| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. વਿਪਲ੍ਲਾਸਸੁਤ੍ਤવਣ੍ਣਨਾ
9. Vipallāsasuttavaṇṇanā
੪੯. ਨવਮੇ ਸਞ੍ਞਾવਿਪਲ੍ਲਾਸਾਤਿ ਸਞ੍ਞਾਯ વਿਪਲ੍ਲਤ੍ਥਭਾવਾ, ਚਤਸ੍ਸੋ વਿਪਰੀਤਸਞ੍ਞਾਯੋਤਿ ਅਤ੍ਥੋ। ਸੇਸਪਦਦ੍વਯੇਪਿ ਏਸੇવ ਨਯੋ। ਅਨਿਚ੍ਚੇ, ਭਿਕ੍ਖવੇ, ਨਿਚ੍ਚਨ੍ਤਿ ਸਞ੍ਞਾવਿਪਲ੍ਲਾਸੋਤਿ ਅਨਿਚ੍ਚੇ વਤ੍ਥੁਸ੍ਮਿਂ ‘‘ਨਿਚ੍ਚਂ ਇਦ’’ਨ੍ਤਿ ਏવਂ ਗਹੇਤ੍વਾ ਉਪ੍ਪਜ੍ਜਨਕਸਞ੍ਞਾ, ਸਞ੍ਞਾવਿਪਲ੍ਲਾਸੋਤਿ ਅਤ੍ਥੋ। ਇਮਿਨਾ ਨਯੇਨ ਸਬ੍ਬਪਦੇਸੁ ਅਤ੍ਥੋ વੇਦਿਤਬ੍ਬੋ।
49. Navame saññāvipallāsāti saññāya vipallatthabhāvā, catasso viparītasaññāyoti attho. Sesapadadvayepi eseva nayo. Anicce, bhikkhave, niccanti saññāvipallāsoti anicce vatthusmiṃ ‘‘niccaṃ ida’’nti evaṃ gahetvā uppajjanakasaññā, saññāvipallāsoti attho. Iminā nayena sabbapadesu attho veditabbo.
ਅਨਤ੍ਤਨਿ ਚ ਅਤ੍ਤਾਤਿ ਅਨਤ੍ਤਨਿ ‘‘ਅਤ੍ਤਾ’’ਤਿ ਏવਂਸਞ੍ਞਿਨੋਤਿ ਅਤ੍ਥੋ। ਮਿਚ੍ਛਾਦਿਟ੍ਠਿਹਤਾਤਿ ਨ ਕੇવਲਂ ਸਞ੍ਞਿਨੋવ, ਸਞ੍ਞਾਯ વਿਯ ਉਪ੍ਪਜ੍ਜਮਾਨਾਯ ਮਿਚ੍ਛਾਦਿਟ੍ਠਿਯਾਪਿ ਹਤਾ। ਖਿਤ੍ਤਚਿਤ੍ਤਾਤਿ ਤੇ ਸਞ੍ਞਾਦਿਟ੍ਠਿਯੋ વਿਯ ਉਪ੍ਪਜ੍ਜਮਾਨੇਨ ਖਿਤ੍ਤੇਨ ਚਿਤ੍ਤੇਨ ਸਮਨ੍ਨਾਗਤਾ। વਿਸਞ੍ਞਿਨੋਤਿ ਦੇਸਨਾਮਤ੍ਤਮੇਤਂ, વਿਪਰੀਤਸਞ੍ਞਾਚਿਤ੍ਤਦਿਟ੍ਠਿਨੋਤਿ ਅਤ੍ਥੋ। ਤੇ ਯੋਗਯੁਤ੍ਤਾ ਮਾਰਸ੍ਸਾਤਿ ਤੇ ਮਾਰਸ੍ਸ ਯੋਗੇ ਯੁਤ੍ਤਾ ਨਾਮ ਹੋਨ੍ਤਿ। ਅਯੋਗਕ੍ਖੇਮਿਨੋਤਿ ਚਤੂਹਿ ਯੋਗੇਹਿ ਖੇਮਂ ਨਿਬ੍ਬਾਨਂ ਅਪ੍ਪਤ੍ਤਾ। ਸਤ੍ਤਾਤਿ ਪੁਗ੍ਗਲਾ। ਬੁਦ੍ਧਾਤਿ ਚਤੁਸਚ੍ਚਬੁਦ੍ਧਾ। ਇਮਂ ਧਮ੍ਮਨ੍ਤਿ ਚਤੁਸਚ੍ਚਧਮ੍ਮਂ। ਸਚਿਤ੍ਤਂ ਪਚ੍ਚਲਦ੍ਧਾਤਿ ਸਕਂ ਚਿਤ੍ਤਂ ਪਟਿਲਭਿਤ੍વਾ। ਅਨਿਚ੍ਚਤੋ ਦਕ੍ਖੁਨ੍ਤਿ ਅਨਿਚ੍ਚਭਾવੇਨ ਅਦ੍ਦਸਂਸੁ। ਅਸੁਭਤਦ੍ਦਸੁਨ੍ਤਿ ਅਸੁਭਂ ਅਸੁਭਤੋਯੇવ ਅਦ੍ਦਸਂਸੁ। ਸਮ੍ਮਾਦਿਟ੍ਠਿਸਮਾਦਾਨਾਤਿ ਗਹਿਤਸਮ੍ਮਾਦਸ੍ਸਨਾ। ਸਬ੍ਬਂ ਦੁਕ੍ਖਂ ਉਪਚ੍ਚਗੁਨ੍ਤਿ ਸਕਲਂ વਟ੍ਟਦੁਕ੍ਖਂ ਸਮਤਿਕ੍ਕਨ੍ਤਾ।
Anattani ca attāti anattani ‘‘attā’’ti evaṃsaññinoti attho. Micchādiṭṭhihatāti na kevalaṃ saññinova, saññāya viya uppajjamānāya micchādiṭṭhiyāpi hatā. Khittacittāti te saññādiṭṭhiyo viya uppajjamānena khittena cittena samannāgatā. Visaññinoti desanāmattametaṃ, viparītasaññācittadiṭṭhinoti attho. Te yogayuttā mārassāti te mārassa yoge yuttā nāma honti. Ayogakkheminoti catūhi yogehi khemaṃ nibbānaṃ appattā. Sattāti puggalā. Buddhāti catusaccabuddhā. Imaṃ dhammanti catusaccadhammaṃ. Sacittaṃ paccaladdhāti sakaṃ cittaṃ paṭilabhitvā. Aniccato dakkhunti aniccabhāvena addasaṃsu. Asubhataddasunti asubhaṃ asubhatoyeva addasaṃsu. Sammādiṭṭhisamādānāti gahitasammādassanā. Sabbaṃ dukkhaṃ upaccagunti sakalaṃ vaṭṭadukkhaṃ samatikkantā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. વਿਪਲ੍ਲਾਸਸੁਤ੍ਤਂ • 9. Vipallāsasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. વਿਪਲ੍ਲਾਸਸੁਤ੍ਤવਣ੍ਣਨਾ • 9. Vipallāsasuttavaṇṇanā
