан̃жааяад̇анасса гирияасса аарамман̣абажжаязна бажжаяод̇и арахад̇д̇ам̣ бад̇ваа асамаабаннабуб̣б̣аа самаабад̇д̇ияо бадиломад̇о самаабаж̇ж̇анд̇асса васзнзд̇ам̣ вуд̇д̇ам̣. иминаа убааязна саб̣б̣ависсаж̇ж̇анзсу саад̇хугам̣ баал̣им̣ убабаригкид̇ваа ад̇т̇о взд̣̇ид̇аб̣б̣о.
92. Pañhāvāre kusalākusale niruddheti etasmiṃ vipassanāvasena pavatte kusale sārajjanādivasena pavatte akusale ca niruddhe. Vipāko tadārammaṇatā uppajjatīti kāmāvacaravipāko tadārammaṇatāya uppajjati. Ye pana ‘‘vipassanājavanānaṃ vicikicchuddhaccānañca pariyosāne tadārammaṇaṃ natthī’’ti vadanti, te imāya tantiyā paṭisedhetabbā. Ākāsānañcāyatanakusalaṃ viññāṇañcāyatanassa kiriyassa ārammaṇapaccayena paccayoti arahattaṃ patvā asamāpannapubbā samāpattiyo paṭilomato samāpajjantassa vasenetaṃ vuttaṃ. Iminā upāyena sabbavissajjanesu sādhukaṃ pāḷiṃ upaparikkhitvā attho veditabbo.
120. хзд̇уяаа сад̇д̇а, аарамман̣з нава, ад̇хибад̇ияаа д̣̇асаад̇иаад̣̇ийсуби сахаж̇аад̇аад̇хибад̇ивасзна аарамман̣аад̇хибад̇ивасзна сахаж̇аад̇аниссаяавасзна бурзж̇аад̇аниссаяавасзна ананд̇аруубаниссаяавасзна аарамман̣уубаниссаяавасзна багад̇уубаниссаяавасзна сахаж̇аад̇авиббаяуд̇д̇авасзна бурзж̇аад̇абажчааж̇аад̇авиббаяуд̇д̇авасзнаад̇и яад̇т̇а яад̇т̇а яат̇аа яат̇аа яад̇д̇агаани виссаж̇ж̇анаани лаб̣бханд̇и, д̇ад̇т̇а д̇ад̇т̇а д̇ат̇аа д̇ат̇аа д̇аани саб̣б̣аани саллагкзд̇аб̣б̣аани. д̇ат̇аа бажжанийяаад̣̇ийсу ануломавасзна вааруд̣̇д̇харан̣ам̣, ануломад̇о лад̣̇д̇хаваараанам̣ бажжанийяад̇о г̇ан̣анаа, бажжаяасам̣санд̣̇анам̣, ануломабажжанийяз бажжанийяаануломз жа суд̣̇д̇хигзсу жзва сам̣санд̣̇анавасзна жа бавад̇д̇зсу хзд̇умуулагаад̣̇ийсу лаб̣бхамаанаваараг̇ан̣анаа, алаб̣бхамаанаанам̣ алаб̣бхамаанад̇аад̇и саб̣б̣ам̣ хздтаа вуд̇д̇анаязнзва взд̣̇ид̇аб̣б̣ам̣.
120. Hetuyā satta, ārammaṇe nava, adhipatiyā dasātiādīsupi sahajātādhipativasena ārammaṇādhipativasena sahajātanissayavasena purejātanissayavasena anantarūpanissayavasena ārammaṇūpanissayavasena pakatūpanissayavasena sahajātavippayuttavasena purejātapacchājātavippayuttavasenāti yattha yattha yathā yathā yattakāni vissajjanāni labbhanti, tattha tattha tathā tathā tāni sabbāni sallakkhetabbāni. Tathā paccanīyādīsu anulomavasena vāruddharaṇaṃ, anulomato laddhavārānaṃ paccanīyato gaṇanā, paccayasaṃsandanaṃ, anulomapaccanīye paccanīyānulome ca suddhikesu ceva saṃsandanavasena ca pavattesu hetumūlakādīsu labbhamānavāragaṇanā, alabbhamānānaṃ alabbhamānatāti sabbaṃ heṭṭhā vuttanayeneva veditabbaṃ.
яат̇аа жзд̇т̇а, звам̣ ид̇о барзсуби д̇игад̣̇угзсу. бадтаанабагаран̣ан̃хи баал̣ид̇ова ананд̇ам̣ абаримаан̣ам̣. д̇асса бад̣̇абадибаадияаа ад̇т̇ам̣ ван̣н̣аяиссаамийд̇и бадибаннасса ад̇ид̣̇ийгхааяугассааби ааяу наббаход̇и. на жасса згад̣̇зсам̣ ван̣н̣зд̇ваа сзсамхи наяад̇о д̣̇ассияамаанз на саггаа ад̇т̇о ж̇аанид̇ум̣, д̇асмаа ид̇о барам̣ зд̇д̇агамби авад̇ваа сзсзсу д̇игад̣̇угзсу хздтаа авуд̇д̇аббагаарад̇д̇аа яам̣ яам̣ авассам̣ вад̇д̇аб̣б̣ам̣, д̇ам̣ д̇ад̣̇зва вагкаама. яам̣ бана авад̇ваа г̇амиссаама, д̇ам̣ баал̣инаязнзва взд̣̇ид̇аб̣б̣анд̇и.
Yathā cettha, evaṃ ito paresupi tikadukesu. Paṭṭhānapakaraṇañhi pāḷitova anantaṃ aparimāṇaṃ. Tassa padapaṭipāṭiyā atthaṃ vaṇṇayissāmīti paṭipannassa atidīghāyukassāpi āyu nappahoti. Na cassa ekadesaṃ vaṇṇetvā sesamhi nayato dassiyamāne na sakkā attho jānituṃ, tasmā ito paraṃ ettakampi avatvā sesesu tikadukesu heṭṭhā avuttappakārattā yaṃ yaṃ avassaṃ vattabbaṃ, taṃ tadeva vakkhāma. Yaṃ pana avatvā gamissāma, taṃ pāḷinayeneva veditabbanti.
вибаагад̇д̇игаван̣н̣анаа.
Vipākattikavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 3. вибаагад̇д̇игам̣ • 3. Vipākattikaṃ
