Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā

    вибаагуд̣̇д̇хаарагат̇аа

    Vipākuddhārakathā

    ид̣̇аани вибаагуд̣̇д̇хаарагат̇ааяа маад̇игаа табзд̇аб̣б̣аа – д̇ибидагажуул̣анааг̇ад̇т̇зро д̇аава ааха – згааяа гусалажзд̇анааяа сол̣аса вибаагажид̇д̇аани уббаж̇ж̇анд̇и. зд̇т̇зва д̣̇ваад̣̇асагамаг̇г̇оби ахзд̇угадтагамбийд̇и. мораваабиваасий махаад̣̇ад̇д̇ад̇т̇зро банааха – згааяа гусалажзд̇анааяа д̣̇ваад̣̇аса вибаагажид̇д̇аани уббаж̇ж̇анд̇и. зд̇т̇зва д̣̇асагамаг̇г̇оби ахзд̇угадтагамбийд̇и. д̇ибидагамахаад̇хаммарагкид̇ад̇т̇зро ааха – згааяа гусалажзд̇анааяа д̣̇аса вибаагажид̇д̇аани уббаж̇ж̇анд̇и, зд̇т̇зва ахзд̇угадтаганд̇и.

    Idāni vipākuddhārakathāya mātikā ṭhapetabbā – tipiṭakacūḷanāgatthero tāva āha – ekāya kusalacetanāya soḷasa vipākacittāni uppajjanti. Ettheva dvādasakamaggopi ahetukaṭṭhakampīti. Moravāpivāsī mahādattatthero panāha – ekāya kusalacetanāya dvādasa vipākacittāni uppajjanti. Ettheva dasakamaggopi ahetukaṭṭhakampīti. Tipiṭakamahādhammarakkhitatthero āha – ekāya kusalacetanāya dasa vipākacittāni uppajjanti, ettheva ahetukaṭṭhakanti.

    имасмим̣ таанз саагзд̇абан̃хам̣ наама г̇ан̣хим̣су. саагзд̇з гира убаасагаа саалааяам̣ нисийд̣̇ид̇ваа ‘гим̣ ну ко згааяа жзд̇анааяа гаммз ааяуухид̇з згаа бадисанд̇хи ход̇и уд̣̇ааху наанаа’д̇и? бан̃хам̣ наама самудтаабзд̇ваа нижчзд̇ум̣ асаггонд̇аа аабхид̇хаммигад̇т̇зрз убасан̇гамид̇ваа бужчим̣су. т̇зраа ‘яат̇аа згасмаа амб̣аб̣ийж̇аа згова ан̇гуро нигкамад̇и, звам̣ згаава бадисанд̇хи ход̇ий’д̇и сан̃н̃аабзсум̣. ат̇згад̣̇ивасам̣ ‘гим̣ ну ко наанаажзд̇анаахи гаммз ааяуухид̇з бадисанд̇хияо наанаа хонд̇и уд̣̇ааху згаа’д̇и? бан̃хам̣ самудтаабзд̇ваа нижчзд̇ум̣ асаггонд̇аа т̇зрз бужчим̣су. т̇зраа ‘яат̇аа б̣ахуусу амб̣аб̣ийж̇зсу робид̇зсу б̣ахуу ан̇гураа нигкаманд̇и, звам̣ б̣ахугаава бадисанд̇хияо хонд̇ий’д̇и сан̃н̃аабзсум̣.

    Imasmiṃ ṭhāne sāketapañhaṃ nāma gaṇhiṃsu. Sākete kira upāsakā sālāyaṃ nisīditvā ‘kiṃ nu kho ekāya cetanāya kamme āyūhite ekā paṭisandhi hoti udāhu nānā’ti? Pañhaṃ nāma samuṭṭhāpetvā nicchetuṃ asakkontā ābhidhammikatthere upasaṅkamitvā pucchiṃsu. Therā ‘yathā ekasmā ambabījā ekova aṅkuro nikkhamati, evaṃ ekāva paṭisandhi hotī’ti saññāpesuṃ. Athekadivasaṃ ‘kiṃ nu kho nānācetanāhi kamme āyūhite paṭisandhiyo nānā honti udāhu ekā’ti? Pañhaṃ samuṭṭhāpetvā nicchetuṃ asakkontā there pucchiṃsu. Therā ‘yathā bahūsu ambabījesu ropitesu bahū aṅkurā nikkhamanti, evaṃ bahukāva paṭisandhiyo hontī’ti saññāpesuṃ.

    абарамби имасмим̣ таанз уссад̣̇агид̇д̇анам̣ наама г̇ахид̇ам̣. имзсан̃хи сад̇д̇аанам̣ лобхоби уссанно ход̇и, д̣̇особи мохоби; алобхоби ад̣̇особи амохоби. д̇ам̣ нзсам̣ уссаннабхаавам̣ го нияаамзд̇ийд̇и? буб̣б̣ахзд̇у нияаамзд̇и. гаммааяууханагкан̣зязва наанад̇д̇ам̣ ход̇и. гат̇ам̣? ‘‘яасса хи гаммааяууханагкан̣з лобхо б̣алаваа ход̇и алобхо манд̣̇о, ад̣̇осаамохаа б̣алаванд̇о д̣̇осамохаа манд̣̇аа, д̇асса манд̣̇о алобхо лобхам̣ барияаад̣̇аад̇ум̣ на саггод̇и, ад̣̇осаамохаа бана б̣алаванд̇о д̣̇осамохз барияаад̣̇аад̇ум̣ саггонд̇и. д̇асмаа со д̇зна гаммзна д̣̇иннабадисанд̇хивасзна ниб̣б̣ад̇д̇о луд̣̇д̇хо ход̇и, сукасийло аггод̇хано, бан̃н̃аваа бана ход̇и важ̇ируубаман̃аан̣о’’д̇и.

    Aparampi imasmiṃ ṭhāne ussadakittanaṃ nāma gahitaṃ. Imesañhi sattānaṃ lobhopi ussanno hoti, dosopi mohopi; alobhopi adosopi amohopi. Taṃ nesaṃ ussannabhāvaṃ ko niyāmetīti? Pubbahetu niyāmeti. Kammāyūhanakkhaṇeyeva nānattaṃ hoti. Kathaṃ? ‘‘Yassa hi kammāyūhanakkhaṇe lobho balavā hoti alobho mando, adosāmohā balavanto dosamohā mandā, tassa mando alobho lobhaṃ pariyādātuṃ na sakkoti, adosāmohā pana balavanto dosamohe pariyādātuṃ sakkonti. Tasmā so tena kammena dinnapaṭisandhivasena nibbatto luddho hoti, sukhasīlo akkodhano, paññavā pana hoti vajirūpamañāṇo’’ti.

    ‘яасса бана гаммааяууханагкан̣з лобхад̣̇осаа б̣алаванд̇о хонд̇и алобхаад̣̇осаа манд̣̇аа, амохо б̣алаваа мохо манд̣̇о, со буриманаязнзва луд̣̇д̇хо жзва ход̇и д̣̇удто жа, бан̃н̃аваа бана ход̇и важ̇ируубаман̃аан̣о д̣̇ад̇д̇аабхаяад̇т̇зро вияа.

    ‘Yassa pana kammāyūhanakkhaṇe lobhadosā balavanto honti alobhādosā mandā, amoho balavā moho mando, so purimanayeneva luddho ceva hoti duṭṭho ca, paññavā pana hoti vajirūpamañāṇo dattābhayatthero viya.

    ‘яасса бана гаммааяууханагкан̣з лобхаад̣̇осамохаа б̣алаванд̇о хонд̇и ид̇арз манд̣̇аа, со буриманаязнзва луд̣̇д̇хо жзва ход̇и д̣̇анд̇хо жа, сукасийлаго бана ход̇и аггод̇хано.

    ‘Yassa pana kammāyūhanakkhaṇe lobhādosamohā balavanto honti itare mandā, so purimanayeneva luddho ceva hoti dandho ca, sukhasīlako pana hoti akkodhano.

    ‘д̇ат̇аа яасса гаммааяууханагкан̣з д̇аяоби лобхад̣̇осамохаа б̣алаванд̇о хонд̇и алобхаад̣̇аяо манд̣̇аа, со буриманаязнзва луд̣̇д̇хо жзва ход̇и д̣̇удто жа муул̣хо жа.

    ‘Tathā yassa kammāyūhanakkhaṇe tayopi lobhadosamohā balavanto honti alobhādayo mandā, so purimanayeneva luddho ceva hoti duṭṭho ca mūḷho ca.

    ‘яасса бана гаммааяууханагкан̣з алобхад̣̇осамохаа б̣алаванд̇о хонд̇и ид̇арз манд̣̇аа, со буриманаязнзва аббагилзсо ход̇и, д̣̇иб̣б̣аарамман̣амби д̣̇исваа нижжало, д̣̇удто бана ход̇и д̣̇анд̇хабан̃н̃о жаад̇и.

    ‘Yassa pana kammāyūhanakkhaṇe alobhadosamohā balavanto honti itare mandā, so purimanayeneva appakileso hoti, dibbārammaṇampi disvā niccalo, duṭṭho pana hoti dandhapañño cāti.

    ‘яасса бана гаммааяууханагкан̣з алобхаад̣̇осамохаа б̣алаванд̇о хонд̇и ид̇арз манд̣̇аа, со буриманаязнзва алуд̣̇д̇хо жзва ход̇и, сукасийлаго жа, д̣̇анд̇хо бана ход̇и.

    ‘Yassa pana kammāyūhanakkhaṇe alobhādosamohā balavanto honti itare mandā, so purimanayeneva aluddho ceva hoti, sukhasīlako ca, dandho pana hoti.

    ‘д̇ат̇аа яасса гаммааяууханагкан̣з алобхад̣̇осаамохаа б̣алаванд̇о хонд̇и ид̇арз манд̣̇аа, со буриманаязнзва алуд̣̇д̇хо жзва ход̇и бан̃н̃аваа жа, д̣̇удто жа бана ход̇и год̇хано.

    ‘Tathā yassa kammāyūhanakkhaṇe alobhadosāmohā balavanto honti itare mandā, so purimanayeneva aluddho ceva hoti paññavā ca, duṭṭho ca pana hoti kodhano.

    ‘яасса бана гаммааяууханагкан̣з д̇аяоби алобхаад̣̇аяо б̣алаванд̇о хонд̇и лобхаад̣̇аяо манд̣̇аа, со махаасан̇гхарагкид̇ад̇т̇зро вияа алуд̣̇д̇хо ад̣̇удто бан̃н̃аваа жа ход̇ий’д̇и.

    ‘Yassa pana kammāyūhanakkhaṇe tayopi alobhādayo balavanto honti lobhādayo mandā, so mahāsaṅgharakkhitatthero viya aluddho aduṭṭho paññavā ca hotī’ti.

    абарамби имасмим̣ таанз хзд̇угид̇д̇анам̣ наама г̇ахид̇ам̣. д̇ихзд̇угагамман̃хи д̇ихзд̇угамби д̣̇ухзд̇угамби ахзд̇угамби вибаагам̣ д̣̇зд̇и. д̣̇ухзд̇угагаммам̣ д̇ихзд̇угавибаагам̣ на д̣̇зд̇и, ид̇арам̣ д̣̇зд̇и. д̇ихзд̇угагаммзна бадисанд̇хи д̇ихзд̇угааби ход̇и, д̣̇ухзд̇угааби; ахзд̇угаа на ход̇и. д̣̇ухзд̇угзна д̣̇ухзд̇угааби ход̇и ахзд̇угааби; д̇ихзд̇угаа на ход̇и. асан̇кааригам̣ гусалам̣ асан̇кааригамби сасан̇кааригамби вибаагам̣ д̣̇зд̇и. сасан̇кааригам̣ сасан̇кааригамби асан̇кааригамби вибаагам̣ д̣̇зд̇и. аарамман̣зна взд̣̇анаа баривад̇д̇зд̇аб̣б̣аа. ж̇аванзна д̇ад̣̇аарамман̣ам̣ нияаамзд̇аб̣б̣ам̣.

    Aparampi imasmiṃ ṭhāne hetukittanaṃ nāma gahitaṃ. Tihetukakammañhi tihetukampi duhetukampi ahetukampi vipākaṃ deti. Duhetukakammaṃ tihetukavipākaṃ na deti, itaraṃ deti. Tihetukakammena paṭisandhi tihetukāpi hoti, duhetukāpi; ahetukā na hoti. Duhetukena duhetukāpi hoti ahetukāpi; tihetukā na hoti. Asaṅkhārikaṃ kusalaṃ asaṅkhārikampi sasaṅkhārikampi vipākaṃ deti. Sasaṅkhārikaṃ sasaṅkhārikampi asaṅkhārikampi vipākaṃ deti. Ārammaṇena vedanā parivattetabbā. Javanena tadārammaṇaṃ niyāmetabbaṃ.

    ид̣̇аани д̇асса д̇асса т̇зрасса ваад̣̇з сол̣асамаг̇г̇аад̣̇аяо взд̣̇ид̇аб̣б̣аа. батамагаамааважарагусаласад̣̇исзна хи батамамахаавибаагажид̇д̇зна г̇ахид̇абадисанд̇хигасса г̇аб̣бхааваасад̇о нигкамид̇ваа сам̣вараасам̣варз бадтабзд̇ум̣ самад̇т̇абхаавам̣ убаг̇ад̇асса жагкуд̣̇ваарасмим̣ ‘идтаарамман̣з’ аабаат̇амааг̇ад̇з гирияаманод̇хаад̇уяаа бхаван̇г̇з анааваддид̇зязва ад̇иггаманааарамман̣аанам̣ бамаан̣ам̣ над̇т̇и. гасмаа звам̣ ход̇и? аарамман̣ад̣̇уб̣б̣алад̇ааяа. аяам̣ д̇аава зго могхавааро.

    Idāni tassa tassa therassa vāde soḷasamaggādayo veditabbā. Paṭhamakāmāvacarakusalasadisena hi paṭhamamahāvipākacittena gahitapaṭisandhikassa gabbhāvāsato nikkhamitvā saṃvarāsaṃvare paṭṭhapetuṃ samatthabhāvaṃ upagatassa cakkhudvārasmiṃ ‘iṭṭhārammaṇe’ āpāthamāgate kiriyamanodhātuyā bhavaṅge anāvaṭṭiteyeva atikkamanaārammaṇānaṃ pamāṇaṃ natthi. Kasmā evaṃ hoti? Ārammaṇadubbalatāya. Ayaṃ tāva eko moghavāro.

    сажз бана бхаван̇г̇ам̣ ааваддзд̇и, гирияаманод̇хаад̇уяаа бхаван̇г̇з ааваддид̇з, водтаб̣б̣анам̣ абаабзд̇ваава анд̇араа, жагкувин̃н̃аан̣з ваа самбадижчанз ваа санд̇ийран̣з ваа тад̇ваа нивад̇д̇иссад̇ийд̇и нзд̇ам̣ таанам̣ виж̇ж̇ад̇и. водтаб̣б̣анавасзна бана тад̇ваа згам̣ ваа д̣̇вз ваа жид̇д̇аани бавад̇д̇анд̇и. д̇ад̇о аасзванам̣ лабхид̇ваа ж̇аванадтаанз тад̇ваа буна бхаван̇г̇ам̣ од̇арад̇и ид̣̇амби аарамман̣ад̣̇уб̣б̣алад̇ааяа зва ход̇и. аяам̣ бана вааро ‘д̣̇идтам̣ вияа мз, суд̇ам̣ вияа мз’д̇иаад̣̇ийни вад̣̇анагаалз лаб̣бхад̇и. аяамби д̣̇уд̇ияо могхавааро.

    Sace pana bhavaṅgaṃ āvaṭṭeti, kiriyamanodhātuyā bhavaṅge āvaṭṭite, voṭṭhabbanaṃ apāpetvāva antarā, cakkhuviññāṇe vā sampaṭicchane vā santīraṇe vā ṭhatvā nivattissatīti netaṃ ṭhānaṃ vijjati. Voṭṭhabbanavasena pana ṭhatvā ekaṃ vā dve vā cittāni pavattanti. Tato āsevanaṃ labhitvā javanaṭṭhāne ṭhatvā puna bhavaṅgaṃ otarati idampi ārammaṇadubbalatāya eva hoti. Ayaṃ pana vāro ‘diṭṭhaṃ viya me, sutaṃ viya me’tiādīni vadanakāle labbhati. Ayampi dutiyo moghavāro.

    абарасса гирияаманод̇хаад̇уяаа бхаван̇г̇з ааваддид̇з вийт̇ижид̇д̇аани уббаж̇ж̇анд̇и, ж̇аванам̣ ж̇авад̇и. ж̇аванабарияосаанз бана д̇ад̣̇аарамман̣асса вааро. д̇асмим̣ ануббаннзязва бхаван̇г̇ам̣ од̇арад̇и. д̇ад̇рааяам̣ убамаа – яат̇аа хи над̣̇ияаа ааваран̣ам̣ б̣анд̇хид̇ваа махаамаад̇игаабхимукз уд̣̇агз гад̇з уд̣̇агам̣ г̇анд̇ваа убхосу д̇ийрзсу гзд̣̇аарз буурзд̇ваа ад̇ирзгам̣ гаггадагамаг̇г̇аад̣̇ийхи балааяид̇ваа буна над̣̇им̣язва од̇арад̇и, звамзд̇ам̣ д̣̇адтаб̣б̣ам̣. зд̇т̇а хи над̣̇ияам̣ уд̣̇агаббавад̇д̇анагаало вияа бхаван̇г̇авийт̇иббавад̇д̇анагаало . ааваран̣аб̣анд̇ханагаало вияа гирияаманод̇хаад̇уяаа бхаван̇г̇асса аавадданагаало. махаамаад̇игааяа уд̣̇агаббавад̇д̇анагаало вияа вийт̇ижид̇д̇аббавад̇д̇и. убхосу д̇ийрзсу гзд̣̇аарабууран̣ам̣ вияа ж̇аванам̣. гаггадагамаг̇г̇аад̣̇ийхи балааяид̇ваа буна уд̣̇агасса над̣̇ийод̇аран̣ам̣ вияа ж̇аванам̣ ж̇авид̇ваа д̇ад̣̇аарамман̣з ануббаннзязва буна бхаван̇г̇од̇аран̣ам̣. звам̣ бхаван̇г̇ам̣ од̇аран̣ажид̇д̇аанамби г̇ан̣анабат̇о над̇т̇и. ид̣̇ан̃жааби аарамман̣ад̣̇уб̣б̣алад̇ааяа зва ход̇и. аяам̣ д̇ад̇ияо могхавааро.

    Aparassa kiriyamanodhātuyā bhavaṅge āvaṭṭite vīthicittāni uppajjanti, javanaṃ javati. Javanapariyosāne pana tadārammaṇassa vāro. Tasmiṃ anuppanneyeva bhavaṅgaṃ otarati. Tatrāyaṃ upamā – yathā hi nadiyā āvaraṇaṃ bandhitvā mahāmātikābhimukhe udake kate udakaṃ gantvā ubhosu tīresu kedāre pūretvā atirekaṃ kakkaṭakamaggādīhi palāyitvā puna nadiṃyeva otarati, evametaṃ daṭṭhabbaṃ. Ettha hi nadiyaṃ udakappavattanakālo viya bhavaṅgavīthippavattanakālo . Āvaraṇabandhanakālo viya kiriyamanodhātuyā bhavaṅgassa āvaṭṭanakālo. Mahāmātikāya udakappavattanakālo viya vīthicittappavatti. Ubhosu tīresu kedārapūraṇaṃ viya javanaṃ. Kakkaṭakamaggādīhi palāyitvā puna udakassa nadīotaraṇaṃ viya javanaṃ javitvā tadārammaṇe anuppanneyeva puna bhavaṅgotaraṇaṃ. Evaṃ bhavaṅgaṃ otaraṇacittānampi gaṇanapatho natthi. Idañcāpi ārammaṇadubbalatāya eva hoti. Ayaṃ tatiyo moghavāro.

    сажз бана б̣алаваарамман̣ам̣ аабаат̇аг̇ад̇ам̣ ход̇и гирияаманод̇хаад̇уяаа бхаван̇г̇з ааваддид̇з жагкувин̃н̃аан̣аад̣̇ийни уббаж̇ж̇анд̇и. ж̇аванадтаанз бана батамагаамааважарагусалажид̇д̇ам̣ ж̇аванам̣ худ̇ваа часад̇д̇аваарз ж̇авид̇ваа д̇ад̣̇аарамман̣асса ваарам̣ д̣̇зд̇и. д̇ад̣̇аарамман̣ам̣ бад̇идтахамаанам̣ д̇ам̣сад̣̇исамзва махаавибаагажид̇д̇ам̣ бад̇идтаад̇и. ид̣̇ам̣ д̣̇вз наамаани лабхад̇и – бадисанд̇хижид̇д̇асад̣̇исад̇д̇аа ‘муулабхаван̇г̇а’нд̇и жа, яам̣ ж̇аванзна г̇ахид̇ам̣ аарамман̣ам̣ д̇асса г̇ахид̇ад̇д̇аа ‘д̇ад̣̇аарамман̣а’нд̇и жа. имасмим̣ таанз жагкувин̃н̃аан̣ам̣ самбадижчанам̣ санд̇ийран̣ам̣ д̇ад̣̇аарамман̣анд̇и жад̇д̇аари вибаагажид̇д̇аани г̇ан̣ануубаг̇аани хонд̇и.

    Sace pana balavārammaṇaṃ āpāthagataṃ hoti kiriyamanodhātuyā bhavaṅge āvaṭṭite cakkhuviññāṇādīni uppajjanti. Javanaṭṭhāne pana paṭhamakāmāvacarakusalacittaṃ javanaṃ hutvā chasattavāre javitvā tadārammaṇassa vāraṃ deti. Tadārammaṇaṃ patiṭṭhahamānaṃ taṃsadisameva mahāvipākacittaṃ patiṭṭhāti. Idaṃ dve nāmāni labhati – paṭisandhicittasadisattā ‘mūlabhavaṅga’nti ca, yaṃ javanena gahitaṃ ārammaṇaṃ tassa gahitattā ‘tadārammaṇa’nti ca. Imasmiṃ ṭhāne cakkhuviññāṇaṃ sampaṭicchanaṃ santīraṇaṃ tadārammaṇanti cattāri vipākacittāni gaṇanūpagāni honti.

    яад̣̇аа бана д̣̇уд̇ияагусалажид̇д̇ам̣ ж̇аванам̣ ход̇и, д̇ад̣̇аа д̇ам̣сад̣̇исам̣ д̣̇уд̇ияавибаагажид̇д̇амзва д̇ад̣̇аарамман̣ам̣ худ̇ваа бад̇идтаад̇и. ид̣̇ан̃жа д̣̇вз наамаани лабхад̇и . бадисанд̇хижид̇д̇зна асад̣̇исад̇д̇аа ‘ааг̇анд̇угабхаван̇г̇а’нд̇и жа буриманаязнзва ‘д̇ад̣̇аарамман̣а’нд̇и жа. иминаа сад̣̇д̇хим̣ буримаани жад̇д̇аари бан̃жа хонд̇и.

    Yadā pana dutiyakusalacittaṃ javanaṃ hoti, tadā taṃsadisaṃ dutiyavipākacittameva tadārammaṇaṃ hutvā patiṭṭhāti. Idañca dve nāmāni labhati . Paṭisandhicittena asadisattā ‘āgantukabhavaṅga’nti ca purimanayeneva ‘tadārammaṇa’nti ca. Iminā saddhiṃ purimāni cattāri pañca honti.

    яад̣̇аа бана д̇ад̇ияагусалажид̇д̇ам̣ ж̇аванам̣ ход̇и, д̇ад̣̇аа д̇ам̣сад̣̇исам̣ д̇ад̇ияавибаагажид̇д̇ам̣ д̇ад̣̇аарамман̣ам̣ худ̇ваа бад̇идтаад̇и. ид̣̇амби вуд̇д̇анаязнзва ‘ааг̇анд̇угабхаван̇г̇ам̣’‘д̇ад̣̇аарамман̣а’нд̇и жа д̣̇вз наамаани лабхад̇и. иминаа сад̣̇д̇хим̣ буримаани бан̃жа ча хонд̇и.

    Yadā pana tatiyakusalacittaṃ javanaṃ hoti, tadā taṃsadisaṃ tatiyavipākacittaṃ tadārammaṇaṃ hutvā patiṭṭhāti. Idampi vuttanayeneva ‘āgantukabhavaṅgaṃ’‘tadārammaṇa’nti ca dve nāmāni labhati. Iminā saddhiṃ purimāni pañca cha honti.

    яад̣̇аа бана жад̇уд̇т̇агусалажид̇д̇ам̣ ж̇аванам̣ ход̇и, д̇ад̣̇аа д̇ам̣сад̣̇исам̣ жад̇уд̇т̇авибаагажид̇д̇ам̣ д̇ад̣̇аарамман̣ам̣ худ̇ваа бад̇идтаад̇и. ид̣̇амби вуд̇д̇анаязнзва ‘ааг̇анд̇угабхаван̇г̇ам̣’‘д̇ад̣̇аарамман̣а’нд̇и жа д̣̇вз наамаани лабхад̇и. иминаа сад̣̇д̇хим̣ буримаани ча сад̇д̇а хонд̇и.

    Yadā pana catutthakusalacittaṃ javanaṃ hoti, tadā taṃsadisaṃ catutthavipākacittaṃ tadārammaṇaṃ hutvā patiṭṭhāti. Idampi vuttanayeneva ‘āgantukabhavaṅgaṃ’‘tadārammaṇa’nti ca dve nāmāni labhati. Iminā saddhiṃ purimāni cha satta honti.

    яад̣̇аа бана д̇асмим̣ д̣̇ваарз ‘идтамаж̇жхад̇д̇аарамман̣ам̣’ аабаат̇амааг̇ажчад̇и, д̇ад̇рааби вуд̇д̇анаязнзва д̇аяо могхаваараа лаб̣бханд̇и. яасмаа бана аарамман̣зна взд̣̇анаа баривад̇д̇ад̇и д̇асмаа д̇ад̇т̇а убзгкаасахаг̇ад̇асанд̇ийран̣ам̣. жад̇уннан̃жа убзгкаасахаг̇ад̇амахаагусалаж̇аванаанам̣ барияосаанз жад̇д̇аари убзгкаасахаг̇ад̇амахаавибаагажид̇д̇аанзва д̇ад̣̇аарамман̣абхаавзна бад̇идтаханд̇и. д̇ааниби вуд̇д̇анаязнзва ‘ааг̇анд̇угабхаван̇г̇ам̣’‘д̇ад̣̇аарамман̣а’нд̇и жа д̣̇вз наамаани лабханд̇и. ‘бидтибхаван̇г̇ааний’д̇иби вужжанд̇и зва. ид̇и имаани бан̃жа буримзхи сад̇д̇ахи сад̣̇д̇хим̣ д̣̇ваад̣̇аса хонд̇и. звам̣ жагкуд̣̇ваарз д̣̇ваад̣̇аса, сод̇ад̣̇ваараад̣̇ийсу д̣̇ваад̣̇аса д̣̇ваад̣̇асаад̇и, самасадти хонд̇и. звам̣ згааяа жзд̇анааяа гаммз ааяуухид̇з самасадти вибаагажид̇д̇аани уббаж̇ж̇анд̇и. аг̇г̇ахид̇аг̇г̇ахан̣зна бана жагкуд̣̇ваарз д̣̇ваад̣̇аса, сод̇агхаанаж̇ивхаагааяавин̃н̃аан̣аани жад̇д̇аарийд̇и сол̣аса хонд̇и.

    Yadā pana tasmiṃ dvāre ‘iṭṭhamajjhattārammaṇaṃ’ āpāthamāgacchati, tatrāpi vuttanayeneva tayo moghavārā labbhanti. Yasmā pana ārammaṇena vedanā parivattati tasmā tattha upekkhāsahagatasantīraṇaṃ. Catunnañca upekkhāsahagatamahākusalajavanānaṃ pariyosāne cattāri upekkhāsahagatamahāvipākacittāneva tadārammaṇabhāvena patiṭṭhahanti. Tānipi vuttanayeneva ‘āgantukabhavaṅgaṃ’‘tadārammaṇa’nti ca dve nāmāni labhanti. ‘Piṭṭhibhavaṅgānī’tipi vuccanti eva. Iti imāni pañca purimehi sattahi saddhiṃ dvādasa honti. Evaṃ cakkhudvāre dvādasa, sotadvārādīsu dvādasa dvādasāti, samasaṭṭhi honti. Evaṃ ekāya cetanāya kamme āyūhite samasaṭṭhi vipākacittāni uppajjanti. Aggahitaggahaṇena pana cakkhudvāre dvādasa, sotaghānajivhākāyaviññāṇāni cattārīti soḷasa honti.

    имасмим̣ таанз амб̣обамам̣ наама г̇ан̣хим̣су – зго гира бурисо палид̇амб̣аругкамуулз сасийсам̣ баарубид̇ваа нибанно нид̣̇д̣̇ааяад̇и. ат̇згам̣ амб̣абаггам̣ ван̣дад̇о мужжид̇ваа д̇асса ган̣н̣асагкалим̣ бун̃чамаанам̣ вияа ‘т̇а’нд̇и бхуумияам̣ бад̇и. со д̇асса сад̣̇д̣̇зна баб̣уж̇жхид̇ваа уммийлзд̇ваа ологзси. д̇ад̇о хад̇т̇ам̣ басаарзд̇ваа палам̣ г̇ахзд̇ваа мад̣̇д̣̇ид̇ваа убасин̇гхид̇ваа барибхун̃ж̇и.

    Imasmiṃ ṭhāne ambopamaṃ nāma gaṇhiṃsu – eko kira puriso phalitambarukkhamūle sasīsaṃ pārupitvā nipanno niddāyati. Athekaṃ ambapakkaṃ vaṇṭato muccitvā tassa kaṇṇasakkhaliṃ puñchamānaṃ viya ‘tha’nti bhūmiyaṃ pati. So tassa saddena pabujjhitvā ummīletvā olokesi. Tato hatthaṃ pasāretvā phalaṃ gahetvā madditvā upasiṅghitvā paribhuñji.

    д̇ад̇т̇а, д̇асса бурисасса амб̣аругкамуулз нид̣̇д̣̇ааяанагаало вияа бхаван̇г̇асаман̇г̇игаало. амб̣абаггасса ван̣дад̇о мужжид̇ваа ган̣н̣асагкалим̣ бун̃чамаанасса бад̇анагаало вияа аарамман̣асса басаад̣̇агхадданагаало. д̇зна сад̣̇д̣̇зна баб̣уд̣̇д̇хагаало вияа гирияаманод̇хаад̇уяаа бхаван̇г̇асса ааваддид̇агаало. уммийлзд̇ваа ологид̇агаало вияа жагкувин̃н̃аан̣асса д̣̇ассанагижжасаад̇ханагаало. хад̇т̇ам̣ басаарзд̇ваа г̇ахид̇агаало вияа вибаагаманод̇хаад̇уяаа аарамман̣асса самбадижчид̇агаало. г̇ахзд̇ваа мад̣̇д̣̇ид̇агаало вияа вибаагамановин̃н̃аан̣ад̇хаад̇уяаа аарамман̣асса санд̇ийран̣агаало. убасин̇гхид̇агаало вияа гирияамановин̃н̃аан̣ад̇хаад̇уяаа аарамман̣асса вавад̇т̇аабид̇агаало . барибхуд̇д̇агаало вияа ж̇аванасса аарамман̣арасам̣ анубхавид̇агаало. аяам̣ убамаа гим̣ д̣̇ийбзд̇и? аарамман̣асса басаад̣̇агхадданамзва гижжам̣. д̇зна басаад̣̇з гхаддид̇з гирияаманод̇хаад̇уяаа бхаван̇г̇аавадданамзва, жагкувин̃н̃аан̣асса д̣̇ассанамад̇д̇агамзва, вибаагаманод̇хаад̇уяаа аарамман̣асамбадижчанамад̇д̇агамзва, вибаагамановин̃н̃аан̣ад̇хаад̇уяаа аарамман̣асанд̇ийран̣амад̇д̇агамзва, гирияамановин̃н̃аан̣ад̇хаад̇уяаа аарамман̣ававад̇т̇аабанамад̇д̇агамзва гижжам̣. зганд̇зна бана аарамман̣арасам̣ ж̇аванамзва анубхавад̇ийд̇и д̣̇ийбзд̇и.

    Tattha, tassa purisassa ambarukkhamūle niddāyanakālo viya bhavaṅgasamaṅgikālo. Ambapakkassa vaṇṭato muccitvā kaṇṇasakkhaliṃ puñchamānassa patanakālo viya ārammaṇassa pasādaghaṭṭanakālo. Tena saddena pabuddhakālo viya kiriyamanodhātuyā bhavaṅgassa āvaṭṭitakālo. Ummīletvā olokitakālo viya cakkhuviññāṇassa dassanakiccasādhanakālo. Hatthaṃ pasāretvā gahitakālo viya vipākamanodhātuyā ārammaṇassa sampaṭicchitakālo. Gahetvā madditakālo viya vipākamanoviññāṇadhātuyā ārammaṇassa santīraṇakālo. Upasiṅghitakālo viya kiriyamanoviññāṇadhātuyā ārammaṇassa vavatthāpitakālo . Paribhuttakālo viya javanassa ārammaṇarasaṃ anubhavitakālo. Ayaṃ upamā kiṃ dīpeti? Ārammaṇassa pasādaghaṭṭanameva kiccaṃ. Tena pasāde ghaṭṭite kiriyamanodhātuyā bhavaṅgāvaṭṭanameva, cakkhuviññāṇassa dassanamattakameva, vipākamanodhātuyā ārammaṇasampaṭicchanamattakameva, vipākamanoviññāṇadhātuyā ārammaṇasantīraṇamattakameva, kiriyamanoviññāṇadhātuyā ārammaṇavavatthāpanamattakameva kiccaṃ. Ekantena pana ārammaṇarasaṃ javanameva anubhavatīti dīpeti.

    зд̇т̇а жа ‘д̇вам̣ бхаван̇г̇ам̣ наама хохи, д̇вам̣ ааваж̇ж̇анам̣ наама, д̇вам̣ д̣̇ассанам̣ наама, д̇вам̣ самбадижчанам̣ наама, д̇вам̣ санд̇ийран̣ам̣ наама, д̇вам̣ водтаб̣б̣анам̣ наама, д̇вам̣ ж̇аванам̣ наама, хохий’д̇и гожи гад̇д̇аа ваа гаарзд̇аа ваа над̇т̇и.

    Ettha ca ‘tvaṃ bhavaṅgaṃ nāma hohi, tvaṃ āvajjanaṃ nāma, tvaṃ dassanaṃ nāma, tvaṃ sampaṭicchanaṃ nāma, tvaṃ santīraṇaṃ nāma, tvaṃ voṭṭhabbanaṃ nāma, tvaṃ javanaṃ nāma, hohī’ti koci kattā vā kāretā vā natthi.

    имасмим̣ бана таанз бан̃жавид̇хам̣ нияаамам̣ наама г̇ан̣хим̣су – б̣ийж̇анияаамам̣ уд̇унияаамам̣ гамманияаамам̣ д̇хамманияаамам̣ жид̇д̇анияааманд̇и. д̇ад̇т̇а гулад̇т̇аг̇ажчасса уд̇д̇араг̇г̇абхааво, д̣̇агкин̣аваллияаа д̣̇агкин̣ад̇о ругкабарихаран̣ам̣, суурияааваддабубпаанам̣ суурияаабхимукабхааво, маалувалад̇ааяа ругкаабхимукаг̇аманамзва, наал̣игзрасса мад̇т̇агз чид̣̇д̣̇асаб̣бхаавод̇и д̇зсам̣ д̇зсам̣ б̣ийж̇аанам̣ д̇ам̣д̇ам̣сад̣̇исапалад̣̇аанам̣ б̣ийж̇анияаамо наама. д̇асмим̣ д̇асмим̣ самаяз д̇зсам̣ д̇зсам̣ ругкаанам̣ згаббахаарзнзва бубпапалабаллаваг̇г̇ахан̣ам̣ уд̇унияаамо наама. д̇ихзд̇угагаммам̣ д̇ихзд̇угад̣̇ухзд̇угаахзд̇угавибаагам̣ д̣̇зд̇и. д̣̇ухзд̇угагаммам̣ д̣̇ухзд̇угаахзд̇угавибаагам̣ д̣̇зд̇и, д̇ихзд̇угам̣ на д̣̇зд̇ийд̇и, звам̣ д̇асса д̇асса гаммасса д̇ам̣д̇ам̣сад̣̇исавибаагад̣̇аанамзва гамманияаамо наама.

    Imasmiṃ pana ṭhāne pañcavidhaṃ niyāmaṃ nāma gaṇhiṃsu – bījaniyāmaṃ utuniyāmaṃ kammaniyāmaṃ dhammaniyāmaṃ cittaniyāmanti. Tattha kulatthagacchassa uttaraggabhāvo, dakkhiṇavalliyā dakkhiṇato rukkhapariharaṇaṃ, sūriyāvaṭṭapupphānaṃ sūriyābhimukhabhāvo, māluvalatāya rukkhābhimukhagamanameva, nāḷikerassa matthake chiddasabbhāvoti tesaṃ tesaṃ bījānaṃ taṃtaṃsadisaphaladānaṃ bījaniyāmo nāma. Tasmiṃ tasmiṃ samaye tesaṃ tesaṃ rukkhānaṃ ekappahāreneva pupphaphalapallavaggahaṇaṃ utuniyāmo nāma. Tihetukakammaṃ tihetukaduhetukāhetukavipākaṃ deti. Duhetukakammaṃ duhetukāhetukavipākaṃ deti, tihetukaṃ na detīti, evaṃ tassa tassa kammassa taṃtaṃsadisavipākadānameva kammaniyāmo nāma.

    абароби гаммасаригкагавибаагавасзнзва гамманияаамо ход̇и. д̇асса д̣̇ийбанад̇т̇амид̣̇ам̣ вад̇т̇ум̣ гат̇знд̇и – саммаасамб̣уд̣̇д̇хагаалз саавад̇т̇ияаа д̣̇ваараг̇аамо жхааяи . д̇ад̇о баж̇ж̇алид̇ам̣ д̇ин̣агарал̣ам̣ удтахид̇ваа аагаасзна г̇ажчад̇о гаагасса г̇ийвааяа бадимун̃жи. со вираванд̇о бхуумияам̣ бад̇ид̇ваа гааламагааси. махаасамуд̣̇д̣̇зби згаа нааваа нижжалаа адтааси. хздтаа гзнажи нируд̣̇д̇хабхаавам̣ абассанд̇аа гаал̣аган̣н̣исалаагам̣ вижаарзсум̣. саа наавигассзва убаасигааяа хад̇т̇з бад̇и. д̇ад̇о згиссаа гааран̣аа маа саб̣б̣з нассанд̇у, уд̣̇агз нам̣ кибаамаад̇и аахам̣су. наавиго ‘на сагкиссаами зд̇ам̣ уд̣̇агз уббилавамаанам̣ бассид̇у’нд̇и ваалигаагхадам̣ г̇ийвааяам̣ б̣анд̇хаабзд̇ваа кибаабзси. д̇ан̇кан̣ан̃н̃зва нааваа кид̇д̇асаро вияа багканд̣̇и. зго бхигку лзн̣з васад̇и. маханд̇ам̣ баб̣б̣ад̇агуудам̣ бад̇ид̇ваа д̣̇ваарам̣ бид̣̇ахи. д̇ам̣ сад̇д̇амз д̣̇ивасз саяамзва абаг̇ад̇ам̣. саммаасамб̣уд̣̇д̇хасса ж̇зд̇аванз нисийд̣̇ид̇ваа д̇хаммам̣ гат̇знд̇асса имаани д̇ийн̣и вад̇т̇ууни згаббахаарзнзва аарожзсум̣. сад̇т̇аа ‘на зд̇ам̣ ан̃н̃зхи гад̇ам̣, д̇зхи гад̇агаммамзва д̇а’нд̇и ад̇ийд̇ам̣ аахарид̇ваа д̣̇ассзнд̇о ааха –

    Aparopi kammasarikkhakavipākavaseneva kammaniyāmo hoti. Tassa dīpanatthamidaṃ vatthuṃ kathenti – sammāsambuddhakāle sāvatthiyā dvāragāmo jhāyi . Tato pajjalitaṃ tiṇakaraḷaṃ uṭṭhahitvā ākāsena gacchato kākassa gīvāya paṭimuñci. So viravanto bhūmiyaṃ patitvā kālamakāsi. Mahāsamuddepi ekā nāvā niccalā aṭṭhāsi. Heṭṭhā kenaci niruddhabhāvaṃ apassantā kāḷakaṇṇisalākaṃ vicāresuṃ. Sā nāvikasseva upāsikāya hatthe pati. Tato ekissā kāraṇā mā sabbe nassantu, udake naṃ khipāmāti āhaṃsu. Nāviko ‘na sakkhissāmi etaṃ udake uppilavamānaṃ passitu’nti vālikāghaṭaṃ gīvāyaṃ bandhāpetvā khipāpesi. Taṅkhaṇaññeva nāvā khittasaro viya pakkhandi. Eko bhikkhu leṇe vasati. Mahantaṃ pabbatakūṭaṃ patitvā dvāraṃ pidahi. Taṃ sattame divase sayameva apagataṃ. Sammāsambuddhassa jetavane nisīditvā dhammaṃ kathentassa imāni tīṇi vatthūni ekappahāreneva ārocesuṃ. Satthā ‘na etaṃ aññehi kataṃ, tehi katakammameva ta’nti atītaṃ āharitvā dassento āha –

    гааго буримад̇д̇абхаавз мануссо худ̇ваа згам̣ д̣̇удтаг̇он̣ам̣ д̣̇амзд̇ум̣ асаггонд̇о г̇ийвааяа балаалавзн̣им̣ б̣анд̇хид̇ваа аг̇г̇им̣ ад̣̇ааси. г̇он̣о д̇знзва мад̇о. ид̣̇аани д̇ам̣ гаммам̣ зд̇асса аагаасзна г̇ажчад̇оби на мужжид̇ум̣ ад̣̇ааси. сааби ид̇т̇ий буримад̇д̇абхаавз згаа ид̇т̇ийязва. зго гуггуро д̇ааяа барижид̇о худ̇ваа аран̃н̃ам̣ г̇ажчанд̇ияаа сад̣̇д̇хим̣ г̇ажчад̇и, сад̣̇д̇химзвааг̇ажчад̇и. мануссаа ‘нигканд̇о ид̣̇аани амхаагам̣ сунакалуд̣̇д̣̇аго’д̇и уббан̣д̣знд̇и. саа д̇зна аддийяамаанаа гуггурам̣ ниваарзд̇ум̣ асаггонд̇ий ваалигаагхадам̣ г̇ийвааяа б̣анд̇хид̇ваа уд̣̇агз киби. д̇ам̣ гаммам̣ д̇ассаа самуд̣̇д̣̇амаж̇жхз мужжид̇ум̣ наад̣̇ааси. соби бхигку буримад̇д̇абхаавз г̇обаалаго худ̇ваа б̣илам̣ бавидтааяа г̇од̇хааяа саакаабхан̇г̇амудтияаа д̣̇ваарам̣ т̇агзси. д̇ад̇о сад̇д̇амз д̣̇ивасз саяам̣ ааг̇анд̇ваа вивари. г̇од̇хаа гамбамаанаа нигками. гарун̣ааяа д̇ам̣ на маарзси. д̇ам̣ гаммам̣ д̇асса баб̣б̣ад̇анд̇арам̣ бависид̇ваа нисиннасса мужжид̇ум̣ наад̣̇аасийд̇и. имаани д̇ийн̣и вад̇т̇ууни самод̇хаанзд̇ваа имам̣ г̇аат̇амааха –

    Kāko purimattabhāve manusso hutvā ekaṃ duṭṭhagoṇaṃ dametuṃ asakkonto gīvāya palālaveṇiṃ bandhitvā aggiṃ adāsi. Goṇo teneva mato. Idāni taṃ kammaṃ etassa ākāsena gacchatopi na muccituṃ adāsi. Sāpi itthī purimattabhāve ekā itthīyeva. Eko kukkuro tāya paricito hutvā araññaṃ gacchantiyā saddhiṃ gacchati, saddhimevāgacchati. Manussā ‘nikkhanto idāni amhākaṃ sunakhaluddako’ti uppaṇḍenti. Sā tena aṭṭīyamānā kukkuraṃ nivāretuṃ asakkontī vālikāghaṭaṃ gīvāya bandhitvā udake khipi. Taṃ kammaṃ tassā samuddamajjhe muccituṃ nādāsi. Sopi bhikkhu purimattabhāve gopālako hutvā bilaṃ paviṭṭhāya godhāya sākhābhaṅgamuṭṭhiyā dvāraṃ thakesi. Tato sattame divase sayaṃ āgantvā vivari. Godhā kampamānā nikkhami. Karuṇāya taṃ na māresi. Taṃ kammaṃ tassa pabbatantaraṃ pavisitvā nisinnassa muccituṃ nādāsīti. Imāni tīṇi vatthūni samodhānetvā imaṃ gāthamāha –

    ‘‘на анд̇алигкз на самуд̣̇д̣̇амаж̇жхз,

    ‘‘Na antalikkhe na samuddamajjhe,

    на баб̣б̣ад̇аанам̣ виварам̣ бависса;

    Na pabbatānaṃ vivaraṃ pavissa;

    на виж̇ж̇ад̇з со ж̇аг̇ад̇иббад̣̇зсо,

    Na vijjate so jagatippadeso,

    яад̇т̇адтид̇о мужжзяяа баабагаммаа’’д̇и. (д̇ха. ба. 127);

    Yatthaṭṭhito mucceyya pāpakammā’’ti. (dha. pa. 127);

    аяамби гамманияаамоязва наама. ан̃н̃ааниби зваруубаани вад̇т̇ууни гат̇зд̇аб̣б̣аани.

    Ayampi kammaniyāmoyeva nāma. Aññānipi evarūpāni vatthūni kathetabbāni.

    б̣од̇хисад̇д̇аанам̣ бана бадисанд̇хиг̇г̇ахан̣з, маад̇угужчид̇о нигкаманз, абхисамб̣од̇хияам̣ д̇ат̇ааг̇ад̇асса д̇хаммажаггаббавад̇д̇анз, ааяусан̇каарасса оссаж̇ж̇анз, бариниб̣б̣аанз жа д̣̇асасахассажаггаваал̣агамбанам̣ д̇хамманияаамо наама.

    Bodhisattānaṃ pana paṭisandhiggahaṇe, mātukucchito nikkhamane, abhisambodhiyaṃ tathāgatassa dhammacakkappavattane, āyusaṅkhārassa ossajjane, parinibbāne ca dasasahassacakkavāḷakampanaṃ dhammaniyāmo nāma.

    аарамман̣зна бана басаад̣̇з гхаддид̇з ‘д̇вам̣ ааваж̇ж̇анам̣ наама хохи…бз… д̇вам̣ ж̇аванам̣ наама хохий’д̇и гожи гад̇д̇аа ваа гаарзд̇аа ваа над̇т̇и, ад̇д̇ано ад̇д̇ано бана д̇хаммад̇ааяа зва аарамман̣зна басаад̣̇асса гхаддид̇агаалад̇о бадтааяа гирияаманод̇хаад̇ужид̇д̇ам̣ бхаван̇г̇ам̣ ааваддзд̇и, жагкувин̃н̃аан̣ам̣ д̣̇ассанагижжам̣ саад̇хзд̇и, вибаагаманод̇хаад̇у самбадижчанагижжам̣ саад̇хзд̇и, вибаагамановин̃н̃аан̣ад̇хаад̇у санд̇ийран̣агижжам̣ саад̇хзд̇и, гирияамановин̃н̃аан̣ад̇хаад̇у водтаб̣б̣анагижжам̣ саад̇хзд̇и, ж̇аванам̣ аарамман̣арасам̣ анубхавад̇ийд̇и аяам̣ жид̇д̇анияаамо наама. аяам̣ ид̇ха ад̇хиббзд̇о.

    Ārammaṇena pana pasāde ghaṭṭite ‘tvaṃ āvajjanaṃ nāma hohi…pe… tvaṃ javanaṃ nāma hohī’ti koci kattā vā kāretā vā natthi, attano attano pana dhammatāya eva ārammaṇena pasādassa ghaṭṭitakālato paṭṭhāya kiriyamanodhātucittaṃ bhavaṅgaṃ āvaṭṭeti, cakkhuviññāṇaṃ dassanakiccaṃ sādheti, vipākamanodhātu sampaṭicchanakiccaṃ sādheti, vipākamanoviññāṇadhātu santīraṇakiccaṃ sādheti, kiriyamanoviññāṇadhātu voṭṭhabbanakiccaṃ sādheti, javanaṃ ārammaṇarasaṃ anubhavatīti ayaṃ cittaniyāmo nāma. Ayaṃ idha adhippeto.

    сасан̇кааригад̇ихзд̇угагусалзнааби убзгкаасахаг̇ад̇зхи асан̇кааригасасан̇кааригагусалажид̇д̇зхиби гаммз ааяуухид̇з д̇ам̣сад̣̇исавибаагажид̇д̇зхи аад̣̇иннааяа бадисанд̇хияаа зсзва наяо. убзгкаасахаг̇ад̇ад̣̇ваяз бана батамам̣ ‘идтамаж̇жхад̇д̇аарамман̣авасзна’ бавад̇д̇им̣ д̣̇ассзд̇ваа бажчаа ‘идтаарамман̣авасзна’ д̣̇ассзд̇аб̣б̣аа.

    Sasaṅkhārikatihetukakusalenāpi upekkhāsahagatehi asaṅkhārikasasaṅkhārikakusalacittehipi kamme āyūhite taṃsadisavipākacittehi ādinnāya paṭisandhiyā eseva nayo. Upekkhāsahagatadvaye pana paṭhamaṃ ‘iṭṭhamajjhattārammaṇavasena’ pavattiṃ dassetvā pacchā ‘iṭṭhārammaṇavasena’ dassetabbā.

    звамби згзгасмим̣ д̣̇ваарз д̣̇ваад̣̇аса д̣̇ваад̣̇аса худ̇ваа самасадти хонд̇и. аг̇г̇ахид̇аг̇г̇ахан̣зна сол̣аса вибаагажид̇д̇аани уббаж̇ж̇анд̇и.

    Evampi ekekasmiṃ dvāre dvādasa dvādasa hutvā samasaṭṭhi honti. Aggahitaggahaṇena soḷasa vipākacittāni uppajjanti.

    имасмим̣ таанз бан̃жаужчунаал̣ияанд̇обамам̣ наама г̇ан̣хим̣су. ужчубийл̣анасамаяз гира згасмаа г̇аамаа згаад̣̇аса яанд̇аваахаа нигкамид̇ваа згам̣ ужчуваадам̣ д̣̇исваа д̇асса барибаггабхаавам̣ н̃ад̇ваа ужчусаамигам̣ убасан̇гамид̇ваа ‘яанд̇аваахаа маяа’нд̇и аарожзсум̣. со ‘ахам̣ д̇умхзязва бариязсаамий’д̇и ужчусаалам̣ д̇з г̇ахзд̇ваа аг̇амааси. д̇з д̇ад̇т̇а наал̣ияанд̇ам̣ саж̇ж̇зд̇ваа ‘маяам̣ згаад̣̇аса ж̇анаа, абарамби згам̣ лад̣̇д̇хум̣ ваддад̇и, взд̇анзна г̇ан̣хат̇аа’д̇и аахам̣су. ужчусаамиго ‘ахамзва сахааяо бхависсаамий’д̇и ужчуунам̣ саалам̣ буураабзд̇ваа д̇зсам̣ сахааяо ахоси. д̇з ад̇д̇ано ад̇д̇ано гижжаани гад̇ваа, паан̣ид̇абаажагзна ужчурасз баггз, г̇ул̣аб̣анд̇хагзна б̣ад̣̇д̇хз, ужчусаамигзна д̇улаяид̇ваа бхааг̇зсу д̣̇иннзсу, ад̇д̇ано ад̇д̇ано бхааг̇ам̣ аад̣̇ааяа ужчусаалам̣ саамигасса бадижчаабзд̇ваа, зд̇знзва убааязна абараасуби жад̇уусу саалаасу гаммам̣ гад̇ваа баггамим̣су.

    Imasmiṃ ṭhāne pañcaucchunāḷiyantopamaṃ nāma gaṇhiṃsu. Ucchupīḷanasamaye kira ekasmā gāmā ekādasa yantavāhā nikkhamitvā ekaṃ ucchuvāṭaṃ disvā tassa paripakkabhāvaṃ ñatvā ucchusāmikaṃ upasaṅkamitvā ‘yantavāhā maya’nti ārocesuṃ. So ‘ahaṃ tumheyeva pariyesāmī’ti ucchusālaṃ te gahetvā agamāsi. Te tattha nāḷiyantaṃ sajjetvā ‘mayaṃ ekādasa janā, aparampi ekaṃ laddhuṃ vaṭṭati, vetanena gaṇhathā’ti āhaṃsu. Ucchusāmiko ‘ahameva sahāyo bhavissāmī’ti ucchūnaṃ sālaṃ pūrāpetvā tesaṃ sahāyo ahosi. Te attano attano kiccāni katvā, phāṇitapācakena ucchurase pakke, guḷabandhakena baddhe, ucchusāmikena tulayitvā bhāgesu dinnesu, attano attano bhāgaṃ ādāya ucchusālaṃ sāmikassa paṭicchāpetvā, eteneva upāyena aparāsupi catūsu sālāsu kammaṃ katvā pakkamiṃsu.

    д̇ад̇т̇а бан̃жа яанд̇асаалаа вияа бан̃жа басаад̣̇аа д̣̇адтаб̣б̣аа. бан̃жа ужчуваадаа вияа бан̃жа аарамман̣аани. згаад̣̇аса вижаран̣агаяанд̇аваахаа вияа згаад̣̇аса вибаагажид̇д̇аани. бан̃жа ужчусаалаасаамино вияа бан̃жавин̃н̃аан̣аани. батамагасаалааяам̣ саамигзна сад̣̇д̇хим̣ д̣̇ваад̣̇асаннам̣ ж̇анаанам̣ згад̇ова худ̇ваа гад̇агаммаанам̣ бхааг̇аг̇г̇ахан̣агаало вияа згаад̣̇асаннам̣ вибаагажид̇д̇аанам̣ жагкувин̃н̃аан̣зна сад̣̇д̇хим̣ згад̇о худ̇ваа жагкуд̣̇ваарз руубаарамман̣з сагасагагижжагаран̣агаало. саалаасаамигасса саалааяа самбадижчанагаало вияа жагкувин̃н̃аан̣асса д̣̇ваарасан̇ганд̇иагаран̣ам̣. д̣̇уд̇ияа д̇ад̇ияа жад̇уд̇т̇а бан̃жамасаалааяа д̣̇ваад̣̇асаннам̣ згад̇о худ̇ваа гад̇агаммаанам̣ бхааг̇аг̇г̇ахан̣агаало вияа згаад̣̇асаннам̣ вибаагажид̇д̇аанам̣ гааяавин̃н̃аан̣зна сад̣̇д̇хим̣ згад̇о худ̇ваа гааяад̣̇ваарз подтаб̣б̣аарамман̣з сагасагагижжагаран̣агаало. саалаасаамигасса саалааяа самбадижчанагаало вияа гааяавин̃н̃аан̣асса д̣̇ваарасан̇ганд̇иагаран̣ам̣ взд̣̇ид̇аб̣б̣ам̣. зд̇д̇аавад̇аа д̇ихзд̇угагаммзна бадисанд̇хи д̇ихзд̇угаа ход̇ийд̇и вааро гат̇ид̇о. яаа бана д̇зна д̣̇ухзд̇угабадисанд̇хи ход̇и, саа бадижчаннаава худ̇ваа г̇ад̇аа.

    Tattha pañca yantasālā viya pañca pasādā daṭṭhabbā. Pañca ucchuvāṭā viya pañca ārammaṇāni. Ekādasa vicaraṇakayantavāhā viya ekādasa vipākacittāni. Pañca ucchusālāsāmino viya pañcaviññāṇāni. Paṭhamakasālāyaṃ sāmikena saddhiṃ dvādasannaṃ janānaṃ ekatova hutvā katakammānaṃ bhāgaggahaṇakālo viya ekādasannaṃ vipākacittānaṃ cakkhuviññāṇena saddhiṃ ekato hutvā cakkhudvāre rūpārammaṇe sakasakakiccakaraṇakālo. Sālāsāmikassa sālāya sampaṭicchanakālo viya cakkhuviññāṇassa dvārasaṅkantiakaraṇaṃ. Dutiya tatiya catuttha pañcamasālāya dvādasannaṃ ekato hutvā katakammānaṃ bhāgaggahaṇakālo viya ekādasannaṃ vipākacittānaṃ kāyaviññāṇena saddhiṃ ekato hutvā kāyadvāre phoṭṭhabbārammaṇe sakasakakiccakaraṇakālo. Sālāsāmikassa sālāya sampaṭicchanakālo viya kāyaviññāṇassa dvārasaṅkantiakaraṇaṃ veditabbaṃ. Ettāvatā tihetukakammena paṭisandhi tihetukā hotīti vāro kathito. Yā pana tena duhetukapaṭisandhi hoti, sā paṭicchannāva hutvā gatā.

    ид̣̇аани д̣̇ухзд̇угагаммзна д̣̇ухзд̇угаа бадисанд̇хи ход̇ийд̇и вааро гат̇зд̇аб̣б̣о. д̣̇ухзд̇угзна хи соманассасахаг̇ад̇аасан̇кааригажид̇д̇зна гаммз ааяуухид̇з д̇ам̣сад̣̇исзнзва д̣̇ухзд̇угавибаагажид̇д̇зна г̇ахид̇абадисанд̇хигасса вуд̇д̇анаязнзва жагкуд̣̇ваарз ‘идтаарамман̣з’ аабаат̇амааг̇ад̇з д̇аяо могхаваараа. д̣̇ухзд̇угасоманассасахаг̇ад̇аасан̇кааригаж̇аванаавасаанз д̇ам̣сад̣̇исамзва муулабхаван̇г̇асан̇каад̇ам̣ д̇ад̣̇аарамман̣ам̣. сасан̇кааригаж̇аванаавасаанз д̇ам̣сад̣̇исамзва ааг̇анд̇угабхаван̇г̇асан̇каад̇ам̣ д̇ад̣̇аарамман̣ам̣. ‘идтамаж̇жхад̇д̇аарамман̣з’ д̣̇виннам̣ убзгкаасахаг̇ад̇аж̇аванаанам̣ авасаанз д̇аад̣̇исаанзва д̣̇вз д̇ад̣̇аарамман̣аани уббаж̇ж̇анд̇и. ид̇ха згзгасмим̣ д̣̇ваарз адта адта гад̇ваа самажад̇д̇аалийса жид̇д̇аани. аг̇г̇ахид̇аг̇г̇ахан̣зна бана жагкуд̣̇ваарз адта, сод̇агхаанаж̇ивхаагааяавин̃н̃аан̣аани жад̇д̇аарийд̇и д̣̇ваад̣̇аса хонд̇и. звам̣ згааяа жзд̇анааяа гаммз ааяуухид̇з д̣̇ваад̣̇аса вибаагажид̇д̇аани уббаж̇ж̇анд̇и. амб̣обамабан̃жанияаамагат̇аа баагад̇игаа зва. д̣̇ухзд̇угасзсажид̇д̇ад̇д̇аяасад̣̇исавибаагзна г̇ахид̇абадисанд̇хигзби зсзва наяо. яанд̇аваахобамааяа банзд̇т̇а сад̇д̇а яанд̇аваахаа. д̇зхи д̇ад̇т̇а яанд̇з наама саж̇ж̇ид̇з саалаасаамигам̣ адтамам̣ гад̇ваа вуд̇д̇анаяаанусаарзна яож̇анаа взд̣̇ид̇аб̣б̣аа. зд̇д̇аавад̇аа д̣̇ухзд̇угагаммзна д̣̇ухзд̇угабадисанд̇хи ход̇ийд̇и вааро гат̇ид̇о.

    Idāni duhetukakammena duhetukā paṭisandhi hotīti vāro kathetabbo. Duhetukena hi somanassasahagataasaṅkhārikacittena kamme āyūhite taṃsadiseneva duhetukavipākacittena gahitapaṭisandhikassa vuttanayeneva cakkhudvāre ‘iṭṭhārammaṇe’ āpāthamāgate tayo moghavārā. Duhetukasomanassasahagataasaṅkhārikajavanāvasāne taṃsadisameva mūlabhavaṅgasaṅkhātaṃ tadārammaṇaṃ. Sasaṅkhārikajavanāvasāne taṃsadisameva āgantukabhavaṅgasaṅkhātaṃ tadārammaṇaṃ. ‘Iṭṭhamajjhattārammaṇe’ dvinnaṃ upekkhāsahagatajavanānaṃ avasāne tādisāneva dve tadārammaṇāni uppajjanti. Idha ekekasmiṃ dvāre aṭṭha aṭṭha katvā samacattālīsa cittāni. Aggahitaggahaṇena pana cakkhudvāre aṭṭha, sotaghānajivhākāyaviññāṇāni cattārīti dvādasa honti. Evaṃ ekāya cetanāya kamme āyūhite dvādasa vipākacittāni uppajjanti. Ambopamapañcaniyāmakathā pākatikā eva. Duhetukasesacittattayasadisavipākena gahitapaṭisandhikepi eseva nayo. Yantavāhopamāya panettha satta yantavāhā. Tehi tattha yante nāma sajjite sālāsāmikaṃ aṭṭhamaṃ katvā vuttanayānusārena yojanā veditabbā. Ettāvatā duhetukakammena duhetukapaṭisandhi hotīti vāro kathito.

    ид̣̇аани ахзд̇угабадисанд̇хигат̇аа ход̇и – жад̇уннан̃хи д̣̇ухзд̇угагусалажид̇д̇аанам̣ ан̃н̃ад̇арзна гаммз ааяуухид̇з гусалавибаагаубзгкаасахаг̇ад̇аахзд̇угамановин̃н̃аан̣ад̇хаад̇ужид̇д̇зна г̇ахид̇абадисанд̇хигасса бадисанд̇хи гаммасад̣̇исаад̇и на вад̇д̇аб̣б̣аа. гамман̃хи д̣̇ухзд̇угам̣ бадисанд̇хи ахзд̇угаа. д̇асса вуд̣дхиббад̇д̇асса жагкуд̣̇ваарз ‘идтамаж̇жхад̇д̇аарамман̣з’ аабаат̇амааг̇ад̇з буриманаязнзва д̇аяо могхаваараа взд̣̇ид̇аб̣б̣аа. жад̇уннам̣ бана д̣̇ухзд̇угагусалажид̇д̇аанам̣ ан̃н̃ад̇араж̇аванасса барияосаанз ахзд̇угажид̇д̇ам̣ д̇ад̣̇аарамман̣абхаавзна бад̇идтаад̇и. д̇ам̣ ‘муулабхаван̇г̇ам̣’‘д̇ад̣̇аарамман̣а’нд̇и д̣̇вз наамаани лабхад̇и. звамзд̇т̇а жагкувин̃н̃аан̣ам̣ самбадижчанам̣ убзгкаасахаг̇ад̇асанд̇ийран̣ам̣ д̇ад̣̇аарамман̣амби убзгкаасахаг̇ад̇амзваад̇и д̇зсу згам̣ г̇ахзд̇ваа г̇ан̣ануубаг̇аани д̇ийн̣зва хонд̇и.

    Idāni ahetukapaṭisandhikathā hoti – catunnañhi duhetukakusalacittānaṃ aññatarena kamme āyūhite kusalavipākaupekkhāsahagatāhetukamanoviññāṇadhātucittena gahitapaṭisandhikassa paṭisandhi kammasadisāti na vattabbā. Kammañhi duhetukaṃ paṭisandhi ahetukā. Tassa vuḍḍhippattassa cakkhudvāre ‘iṭṭhamajjhattārammaṇe’ āpāthamāgate purimanayeneva tayo moghavārā veditabbā. Catunnaṃ pana duhetukakusalacittānaṃ aññatarajavanassa pariyosāne ahetukacittaṃ tadārammaṇabhāvena patiṭṭhāti. Taṃ ‘mūlabhavaṅgaṃ’‘tadārammaṇa’nti dve nāmāni labhati. Evamettha cakkhuviññāṇaṃ sampaṭicchanaṃ upekkhāsahagatasantīraṇaṃ tadārammaṇampi upekkhāsahagatamevāti tesu ekaṃ gahetvā gaṇanūpagāni tīṇeva honti.

    ‘идтаарамман̣з’ бана санд̇ийран̣амби д̇ад̣̇аарамман̣амби соманассасахаг̇ад̇амзва. д̇зсу згам̣ г̇ахзд̇ваа буримаани д̇ийн̣и жад̇д̇аари хонд̇и. звам̣ бан̃жасу д̣̇ваарзсу жад̇д̇аари жад̇д̇аари гад̇ваа згааяа жзд̇анааяа гаммз ааяуухид̇з вийсад̇и вибаагажид̇д̇аани уббаж̇ж̇анд̇ийд̇и взд̣̇ид̇аб̣б̣аани. аг̇г̇ахид̇аг̇г̇ахан̣зна бана жагкуд̣̇ваарз жад̇д̇аари сод̇агхаанаж̇ивхаагааяавин̃н̃аан̣аани жад̇д̇аарийд̇и адта хонд̇и. ид̣̇ам̣ ‘ахзд̇угадтагам̣’ наама. ид̣̇ам̣ мануссалогзна г̇ахид̇ам̣.

    ‘Iṭṭhārammaṇe’ pana santīraṇampi tadārammaṇampi somanassasahagatameva. Tesu ekaṃ gahetvā purimāni tīṇi cattāri honti. Evaṃ pañcasu dvāresu cattāri cattāri katvā ekāya cetanāya kamme āyūhite vīsati vipākacittāni uppajjantīti veditabbāni. Aggahitaggahaṇena pana cakkhudvāre cattāri sotaghānajivhākāyaviññāṇāni cattārīti aṭṭha honti. Idaṃ ‘ahetukaṭṭhakaṃ’ nāma. Idaṃ manussalokena gahitaṃ.

    жад̇уусу бана абааязсу бавад̇д̇з лаб̣бхад̇и. яад̣̇аа хи махаамог̇г̇аллаанад̇т̇зро нираяз бад̣̇умам̣ маабзд̇ваа бад̣̇умаган̣н̣игааяа нисинно нзраяигаанам̣ д̇хаммагат̇ам̣ гат̇зси, д̇ад̣̇аа д̇зсам̣ т̇зрам̣ бассанд̇аанам̣ гусалавибаагам̣ жагкувин̃н̃аан̣ам̣ уббаж̇ж̇ад̇и. сад̣̇д̣̇ам̣ сун̣анд̇аанам̣ сод̇авин̃н̃аан̣ам̣, жанд̣̇анаванз д̣̇иваавихаарам̣ нисийд̣̇ид̇ваа г̇ад̇асса жийвараг̇анд̇хагхааяанагаалз гхаанавин̃н̃аан̣ам̣, нираяаг̇г̇им̣ ниб̣б̣аабзд̇ум̣ д̣̇звам̣ вассаабзд̇ваа баанийяад̣̇аанагаалз ж̇ивхаавин̃н̃аан̣ам̣, манд̣̇аманд̣̇аваад̇асамудтаабанагаалз гааяавин̃н̃аан̣анд̇и звам̣ жагкувин̃н̃аан̣аад̣̇ийни бан̃жа , згам̣ самбадижчанам̣, д̣̇вз санд̇ийран̣аанийд̇и ахзд̇угадтагам̣ лаб̣бхад̇и . нааг̇асубан̣н̣авзмаанигабзд̇аанамби агусалзна бадисанд̇хи ход̇и. бавад̇д̇з гусалам̣ вибажжад̇и. д̇ат̇аа жаггавад̇д̇ино ман̇г̇алахад̇т̇иассаад̣̇ийнам̣. аяам̣ д̇аава ‘идтаидтамаж̇жхад̇д̇аарамман̣зсу’ гусалаж̇аванавасзна гат̇аамаг̇г̇о.

    Catūsu pana apāyesu pavatte labbhati. Yadā hi mahāmoggallānatthero niraye padumaṃ māpetvā padumakaṇṇikāya nisinno nerayikānaṃ dhammakathaṃ kathesi, tadā tesaṃ theraṃ passantānaṃ kusalavipākaṃ cakkhuviññāṇaṃ uppajjati. Saddaṃ suṇantānaṃ sotaviññāṇaṃ, candanavane divāvihāraṃ nisīditvā gatassa cīvaragandhaghāyanakāle ghānaviññāṇaṃ, nirayaggiṃ nibbāpetuṃ devaṃ vassāpetvā pānīyadānakāle jivhāviññāṇaṃ, mandamandavātasamuṭṭhāpanakāle kāyaviññāṇanti evaṃ cakkhuviññāṇādīni pañca , ekaṃ sampaṭicchanaṃ, dve santīraṇānīti ahetukaṭṭhakaṃ labbhati . Nāgasupaṇṇavemānikapetānampi akusalena paṭisandhi hoti. Pavatte kusalaṃ vipaccati. Tathā cakkavattino maṅgalahatthiassādīnaṃ. Ayaṃ tāva ‘iṭṭhaiṭṭhamajjhattārammaṇesu’ kusalajavanavasena kathāmaggo.

    ‘идтаарамман̣з’ бана жад̇уусу соманассасахаг̇ад̇аагусалажид̇д̇зсу ж̇авид̇зсу гусалавибаагам̣ соманассасахаг̇ад̇аахзд̇угажид̇д̇ам̣ д̇ад̣̇аарамман̣ам̣ ход̇и. ‘идтамаж̇жхад̇д̇аарамман̣з’ жад̇уусу убзгкаасахаг̇ад̇алобхасамбаяуд̇д̇зсу ж̇авид̇зсу гусалавибаагам̣ убзгкаасахаг̇ад̇аахзд̇угажид̇д̇ам̣ д̇ад̣̇аарамман̣ам̣ ход̇и. яам̣ бана ‘ж̇аванзна д̇ад̣̇аарамман̣ам̣ нияамзд̇аб̣б̣а’нд̇и вуд̇д̇ам̣ д̇ам̣ гусалам̣ санд̇хааяа вуд̇д̇анд̇и взд̣̇ид̇аб̣б̣ам̣. д̣̇оманассасахаг̇ад̇аж̇аванаананд̇арам̣ д̇ад̣̇аарамман̣ам̣ уббаж̇ж̇амаанам̣ гим̣ уббаж̇ж̇ад̇ийд̇и? агусалавибаагаахзд̇угамановин̃н̃аан̣ад̇хаад̇ужид̇д̇ам̣ уббаж̇ж̇ад̇и.

    ‘Iṭṭhārammaṇe’ pana catūsu somanassasahagatākusalacittesu javitesu kusalavipākaṃ somanassasahagatāhetukacittaṃ tadārammaṇaṃ hoti. ‘Iṭṭhamajjhattārammaṇe’ catūsu upekkhāsahagatalobhasampayuttesu javitesu kusalavipākaṃ upekkhāsahagatāhetukacittaṃ tadārammaṇaṃ hoti. Yaṃ pana ‘javanena tadārammaṇaṃ niyametabba’nti vuttaṃ taṃ kusalaṃ sandhāya vuttanti veditabbaṃ. Domanassasahagatajavanānantaraṃ tadārammaṇaṃ uppajjamānaṃ kiṃ uppajjatīti? Akusalavipākāhetukamanoviññāṇadhātucittaṃ uppajjati.

    ид̣̇ам̣ бана ж̇аванам̣ гусалад̇т̇ааяа ваа агусалад̇т̇ааяа ваа го нияаамзд̇ийд̇и? ааваж̇ж̇анан̃жзва водтаб̣б̣анан̃жа. ааваж̇ж̇анзна хи яонисо ааваддид̇з водтаб̣б̣анзна яонисо вавад̇т̇аабид̇з ж̇аванам̣ агусалам̣ бхависсад̇ийд̇и адтаанамзд̇ам̣. ааваж̇ж̇анзна аяонисо ааваддид̇з водтаб̣б̣анзна аяонисо вавад̇т̇аабид̇з ж̇аванам̣ гусалам̣ бхависсад̇ийд̇иби адтаанамзд̇ам̣. убхаязна бана яонисо ааваддид̇з вавад̇т̇аабид̇з жа ж̇аванам̣ гусалам̣ ход̇и, аяонисо агусаланд̇и взд̣̇ид̇аб̣б̣ам̣.

    Idaṃ pana javanaṃ kusalatthāya vā akusalatthāya vā ko niyāmetīti? Āvajjanañceva voṭṭhabbanañca. Āvajjanena hi yoniso āvaṭṭite voṭṭhabbanena yoniso vavatthāpite javanaṃ akusalaṃ bhavissatīti aṭṭhānametaṃ. Āvajjanena ayoniso āvaṭṭite voṭṭhabbanena ayoniso vavatthāpite javanaṃ kusalaṃ bhavissatītipi aṭṭhānametaṃ. Ubhayena pana yoniso āvaṭṭite vavatthāpite ca javanaṃ kusalaṃ hoti, ayoniso akusalanti veditabbaṃ.

    ‘идтаарамман̣з’ бана ган̇кад̇о уд̣̇д̇хад̇асса жа д̇ад̣̇аарамман̣ам̣ гим̣ ход̇ийд̇и? идтаарамман̣асмим̣ ган̇кад̇у ваа маа ваа, уд̣̇д̇хад̇о ваа ход̇у маа ваа, гусалавибаагаахзд̇угасоманассажид̇д̇амзва д̇ад̣̇аарамман̣ам̣ ход̇и, ‘идтамаж̇жхад̇д̇аарамман̣з’ ‘гусалавибаагаахзд̇угаубзгкаасахаг̇ад̇а’нд̇и, аяам̣ банзд̇т̇а сан̇кзбад̇о ад̇т̇ад̣̇ийбано махаад̇хаммарагкид̇ад̇т̇зраваад̣̇о наама. соманассасахаг̇ад̇асмин̃хи ж̇аванз ж̇авид̇з бан̃жа д̇ад̣̇аарамман̣аани г̇авзсид̇аб̣б̣аанийд̇и. убзгкаасахаг̇ад̇асмим̣ ж̇аванз ж̇авид̇з ча г̇авзсид̇аб̣б̣аанийд̇и.

    ‘Iṭṭhārammaṇe’ pana kaṅkhato uddhatassa ca tadārammaṇaṃ kiṃ hotīti? Iṭṭhārammaṇasmiṃ kaṅkhatu vā mā vā, uddhato vā hotu mā vā, kusalavipākāhetukasomanassacittameva tadārammaṇaṃ hoti, ‘iṭṭhamajjhattārammaṇe’ ‘kusalavipākāhetukaupekkhāsahagata’nti, ayaṃ panettha saṅkhepato atthadīpano mahādhammarakkhitattheravādo nāma. Somanassasahagatasmiñhi javane javite pañca tadārammaṇāni gavesitabbānīti. Upekkhāsahagatasmiṃ javane javite cha gavesitabbānīti.

    ат̇а яад̣̇аа соманассасахаг̇ад̇абадисанд̇хигасса бавад̇д̇з жхаанам̣ ниб̣б̣ад̇д̇зд̇ваа бамаад̣̇зна барихийнаж̇жхаанасса ‘бан̣ийд̇ад̇хаммо мз надто’д̇и бажжавзгкад̇о виббадисааравасзна д̣̇оманассам̣ уббаж̇ж̇ад̇и, д̇ад̣̇аа гим̣ уббаж̇ж̇ад̇и? ‘соманассаананд̇аран̃хи д̣̇оманассам̣ д̣̇оманассаананд̇аран̃жа соманассам̣’ бадтаанз бадисид̣̇д̇хам̣. махаг̇г̇ад̇ад̇хаммам̣ аараб̣бха ж̇аванз ж̇авид̇з д̇ад̣̇аарамман̣амби д̇ад̇т̇зва бадисид̣̇д̇ханд̇и? гусалавибаагаа ваа агусалавибаагаа ваа убзгкаасахаг̇ад̇аахзд̇угамановин̃н̃аан̣ад̇хаад̇у уббаж̇ж̇ад̇и , гимассаа ааваж̇ж̇ананд̇и? ‘бхаван̇г̇ааваж̇ж̇анаанам̣ вияа над̇т̇ассаа ааваж̇ж̇анагижжа’нд̇и. ‘зд̇аани д̇аава ад̇д̇ано ниннад̇д̇аа жа жин̣н̣ад̇д̇аа жа самуд̣̇аажаарад̇д̇аа жа уббаж̇ж̇анд̇у, аяам̣ гат̇ам̣ уббаж̇ж̇ад̇ий’д̇и? ‘яат̇аа нирод̇хасса ананд̇арабажжаяам̣ нзвасан̃н̃аанаасан̃н̃ааяад̇анам̣, нирод̇хаа вудтаханд̇асса паласамаабад̇д̇ижид̇д̇ам̣, арияамаг̇г̇ажид̇д̇ам̣, маг̇г̇аананд̇араани палажид̇д̇аани, звам̣ асанд̇зби ааваж̇ж̇анз, ниннажин̣н̣асамуд̣̇аажаарабхаавзна уббаж̇ж̇ад̇и. винаа хи ааваж̇ж̇анзна жид̇д̇ам̣ уббаж̇ж̇ад̇и, аарамман̣зна бана винаа нуббаж̇ж̇ад̇ий’д̇и. ‘ат̇а гимассаарамман̣а’нд̇и? ‘руубаад̣̇ийсу барид̇д̇ад̇хаммзсу ан̃н̃ад̇арам̣. зд̇зсу хи яад̣̇зва д̇асмим̣ самаяз аабаат̇амааг̇ад̇ам̣ ход̇и, д̇ам̣ аараб̣бха зд̇ам̣ жид̇д̇ам̣ уббаж̇ж̇ад̇ий’д̇и взд̣̇ид̇аб̣б̣ам̣.

    Atha yadā somanassasahagatapaṭisandhikassa pavatte jhānaṃ nibbattetvā pamādena parihīnajjhānassa ‘paṇītadhammo me naṭṭho’ti paccavekkhato vippaṭisāravasena domanassaṃ uppajjati, tadā kiṃ uppajjati? ‘Somanassānantarañhi domanassaṃ domanassānantarañca somanassaṃ’ paṭṭhāne paṭisiddhaṃ. Mahaggatadhammaṃ ārabbha javane javite tadārammaṇampi tattheva paṭisiddhanti? Kusalavipākā vā akusalavipākā vā upekkhāsahagatāhetukamanoviññāṇadhātu uppajjati , kimassā āvajjananti? ‘Bhavaṅgāvajjanānaṃ viya natthassā āvajjanakicca’nti. ‘Etāni tāva attano ninnattā ca ciṇṇattā ca samudācārattā ca uppajjantu, ayaṃ kathaṃ uppajjatī’ti? ‘Yathā nirodhassa anantarapaccayaṃ nevasaññānāsaññāyatanaṃ, nirodhā vuṭṭhahantassa phalasamāpatticittaṃ, ariyamaggacittaṃ, maggānantarāni phalacittāni, evaṃ asantepi āvajjane, ninnaciṇṇasamudācārabhāvena uppajjati. Vinā hi āvajjanena cittaṃ uppajjati, ārammaṇena pana vinā nuppajjatī’ti. ‘Atha kimassārammaṇa’nti? ‘Rūpādīsu parittadhammesu aññataraṃ. Etesu hi yadeva tasmiṃ samaye āpāthamāgataṃ hoti, taṃ ārabbha etaṃ cittaṃ uppajjatī’ti veditabbaṃ.

    ид̣̇аани саб̣б̣зсамби зд̇зсам̣ жид̇д̇аанам̣ баагадабхаавад̇т̇ам̣ аяам̣ багин̣н̣аганаяо вуд̇д̇о –

    Idāni sabbesampi etesaṃ cittānaṃ pākaṭabhāvatthaṃ ayaṃ pakiṇṇakanayo vutto –

    суд̇д̇ам̣ д̣̇оваариго жа, г̇аамилло амб̣о голияагзна жа;

    Suttaṃ dovāriko ca, gāmillo ambo koliyakena ca;

    ж̇ажжанд̇хо бийтасаббий жа, висаяаг̇г̇аахо жа убаниссаяамад̇т̇асод̇и.

    Jaccandho pīṭhasappī ca, visayaggāho ca upanissayamatthasoti.

    д̇ад̇т̇а ‘суд̇д̇а’нд̇и, зго бант̇амаггадаго бан̃жасу д̣̇исаасу суд̇д̇ам̣ басаарзд̇ваа ж̇аалам̣ гад̇ваа маж̇жхз нибаж̇ж̇ад̇и. батамад̣̇исааяа басаарид̇асуд̇д̇з баан̣агзна ваа бадан̇г̇зна ваа магкигааяа ваа бахадз нибаннадтаанад̇о жалид̇ваа нигкамид̇ваа суд̇д̇аанусаарзна г̇анд̇ваа д̇асса яуусам̣ бивид̇ваа бунаааг̇анд̇ваа д̇ад̇т̇зва нибаж̇ж̇ад̇и. д̣̇уд̇ияад̣̇исаад̣̇ийсу бахадагаалзби звамзва гарод̇и.

    Tattha ‘sutta’nti, eko panthamakkaṭako pañcasu disāsu suttaṃ pasāretvā jālaṃ katvā majjhe nipajjati. Paṭhamadisāya pasāritasutte pāṇakena vā paṭaṅgena vā makkhikāya vā pahaṭe nipannaṭṭhānato calitvā nikkhamitvā suttānusārena gantvā tassa yūsaṃ pivitvā punaāgantvā tattheva nipajjati. Dutiyadisādīsu pahaṭakālepi evameva karoti.

    д̇ад̇т̇а бан̃жасу д̣̇исаасу басаарид̇асуд̇д̇ам̣ вияа бан̃жабасаад̣̇аа. маж̇жхз нибаннамаггадаго вияа жид̇д̇ам̣. баан̣агаад̣̇ийхи суд̇д̇агхадданагаало вияа аарамман̣зна басаад̣̇асса гхаддид̇агаало. маж̇жхз нибаннамаггадагасса жаланам̣ вияа басаад̣̇агхадданагам̣ аарамман̣ам̣ г̇ахзд̇ваа гирияаманод̇хаад̇уяаа бхаван̇г̇асса ааваддид̇агаало. суд̇д̇аанусаарзна г̇аманагаало вияа вийт̇ижид̇д̇аббавад̇д̇и. сийсз виж̇жхид̇ваа яуусабиванам̣ вияа ж̇аванасса аарамман̣з ж̇авид̇агаало. бунаааг̇анд̇ваа маж̇жхз нибаж̇ж̇анам̣ вияа жид̇д̇асса хад̣̇аяавад̇т̇умзва ниссааяа бавад̇д̇анам̣.

    Tattha pañcasu disāsu pasāritasuttaṃ viya pañcapasādā. Majjhe nipannamakkaṭako viya cittaṃ. Pāṇakādīhi suttaghaṭṭanakālo viya ārammaṇena pasādassa ghaṭṭitakālo. Majjhe nipannamakkaṭakassa calanaṃ viya pasādaghaṭṭanakaṃ ārammaṇaṃ gahetvā kiriyamanodhātuyā bhavaṅgassa āvaṭṭitakālo. Suttānusārena gamanakālo viya vīthicittappavatti. Sīse vijjhitvā yūsapivanaṃ viya javanassa ārammaṇe javitakālo. Punaāgantvā majjhe nipajjanaṃ viya cittassa hadayavatthumeva nissāya pavattanaṃ.

    ид̣̇ам̣ обаммам̣ гим̣ д̣̇ийбзд̇и? аарамман̣зна басаад̣̇з гхаддид̇з басаад̣̇авад̇т̇угажид̇д̇ад̇о хад̣̇аяаруубавад̇т̇угажид̇д̇ам̣ батамад̇арам̣ уббаж̇ж̇ад̇ийд̇и д̣̇ийбзд̇и. згзгам̣ аарамман̣ам̣ д̣̇вийсу д̣̇вийсу д̣̇ваарзсу аабаат̇амааг̇ажчад̇ийд̇иби.

    Idaṃ opammaṃ kiṃ dīpeti? Ārammaṇena pasāde ghaṭṭite pasādavatthukacittato hadayarūpavatthukacittaṃ paṭhamataraṃ uppajjatīti dīpeti. Ekekaṃ ārammaṇaṃ dvīsu dvīsu dvāresu āpāthamāgacchatītipi.

    ‘д̣̇оваариго’д̇и , зго рааж̇аа саяанаг̇ад̇о нид̣̇д̣̇ааяад̇и. д̇асса барижаараго баад̣̇з баримаж̇ж̇анд̇о нисийд̣̇и. б̣ад̇хирад̣̇оваариго д̣̇ваарз тид̇о. д̇аяо бадихаараа бадибаадияаа тид̇аа. ат̇зго бажжанд̇аваасий мануссо бан̣н̣аагаарам̣ аад̣̇ааяа ааг̇анд̇ваа д̣̇ваарам̣ аагодзси. б̣ад̇хирад̣̇оваариго сад̣̇д̣̇ам̣ на сун̣аад̇и. баад̣̇абаримаж̇ж̇аго сан̃н̃ам̣ ад̣̇ааси. д̇ааяа сан̃н̃ааяа д̣̇ваарам̣ виварид̇ваа басси. батамабадихааро бан̣н̣аагаарам̣ г̇ахзд̇ваа д̣̇уд̇ияасса ад̣̇ааси, д̣̇уд̇ияо д̇ад̇ияасса, д̇ад̇ияо ран̃н̃о. рааж̇аа барибхун̃ж̇и.

    ‘Dovāriko’ti , eko rājā sayanagato niddāyati. Tassa paricārako pāde parimajjanto nisīdi. Badhiradovāriko dvāre ṭhito. Tayo paṭihārā paṭipāṭiyā ṭhitā. Atheko paccantavāsī manusso paṇṇākāraṃ ādāya āgantvā dvāraṃ ākoṭesi. Badhiradovāriko saddaṃ na suṇāti. Pādaparimajjako saññaṃ adāsi. Tāya saññāya dvāraṃ vivaritvā passi. Paṭhamapaṭihāro paṇṇākāraṃ gahetvā dutiyassa adāsi, dutiyo tatiyassa, tatiyo rañño. Rājā paribhuñji.

    д̇ад̇т̇а со рааж̇аа вияа ж̇аванам̣ д̣̇адтаб̣б̣ам̣. баад̣̇абаримаж̇ж̇аго вияа ааваж̇ж̇анам̣. б̣ад̇хирад̣̇оваариго вияа жагкувин̃н̃аан̣ам̣. д̇аяо бадихаараа вияа самбадижчанаад̣̇ийни д̇ийн̣и вийт̇ижид̇д̇аани. бажжанд̇аваасино бан̣н̣аагаарам̣ аад̣̇ааяа ааг̇анд̇ваа д̣̇ваараагоданам̣ вияа аарамман̣асса басаад̣̇агхадданам̣. баад̣̇абаримаж̇ж̇агзна сан̃н̃ааяа д̣̇иннагаало вияа гирияаманод̇хаад̇уяаа бхаван̇г̇асса ааваддид̇агаало. д̇зна д̣̇иннасан̃н̃ааяа б̣ад̇хирад̣̇овааригасса д̣̇вааравиваран̣агаало вияа жагкувин̃н̃аан̣асса аарамман̣з д̣̇ассанагижжасаад̇ханагаало. батамабадихаарзна бан̣н̣аагаарасса г̇ахид̇агаало вияа вибаагаманод̇хаад̇уяаа аарамман̣асса самбадижчид̇агаало. батамзна д̣̇уд̇ияасса д̣̇иннагаало вияа вибаагамановин̃н̃аан̣ад̇хаад̇уяаа аарамман̣асса санд̇ийран̣агаало. д̣̇уд̇иязна д̇ад̇ияасса д̣̇иннагаало вияа гирияамановин̃н̃аан̣ад̇хаад̇уяаа аарамман̣асса вавад̇т̇аабид̇агаало. д̇ад̇иязна ран̃н̃о д̣̇иннагаало вияа водтаб̣б̣анзна ж̇аванасса нияяаад̣̇ид̇агаало. ран̃н̃о барибхог̇агаало вияа ж̇аванасса аарамман̣арасаанубхаванагаало.

    Tattha so rājā viya javanaṃ daṭṭhabbaṃ. Pādaparimajjako viya āvajjanaṃ. Badhiradovāriko viya cakkhuviññāṇaṃ. Tayo paṭihārā viya sampaṭicchanādīni tīṇi vīthicittāni. Paccantavāsino paṇṇākāraṃ ādāya āgantvā dvārākoṭanaṃ viya ārammaṇassa pasādaghaṭṭanaṃ. Pādaparimajjakena saññāya dinnakālo viya kiriyamanodhātuyā bhavaṅgassa āvaṭṭitakālo. Tena dinnasaññāya badhiradovārikassa dvāravivaraṇakālo viya cakkhuviññāṇassa ārammaṇe dassanakiccasādhanakālo. Paṭhamapaṭihārena paṇṇākārassa gahitakālo viya vipākamanodhātuyā ārammaṇassa sampaṭicchitakālo. Paṭhamena dutiyassa dinnakālo viya vipākamanoviññāṇadhātuyā ārammaṇassa santīraṇakālo. Dutiyena tatiyassa dinnakālo viya kiriyamanoviññāṇadhātuyā ārammaṇassa vavatthāpitakālo. Tatiyena rañño dinnakālo viya voṭṭhabbanena javanassa niyyāditakālo. Rañño paribhogakālo viya javanassa ārammaṇarasānubhavanakālo.

    ид̣̇ам̣ обаммам̣ гим̣ д̣̇ийбзд̇и? аарамман̣асса басаад̣̇агхаддамад̇д̇анамзва гижжам̣, гирияаманод̇хаад̇уяаа бхаван̇г̇аавадданамад̇д̇амзва, жагкувин̃н̃аан̣аад̣̇ийнам̣ д̣̇ассанасамбадижчанасанд̇ийран̣ававад̇т̇аабанамад̇д̇аанзва гижжаани. зганд̇зна бана ж̇аванамзва аарамман̣арасам̣ анубход̇ийд̇и д̣̇ийбзд̇и.

    Idaṃ opammaṃ kiṃ dīpeti? Ārammaṇassa pasādaghaṭṭamattanameva kiccaṃ, kiriyamanodhātuyā bhavaṅgāvaṭṭanamattameva, cakkhuviññāṇādīnaṃ dassanasampaṭicchanasantīraṇavavatthāpanamattāneva kiccāni. Ekantena pana javanameva ārammaṇarasaṃ anubhotīti dīpeti.

    ‘г̇аамилло’д̇и , самб̣ахулаа г̇аамад̣̇аарагаа анд̇аравийт̇ияам̣ бам̣сугийл̣ам̣ гийл̣анд̇и. д̇ад̇т̇згасса хад̇т̇з гахаабан̣о бадихан̃н̃и. со ‘маяхам̣ хад̇т̇з бадихад̇ам̣, гим̣ ну ко зд̇а’нд̇и ааха. ат̇зго ‘бан̣д̣арам̣ зд̇а’нд̇и ааха. абаро саха бам̣сунаа г̇аал̣хам̣ г̇ан̣хи. ан̃н̃о ‘бут̇улам̣ жад̇урассам̣ зд̇а’нд̇и ааха. абаро ‘гахаабан̣о зсо’д̇и ааха. ат̇а нам̣ аахарид̇ваа маад̇у ад̣̇ааси. саа гаммз убанзси.

    ‘Gāmillo’ti , sambahulā gāmadārakā antaravīthiyaṃ paṃsukīḷaṃ kīḷanti. Tatthekassa hatthe kahāpaṇo paṭihaññi. So ‘mayhaṃ hatthe paṭihataṃ, kiṃ nu kho eta’nti āha. Atheko ‘paṇḍaraṃ eta’nti āha. Aparo saha paṃsunā gāḷhaṃ gaṇhi. Añño ‘puthulaṃ caturassaṃ eta’nti āha. Aparo ‘kahāpaṇo eso’ti āha. Atha naṃ āharitvā mātu adāsi. Sā kamme upanesi.

    д̇ад̇т̇а самб̣ахулаанам̣ д̣̇аарагаанам̣ анд̇аравийт̇ияам̣ гийл̣анд̇аанам̣ нисиннагаало вияа бхаван̇г̇ажид̇д̇аббавад̇д̇и д̣̇адтаб̣б̣аа. гахаабан̣асса хад̇т̇з бадихад̇агаало вияа аарамман̣зна басаад̣̇асса гхаддид̇агаало. ‘гим̣ ну ко зд̇а’нд̇и вуд̇д̇агаало вияа д̇ам̣ аарамман̣ам̣ г̇ахзд̇ваа гирияаманод̇хаад̇уяаа бхаван̇г̇асса ааваддид̇агаало. ‘бан̣д̣арам̣ зд̇а’нд̇и вуд̇д̇агаало вияа жагкувин̃н̃аан̣зна д̣̇ассанагижжасса саад̇хид̇агаало. саха бам̣сунаа г̇аал̣хам̣ г̇ахид̇агаало вияа вибаагаманод̇хаад̇уяаа аарамман̣асса самбадижчид̇агаало. ‘бут̇улам̣ жад̇урассам̣ зд̇а’нд̇и вуд̇д̇агаало вияа вибаагамановин̃н̃аан̣ад̇хаад̇уяаа аарамман̣асса санд̇ийран̣агаало. ‘зсо гахаабан̣о’д̇и вуд̇д̇агаало вияа гирияамановин̃н̃аан̣ад̇хаад̇уяаа аарамман̣асса вавад̇т̇аабид̇агаало. маад̇араа гаммз убанийд̇агаало вияа ж̇аванасса аарамман̣арасаанубхаванам̣ взд̣̇ид̇аб̣б̣ам̣.

    Tattha sambahulānaṃ dārakānaṃ antaravīthiyaṃ kīḷantānaṃ nisinnakālo viya bhavaṅgacittappavatti daṭṭhabbā. Kahāpaṇassa hatthe paṭihatakālo viya ārammaṇena pasādassa ghaṭṭitakālo. ‘Kiṃ nu kho eta’nti vuttakālo viya taṃ ārammaṇaṃ gahetvā kiriyamanodhātuyā bhavaṅgassa āvaṭṭitakālo. ‘Paṇḍaraṃ eta’nti vuttakālo viya cakkhuviññāṇena dassanakiccassa sādhitakālo. Saha paṃsunā gāḷhaṃ gahitakālo viya vipākamanodhātuyā ārammaṇassa sampaṭicchitakālo. ‘Puthulaṃ caturassaṃ eta’nti vuttakālo viya vipākamanoviññāṇadhātuyā ārammaṇassa santīraṇakālo. ‘Eso kahāpaṇo’ti vuttakālo viya kiriyamanoviññāṇadhātuyā ārammaṇassa vavatthāpitakālo. Mātarā kamme upanītakālo viya javanassa ārammaṇarasānubhavanaṃ veditabbaṃ.

    ид̣̇ам̣ обаммам̣ гим̣ д̣̇ийбзд̇и? гирияаманод̇хаад̇у ад̣̇исваава бхаван̇г̇ам̣ ааваддзд̇и, вибаагаманод̇хаад̇у ад̣̇исваава самбадижчад̇и, вибаагамановин̃н̃аан̣ад̇хаад̇у ад̣̇исваава санд̇ийрзд̇и, гирияамановин̃н̃аан̣ад̇хаад̇у ад̣̇исваава вавад̇т̇аабзд̇и, ж̇аванам̣ ад̣̇исваава аарамман̣арасам̣ анубход̇и. зганд̇зна бана жагкувин̃н̃аан̣амзва д̣̇ассанагижжам̣ саад̇хзд̇ийд̇и д̣̇ийбзд̇и.

    Idaṃ opammaṃ kiṃ dīpeti? Kiriyamanodhātu adisvāva bhavaṅgaṃ āvaṭṭeti, vipākamanodhātu adisvāva sampaṭicchati, vipākamanoviññāṇadhātu adisvāva santīreti, kiriyamanoviññāṇadhātu adisvāva vavatthāpeti, javanaṃ adisvāva ārammaṇarasaṃ anubhoti. Ekantena pana cakkhuviññāṇameva dassanakiccaṃ sādhetīti dīpeti.

    ‘амб̣о голияагзна жаа’д̇и, ид̣̇ам̣ хздтаа вуд̇д̇ам̣ амб̣обаман̃жа ужчусаалаасаамигобаман̃жа санд̇хааяа вуд̇д̇ам̣.

    ‘Ambo koliyakena cā’ti, idaṃ heṭṭhā vuttaṃ ambopamañca ucchusālāsāmikopamañca sandhāya vuttaṃ.

    ‘ж̇ажжанд̇хо бийтасаббий жаа’д̇и, убхоби гира д̇з наг̇арад̣̇ваарз саалааяам̣ нисийд̣̇им̣су. д̇ад̇т̇а бийтасаббий ааха – ‘бхо анд̇хага, гасмаа д̇вам̣ ид̇ха суссамаано вижараси, асуго бад̣̇зсо субхигко б̣ахваннабаано, гим̣ д̇ад̇т̇а г̇анд̇ваа сукзна ж̇ийвид̇ум̣ на ваддад̇ий’д̇и? ‘маяхам̣ д̇аава д̇аяаа аажигкид̇ам̣, д̇уяхам̣ бана д̇ад̇т̇а г̇анд̇ваа сукзна ж̇ийвид̇ум̣ гим̣ на ваддад̇ий’д̇и? ‘маяхам̣ г̇анд̇ум̣ баад̣̇аа над̇т̇ий’д̇и. ‘маяхамби бассид̇ум̣ жагкууни над̇т̇ий’д̇и. ‘яад̣̇и звам̣, д̇ава баад̣̇аа хонд̇у, мама жагкууний’д̇и убхоби ‘саад̇хуу’д̇и самбадижчид̇ваа ж̇ажжанд̇хо бийтасаббим̣ канд̇хам̣ ааробзси. со д̇асса канд̇хз нисийд̣̇ид̇ваа ваамахад̇т̇знасса сийсам̣ баригкибид̇ваа д̣̇агкин̣ахад̇т̇зна ‘имасмим̣ таанз муулам̣ ааварид̇ваа тид̇ам̣, имасмим̣ баасаан̣о, ваамам̣ мун̃жа д̣̇агкин̣ам̣ г̇ан̣ха, д̣̇агкин̣ам̣ мун̃жа ваамам̣ г̇ан̣хаа’д̇и маг̇г̇ам̣ нияамзд̇ваа аажигкад̇и. звам̣ ж̇ажжанд̇хасса баад̣̇аа бийтасаббисса жагкуунийд̇и убхоби самбаяог̇зна ижчид̇адтаанам̣ г̇анд̇ваа сукзна ж̇ийвим̣су.

    ‘Jaccandho pīṭhasappī cā’ti, ubhopi kira te nagaradvāre sālāyaṃ nisīdiṃsu. Tattha pīṭhasappī āha – ‘bho andhaka, kasmā tvaṃ idha sussamāno vicarasi, asuko padeso subhikkho bahvannapāno, kiṃ tattha gantvā sukhena jīvituṃ na vaṭṭatī’ti? ‘Mayhaṃ tāva tayā ācikkhitaṃ, tuyhaṃ pana tattha gantvā sukhena jīvituṃ kiṃ na vaṭṭatī’ti? ‘Mayhaṃ gantuṃ pādā natthī’ti. ‘Mayhampi passituṃ cakkhūni natthī’ti. ‘Yadi evaṃ, tava pādā hontu, mama cakkhūnī’ti ubhopi ‘sādhū’ti sampaṭicchitvā jaccandho pīṭhasappiṃ khandhaṃ āropesi. So tassa khandhe nisīditvā vāmahatthenassa sīsaṃ parikkhipitvā dakkhiṇahatthena ‘imasmiṃ ṭhāne mūlaṃ āvaritvā ṭhitaṃ, imasmiṃ pāsāṇo, vāmaṃ muñca dakkhiṇaṃ gaṇha, dakkhiṇaṃ muñca vāmaṃ gaṇhā’ti maggaṃ niyametvā ācikkhati. Evaṃ jaccandhassa pādā pīṭhasappissa cakkhūnīti ubhopi sampayogena icchitaṭṭhānaṃ gantvā sukhena jīviṃsu.

    д̇ад̇т̇а ж̇ажжанд̇хо вияа руубагааяо, бийтасаббий вияа аруубагааяо. бийтасаббинаа винаа ж̇ажжанд̇хасса д̣̇исам̣ г̇анд̇ум̣ г̇аманаабхисан̇каарасса аниб̣б̣ад̇д̇ид̇агаало вияа руубасса аруубзна винаа аад̣̇аанаг̇ахан̣ажобанам̣ баабзд̇ум̣ асамад̇т̇ад̇аа. ж̇ажжанд̇хзна винаа бийтасаббисса д̣̇исам̣ г̇анд̇ум̣ г̇аманаабхисан̇каарасса аббавад̇д̇анам̣ вияа бан̃жавогаарз руубам̣, винаа аруубасса аббавад̇д̇и. д̣̇виннамби самбаяог̇зна ижчид̇адтаанам̣ г̇анд̇ваа сукзна ж̇ийвид̇агаало вияа руубааруубад̇хаммаанам̣ ан̃н̃аман̃н̃аяог̇зна саб̣б̣агижжзсу бавад̇д̇исамбхаавод̇и. аяам̣ бан̃хо бан̃жавогаарабхававасзна гат̇ид̇о.

    Tattha jaccandho viya rūpakāyo, pīṭhasappī viya arūpakāyo. Pīṭhasappinā vinā jaccandhassa disaṃ gantuṃ gamanābhisaṅkhārassa anibbattitakālo viya rūpassa arūpena vinā ādānagahaṇacopanaṃ pāpetuṃ asamatthatā. Jaccandhena vinā pīṭhasappissa disaṃ gantuṃ gamanābhisaṅkhārassa appavattanaṃ viya pañcavokāre rūpaṃ, vinā arūpassa appavatti. Dvinnampi sampayogena icchitaṭṭhānaṃ gantvā sukhena jīvitakālo viya rūpārūpadhammānaṃ aññamaññayogena sabbakiccesu pavattisambhāvoti. Ayaṃ pañho pañcavokārabhavavasena kathito.

    ‘висаяаг̇г̇аахо’ жаад̇и, жагку руубависаяам̣ г̇ан̣хаад̇и. сод̇аад̣̇ийни сад̣̇д̣̇аад̣̇ивисаяз.

    ‘Visayaggāho’ cāti, cakkhu rūpavisayaṃ gaṇhāti. Sotādīni saddādivisaye.

    ‘убаниссаяамад̇т̇асо’д̇и, ‘убаниссаяад̇о’ жа ‘ад̇т̇ад̇о’ жа. д̇ад̇т̇а асамбхиннад̇д̇аа жагкусса, аабаат̇аг̇ад̇ад̇д̇аа руубаанам̣, аалогасанниссид̇ам̣, манасигаарахзд̇угам̣ жад̇уухи бажжаязхи уббаж̇ж̇ад̇и жагкувин̃н̃аан̣ам̣, сад̣̇д̇хим̣ самбаяуд̇д̇ад̇хаммзхи. д̇ад̇т̇а мад̇ассааби жагку самбхиннам̣ ход̇и. ж̇ийвад̇о нируд̣̇д̇хамби, бид̇д̇зна ваа сзмхзна ваа рухирзна ваа балиб̣уд̣̇д̇хамби, жагкувин̃н̃аан̣асса бажжаяо бхавид̇ум̣ асаггонд̇ам̣ ‘самбхиннам̣’ наама ход̇и. саггонд̇ам̣ асамбхиннам̣ наама. сод̇аад̣̇ийсуби зсзва наяо. жагкусмим̣ бана асамбхиннзби б̣ахид̣̇д̇хаа руубаарамман̣з аабаат̇ам̣ анааг̇ажчанд̇з жагкувин̃н̃аан̣ам̣ нуббаж̇ж̇ад̇и. д̇асмим̣ бана аабаат̇ам̣ ааг̇ажчанд̇зби аалогасанниссаяз асад̇и нуббаж̇ж̇ад̇и. д̇асмим̣ санд̇зби гирияаманод̇хаад̇уяаа бхаван̇г̇з анааваддид̇з нуббаж̇ж̇ад̇и. ааваддид̇зязва уббаж̇ж̇ад̇и. звам̣ уббаж̇ж̇амаанам̣ самбаяуд̇д̇ад̇хаммзхи сад̣̇д̇хим̣язва уббаж̇ж̇ад̇и. ид̇и имз жад̇д̇ааро бажжаяз лабхид̇ваа уббаж̇ж̇ад̇и жагкувин̃н̃аан̣ам̣ (ма. ни. 1.306 т̇огам̣ висад̣̇исам̣).

    ‘Upanissayamatthaso’ti, ‘upanissayato’ ca ‘atthato’ ca. Tattha asambhinnattā cakkhussa, āpāthagatattā rūpānaṃ, ālokasannissitaṃ, manasikārahetukaṃ catūhi paccayehi uppajjati cakkhuviññāṇaṃ, saddhiṃ sampayuttadhammehi. Tattha matassāpi cakkhu sambhinnaṃ hoti. Jīvato niruddhampi, pittena vā semhena vā ruhirena vā palibuddhampi, cakkhuviññāṇassa paccayo bhavituṃ asakkontaṃ ‘sambhinnaṃ’ nāma hoti. Sakkontaṃ asambhinnaṃ nāma. Sotādīsupi eseva nayo. Cakkhusmiṃ pana asambhinnepi bahiddhā rūpārammaṇe āpāthaṃ anāgacchante cakkhuviññāṇaṃ nuppajjati. Tasmiṃ pana āpāthaṃ āgacchantepi ālokasannissaye asati nuppajjati. Tasmiṃ santepi kiriyamanodhātuyā bhavaṅge anāvaṭṭite nuppajjati. Āvaṭṭiteyeva uppajjati. Evaṃ uppajjamānaṃ sampayuttadhammehi saddhiṃyeva uppajjati. Iti ime cattāro paccaye labhitvā uppajjati cakkhuviññāṇaṃ (ma. ni. 1.306 thokaṃ visadisaṃ).

    асамбхиннад̇д̇аа сод̇асса, аабаат̇аг̇ад̇ад̇д̇аа сад̣̇д̣̇аанам̣, аагаасасанниссид̇ам̣, манасигаарахзд̇угам̣ жад̇уухи бажжаязхи уббаж̇ж̇ад̇и сод̇авин̃н̃аан̣ам̣, сад̣̇д̇хим̣ самбаяуд̇д̇ад̇хаммзхи. д̇ад̇т̇а ‘аагаасасанниссид̇а’нд̇и аагаасасанниссаяам̣ лад̣̇д̇хаава уббаж̇ж̇ад̇и, на винаа д̇зна. на хи бихид̇аган̣н̣ажчид̣̇д̣̇асса сод̇авин̃н̃аан̣ам̣ бавад̇д̇ад̇и. сзсам̣ буриманаязнзва взд̣̇ид̇аб̣б̣ам̣. яат̇аа жзд̇т̇а звам̣ ид̇о барзсуби. висзсамад̇д̇ам̣ бана вагкаама.

    Asambhinnattā sotassa, āpāthagatattā saddānaṃ, ākāsasannissitaṃ, manasikārahetukaṃ catūhi paccayehi uppajjati sotaviññāṇaṃ, saddhiṃ sampayuttadhammehi. Tattha ‘ākāsasannissita’nti ākāsasannissayaṃ laddhāva uppajjati, na vinā tena. Na hi pihitakaṇṇacchiddassa sotaviññāṇaṃ pavattati. Sesaṃ purimanayeneva veditabbaṃ. Yathā cettha evaṃ ito paresupi. Visesamattaṃ pana vakkhāma.

    асамбхиннад̇д̇аа гхаанасса, аабаат̇аг̇ад̇ад̇д̇аа г̇анд̇хаанам̣, вааяосанниссид̇ам̣, манасигаарахзд̇угам̣ жад̇уухи бажжаязхи уббаж̇ж̇ад̇и гхаанавин̃н̃аан̣ам̣ , сад̣̇д̇хим̣ самбаяуд̇д̇ад̇хаммзхи. д̇ад̇т̇а ‘вааяосанниссид̇а’нд̇и гхаанаб̣илам̣ вааяумхи бависанд̇зязва уббаж̇ж̇ад̇и, д̇асмим̣ асад̇и нуббаж̇ж̇ад̇ийд̇и ад̇т̇о.

    Asambhinnattā ghānassa, āpāthagatattā gandhānaṃ, vāyosannissitaṃ, manasikārahetukaṃ catūhi paccayehi uppajjati ghānaviññāṇaṃ , saddhiṃ sampayuttadhammehi. Tattha ‘vāyosannissita’nti ghānabilaṃ vāyumhi pavisanteyeva uppajjati, tasmiṃ asati nuppajjatīti attho.

    асамбхиннад̇д̇аа ж̇ивхааяа, аабаат̇аг̇ад̇ад̇д̇аа расаанам̣, аабосанниссид̇ам̣, манасигаарахзд̇угам̣ жад̇уухи бажжаязхи уббаж̇ж̇ад̇и ж̇ивхаавин̃н̃аан̣ам̣, сад̣̇д̇хим̣ самбаяуд̇д̇ад̇хаммзхи. д̇ад̇т̇а ‘аабосанниссид̇а’нд̇и ж̇ивхаад̇зманам̣ аабам̣ лад̣̇д̇хаава уббаж̇ж̇ад̇и, на винаа д̇зна. сугкаж̇ивхаанан̃хи сугкакаад̣̇анийяз ж̇ивхааяа табид̇зби ж̇ивхаавин̃н̃аан̣ам̣ нуббаж̇ж̇ад̇зва.

    Asambhinnattā jivhāya, āpāthagatattā rasānaṃ, āposannissitaṃ, manasikārahetukaṃ catūhi paccayehi uppajjati jivhāviññāṇaṃ, saddhiṃ sampayuttadhammehi. Tattha ‘āposannissita’nti jivhātemanaṃ āpaṃ laddhāva uppajjati, na vinā tena. Sukkhajivhānañhi sukkhakhādanīye jivhāya ṭhapitepi jivhāviññāṇaṃ nuppajjateva.

    асамбхиннад̇д̇аа гааяасса, аабаат̇аг̇ад̇ад̇д̇аа подтаб̣б̣аанам̣, бат̇ависанниссид̇ам̣, манасигаарахзд̇угам̣ жад̇уухи бажжаязхи уббаж̇ж̇ад̇и гааяавин̃н̃аан̣ам̣, сад̣̇д̇хим̣ самбаяуд̇д̇ад̇хаммзхи. д̇ад̇т̇а ‘бат̇ависанниссид̇а’нд̇и гааяабасаад̣̇абажжаяам̣ бат̇ависанниссаяам̣ лад̣̇д̇хаава уббаж̇ж̇ад̇и, на д̇зна винаа. гааяад̣̇ваарасмин̃хи б̣ахид̣̇д̇хаамахаабхууд̇аарамман̣ам̣ аж̇жхад̇д̇игам̣ гааяабасаад̣̇ам̣ гхаддзд̇ваа басаад̣̇абажжаязсу махаабхууд̇зсу бадихан̃н̃ад̇и.

    Asambhinnattā kāyassa, āpāthagatattā phoṭṭhabbānaṃ, pathavisannissitaṃ, manasikārahetukaṃ catūhi paccayehi uppajjati kāyaviññāṇaṃ, saddhiṃ sampayuttadhammehi. Tattha ‘pathavisannissita’nti kāyapasādapaccayaṃ pathavisannissayaṃ laddhāva uppajjati, na tena vinā. Kāyadvārasmiñhi bahiddhāmahābhūtārammaṇaṃ ajjhattikaṃ kāyapasādaṃ ghaṭṭetvā pasādapaccayesu mahābhūtesu paṭihaññati.

    асамбхиннад̇д̇аа манасса, аабаат̇аг̇ад̇ад̇д̇аа д̇хаммаанам̣, вад̇т̇усанниссид̇ам̣, манасигаарахзд̇угам̣ жад̇уухи бажжаязхи уббаж̇ж̇ад̇и мановин̃н̃аан̣ам̣, сад̣̇д̇хим̣ самбаяуд̇д̇ад̇хаммзхи. д̇ад̇т̇а ‘мано’д̇и бхаван̇г̇ажид̇д̇ам̣. д̇ам̣ нируд̣̇д̇хамби, ааваж̇ж̇анажид̇д̇асса бажжаяо бхавид̇ум̣ асамад̇т̇ам̣ манд̣̇ат̇аамаг̇ад̇амзва бавад̇д̇амаанамби, самбхиннам̣ наама ход̇и. ааваж̇ж̇анасса бана бажжаяо бхавид̇ум̣ самад̇т̇ам̣ асамбхиннам̣ наама. ‘аабаат̇аг̇ад̇ад̇д̇аа д̇хаммаана’нд̇и д̇хаммаарамман̣з аабаат̇аг̇ад̇з. ‘вад̇т̇усанниссид̇а’нд̇и хад̣̇аяавад̇т̇усанниссаяам̣ лад̣̇д̇хаава уббаж̇ж̇ад̇и, на д̇зна винаа. аяамби бан̃хо бан̃жавогаарабхавам̣ санд̇хааяа гат̇ид̇о. ‘манасигаарахзд̇уга’нд̇и гирияамановин̃н̃аан̣ад̇хаад̇уяаа бхаван̇г̇з ааваддид̇зязва уббаж̇ж̇ад̇ийд̇и ад̇т̇о. аяам̣ д̇аава ‘убаниссаяамад̇т̇асо’д̇и зд̇т̇а убаниссаяаван̣н̣анаа.

    Asambhinnattā manassa, āpāthagatattā dhammānaṃ, vatthusannissitaṃ, manasikārahetukaṃ catūhi paccayehi uppajjati manoviññāṇaṃ, saddhiṃ sampayuttadhammehi. Tattha ‘mano’ti bhavaṅgacittaṃ. Taṃ niruddhampi, āvajjanacittassa paccayo bhavituṃ asamatthaṃ mandathāmagatameva pavattamānampi, sambhinnaṃ nāma hoti. Āvajjanassa pana paccayo bhavituṃ samatthaṃ asambhinnaṃ nāma. ‘Āpāthagatattā dhammāna’nti dhammārammaṇe āpāthagate. ‘Vatthusannissita’nti hadayavatthusannissayaṃ laddhāva uppajjati, na tena vinā. Ayampi pañho pañcavokārabhavaṃ sandhāya kathito. ‘Manasikārahetuka’nti kiriyamanoviññāṇadhātuyā bhavaṅge āvaṭṭiteyeva uppajjatīti attho. Ayaṃ tāva ‘upanissayamatthaso’ti ettha upanissayavaṇṇanā.

    ‘ад̇т̇ад̇о’ бана жагку д̣̇ассанад̇т̇ам̣, сод̇ам̣ саванад̇т̇ам̣, гхаанам̣ гхааяанад̇т̇ам̣, ж̇ивхаа сааяанад̇т̇аа, гааяо пусанад̇т̇о , мано виж̇аананад̇т̇о. д̇ад̇т̇а д̣̇ассанам̣ ад̇т̇о асса. д̇ан̃хи д̇зна нибпаад̣̇зд̇аб̣б̣анд̇и д̣̇ассанад̇т̇ам̣. сзсзсуби зсзва наяо. зд̇д̇аавад̇аа д̇ибидагажуул̣анааг̇ад̇т̇зраваад̣̇з сол̣асагамаг̇г̇о нидтид̇о, сад̣̇д̇хим̣ д̣̇ваад̣̇асагамаг̇г̇зна жзва ахзд̇угадтагзна жаад̇и.

    ‘Atthato’ pana cakkhu dassanatthaṃ, sotaṃ savanatthaṃ, ghānaṃ ghāyanatthaṃ, jivhā sāyanatthā, kāyo phusanattho , mano vijānanattho. Tattha dassanaṃ attho assa. Tañhi tena nipphādetabbanti dassanatthaṃ. Sesesupi eseva nayo. Ettāvatā tipiṭakacūḷanāgattheravāde soḷasakamaggo niṭṭhito, saddhiṃ dvādasakamaggena ceva ahetukaṭṭhakena cāti.

    ид̣̇аани мораваабийваасиймахаад̣̇ад̇д̇ад̇т̇зраваад̣̇з д̣̇ваад̣̇асагамаг̇г̇агат̇аа ход̇и. д̇ад̇т̇а саагзд̇абан̃хауссад̣̇агид̇д̇анахзд̇угид̇д̇анаани баагад̇игаанзва. аяам̣ бана т̇зро асан̇кааригасасан̇кааригзсу д̣̇осам̣ д̣̇исваа ‘асан̇кааригам̣ асан̇кааригамзва вибаагам̣ д̣̇зд̇и, но сасан̇кааригам̣; сасан̇кааригамби сасан̇кааригамзва но асан̇каарига’нд̇и ааха. ж̇аванзна жзса жид̇д̇анияаамам̣ на гат̇зд̇и. аарамман̣зна бана взд̣̇анаанияаамам̣ гат̇зд̇и. д̇знасса вибаагуд̣̇д̇хаарз д̣̇ваад̣̇асагамаг̇г̇о наама ж̇аад̇о. д̣̇асагамаг̇г̇оби, ахзд̇угадтагамби зд̇т̇зва бавидтам̣.

    Idāni moravāpīvāsīmahādattattheravāde dvādasakamaggakathā hoti. Tattha sāketapañhaussadakittanahetukittanāni pākatikāneva. Ayaṃ pana thero asaṅkhārikasasaṅkhārikesu dosaṃ disvā ‘asaṅkhārikaṃ asaṅkhārikameva vipākaṃ deti, no sasaṅkhārikaṃ; sasaṅkhārikampi sasaṅkhārikameva no asaṅkhārika’nti āha. Javanena cesa cittaniyāmaṃ na katheti. Ārammaṇena pana vedanāniyāmaṃ katheti. Tenassa vipākuddhāre dvādasakamaggo nāma jāto. Dasakamaggopi, ahetukaṭṭhakampi ettheva paviṭṭhaṃ.

    д̇ад̇рааяам̣ наяо – соманассасахаг̇ад̇ад̇ихзд̇угаасан̇кааригажид̇д̇зна хи гаммз ааяуухид̇з д̇аад̣̇исзнзва вибаагажид̇д̇зна г̇ахид̇абадисанд̇хигасса вуд̣дхиббад̇д̇асса жагкуд̣̇ваарз ‘идтаарамман̣з’ аабаат̇аг̇ад̇з хздтаа вуд̇д̇анаязнзва д̇аяо могхаваараа хонд̇и. д̇асса гусалад̇о жад̇д̇аари соманассасахаг̇ад̇аани, агусалад̇о жад̇д̇аари, гирияад̇о бан̃жаад̇и имзсам̣ д̇зрасаннам̣ жид̇д̇аанам̣ ан̃н̃ад̇арзна ж̇авид̇абарияосаанз д̇ад̣̇аарамман̣ам̣ бад̇идтахамаанам̣ соманассасахаг̇ад̇аасан̇кааригад̇ихзд̇угажид̇д̇амби д̣̇ухзд̇угажид̇д̇амби бад̇идтаад̇и. звамасса жагкуд̣̇ваарз жагкувин̃н̃аан̣аад̣̇ийни д̇ийн̣и, д̇ад̣̇аарамман̣аани д̣̇взд̇и, бан̃жа г̇ан̣ануубаг̇ажид̇д̇аани хонд̇и.

    Tatrāyaṃ nayo – somanassasahagatatihetukaasaṅkhārikacittena hi kamme āyūhite tādiseneva vipākacittena gahitapaṭisandhikassa vuḍḍhippattassa cakkhudvāre ‘iṭṭhārammaṇe’ āpāthagate heṭṭhā vuttanayeneva tayo moghavārā honti. Tassa kusalato cattāri somanassasahagatāni, akusalato cattāri, kiriyato pañcāti imesaṃ terasannaṃ cittānaṃ aññatarena javitapariyosāne tadārammaṇaṃ patiṭṭhahamānaṃ somanassasahagataasaṅkhārikatihetukacittampi duhetukacittampi patiṭṭhāti. Evamassa cakkhudvāre cakkhuviññāṇādīni tīṇi, tadārammaṇāni dveti, pañca gaṇanūpagacittāni honti.

    аарамман̣зна бана взд̣̇анам̣ баривад̇д̇зд̇ваа гусалад̇о жад̇уннам̣, агусалад̇о жад̇уннам̣, гирияад̇о жад̇уннанд̇и, д̣̇ваад̣̇асаннам̣ убзгкаасахаг̇ад̇ажид̇д̇аанам̣ ан̃н̃ад̇арзна ж̇авид̇аавасаанз убзгкаасахаг̇ад̇ад̇ихзд̇угаасан̇кааригавибаагамби д̣̇ухзд̇угаасан̇кааригавибаагамби д̇ад̣̇аарамман̣ам̣ худ̇ваа уббаж̇ж̇ад̇и. звамасса жагкуд̣̇ваарз убзгкаасахаг̇ад̇асанд̇ийран̣ам̣, имаани д̣̇вз д̇ад̣̇аарамман̣аанийд̇и, д̇ийн̣и г̇ан̣ануубаг̇ажид̇д̇аани хонд̇и. д̇аани буримзхи бан̃жахи сад̣̇д̇хим̣ адта. сод̇ад̣̇ваараад̣̇ийсуби адта адтаад̇и згааяа жзд̇анааяа гаммз ааяуухид̇з самажад̇д̇аалийса жид̇д̇аани уббаж̇ж̇анд̇и. аг̇г̇ахид̇аг̇г̇ахан̣зна бана жагкуд̣̇ваарз адта, сод̇авин̃н̃аан̣аад̣̇ийни жад̇д̇аарийд̇и, д̣̇ваад̣̇аса хонд̇и. д̇ад̇т̇а ‘муулабхаван̇г̇ад̇аа’‘ааг̇анд̇угабхаван̇г̇ад̇аа’‘амб̣обаманияаамагат̇аа’ жа вуд̇д̇анаязнзва взд̣̇ид̇аб̣б̣аа.

    Ārammaṇena pana vedanaṃ parivattetvā kusalato catunnaṃ, akusalato catunnaṃ, kiriyato catunnanti, dvādasannaṃ upekkhāsahagatacittānaṃ aññatarena javitāvasāne upekkhāsahagatatihetukaasaṅkhārikavipākampi duhetukaasaṅkhārikavipākampi tadārammaṇaṃ hutvā uppajjati. Evamassa cakkhudvāre upekkhāsahagatasantīraṇaṃ, imāni dve tadārammaṇānīti, tīṇi gaṇanūpagacittāni honti. Tāni purimehi pañcahi saddhiṃ aṭṭha. Sotadvārādīsupi aṭṭha aṭṭhāti ekāya cetanāya kamme āyūhite samacattālīsa cittāni uppajjanti. Aggahitaggahaṇena pana cakkhudvāre aṭṭha, sotaviññāṇādīni cattārīti, dvādasa honti. Tattha ‘mūlabhavaṅgatā’‘āgantukabhavaṅgatā’‘ambopamaniyāmakathā’ ca vuttanayeneva veditabbā.

    соманассасахаг̇ад̇ад̇ихзд̇угасасан̇кааригагусалажид̇д̇зна гаммз ааяуухид̇зби убзгкаасахаг̇ад̇ад̇ихзд̇угаасан̇кааригасасан̇кааригзхи гаммз ааяуухид̇зби зсзва наяо. д̇ад̇т̇а яанд̇обамааби зд̇т̇а баагад̇игаа зва. зд̇д̇аавад̇аа д̇ихзд̇угагаммзна д̇ихзд̇угабадисанд̇хи ход̇ийд̇и вааро гат̇ид̇о. д̇ихзд̇угагаммзна д̣̇ухзд̇угабадисанд̇хи ход̇ийд̇и вааро бана бадижчанно худ̇ваа г̇ад̇о.

    Somanassasahagatatihetukasasaṅkhārikakusalacittena kamme āyūhitepi upekkhāsahagatatihetukaasaṅkhārikasasaṅkhārikehi kamme āyūhitepi eseva nayo. Tattha yantopamāpi ettha pākatikā eva. Ettāvatā tihetukakammena tihetukapaṭisandhi hotīti vāro kathito. Tihetukakammena duhetukapaṭisandhi hotīti vāro pana paṭicchanno hutvā gato.

    ид̣̇аани д̣̇ухзд̇угагаммзна д̣̇ухзд̇угабадисанд̇хигат̇аа ход̇и. соманассасахаг̇ад̇ад̣̇ухзд̇угаасан̇кааригажид̇д̇зна хи гаммз ааяуухид̇з д̇аад̣̇исзнзва вибаагажид̇д̇зна г̇ахид̇абадисанд̇хигасса вуд̣дхиббад̇д̇асса жагкуд̣̇ваарз идтаарамман̣з аабаат̇аг̇ад̇з хздтаа вуд̇д̇анаязнзва д̇аяо могхаваараа хонд̇и. д̣̇ухзд̇угасса бана ж̇аванагирияаа над̇т̇и. д̇асмаа гусалад̇о жад̇д̇аари соманассасахаг̇ад̇аани, агусалад̇о жад̇д̇аарийд̇и имзсам̣ адтаннам̣ ан̃н̃ад̇арзна ж̇авид̇абарияосаанз д̣̇ухзд̇угамзва соманассасахаг̇ад̇аасан̇кааригам̣ д̇ад̣̇аарамман̣ам̣ ход̇и. звамасса жагкувин̃н̃аан̣аад̣̇ийни д̇ийн̣и, ид̣̇ан̃жа д̇ад̣̇аарамман̣анд̇и, жад̇д̇аари г̇ан̣ануубаг̇ажид̇д̇аани хонд̇и. ‘идтамаж̇жхад̇д̇аарамман̣з’ бана гусалад̇о убзгкаасахаг̇ад̇аанам̣ жад̇уннам̣, агусалад̇о жад̇уннанд̇и, адтаннам̣ ан̃н̃ад̇арзна ж̇авид̇абарияосаанз д̣̇ухзд̇угамзва убзгкаасахаг̇ад̇ам̣ асан̇кааригам̣ д̇ад̣̇аарамман̣ам̣ ход̇и. звамасса убзгкаасахаг̇ад̇асанд̇ийран̣ам̣, ид̣̇ан̃жа д̇ад̣̇аарамман̣анд̇и, д̣̇вз г̇ан̣ануубаг̇ажид̇д̇аани хонд̇и. д̇аани буримзхи жад̇уухи сад̣̇д̇хим̣ ча. сод̇ад̣̇ваараад̣̇ийсуби ча чаад̇и згааяа жзд̇анааяа гаммз ааяуухид̇з самад̇им̣са жид̇д̇аани уббаж̇ж̇анд̇и. аг̇г̇ахид̇аг̇г̇ахан̣зна бана жагкуд̣̇ваарз ча, сод̇авин̃н̃аан̣аад̣̇ийни жад̇д̇аарийд̇и д̣̇аса хонд̇и. амб̣обаманияаамагат̇аа баагад̇игаа зва. яанд̇обамаа ид̇ха на лаб̣бхад̇ийд̇и вуд̇д̇ам̣.

    Idāni duhetukakammena duhetukapaṭisandhikathā hoti. Somanassasahagataduhetukaasaṅkhārikacittena hi kamme āyūhite tādiseneva vipākacittena gahitapaṭisandhikassa vuḍḍhippattassa cakkhudvāre iṭṭhārammaṇe āpāthagate heṭṭhā vuttanayeneva tayo moghavārā honti. Duhetukassa pana javanakiriyā natthi. Tasmā kusalato cattāri somanassasahagatāni, akusalato cattārīti imesaṃ aṭṭhannaṃ aññatarena javitapariyosāne duhetukameva somanassasahagataasaṅkhārikaṃ tadārammaṇaṃ hoti. Evamassa cakkhuviññāṇādīni tīṇi, idañca tadārammaṇanti, cattāri gaṇanūpagacittāni honti. ‘Iṭṭhamajjhattārammaṇe’ pana kusalato upekkhāsahagatānaṃ catunnaṃ, akusalato catunnanti, aṭṭhannaṃ aññatarena javitapariyosāne duhetukameva upekkhāsahagataṃ asaṅkhārikaṃ tadārammaṇaṃ hoti. Evamassa upekkhāsahagatasantīraṇaṃ, idañca tadārammaṇanti, dve gaṇanūpagacittāni honti. Tāni purimehi catūhi saddhiṃ cha. Sotadvārādīsupi cha chāti ekāya cetanāya kamme āyūhite samatiṃsa cittāni uppajjanti. Aggahitaggahaṇena pana cakkhudvāre cha, sotaviññāṇādīni cattārīti dasa honti. Ambopamaniyāmakathā pākatikā eva. Yantopamā idha na labbhatīti vuttaṃ.

    соманассасахаг̇ад̇ад̣̇ухзд̇угасасан̇кааригагусалажид̇д̇зна гаммз ааяуухид̇зби убзгкаасахаг̇ад̇ад̣̇ухзд̇угаасан̇кааригасасан̇кааригзхи гаммз ааяуухид̇зби зсзва наяо. зд̇д̇аавад̇аа д̣̇ухзд̇угагаммзна д̣̇ухзд̇угабадисанд̇хи ход̇ийд̇и вааро гат̇ид̇о.

    Somanassasahagataduhetukasasaṅkhārikakusalacittena kamme āyūhitepi upekkhāsahagataduhetukaasaṅkhārikasasaṅkhārikehi kamme āyūhitepi eseva nayo. Ettāvatā duhetukakammena duhetukapaṭisandhi hotīti vāro kathito.

    ахзд̇угабадисанд̇хи ход̇ийд̇и вааро бана звам̣ взд̣̇ид̇аб̣б̣о – гусалад̇о жад̇уухи н̃аан̣авиббаяуд̇д̇зхи гаммз ааяуухид̇з, гусалавибаагаахзд̇угамановин̃н̃аан̣ад̇хаад̇уяаа убзгкаасахаг̇ад̇ааяа бадисанд̇хияаа г̇ахид̇ааяа, гаммасад̣̇исаа бадисанд̇хийд̇и на вад̇д̇аб̣б̣аа. ид̇о бадтааяа хздтаа вуд̇д̇анаязнзва гат̇зд̇ваа идтзби идтамаж̇жхад̇д̇зби жид̇д̇аббавад̇д̇и взд̣̇ид̇аб̣б̣аа. имасса хи т̇зрасса ваад̣̇з бин̣д̣аж̇аванам̣ ж̇авад̇и. сзсаа ид̣̇ам̣ бана ж̇аванам̣ гусалад̇т̇ааяа ваа агусалад̇т̇ааяа ваа го нияаамзд̇ийд̇иаад̣̇игат̇аа саб̣б̣аа хздтаа вуд̇д̇анаязнзва взд̣̇ид̇аб̣б̣аад̇и. зд̇д̇аавад̇аа мораваабийваасиймахаад̣̇ад̇д̇ад̇т̇зраваад̣̇з д̣̇ваад̣̇асагамаг̇г̇о нидтид̇о сад̣̇д̇хим̣ д̣̇асагамаг̇г̇зна жзва ахзд̇угадтагзна жа.

    Ahetukapaṭisandhi hotīti vāro pana evaṃ veditabbo – kusalato catūhi ñāṇavippayuttehi kamme āyūhite, kusalavipākāhetukamanoviññāṇadhātuyā upekkhāsahagatāya paṭisandhiyā gahitāya, kammasadisā paṭisandhīti na vattabbā. Ito paṭṭhāya heṭṭhā vuttanayeneva kathetvā iṭṭhepi iṭṭhamajjhattepi cittappavatti veditabbā. Imassa hi therassa vāde piṇḍajavanaṃ javati. Sesā idaṃ pana javanaṃ kusalatthāya vā akusalatthāya vā ko niyāmetītiādikathā sabbā heṭṭhā vuttanayeneva veditabbāti. Ettāvatā moravāpīvāsīmahādattattheravāde dvādasakamaggo niṭṭhito saddhiṃ dasakamaggena ceva ahetukaṭṭhakena ca.

    ид̣̇аани махаад̇хаммарагкид̇ад̇т̇зраваад̣̇з д̣̇асагамаг̇г̇агат̇аа ход̇и. д̇ад̇т̇а саагзд̇абан̃хауссад̣̇агид̇д̇анаани баагад̇игаанзва. хзд̇угид̇д̇анз бана аяам̣ висзсо. д̇ихзд̇угагаммам̣ д̇ихзд̇угавибаагамби д̣̇ухзд̇угавибаагамби ахзд̇угавибаагамби д̣̇зд̇и. д̣̇ухзд̇угагаммам̣ д̇ихзд̇угамзва на д̣̇зд̇и, ид̇арам̣ д̣̇зд̇и. д̇ихзд̇угагаммзна бадисанд̇хи д̇ихзд̇угаава ход̇и; д̣̇ухзд̇угаахзд̇угаа на ход̇и. д̣̇ухзд̇угагаммзна д̣̇ухзд̇угаахзд̇угаа ход̇и, д̇ихзд̇угаа на ход̇и. асан̇кааригагаммам̣ вибаагам̣ асан̇кааригамзва д̣̇зд̇и, но сасан̇кааригам̣. сасан̇кааригамби сасан̇кааригамзва д̣̇зд̇и, но асан̇кааригам̣. аарамман̣зна взд̣̇анаа баривад̇д̇зд̇аб̣б̣аа. ж̇аванам̣ бин̣д̣аж̇аванамзва ж̇авад̇и. аад̣̇ид̇о бадтааяа жид̇д̇аани гат̇зд̇аб̣б̣аани.

    Idāni mahādhammarakkhitattheravāde dasakamaggakathā hoti. Tattha sāketapañhaussadakittanāni pākatikāneva. Hetukittane pana ayaṃ viseso. Tihetukakammaṃ tihetukavipākampi duhetukavipākampi ahetukavipākampi deti. Duhetukakammaṃ tihetukameva na deti, itaraṃ deti. Tihetukakammena paṭisandhi tihetukāva hoti; duhetukāhetukā na hoti. Duhetukakammena duhetukāhetukā hoti, tihetukā na hoti. Asaṅkhārikakammaṃ vipākaṃ asaṅkhārikameva deti, no sasaṅkhārikaṃ. Sasaṅkhārikampi sasaṅkhārikameva deti, no asaṅkhārikaṃ. Ārammaṇena vedanā parivattetabbā. Javanaṃ piṇḍajavanameva javati. Ādito paṭṭhāya cittāni kathetabbāni.

    д̇ад̇рааяам̣ гат̇аа – зго батамагусалажид̇д̇зна гаммам̣ ааяуухад̇и, батамавибаагажид̇д̇знзва бадисанд̇хим̣ г̇ан̣хаад̇и. аяам̣ гаммасад̣̇исаа бадисанд̇хи. д̇асса вуд̣дхиббад̇д̇асса жагкуд̣̇ваарз ‘идтаарамман̣з’ аабаат̇аг̇ад̇з вуд̇д̇анаязнзва д̇аяо могхаваараа хонд̇и. ат̇асса хздтаа вуд̇д̇аанам̣ д̇зрасаннам̣ соманассасахаг̇ад̇аж̇аванаанам̣ ан̃н̃ад̇арзна ж̇авид̇абарияосаанз батамавибаагажид̇д̇амзва д̇ад̣̇аарамман̣ам̣ ход̇и. д̇ам̣ ‘муулабхаван̇г̇ам̣’ ‘д̇ад̣̇аарамман̣а’нд̇и д̣̇вз наамаани лабхад̇и. звамасса жагкувин̃н̃аан̣аад̣̇ийни д̇ийн̣и, ид̣̇ан̃жа д̇ад̣̇аарамман̣анд̇и, жад̇д̇аари г̇ан̣ануубаг̇ажид̇д̇аани хонд̇и. ‘идтамаж̇жхад̇д̇аарамман̣з’ хздтаа вуд̇д̇аанам̣язва д̣̇ваад̣̇асаннам̣ убзгкаасахаг̇ад̇аж̇аванаанам̣ ан̃н̃ад̇арзна ж̇авид̇абарияосаанз убзгкаасахаг̇ад̇ам̣ д̇ихзд̇угам̣ асан̇кааригажид̇д̇ам̣ д̇ад̣̇аарамман̣ад̇ааяа бавад̇д̇ад̇и. д̇ам̣ ‘ааг̇анд̇угабхаван̇г̇ам̣’‘д̇ад̣̇аарамман̣а’нд̇и д̣̇вз наамаани лабхад̇и. звамасса убзгкаасахаг̇ад̇асанд̇ийран̣ам̣ ид̣̇ан̃жа д̇ад̣̇аарамман̣анд̇и д̣̇вз г̇ан̣ануубаг̇ажид̇д̇аани. д̇аани буримзхи жад̇уухи сад̣̇д̇хим̣ ча хонд̇и. звам̣ згааяа жзд̇анааяа гаммз ааяуухид̇з бан̃жасу д̣̇ваарзсу самад̇им̣са жид̇д̇аани уббаж̇ж̇анд̇и. аг̇г̇ахид̇аг̇г̇ахан̣зна бана жагкуд̣̇ваарз ча, сод̇авин̃н̃аан̣аад̣̇ийни жад̇д̇аарийд̇и д̣̇аса хонд̇и. амб̣обаманияаамагат̇аа баагад̇игааязва.

    Tatrāyaṃ kathā – eko paṭhamakusalacittena kammaṃ āyūhati, paṭhamavipākacitteneva paṭisandhiṃ gaṇhāti. Ayaṃ kammasadisā paṭisandhi. Tassa vuḍḍhippattassa cakkhudvāre ‘iṭṭhārammaṇe’ āpāthagate vuttanayeneva tayo moghavārā honti. Athassa heṭṭhā vuttānaṃ terasannaṃ somanassasahagatajavanānaṃ aññatarena javitapariyosāne paṭhamavipākacittameva tadārammaṇaṃ hoti. Taṃ ‘mūlabhavaṅgaṃ’ ‘tadārammaṇa’nti dve nāmāni labhati. Evamassa cakkhuviññāṇādīni tīṇi, idañca tadārammaṇanti, cattāri gaṇanūpagacittāni honti. ‘Iṭṭhamajjhattārammaṇe’ heṭṭhā vuttānaṃyeva dvādasannaṃ upekkhāsahagatajavanānaṃ aññatarena javitapariyosāne upekkhāsahagataṃ tihetukaṃ asaṅkhārikacittaṃ tadārammaṇatāya pavattati. Taṃ ‘āgantukabhavaṅgaṃ’‘tadārammaṇa’nti dve nāmāni labhati. Evamassa upekkhāsahagatasantīraṇaṃ idañca tadārammaṇanti dve gaṇanūpagacittāni. Tāni purimehi catūhi saddhiṃ cha honti. Evaṃ ekāya cetanāya kamme āyūhite pañcasu dvāresu samatiṃsa cittāni uppajjanti. Aggahitaggahaṇena pana cakkhudvāre cha, sotaviññāṇādīni cattārīti dasa honti. Ambopamaniyāmakathā pākatikāyeva.

    д̣̇уд̇ияад̇ад̇ияажад̇уд̇т̇агусалажид̇д̇зхи гаммз ааяуухид̇зби зд̇д̇агаанзва вибаагажид̇д̇аани хонд̇и. жад̇уухи убзгкаасахаг̇ад̇ажид̇д̇зхи ааяуухид̇зби зсзва наяо. ид̇ха бана батамам̣ идтамаж̇жхад̇д̇аарамман̣ам̣ д̣̇ассзд̇аб̣б̣ам̣. бажчаа идтаарамман̣зна взд̣̇анаа баривад̇д̇зд̇аб̣б̣аа. амб̣обаманияаамагат̇аа баагад̇игаа зва. яанд̇обамаа на лаб̣бхад̇и. ‘гусалад̇о бана жад̇уннам̣ н̃аан̣авиббаяуд̇д̇аанам̣ ан̃н̃ад̇арзна гаммз ааяуухид̇з’д̇и ид̇о бадтааяа саб̣б̣ам̣ вид̇т̇аарзд̇ваа ахзд̇угадтагам̣ гат̇зд̇аб̣б̣ам̣. зд̇д̇аавад̇аа махаад̇хаммарагкид̇ад̇т̇зраваад̣̇з д̣̇асагамаг̇г̇о нидтид̇о ход̇и, сад̣̇д̇хим̣ ахзд̇угадтагзнаад̇и.

    Dutiyatatiyacatutthakusalacittehi kamme āyūhitepi ettakāneva vipākacittāni honti. Catūhi upekkhāsahagatacittehi āyūhitepi eseva nayo. Idha pana paṭhamaṃ iṭṭhamajjhattārammaṇaṃ dassetabbaṃ. Pacchā iṭṭhārammaṇena vedanā parivattetabbā. Ambopamaniyāmakathā pākatikā eva. Yantopamā na labbhati. ‘Kusalato pana catunnaṃ ñāṇavippayuttānaṃ aññatarena kamme āyūhite’ti ito paṭṭhāya sabbaṃ vitthāretvā ahetukaṭṭhakaṃ kathetabbaṃ. Ettāvatā mahādhammarakkhitattheravāde dasakamaggo niṭṭhito hoti, saddhiṃ ahetukaṭṭhakenāti.

    имзсам̣ бана д̇ин̣н̣ам̣ т̇зраанам̣ гад̇арасса ваад̣̇о г̇ахзд̇аб̣б̣од̇и? на гассажи згам̣сзна. саб̣б̣зсам̣ бана ваад̣̇зсу яуд̇д̇ам̣ г̇ахзд̇аб̣б̣ам̣. батамаваад̣̇асмин̃хи сасан̇каараасан̇кааравид̇хаанам̣ бажжаяабхзд̣̇ад̇о ад̇хиббзд̇ам̣. д̇знзд̇т̇а , асан̇кааригагусаласса д̣̇уб̣б̣алабажжаязхи уббаннам̣ сасан̇кааригавибаагам̣, сасан̇кааригагусаласса б̣алавабажжаязхи уббаннам̣ асан̇кааригавибааган̃жа г̇ахзд̇ваа, лаб̣бхамаанааниби гирияаж̇аванаани бахааяа, гусалаж̇аванзна д̇ад̣̇аарамман̣ам̣ аарамман̣зна жа взд̣̇анам̣ нияаамзд̇ваа, сзгкабут̇уж̇ж̇анавасзна сол̣асагамаг̇г̇о гат̇ид̇о. яам̣ банзд̇т̇а агусалаж̇аванаавасаанз ахзд̇угавибаагамзва д̇ад̣̇аарамман̣ам̣ д̣̇ассид̇ам̣, д̇ам̣ ид̇арзсу на д̣̇ассид̇амзва. д̇асмаа д̇ам̣ д̇ад̇т̇а д̇зсу вуд̇д̇ам̣ сахзд̇угавибааган̃жа, зд̇т̇ааби саб̣б̣амид̣̇ам̣ лаб̣бхад̇зва. д̇ад̇рааяам̣ наяо – яад̣̇аа хи гусалаж̇аванаанам̣ анд̇аранд̇араа агусалам̣ ж̇авад̇и, д̇ад̣̇аа гусалаавасаанз аажин̣н̣асад̣̇исамзва, агусалаавасаанз сахзд̇угам̣ д̇ад̣̇аарамман̣ам̣ яуд̇д̇ам̣. яад̣̇аа ниранд̇арам̣ агусаламзва д̇ад̣̇аа ахзд̇угам̣. звам̣ д̇аава батамаваад̣̇з яуд̇д̇ам̣ г̇ахзд̇аб̣б̣ам̣.

    Imesaṃ pana tiṇṇaṃ therānaṃ katarassa vādo gahetabboti? Na kassaci ekaṃsena. Sabbesaṃ pana vādesu yuttaṃ gahetabbaṃ. Paṭhamavādasmiñhi sasaṅkhārāsaṅkhāravidhānaṃ paccayabhedato adhippetaṃ. Tenettha , asaṅkhārikakusalassa dubbalapaccayehi uppannaṃ sasaṅkhārikavipākaṃ, sasaṅkhārikakusalassa balavapaccayehi uppannaṃ asaṅkhārikavipākañca gahetvā, labbhamānānipi kiriyajavanāni pahāya, kusalajavanena tadārammaṇaṃ ārammaṇena ca vedanaṃ niyāmetvā, sekkhaputhujjanavasena soḷasakamaggo kathito. Yaṃ panettha akusalajavanāvasāne ahetukavipākameva tadārammaṇaṃ dassitaṃ, taṃ itaresu na dassitameva. Tasmā taṃ tattha tesu vuttaṃ sahetukavipākañca, etthāpi sabbamidaṃ labbhateva. Tatrāyaṃ nayo – yadā hi kusalajavanānaṃ antarantarā akusalaṃ javati, tadā kusalāvasāne āciṇṇasadisameva, akusalāvasāne sahetukaṃ tadārammaṇaṃ yuttaṃ. Yadā nirantaraṃ akusalameva tadā ahetukaṃ. Evaṃ tāva paṭhamavāde yuttaṃ gahetabbaṃ.

    д̣̇уд̇ияаваад̣̇з бана гусалад̇о сасан̇каараасан̇кааравид̇хаанам̣ ад̇хиббзд̇ам̣. д̇знзд̇т̇а асан̇кааригагусаласса асан̇кааригамзва вибаагам̣, сасан̇кааригагусаласса жа сасан̇кааригамзва г̇ахзд̇ваа, ж̇аванзна д̇ад̣̇аарамман̣анияаамам̣ агад̇ваа, саб̣б̣зсамби сзгкаасзгкабут̇уж̇ж̇анаанам̣ уббад̇д̇ирахо бин̣д̣аж̇аванавасзнзва д̣̇ваад̣̇асагамаг̇г̇о гат̇ид̇о. д̇ихзд̇угаж̇аванаавасаанз банзд̇т̇а д̇ихзд̇угам̣ д̇ад̣̇аарамман̣ам̣ яуд̇д̇ам̣. д̣̇ухзд̇угаж̇аванаавасаанз д̣̇ухзд̇угам̣, ахзд̇угаж̇аванаавасаанз ахзд̇угам̣ бхааж̇зд̇ваа бана на вуд̇д̇ам̣. звам̣ д̣̇уд̇ияаваад̣̇з яуд̇д̇ам̣ г̇ахзд̇аб̣б̣ам̣.

    Dutiyavāde pana kusalato sasaṅkhārāsaṅkhāravidhānaṃ adhippetaṃ. Tenettha asaṅkhārikakusalassa asaṅkhārikameva vipākaṃ, sasaṅkhārikakusalassa ca sasaṅkhārikameva gahetvā, javanena tadārammaṇaniyāmaṃ akatvā, sabbesampi sekkhāsekkhaputhujjanānaṃ uppattiraho piṇḍajavanavaseneva dvādasakamaggo kathito. Tihetukajavanāvasāne panettha tihetukaṃ tadārammaṇaṃ yuttaṃ. Duhetukajavanāvasāne duhetukaṃ, ahetukajavanāvasāne ahetukaṃ bhājetvā pana na vuttaṃ. Evaṃ dutiyavāde yuttaṃ gahetabbaṃ.

    д̇ад̇ияаваад̣̇зби гусалад̇ова асан̇каарасасан̇кааравид̇хаанам̣ ад̇хиббзд̇ам̣. ‘д̇ихзд̇угагаммам̣ д̇ихзд̇угавибаагамби д̣̇ухзд̇угавибаагамби ахзд̇угавибаагамби д̣̇зд̇ий’д̇и бана важанад̇о асан̇кааригад̇ихзд̇угабадисанд̇хигасса асан̇кааригад̣̇ухзд̇угзнаби д̇ад̣̇аарамман̣зна бхавид̇аб̣б̣ам̣. д̇ам̣ ад̣̇ассзд̇ваа хзд̇усад̣̇исамзва д̇ад̣̇аарамман̣ам̣ д̣̇ассид̇ам̣. д̇ам̣ буримааяа хзд̇угид̇д̇аналад̣̇д̇хияаа на яуж̇ж̇ад̇и. гзвалам̣ д̣̇асагамаг̇г̇авибхааванад̇т̇амзва вуд̇д̇ам̣. ид̇арамби бана лаб̣бхад̇зва. звам̣ д̇ад̇ияаваад̣̇зби яуд̇д̇ам̣ г̇ахзд̇аб̣б̣ам̣. аяан̃жа саб̣б̣ааби бадисанд̇хиж̇анагассзва гаммасса вибаагам̣ санд̇хааяа д̇ад̣̇аарамман̣агат̇аа. ‘сахзд̇угам̣ бхаван̇г̇ам̣ ахзд̇угасса бхаван̇г̇асса ананд̇арабажжаязна бажжаяо’д̇и (бадтаа. 3.1.102) важанад̇о бана наанаагаммзна ахзд̇угабадисанд̇хигассааби сахзд̇угавибаагам̣ д̇ад̣̇аарамман̣ам̣ уббаж̇ж̇ад̇и. д̇асса уббад̇д̇ивид̇хаанам̣ махаабагаран̣з аави бхависсад̇ийд̇и.

    Tatiyavādepi kusalatova asaṅkhārasasaṅkhāravidhānaṃ adhippetaṃ. ‘Tihetukakammaṃ tihetukavipākampi duhetukavipākampi ahetukavipākampi detī’ti pana vacanato asaṅkhārikatihetukapaṭisandhikassa asaṅkhārikaduhetukenapi tadārammaṇena bhavitabbaṃ. Taṃ adassetvā hetusadisameva tadārammaṇaṃ dassitaṃ. Taṃ purimāya hetukittanaladdhiyā na yujjati. Kevalaṃ dasakamaggavibhāvanatthameva vuttaṃ. Itarampi pana labbhateva. Evaṃ tatiyavādepi yuttaṃ gahetabbaṃ. Ayañca sabbāpi paṭisandhijanakasseva kammassa vipākaṃ sandhāya tadārammaṇakathā. ‘Sahetukaṃ bhavaṅgaṃ ahetukassa bhavaṅgassa anantarapaccayena paccayo’ti (paṭṭhā. 3.1.102) vacanato pana nānākammena ahetukapaṭisandhikassāpi sahetukavipākaṃ tadārammaṇaṃ uppajjati. Tassa uppattividhānaṃ mahāpakaraṇe āvi bhavissatīti.

    гаамааважарагусалавибаагагат̇аа нидтид̇аа.

    Kāmāvacarakusalavipākakathā niṭṭhitā.




    Next: руубааважарааруубааважаравибаагагат̇аа • Rūpāvacarārūpāvacaravipākakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact