| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೭. ಸತ್ತಮವಗ್ಗೋ
7. Sattamavaggo
(೭೨) ೧೦. ವಿಪಾಕೋ ವಿಪಾಕಧಮ್ಮಧಮ್ಮೋತಿಕಥಾ
(72) 10. Vipāko vipākadhammadhammotikathā
೫೦೧. ವಿಪಾಕೋ ವಿಪಾಕಧಮ್ಮಧಮ್ಮೋತಿ? ಆಮನ್ತಾ। ತಸ್ಸ ವಿಪಾಕೋ ವಿಪಾಕಧಮ್ಮಧಮ್ಮೋತಿ? ನ ಹೇವಂ ವತ್ತಬ್ಬೇ…ಪೇ॰… ತಸ್ಸ ವಿಪಾಕೋ ವಿಪಾಕಧಮ್ಮಧಮ್ಮೋತಿ? ಆಮನ್ತಾ। ತಸ್ಸ ತಸ್ಸೇವ ನತ್ಥಿ ದುಕ್ಖಸ್ಸ ಅನ್ತಕಿರಿಯಾ ನತ್ಥಿ ವಟ್ಟುಪಚ್ಛೇದೋ ನತ್ಥಿ ಅನುಪಾದಾಪರಿನಿಬ್ಬಾನನ್ತಿ? ನ ಹೇವಂ ವತ್ತಬ್ಬೇ…ಪೇ॰…।
501. Vipāko vipākadhammadhammoti? Āmantā. Tassa vipāko vipākadhammadhammoti? Na hevaṃ vattabbe…pe… tassa vipāko vipākadhammadhammoti? Āmantā. Tassa tasseva natthi dukkhassa antakiriyā natthi vaṭṭupacchedo natthi anupādāparinibbānanti? Na hevaṃ vattabbe…pe….
ವಿಪಾಕೋ ವಿಪಾಕಧಮ್ಮಧಮ್ಮೋತಿ? ಆಮನ್ತಾ। ವಿಪಾಕೋತಿ ವಾ ವಿಪಾಕಧಮ್ಮಧಮ್ಮೋತಿ ವಾ ವಿಪಾಕಧಮ್ಮಧಮ್ಮೋತಿ ವಾ ವಿಪಾಕೋತಿ ವಾ ಏಸೇಸೇ ಏಕಟ್ಠೇ ಸಮೇ ಸಮಭಾಗೇ ತಜ್ಜಾತೇತಿ? ನ ಹೇವಂ ವತ್ತಬ್ಬೇ…ಪೇ॰…।
Vipāko vipākadhammadhammoti? Āmantā. Vipākoti vā vipākadhammadhammoti vā vipākadhammadhammoti vā vipākoti vā esese ekaṭṭhe same samabhāge tajjāteti? Na hevaṃ vattabbe…pe….
ವಿಪಾಕೋ ವಿಪಾಕಧಮ್ಮಧಮ್ಮೋತಿ? ಆಮನ್ತಾ। ವಿಪಾಕೋ ಚ ವಿಪಾಕಧಮ್ಮಧಮ್ಮೋ ಚ ವಿಪಾಕಧಮ್ಮಧಮ್ಮೋ ಚ ವಿಪಾಕೋ ಚ ಸಹಗತಾ ಸಹಜಾತಾ ಸಂಸಟ್ಠಾ ಸಮ್ಪಯುತ್ತಾ ಏಕುಪ್ಪಾದಾ ಏಕನಿರೋಧಾ ಏಕವತ್ಥುಕಾ ಏಕಾರಮ್ಮಣಾತಿ? ನ ಹೇವಂ ವತ್ತಬ್ಬೇ…ಪೇ॰…।
Vipāko vipākadhammadhammoti? Āmantā. Vipāko ca vipākadhammadhammo ca vipākadhammadhammo ca vipāko ca sahagatā sahajātā saṃsaṭṭhā sampayuttā ekuppādā ekanirodhā ekavatthukā ekārammaṇāti? Na hevaṃ vattabbe…pe….
ವಿಪಾಕೋ ವಿಪಾಕಧಮ್ಮಧಮ್ಮೋತಿ? ಆಮನ್ತಾ। ತಞ್ಞೇವ ಅಕುಸಲಂ ಸೋ ಅಕುಸಲಸ್ಸ ವಿಪಾಕೋ, ತಞ್ಞೇವ ಕುಸಲಂ ಸೋ ಕುಸಲಸ್ಸ ವಿಪಾಕೋತಿ? ನ ಹೇವಂ ವತ್ತಬ್ಬೇ…ಪೇ॰…।
Vipāko vipākadhammadhammoti? Āmantā. Taññeva akusalaṃ so akusalassa vipāko, taññeva kusalaṃ so kusalassa vipākoti? Na hevaṃ vattabbe…pe….
ವಿಪಾಕೋ ವಿಪಾಕಧಮ್ಮಧಮ್ಮೋತಿ? ಆಮನ್ತಾ। ಯೇನೇವ ಚಿತ್ತೇನ ಪಾಣಂ ಹನತಿ ತೇನೇವ ಚಿತ್ತೇನ ನಿರಯೇ ಪಚ್ಚತಿ, ಯೇನೇವ ಚಿತ್ತೇನ ದಾನಂ ದೇತಿ ತೇನೇವ ಚಿತ್ತೇನ ಸಗ್ಗೇ ಮೋದತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Vipāko vipākadhammadhammoti? Āmantā. Yeneva cittena pāṇaṃ hanati teneva cittena niraye paccati, yeneva cittena dānaṃ deti teneva cittena sagge modatīti? Na hevaṃ vattabbe…pe….
೫೦೨. ನ ವತ್ತಬ್ಬಂ – ‘‘ವಿಪಾಕೋ ವಿಪಾಕಧಮ್ಮಧಮ್ಮೋ’’ತಿ? ಆಮನ್ತಾ। ನನು ವಿಪಾಕಾ ಚತ್ತಾರೋ ಖನ್ಧಾ ಅರೂಪಿನೋ ಅಞ್ಞಮಞ್ಞಪಚ್ಚಯಾತಿ? ಆಮನ್ತಾ। ಹಞ್ಚಿ ವಿಪಾಕಾ ಚತ್ತಾರೋ ಖನ್ಧಾ ಅರೂಪಿನೋ ಅಞ್ಞಮಞ್ಞಪಚ್ಚಯಾ, ತೇನ ವತ ರೇ ವತ್ತಬ್ಬೇ – ‘‘ವಿಪಾಕೋ ವಿಪಾಕಧಮ್ಮಧಮ್ಮೋ’’ತಿ।
502. Na vattabbaṃ – ‘‘vipāko vipākadhammadhammo’’ti? Āmantā. Nanu vipākā cattāro khandhā arūpino aññamaññapaccayāti? Āmantā. Hañci vipākā cattāro khandhā arūpino aññamaññapaccayā, tena vata re vattabbe – ‘‘vipāko vipākadhammadhammo’’ti.
ವಿಪಾಕೋ ವಿಪಾಕಧಮ್ಮಧಮ್ಮೋತಿಕಥಾ ನಿಟ್ಠಿತಾ।
Vipāko vipākadhammadhammotikathā niṭṭhitā.
ಸತ್ತಮವಗ್ಗೋ।
Sattamavaggo.
ತಸ್ಸುದ್ದಾನಂ –
Tassuddānaṃ –
ಸಙ್ಗಹೋ , ಸಮ್ಪಯುತ್ತೋ, ಚೇತಸಿಕೋ ಧಮ್ಮೋ, ಚೇತಸಿಕಂ ದಾನಂ, ಪರಿಭೋಗಮಯಂ ಪುಞ್ಞಂ ವಡ್ಢತಿ, ಇತೋ ದಿನ್ನೇನ ತತ್ಥ ಯಾಪೇನ್ತಿ, ಪಥವೀ ಕಮ್ಮವಿಪಾಕೋ, ಜರಾಮರಣಂ ವಿಪಾಕೋ, ನತ್ಥಿ ಅರಿಯಧಮ್ಮವಿಪಾಕೋ, ವಿಪಾಕೋ ವಿಪಾಕಧಮ್ಮಧಮ್ಮೋತಿ।
Saṅgaho , sampayutto, cetasiko dhammo, cetasikaṃ dānaṃ, paribhogamayaṃ puññaṃ vaḍḍhati, ito dinnena tattha yāpenti, pathavī kammavipāko, jarāmaraṇaṃ vipāko, natthi ariyadhammavipāko, vipāko vipākadhammadhammoti.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ವಿಪಾಕೋ ವಿಪಾಕಧಮ್ಮಧಮ್ಮೋತಿಕಥಾವಣ್ಣನಾ • 10. Vipāko vipākadhammadhammotikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೦. ವಿಪಾಕೋವಿಪಾಕಧಮ್ಮಧಮ್ಮೋತಿಕಥಾವಣ್ಣನಾ • 10. Vipākovipākadhammadhammotikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೦. ವಿಪಾಕೋವಿಪಾಕಧಮ್ಮಧಮ್ಮೋತಿಕಥಾವಣ್ಣನಾ • 10. Vipākovipākadhammadhammotikathāvaṇṇanā
