| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. вибааго вибаагад̇хаммад̇хаммод̇игат̇ааван̣н̣анаа
10. Vipāko vipākadhammadhammotikathāvaṇṇanā
501. ид̣̇аани вибааго вибаагад̇хаммад̇хаммод̇игат̇аа наама ход̇и. д̇ад̇т̇а яасмаа вибааго вибаагасса ан̃н̃аман̃н̃аад̣̇ибажжаяавасзна бажжаяо ход̇и, д̇асмаа вибаагоби вибаагад̇хаммад̇хаммод̇и язсам̣ лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. д̇асса вибаагод̇и д̇асса вибаагад̇хаммад̇хаммасса вибаагасса яо вибааго, соби д̇з вибаагад̇хаммад̇хаммо ход̇ийд̇и бужчад̇и. ид̇аро ааяад̇им̣ вибаагад̣̇аанаабхаавам̣ санд̇хааяа бадигкибад̇и. д̣̇уд̇ияам̣ будто д̇аббажжаяааби ан̃н̃асса вибаагасса уббад̇д̇им̣ санд̇хааяа бадиж̇аанаад̇и. звам̣ санд̇з банасса гусалаагусаласса вияа д̇ассааби вибаагасса вибааго, д̇ассааби вибаагод̇и ваддаанубажчзд̣̇о аабаж̇ж̇ад̇ийд̇и будто самаяавирод̇хабхаязна бадигкибад̇и.
501. Idāni vipāko vipākadhammadhammotikathā nāma hoti. Tattha yasmā vipāko vipākassa aññamaññādipaccayavasena paccayo hoti, tasmā vipākopi vipākadhammadhammoti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Tassa vipākoti tassa vipākadhammadhammassa vipākassa yo vipāko, sopi te vipākadhammadhammo hotīti pucchati. Itaro āyatiṃ vipākadānābhāvaṃ sandhāya paṭikkhipati. Dutiyaṃ puṭṭho tappaccayāpi aññassa vipākassa uppattiṃ sandhāya paṭijānāti. Evaṃ sante panassa kusalākusalassa viya tassāpi vipākassa vipāko, tassāpi vipākoti vaṭṭānupacchedo āpajjatīti puṭṭho samayavirodhabhayena paṭikkhipati.
вибаагод̇и ваад̇иаад̣̇имхи важанасаад̇ханз бана яад̣̇и вибаагасса вибаагад̇хаммад̇хаммзна згад̇т̇ад̇аа бхавзяяа, гусалаагусалаб̣яаагад̇аанам̣ згад̇т̇ад̇ам̣ аабаж̇ж̇зяяаад̇и бадигкибад̇и. вибааго жа вибаагад̇хаммад̇хаммо жаад̇и зд̇т̇а аяам̣ ад̇хиббааяо – со хи жад̇уусу вибаагагканд̇хзсу згзгам̣ ан̃н̃аман̃н̃абажжаяаад̣̇ийсу бажжаяадтзна вибаагад̇хаммад̇хаммад̇ам̣ бажжаяуббаннадтзна жа вибаагам̣ ман̃н̃амаано ‘‘вибааго вибаагад̇хаммад̇хаммо’’д̇и будто ааманд̇аад̇и бадиж̇аанаад̇и. ат̇а нам̣ сагаваад̣̇ий ‘‘яасмаа д̇аяаа згагкан̣з жад̇уусу канд̇хзсу вибааго вибаагад̇хаммад̇хаммоби анун̃н̃аад̇о, д̇асмаа д̇зсам̣ сахаг̇ад̇аад̣̇ибхааво аабаж̇ж̇ад̇ий’’д̇и жод̣̇зд̇ум̣ звамааха. ид̇аро гусалаагусаласан̇каад̇ам̣ вибаагад̇хаммад̇хаммам̣ санд̇хааяа бадигкибад̇и. д̇ан̃н̃зва агусаланд̇и яад̣̇и д̇з вибааго вибаагад̇хаммад̇хаммо, яо агусалавибааго, со агусалам̣ аабаж̇ж̇ад̇и. гасмаа? вибаагад̇хаммад̇хаммзна згад̇д̇аа. д̇ан̃н̃зва гусаланд̇иаад̣̇ийсуби зсзва наяо.
Vipākoti vātiādimhi vacanasādhane pana yadi vipākassa vipākadhammadhammena ekatthatā bhaveyya, kusalākusalabyākatānaṃ ekatthataṃ āpajjeyyāti paṭikkhipati. Vipāko ca vipākadhammadhammo cāti ettha ayaṃ adhippāyo – so hi catūsu vipākakkhandhesu ekekaṃ aññamaññapaccayādīsu paccayaṭṭhena vipākadhammadhammataṃ paccayuppannaṭṭhena ca vipākaṃ maññamāno ‘‘vipāko vipākadhammadhammo’’ti puṭṭho āmantāti paṭijānāti. Atha naṃ sakavādī ‘‘yasmā tayā ekakkhaṇe catūsu khandhesu vipāko vipākadhammadhammopi anuññāto, tasmā tesaṃ sahagatādibhāvo āpajjatī’’ti codetuṃ evamāha. Itaro kusalākusalasaṅkhātaṃ vipākadhammadhammaṃ sandhāya paṭikkhipati. Taññeva akusalanti yadi te vipāko vipākadhammadhammo, yo akusalavipāko, so akusalaṃ āpajjati. Kasmā? Vipākadhammadhammena ekattā. Taññeva kusalantiādīsupi eseva nayo.
502. ан̃н̃аман̃н̃абажжаяаад̇и ид̣̇ам̣ сахаж̇аад̇аанам̣ бажжаяамад̇д̇авасзна вуд̇д̇ам̣, д̇асмаа асаад̇хагам̣. махаабхууд̇аанамби жа ан̃н̃аман̃н̃абажжаяад̇аа вуд̇д̇аа, на жа д̇аани вибаагаани, на жа вибаагад̇хаммад̇хаммаанийд̇и.
502. Aññamaññapaccayāti idaṃ sahajātānaṃ paccayamattavasena vuttaṃ, tasmā asādhakaṃ. Mahābhūtānampi ca aññamaññapaccayatā vuttā, na ca tāni vipākāni, na ca vipākadhammadhammānīti.
вибааго вибаагад̇хаммад̇хаммод̇игат̇ааван̣н̣анаа.
Vipāko vipākadhammadhammotikathāvaṇṇanā.
сад̇д̇амо ваг̇г̇о.
Sattamo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (72) 10. вибааго вибаагад̇хаммад̇хаммод̇игат̇аа • (72) 10. Vipāko vipākadhammadhammotikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. вибааговибаагад̇хаммад̇хаммод̇игат̇ааван̣н̣анаа • 10. Vipākovipākadhammadhammotikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. вибааговибаагад̇хаммад̇хаммод̇игат̇ааван̣н̣анаа • 10. Vipākovipākadhammadhammotikathāvaṇṇanā
