| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. вибаллаасасуд̇д̇аван̣н̣анаа
9. Vipallāsasuttavaṇṇanā
49. навамз сан̃н̃аавибаллаасаад̇и сан̃н̃ааяа вибаллад̇т̇абхааваа, жад̇ассо вибарийд̇асан̃н̃ааяод̇и ад̇т̇о. сзсабад̣̇ад̣̇ваязби зсзва наяо. анижжз, бхигкавз, нижжанд̇и сан̃н̃аавибаллаасод̇и анижжз вад̇т̇усмим̣ ‘‘нижжам̣ ид̣̇а’’нд̇и звам̣ г̇ахзд̇ваа уббаж̇ж̇анагасан̃н̃аа, сан̃н̃аавибаллаасод̇и ад̇т̇о. иминаа наязна саб̣б̣абад̣̇зсу ад̇т̇о взд̣̇ид̇аб̣б̣о.
49. Navame saññāvipallāsāti saññāya vipallatthabhāvā, catasso viparītasaññāyoti attho. Sesapadadvayepi eseva nayo. Anicce, bhikkhave, niccanti saññāvipallāsoti anicce vatthusmiṃ ‘‘niccaṃ ida’’nti evaṃ gahetvā uppajjanakasaññā, saññāvipallāsoti attho. Iminā nayena sabbapadesu attho veditabbo.
анад̇д̇ани жа ад̇д̇аад̇и анад̇д̇ани ‘‘ад̇д̇аа’’д̇и звам̣сан̃н̃инод̇и ад̇т̇о. мижчаад̣̇идтихад̇аад̇и на гзвалам̣ сан̃н̃инова, сан̃н̃ааяа вияа уббаж̇ж̇амаанааяа мижчаад̣̇идтияааби хад̇аа. кид̇д̇ажид̇д̇аад̇и д̇з сан̃н̃аад̣̇идтияо вияа уббаж̇ж̇амаанзна кид̇д̇зна жид̇д̇зна саманнааг̇ад̇аа. висан̃н̃инод̇и д̣̇зсанаамад̇д̇амзд̇ам̣, вибарийд̇асан̃н̃аажид̇д̇ад̣̇идтинод̇и ад̇т̇о. д̇з яог̇аяуд̇д̇аа маарассаад̇и д̇з маарасса яог̇з яуд̇д̇аа наама хонд̇и. аяог̇агкзминод̇и жад̇уухи яог̇зхи кзмам̣ ниб̣б̣аанам̣ аббад̇д̇аа. сад̇д̇аад̇и буг̇г̇алаа. б̣уд̣̇д̇хаад̇и жад̇усажжаб̣уд̣̇д̇хаа. имам̣ д̇хамманд̇и жад̇усажжад̇хаммам̣. сажид̇д̇ам̣ бажжалад̣̇д̇хаад̇и сагам̣ жид̇д̇ам̣ бадилабхид̇ваа. анижжад̇о д̣̇агкунд̇и анижжабхаавзна ад̣̇д̣̇асам̣су. асубхад̇ад̣̇д̣̇асунд̇и асубхам̣ асубхад̇оязва ад̣̇д̣̇асам̣су. саммаад̣̇идтисамаад̣̇аанаад̇и г̇ахид̇асаммаад̣̇ассанаа. саб̣б̣ам̣ д̣̇угкам̣ убажжаг̇унд̇и сагалам̣ ваддад̣̇угкам̣ самад̇игганд̇аа.
Anattani ca attāti anattani ‘‘attā’’ti evaṃsaññinoti attho. Micchādiṭṭhihatāti na kevalaṃ saññinova, saññāya viya uppajjamānāya micchādiṭṭhiyāpi hatā. Khittacittāti te saññādiṭṭhiyo viya uppajjamānena khittena cittena samannāgatā. Visaññinoti desanāmattametaṃ, viparītasaññācittadiṭṭhinoti attho. Te yogayuttā mārassāti te mārassa yoge yuttā nāma honti. Ayogakkheminoti catūhi yogehi khemaṃ nibbānaṃ appattā. Sattāti puggalā. Buddhāti catusaccabuddhā. Imaṃ dhammanti catusaccadhammaṃ. Sacittaṃ paccaladdhāti sakaṃ cittaṃ paṭilabhitvā. Aniccato dakkhunti aniccabhāvena addasaṃsu. Asubhataddasunti asubhaṃ asubhatoyeva addasaṃsu. Sammādiṭṭhisamādānāti gahitasammādassanā. Sabbaṃ dukkhaṃ upaccagunti sakalaṃ vaṭṭadukkhaṃ samatikkantā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. вибаллаасасуд̇д̇ам̣ • 9. Vipallāsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. вибаллаасасуд̇д̇аван̣н̣анаа • 9. Vipallāsasuttavaṇṇanā
