| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
8. вибаллаасагат̇аа
8. Vipallāsakathā
вибаллаасагат̇ааван̣н̣анаа
Vipallāsakathāvaṇṇanā
236. ид̣̇аани д̇асса гаммасса бажжаяабхууд̇з вибаллаасз д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа вибаллаасагат̇ааяа абуб̣б̣ад̇т̇аануван̣н̣анаа. суд̇д̇анд̇з д̇аава сан̃н̃аавибаллаасаад̇и сан̃н̃ааяа вибаллад̇т̇абхааваа вибарийд̇абхааваа, вибарийд̇асан̃н̃аад̇и ад̇т̇о. сзсад̣̇ваязсуби зсзва наяо. жид̇д̇агижжасса д̣̇уб̣б̣аладтаанз д̣̇идтивирахид̇ааяа агусаласан̃н̃ааяа сагагижжасса б̣алавагаалз сан̃н̃аавибаллаасо. д̣̇идтивирахид̇ассзва агусалажид̇д̇асса сагагижжасса б̣алавагаалз жид̇д̇авибаллаасо. д̣̇идтисамбаяуд̇д̇з жид̇д̇з д̣̇идтивибаллаасо. д̇асмаа саб̣б̣ад̣̇уб̣б̣ало сан̃н̃аавибаллаасо, д̇ад̇о б̣алавад̇аро жид̇д̇авибаллаасо, саб̣б̣аб̣алавад̇аро д̣̇идтивибаллаасо. аж̇аад̇аб̣уд̣̇д̇хид̣̇аарагасса гахаабан̣ад̣̇ассанам̣ вияа хи сан̃н̃аа аарамман̣асса убадтаанаагаарамад̇д̇аг̇г̇ахан̣ад̇о. г̇аамигабурисасса гахаабан̣ад̣̇ассанам̣ вияа жид̇д̇ам̣ лагкан̣абадивзд̇хассааби самбаабанад̇о. гаммаарасса махаасан̣д̣аасзна аяог̇ахан̣ам̣ вияа д̣̇идти абхинивисса бараамасанад̇о. анижжз нижжанд̇и сан̃н̃аавибаллаасод̇и анижжз вад̇т̇усмим̣ ‘‘нижжам̣ ид̣̇а’’нд̇и звам̣ г̇ахзд̇ваа уббаж̇ж̇анагасан̃н̃аа сан̃н̃аавибаллаасо. иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. на сан̃н̃аавибаллаасо на жид̇д̇авибаллаасо на д̣̇идтивибаллаасод̇и жад̇уусу вад̇т̇уусу д̣̇ваад̣̇асаннам̣ вибаллаасаг̇г̇аахаанам̣ абхааваа яаат̇ааваг̇г̇ахан̣ам̣ вуд̇д̇ам̣.
236. Idāni tassa kammassa paccayabhūte vipallāse dassentena kathitāya suttantapubbaṅgamāya vipallāsakathāya apubbatthānuvaṇṇanā. Suttante tāva saññāvipallāsāti saññāya vipallatthabhāvā viparītabhāvā, viparītasaññāti attho. Sesadvayesupi eseva nayo. Cittakiccassa dubbalaṭṭhāne diṭṭhivirahitāya akusalasaññāya sakakiccassa balavakāle saññāvipallāso. Diṭṭhivirahitasseva akusalacittassa sakakiccassa balavakāle cittavipallāso. Diṭṭhisampayutte citte diṭṭhivipallāso. Tasmā sabbadubbalo saññāvipallāso, tato balavataro cittavipallāso, sabbabalavataro diṭṭhivipallāso. Ajātabuddhidārakassa kahāpaṇadassanaṃ viya hi saññā ārammaṇassa upaṭṭhānākāramattaggahaṇato. Gāmikapurisassa kahāpaṇadassanaṃ viya cittaṃ lakkhaṇapaṭivedhassāpi sampāpanato. Kammārassa mahāsaṇḍāsena ayogahaṇaṃ viya diṭṭhi abhinivissa parāmasanato. Anicce niccanti saññāvipallāsoti anicce vatthusmiṃ ‘‘niccaṃ ida’’nti evaṃ gahetvā uppajjanakasaññā saññāvipallāso. Iminā nayena sabbapadesu attho veditabbo. Na saññāvipallāso na cittavipallāso na diṭṭhivipallāsoti catūsu vatthūsu dvādasannaṃ vipallāsaggāhānaṃ abhāvā yāthāvaggahaṇaṃ vuttaṃ.
г̇аат̇аасу анад̇д̇ани жа ад̇д̇аад̇и анад̇д̇ани ад̇д̇аад̇и звам̣сан̃н̃инод̇и ад̇т̇о. мижчаад̣̇идтихад̇аад̇и на гзвалам̣ сан̃н̃инова, сан̃н̃ааяа вияа уббаж̇ж̇амаанааяа мижчаад̣̇идтияааби хад̇аа. кид̇д̇ажид̇д̇аад̇и сан̃н̃аад̣̇идтийхи вияа уббаж̇ж̇амаанзна кид̇д̇зна виб̣бханд̇зна жид̇д̇зна саманнааг̇ад̇аа. висан̃н̃инод̇и д̣̇зсанаамад̇д̇амзд̇ам̣, вибарийд̇асан̃н̃аажид̇д̇ад̣̇идтинод̇и ад̇т̇о. ат̇а ваа сан̃н̃аабуб̣б̣ан̇г̇амад̇д̇аа д̣̇идтияаа батамам̣ жад̇уухи бад̣̇зхи сан̃н̃аавибаллаасо вуд̇д̇о, д̇ад̇о мижчаад̣̇идтихад̇аад̇и д̣̇идтивибаллаасо, кид̇д̇ажид̇д̇аад̇и жид̇д̇авибаллаасо. висан̃н̃инод̇и д̇ийхи вибаллаасаг̇г̇аахзхи багад̇исан̃н̃аавирахид̇аа мохам̣ г̇ад̇аа ‘‘мужчид̇о висавзг̇зна, висан̃н̃ий самабаж̇ж̇ат̇аа’’д̇изд̇т̇а (ж̇аа. 2.22.328) вияа. д̇з яог̇аяуд̇д̇аа маарассаад̇и д̇з ж̇анаа сад̇д̇аа маарасса яог̇з яуд̇д̇аа наама хонд̇и. аяог̇агкзминод̇и жад̇уухи яог̇зхи ийд̇ийхи кзмам̣ ниб̣б̣аанам̣ аббад̇д̇аа. сад̇д̇аа г̇ажчанд̇и сам̣сааранд̇и д̇зязва буг̇г̇алаа сам̣саарам̣ сам̣саранд̇и. гасмаа? ж̇аад̇имаран̣аг̇аамино хи д̇з, д̇асмаа сам̣саранд̇ийд̇и ад̇т̇о. б̣уд̣̇д̇хаад̇и жад̇усажжаб̣уд̣̇д̇хаа саб̣б̣ан̃н̃уно. гаалад̇д̇аяасаад̇хааран̣авасзна б̣ахуважанам̣. логасминд̇и огаасалогз. бабхан̇гараад̇и логасса бан̃н̃аалогам̣ гараа. имам̣ д̇хаммам̣ багаасзнд̇ийд̇и вибаллаасаббахаанам̣ д̇хаммам̣ ж̇од̇знд̇и. д̣̇угкуубасамаг̇ааминанд̇и д̣̇угкавуубасамам̣ ниб̣б̣аанам̣ г̇ажчанд̇ам̣. д̇зсам̣ суд̇ваанаад̇и д̇зсам̣ б̣уд̣̇д̇хаанам̣ д̇хаммам̣ суд̇ваана. саббан̃н̃аад̇и бхаб̣б̣абхууд̇аа бан̃н̃аванд̇о. сажид̇д̇ам̣ бажжалад̣̇д̇хууд̇и вибаллаасаваж̇ж̇ид̇ам̣ сагажид̇д̇ам̣ бадилабхид̇ваа. бадиалад̣̇д̇хууд̇и бад̣̇ажчзд̣̇о. ат̇а ваа бадилабхим̣су бадиалад̣̇д̇хунд̇и бад̣̇ажчзд̣̇о. анижжад̇о д̣̇агкунд̇и анижжавасзнзва ад̣̇д̣̇асам̣су. анад̇д̇ани анад̇д̇аад̇и анад̇д̇аанам̣ анад̇д̇аад̇и ад̣̇д̣̇агкум̣. ат̇а ваа анад̇д̇ани вад̇т̇усмим̣ ад̇д̇аа над̇т̇ийд̇и ад̣̇д̣̇агкум̣. саммаад̣̇идтисамаад̣̇аанаад̇и г̇ахид̇асаммаад̣̇ассанаа. саб̣б̣ам̣ д̣̇угкам̣ убажжаг̇унд̇и сагалам̣ ваддад̣̇угкам̣ самад̇игганд̇аа.
Gāthāsu anattani ca attāti anattani attāti evaṃsaññinoti attho. Micchādiṭṭhihatāti na kevalaṃ saññinova, saññāya viya uppajjamānāya micchādiṭṭhiyāpi hatā. Khittacittāti saññādiṭṭhīhi viya uppajjamānena khittena vibbhantena cittena samannāgatā. Visaññinoti desanāmattametaṃ, viparītasaññācittadiṭṭhinoti attho. Atha vā saññāpubbaṅgamattā diṭṭhiyā paṭhamaṃ catūhi padehi saññāvipallāso vutto, tato micchādiṭṭhihatāti diṭṭhivipallāso, khittacittāti cittavipallāso. Visaññinoti tīhi vipallāsaggāhehi pakatisaññāvirahitā mohaṃ gatā ‘‘mucchito visavegena, visaññī samapajjathā’’tiettha (jā. 2.22.328) viya. Te yogayuttā mārassāti te janā sattā mārassa yoge yuttā nāma honti. Ayogakkheminoti catūhi yogehi ītīhi khemaṃ nibbānaṃ appattā. Sattā gacchanti saṃsāranti teyeva puggalā saṃsāraṃ saṃsaranti. Kasmā? Jātimaraṇagāmino hi te, tasmā saṃsarantīti attho. Buddhāti catusaccabuddhā sabbaññuno. Kālattayasādhāraṇavasena bahuvacanaṃ. Lokasminti okāsaloke. Pabhaṅkarāti lokassa paññālokaṃ karā. Imaṃ dhammaṃ pakāsentīti vipallāsappahānaṃ dhammaṃ jotenti. Dukkhūpasamagāminanti dukkhavūpasamaṃ nibbānaṃ gacchantaṃ. Tesaṃ sutvānāti tesaṃ buddhānaṃ dhammaṃ sutvāna. Sappaññāti bhabbabhūtā paññavanto. Sacittaṃ paccaladdhūti vipallāsavajjitaṃ sakacittaṃ paṭilabhitvā. Paṭialaddhūti padacchedo. Atha vā paṭilabhiṃsu paṭialaddhunti padacchedo. Aniccato dakkhunti aniccavaseneva addasaṃsu. Anattani anattāti anattānaṃ anattāti addakkhuṃ. Atha vā anattani vatthusmiṃ attā natthīti addakkhuṃ. Sammādiṭṭhisamādānāti gahitasammādassanā. Sabbaṃ dukkhaṃ upaccagunti sakalaṃ vaṭṭadukkhaṃ samatikkantā.
бахийнаабахийнабужчааяа д̣̇идтисамбаннассаад̇и сод̇аабаннасса. д̣̇угкз суканд̇и сан̃н̃аа уббаж̇ж̇ад̇и. жид̇д̇ам̣ уббаж̇ж̇ад̇ийд̇и мохагаалуссияасса аббахийнад̇д̇аа сан̃н̃аамад̇д̇ам̣ ваа жид̇д̇амад̇д̇ам̣ ваа уббаж̇ж̇ад̇и, анааг̇аамиссаби уббаж̇ж̇ад̇и, гим̣ бана сод̇аабаннасса. имз д̣̇вз арахад̇оязва бахийнаа. асубхз субханд̇и сан̃н̃аа уббаж̇ж̇ад̇и. жид̇д̇ам̣ уббаж̇ж̇ад̇ийд̇и сагад̣̇ааг̇аамиссаби уббаж̇ж̇ад̇и, гим̣ бана сод̇аабаннасса. имз д̣̇вз анааг̇аамисса бахийнаад̇и адтагат̇ааяам̣ вуд̇д̇ам̣. д̇асмаа ид̣̇ам̣ д̣̇ваяам̣ сод̇аабаннасагад̣̇ааг̇аамино санд̇хааяа вуд̇д̇анд̇и взд̣̇ид̇аб̣б̣ам̣. анааг̇аамино гаамарааг̇асса бахийнад̇д̇аа ‘‘асубхз субха’’нд̇и сан̃н̃аажид̇д̇авибаллаасаанан̃жа бахаанам̣ вуд̇д̇анд̇и взд̣̇ид̇аб̣б̣ам̣. д̣̇вийсу вад̇т̇уусууд̇иаад̣̇ийхи бад̣̇зхи бахийнаабахийнз ниг̇амзд̇ваа д̣̇ассзд̇и. д̇ад̇т̇а ‘‘анижжз нижжа’’нд̇и, ‘‘анад̇д̇ани ад̇д̇аа’’д̇и имзсу д̣̇вийсу вад̇т̇уусу ча вибаллаасаа бахийнаа. ‘‘д̣̇угкз сука’’нд̇и, ‘‘асубхз субха’’нд̇и имзсу д̣̇вийсу вад̇т̇уусу д̣̇вз д̣̇идтивибаллаасаа бахийнаа. гзсужи бод̇т̇агзсу д̣̇взд̇и батамам̣ ликид̇ам̣, бажчаа чаад̇и. жад̇уусу вад̇т̇уусууд̇и жад̇д̇аари згад̇о гад̇ваа вуд̇д̇ам̣. адтаад̇и д̣̇вийсу ча, д̣̇вийсу д̣̇взд̇и адта. жад̇д̇аарод̇и д̣̇угкаасубхавад̇т̇уусу згзгасмим̣ д̣̇вз д̣̇вз сан̃н̃аажид̇д̇авибаллаасаад̇и жад̇д̇ааро. гзсужи бод̇т̇агзсу ‘‘ча д̣̇вийсуу’’д̇и вуд̇д̇адтаанзсуби звамзва ликид̇анд̇и.
Pahīnāpahīnapucchāya diṭṭhisampannassāti sotāpannassa. Dukkhe sukhanti saññā uppajjati. Cittaṃ uppajjatīti mohakālussiyassa appahīnattā saññāmattaṃ vā cittamattaṃ vā uppajjati, anāgāmissapi uppajjati, kiṃ pana sotāpannassa. Ime dve arahatoyeva pahīnā. Asubhe subhanti saññā uppajjati. Cittaṃ uppajjatīti sakadāgāmissapi uppajjati, kiṃ pana sotāpannassa. Ime dve anāgāmissa pahīnāti aṭṭhakathāyaṃ vuttaṃ. Tasmā idaṃ dvayaṃ sotāpannasakadāgāmino sandhāya vuttanti veditabbaṃ. Anāgāmino kāmarāgassa pahīnattā ‘‘asubhe subha’’nti saññācittavipallāsānañca pahānaṃ vuttanti veditabbaṃ. Dvīsuvatthūsūtiādīhi padehi pahīnāpahīne nigametvā dasseti. Tattha ‘‘anicce nicca’’nti, ‘‘anattani attā’’ti imesu dvīsu vatthūsu cha vipallāsā pahīnā. ‘‘Dukkhe sukha’’nti, ‘‘asubhe subha’’nti imesu dvīsu vatthūsu dve diṭṭhivipallāsā pahīnā. Kesuci potthakesu dveti paṭhamaṃ likhitaṃ, pacchā chāti. Catūsu vatthūsūti cattāri ekato katvā vuttaṃ. Aṭṭhāti dvīsu cha, dvīsu dveti aṭṭha. Cattāroti dukkhāsubhavatthūsu ekekasmiṃ dve dve saññācittavipallāsāti cattāro. Kesuci potthakesu ‘‘cha dvīsū’’ti vuttaṭṭhānesupi evameva likhitanti.
вибаллаасагат̇ааван̣н̣анаа нидтид̇аа.
Vipallāsakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 8. вибаллаасагат̇аа • 8. Vipallāsakathā
