| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
8. вибаллаасагат̇аа
8. Vipallāsakathā
236. буриманид̣̇аанам̣ . ‘‘жад̇д̇ааромз , бхигкавз 1, сан̃н̃аавибаллаасаа жид̇д̇авибаллаасаа д̣̇идтивибаллаасаа. гад̇амз жад̇д̇ааро? анижжз, бхигкавз, нижжанд̇и сан̃н̃аавибаллаасо жид̇д̇авибаллаасо д̣̇идтивибаллаасо. д̣̇угкз, бхигкавз, суканд̇и сан̃н̃аавибаллаасо жид̇д̇авибаллаасо д̣̇идтивибаллаасо. анад̇д̇ани, бхигкавз, ад̇д̇аад̇и сан̃н̃аавибаллаасо жид̇д̇авибаллаасо д̣̇идтивибаллаасо. асубхз, бхигкавз, субханд̇и сан̃н̃аавибаллаасо жид̇д̇авибаллаасо д̣̇идтивибаллаасо. имз ко, бхигкавз, жад̇д̇ааро сан̃н̃аавибаллаасаа жид̇д̇авибаллаасаа д̣̇идтивибаллаасаа.
236. Purimanidānaṃ . ‘‘Cattārome , bhikkhave 2, saññāvipallāsā cittavipallāsā diṭṭhivipallāsā. Katame cattāro? Anicce, bhikkhave, niccanti saññāvipallāso cittavipallāso diṭṭhivipallāso. Dukkhe, bhikkhave, sukhanti saññāvipallāso cittavipallāso diṭṭhivipallāso. Anattani, bhikkhave, attāti saññāvipallāso cittavipallāso diṭṭhivipallāso. Asubhe, bhikkhave, subhanti saññāvipallāso cittavipallāso diṭṭhivipallāso. Ime kho, bhikkhave, cattāro saññāvipallāsā cittavipallāsā diṭṭhivipallāsā.
‘‘жад̇д̇ааромз, бхигкавз, насан̃н̃аавибаллаасаа нажид̇д̇авибаллаасаа над̣̇идтивибаллаасаа. гад̇амз жад̇д̇ааро? анижжз, бхигкавз, анижжанд̇и насан̃н̃аавибаллаасо нажид̇д̇авибаллаасо над̣̇идтивибаллаасо. д̣̇угкз, бхигкавз, д̣̇угканд̇и насан̃н̃аавибаллаасо нажид̇д̇авибаллаасо над̣̇идтивибаллаасо. анад̇д̇ани, бхигкавз, анад̇д̇аад̇и насан̃н̃аавибаллаасо нажид̇д̇авибаллаасо над̣̇идтивибаллаасо. асубхз, бхигкавз, асубханд̇и насан̃н̃аавибаллаасо нажид̇д̇авибаллаасо над̣̇идтивибаллаасо. имз ко, бхигкавз, жад̇д̇ааро насан̃н̃аавибаллаасаа нажид̇д̇авибаллаасаа над̣̇идтивибаллаасаа’’д̇и.
‘‘Cattārome, bhikkhave, nasaññāvipallāsā nacittavipallāsā nadiṭṭhivipallāsā. Katame cattāro? Anicce, bhikkhave, aniccanti nasaññāvipallāso nacittavipallāso nadiṭṭhivipallāso. Dukkhe, bhikkhave, dukkhanti nasaññāvipallāso nacittavipallāso nadiṭṭhivipallāso. Anattani, bhikkhave, anattāti nasaññāvipallāso nacittavipallāso nadiṭṭhivipallāso. Asubhe, bhikkhave, asubhanti nasaññāvipallāso nacittavipallāso nadiṭṭhivipallāso. Ime kho, bhikkhave, cattāro nasaññāvipallāsā nacittavipallāsā nadiṭṭhivipallāsā’’ti.
‘‘анижжз нижжасан̃н̃ино, д̣̇угкз жа сукасан̃н̃ино;
‘‘Anicce niccasaññino, dukkhe ca sukhasaññino;
мижчаад̣̇идтихад̇аа сад̇д̇аа, кид̇д̇ажид̇д̇аа висан̃н̃ино.
Micchādiṭṭhihatā sattā, khittacittā visaññino.
‘‘д̇з яог̇аяуд̇д̇аа маарасса, аяог̇агкзмино ж̇анаа;
‘‘Te yogayuttā mārassa, ayogakkhemino janā;
сад̇д̇аа г̇ажчанд̇и сам̣саарам̣, ж̇аад̇имаран̣аг̇аамино.
Sattā gacchanti saṃsāraṃ, jātimaraṇagāmino.
‘‘яад̣̇аа жа б̣уд̣̇д̇хаа логасмим̣, уббаж̇ж̇анд̇и бабхан̇гараа;
‘‘Yadā ca buddhā lokasmiṃ, uppajjanti pabhaṅkarā;
д̇з имам̣ д̇хаммам̣ багаасзнд̇и, д̣̇угкуубасамаг̇ааминам̣.
Te imaṃ dhammaṃ pakāsenti, dukkhūpasamagāminaṃ.
‘‘д̇зсам̣ суд̇ваана саббан̃н̃аа, сажид̇д̇ам̣ бажжалад̣̇д̇ху 5 д̇з;
‘‘Tesaṃ sutvāna sappaññā, sacittaṃ paccaladdhu 6 te;
анижжам̣ анижжад̇о д̣̇агкум̣, д̣̇угкамад̣̇д̣̇агку д̣̇угкад̇о.
Aniccaṃ aniccato dakkhuṃ, dukkhamaddakkhu dukkhato.
‘‘анад̇д̇ани анад̇д̇аад̇и, асубхам̣ асубхад̇ад̣̇д̣̇асум̣;
‘‘Anattani anattāti, asubhaṃ asubhataddasuṃ;
саммаад̣̇идтисамаад̣̇аанаа, саб̣б̣ам̣ д̣̇угкам̣ убажжаг̇у’’нд̇и.
Sammādiṭṭhisamādānā, sabbaṃ dukkhaṃ upaccagu’’nti.
имз жад̇д̇ааро вибаллаасаа д̣̇идтисамбаннасса буг̇г̇аласса бахийнаа, аббахийнаад̇и. гзжи бахийнаа, гзжи аббахийнаа? анижжз нижжанд̇и сан̃н̃аавибаллаасо жид̇д̇авибаллаасо д̣̇идтивибаллаасо бахийно. д̣̇угкз суканд̇и сан̃н̃аа уббаж̇ж̇ад̇и, жид̇д̇ам̣ уббаж̇ж̇ад̇и, д̣̇идтивибаллаасо бахийно. анад̇д̇ани ад̇д̇аад̇и сан̃н̃аавибаллаасо жид̇д̇авибаллаасо д̣̇идтивибаллаасо бахийно. асубхз субханд̇и сан̃н̃аа уббаж̇ж̇ад̇и, жид̇д̇ам̣ уббаж̇ж̇ад̇и, д̣̇идтивибаллаасо бахийно. д̣̇вийсу вад̇т̇уусу ча вибаллаасаа бахийнаа . д̣̇вийсу вад̇т̇уусу д̣̇вз вибаллаасаа бахийнаа, жад̇д̇ааро вибаллаасаа аббахийнаа. жад̇уусу вад̇т̇уусу адта вибаллаасаа бахийнаа, жад̇д̇ааро вибаллаасаа аббахийнаад̇и.
Ime cattāro vipallāsā diṭṭhisampannassa puggalassa pahīnā, appahīnāti. Keci pahīnā, keci appahīnā? Anicce niccanti saññāvipallāso cittavipallāso diṭṭhivipallāso pahīno. Dukkhe sukhanti saññā uppajjati, cittaṃ uppajjati, diṭṭhivipallāso pahīno. Anattani attāti saññāvipallāso cittavipallāso diṭṭhivipallāso pahīno. Asubhe subhanti saññā uppajjati, cittaṃ uppajjati, diṭṭhivipallāso pahīno. Dvīsu vatthūsu cha vipallāsā pahīnā . Dvīsu vatthūsu dve vipallāsā pahīnā, cattāro vipallāsā appahīnā. Catūsu vatthūsu aṭṭha vipallāsā pahīnā, cattāro vipallāsā appahīnāti.
вибаллаасагат̇аа нидтид̇аа.
Vipallāsakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / вибаллаасагат̇ааван̣н̣анаа • Vipallāsakathāvaṇṇanā
