| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
9. вибассанаагат̇аа
9. Vipassanākathā
вибассанаагат̇ааван̣н̣анаа
Vipassanākathāvaṇṇanā
36. ид̣̇аани вибассанаабадисам̣яуд̇д̇ааяа сад̇ибадтаанагат̇ааяа ананд̇арам̣ вибассанаабабхзд̣̇ам̣ д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа вибассанаагат̇ааяа абуб̣б̣ад̇т̇аануван̣н̣анаа. д̇ад̇т̇а суд̇д̇анд̇з д̇аава соид̇и саб̣б̣анаамад̇д̇аа яо ваа со ваа саб̣б̣оби сан̇г̇ахид̇о ход̇и. вад̇аад̇и згам̣сад̇т̇з нибаад̇о. ган̃жи сан̇кааранд̇и аббамад̇д̇агамби сан̇каарам̣. ануломигааяа канд̇ияаад̇и зд̇т̇а вибассанаан̃аан̣амзва логуд̇д̇арамаг̇г̇ам̣ ануломзд̇ийд̇и ануломигам̣, д̇ад̣̇зва канд̇имабзгкид̇ваа ануломигаа. саб̣б̣асан̇каараа д̇асса анижжад̇о д̣̇угкад̇о анад̇д̇ад̇о каманд̇и ружжанд̇ийд̇и канд̇и. саа муд̣̇угаа маж̇жхимаа д̇игкаад̇и д̇ивид̇хаа. галаабасаммасанаад̣̇игаа уд̣̇аяаб̣б̣аяан̃аан̣абарияосаанаа муд̣̇угаануломигаа канд̇и. бхан̇г̇аанубассанаад̣̇игаа сан̇каарубзгкаан̃аан̣абарияосаанаа маж̇жхимаануломигаа канд̇и. ануломан̃аан̣ам̣ д̇игкаануломигаа канд̇и. саманнааг̇ад̇од̇и убзд̇о. нзд̇ам̣ таанам̣ виж̇ж̇ад̇ийд̇и яат̇аавуд̇д̇ам̣ зд̇ам̣ таанам̣ зд̇ам̣ гааран̣ам̣ на виж̇ж̇ад̇и. саммад̇д̇анияааманд̇и зд̇т̇а ‘‘хид̇асукаавахо мз бхависсад̇ий’’д̇и звам̣ аасийсад̇о д̇ат̇зва самбхавад̇о асубхаад̣̇ийсу жа асубханд̇иаад̣̇иавибарийд̇аббавад̇д̇исаб̣бхаавад̇о жа саммаа сабхаавод̇и саммад̇д̇о, ананд̇арапалад̣̇аанааяа арахад̇д̇уббад̇д̇ияаа жа нияаамабхууд̇ад̇д̇аа нияаамо, нижчаяод̇и ад̇т̇о. саммад̇д̇о жа со нияаамо жаад̇и саммад̇д̇анияаамо. го со? логуд̇д̇арамаг̇г̇о, висзсад̇о бана сод̇аабад̇д̇имаг̇г̇о. д̇зна хи маг̇г̇анияаамзна нияад̇ад̇д̇аа ‘‘нияад̇о самб̣од̇хибарааяан̣о’’д̇и (баараа. 21; д̣̇ий. ни. 1.373) вуд̇д̇ам̣. д̇ам̣ саммад̇д̇анияаамам̣ оггамиссад̇и бависиссад̇ийд̇и зд̇ам̣ адтаананд̇и ад̇т̇о. г̇од̇рабхуно бана маг̇г̇асса ааваж̇ж̇анадтаанияад̇д̇аа д̇ам̣ анаад̣̇ияид̇ваа ануломигаканд̇ияаа ананд̇арам̣ саммад̇д̇анияаамоггаманам̣ вуд̇д̇анд̇и взд̣̇ид̇аб̣б̣ам̣. ат̇а ваа адтаарасасу махаавибассанаасу г̇од̇рабху вивадданаанубассанаа ход̇ийд̇и ануломигаканд̇ияаа зва сан̇г̇ахид̇аа ход̇и. жад̇уусуби суд̇д̇анд̇зсу иминаава наязна ад̇т̇о взд̣̇ид̇аб̣б̣о. зд̇зхи ануломигаканд̇исаммад̇д̇анияаамажад̇уарияапалавасзна жа ча д̇хаммаад̇и чагганибаад̇з (а. ни. 6.98, 101) жад̇д̇ааро суд̇д̇анд̇аа вуд̇д̇аа. ган̣хабагкасуггабагкад̣̇ваяавасзна хи жад̇д̇ааро суд̇д̇анд̇аава хонд̇ийд̇и.
36. Idāni vipassanāpaṭisaṃyuttāya satipaṭṭhānakathāya anantaraṃ vipassanāpabhedaṃ dassentena kathitāya suttantapubbaṅgamāya vipassanākathāya apubbatthānuvaṇṇanā. Tattha suttante tāva soiti sabbanāmattā yo vā so vā sabbopi saṅgahito hoti. Vatāti ekaṃsatthe nipāto. Kañci saṅkhāranti appamattakampi saṅkhāraṃ. Anulomikāya khantiyāti ettha vipassanāñāṇameva lokuttaramaggaṃ anulometīti anulomikaṃ, tadeva khantimapekkhitvā anulomikā. Sabbasaṅkhārā tassa aniccato dukkhato anattato khamanti ruccantīti khanti. Sā mudukā majjhimā tikkhāti tividhā. Kalāpasammasanādikā udayabbayañāṇapariyosānā mudukānulomikā khanti. Bhaṅgānupassanādikā saṅkhārupekkhāñāṇapariyosānā majjhimānulomikā khanti. Anulomañāṇaṃ tikkhānulomikā khanti. Samannāgatoti upeto. Netaṃ ṭhānaṃ vijjatīti yathāvuttaṃ etaṃ ṭhānaṃ etaṃ kāraṇaṃ na vijjati. Sammattaniyāmanti ettha ‘‘hitasukhāvaho me bhavissatī’’ti evaṃ āsīsato tatheva sambhavato asubhādīsu ca asubhantiādiaviparītappavattisabbhāvato ca sammā sabhāvoti sammatto, anantaraphaladānāya arahattuppattiyā ca niyāmabhūtattā niyāmo, nicchayoti attho. Sammatto ca so niyāmo cāti sammattaniyāmo. Ko so? Lokuttaramaggo, visesato pana sotāpattimaggo. Tena hi magganiyāmena niyatattā ‘‘niyato sambodhiparāyaṇo’’ti (pārā. 21; dī. ni. 1.373) vuttaṃ. Taṃ sammattaniyāmaṃ okkamissati pavisissatīti etaṃ aṭṭhānanti attho. Gotrabhuno pana maggassa āvajjanaṭṭhāniyattā taṃ anādiyitvā anulomikakhantiyā anantaraṃ sammattaniyāmokkamanaṃ vuttanti veditabbaṃ. Atha vā aṭṭhārasasu mahāvipassanāsu gotrabhu vivaṭṭanānupassanā hotīti anulomikakhantiyā eva saṅgahitā hoti. Catūsupi suttantesu imināva nayena attho veditabbo. Etehi anulomikakhantisammattaniyāmacatuariyaphalavasena ca cha dhammāti chakkanipāte (a. ni. 6.98, 101) cattāro suttantā vuttā. Kaṇhapakkhasukkapakkhadvayavasena hi cattāro suttantāva hontīti.
37. гад̇ихаагаарзхийд̇иаад̣̇игз бужчаабуб̣б̣ан̇г̇амз суд̇д̇анд̇анид̣̇д̣̇зсз бан̃жагканд̇хз анижжад̇од̇иаад̣̇ийсу наамаруубан̃жа наамаруубасса бажжаяз жа бариг̇г̇ахзд̇ваа галаабасаммасанавасзна аарад̣̇д̇хавибассаго яог̇ааважаро бан̃жасу канд̇хзсу згзгам̣ канд̇хам̣ анижжанд̇игад̇ааяа аад̣̇ианд̇авад̇ааяа жа анижжад̇о бассад̇и . уббаад̣̇аваяабадибийл̣анад̇ааяа д̣̇угкавад̇т̇уд̇ааяа жа д̣̇угкад̇о. бажжаяаяаабанийяад̇ааяа рог̇амуулад̇ааяа жа рог̇ад̇о. д̣̇угкад̇аасуулаяог̇ид̇ааяа гилзсаасужибаг̇гхаран̣ад̇ааяа уббаад̣̇аж̇араабхан̇г̇зхи уд̣̇д̇хумаад̇абарибаггабабхиннад̇ааяа жа г̇ан̣д̣ад̇о. бийл̣ааж̇анагад̇ааяа анд̇од̇уд̣̇анад̇ааяа д̣̇уннийхаран̣ийяад̇ааяа жа саллад̇о. виг̇арахан̣ийяад̇ааяа авад̣дхиааваханад̇ааяа агхавад̇т̇уд̇ааяа жа агхад̇о. асзрибхааваж̇анагад̇ааяа ааб̣аад̇хабад̣̇адтаанад̇ааяа жа ааб̣аад̇хад̇о. авасад̇ааяа авид̇хзяяад̇ааяа жа барад̇о. б̣яаад̇хиж̇араамаран̣зхи луж̇ж̇анабалуж̇ж̇анад̇ааяа балогад̇о. анзгаб̣яасанааваханад̇ааяа ийд̇ид̇о. авид̣̇ид̇аанам̣язва вибулаанам̣ анад̇т̇аанам̣ ааваханад̇о саб̣б̣уубад̣̇д̣̇ававад̇т̇уд̇ааяа жа убад̣̇д̣̇авад̇о. саб̣б̣абхаяаанам̣ аагарад̇ааяа жа д̣̇угкавуубасамасан̇каад̇асса барамассаасасса бадибагкабхууд̇ад̇ааяа жа бхаяад̇о. анзгзхи анад̇т̇зхи ануб̣ад̣̇д̇хад̇ааяа д̣̇осуубасадтад̇ааяа убасаг̇г̇о вияа анад̇хиваасанаарахад̇ааяа жа убасаг̇г̇ад̇о. б̣яаад̇хиж̇араамаран̣зхи жзва лобхаад̣̇ийхи жа логад̇хаммзхи бажалид̇ад̇ааяа жалад̇о. убаггамзна жзва сарасзна жа бабхан̇г̇убаг̇аманасийлад̇ааяа бабхан̇г̇уд̇о. саб̣б̣аавад̇т̇анибаад̇ид̇ааяа т̇ирабхаавасса жа абхаавад̇ааяа ад̣̇д̇хувад̇о. ад̇ааяанад̇ааяа жзва алаб̣бханзяяакзмад̇ааяа жа ад̇аан̣ад̇о. аллийяид̇ум̣ анарахад̇ааяа аллийнаанамби жа лзн̣агижжаагаарид̇ааяа алзн̣ад̇о . ниссид̇аанам̣ бхаяасаарагад̇д̇аабхаавзна асаран̣ад̇о. яат̇аабаригаббид̇зхи д̇хувасубхасукад̇д̇абхаавзхи рид̇д̇ад̇ааяа рид̇д̇ад̇о. рид̇д̇ад̇ааязва д̇ужчад̇о, аббагад̇д̇аа ваа. аббагамби хи логз д̇ужчанд̇и вужжад̇и. сааминиваасивзд̣̇агагаарагаад̇хидтааяагавирахид̇ад̇ааяа сун̃н̃ад̇о. саяан̃жа асаамигабхааваад̣̇ид̇ааяа анад̇д̇ад̇о. бавад̇д̇ид̣̇угкад̇ааяа д̣̇угкасса жа аад̣̇ийнавад̇ааяа аад̣̇ийнавад̇о. ат̇а ваа аад̣̇ийнам̣ ваад̇и г̇ажчад̇и бавад̇д̇ад̇ийд̇и аад̣̇ийнаво. габан̣амануссассзд̇ам̣ ад̇хиважанам̣, канд̇хааби жа габан̣ааязваад̇и аад̣̇ийнавасад̣̇исад̇ааяа аад̣̇ийнавад̇о. ж̇арааяа жзва маран̣зна жаад̇и д̣̇взд̇хаа барин̣аамабагад̇ид̇ааяа вибарин̣аамад̇хаммад̇о. д̣̇уб̣б̣алад̇ааяа пзг̇г̇у вияа сукабхан̃ж̇анийяад̇ааяа жа асаарагад̇о. агхахзд̇уд̇ааяа агхамуулад̇о. мид̇д̇амукасабад̇д̇о вияа виссаасагхаад̇ид̇ааяа вад̇хагад̇о. виг̇ад̇абхавад̇ааяа вибхавасамбхууд̇ад̇ааяа жа вибхавад̇о. аасавабад̣̇адтаанад̇ааяа саасавад̇о. хзд̇убажжаязхи абхисан̇кад̇ад̇ааяа сан̇кад̇ад̇о. мажжумаарагилзсамаараанам̣ аамисабхууд̇ад̇ааяа маараамисад̇о. ж̇аад̇иж̇арааб̣яаад̇химаран̣абагад̇ид̇ааяа ж̇аад̇иж̇арааб̣яаад̇химаран̣ад̇хаммад̇о. согабарид̣̇зваубааяаасахзд̇уд̇ааяа согабарид̣̇зваубааяаасад̇хаммад̇о. д̇ан̣хаад̣̇идтид̣̇ужжарид̇асам̣гилзсаанам̣ висаяад̇хаммад̇ааяа сам̣гилзсигад̇хаммад̇о бассад̇и. саб̣б̣зсу жа имзсу ‘‘бассад̇ий’’д̇и баатасзсо д̣̇адтаб̣б̣о.
37.Katihākārehītiādike pucchāpubbaṅgame suttantaniddese pañcakkhandhe aniccatotiādīsu nāmarūpañca nāmarūpassa paccaye ca pariggahetvā kalāpasammasanavasena āraddhavipassako yogāvacaro pañcasu khandhesu ekekaṃ khandhaṃ aniccantikatāya ādiantavatāya ca aniccato passati . Uppādavayapaṭipīḷanatāya dukkhavatthutāya ca dukkhato. Paccayayāpanīyatāya rogamūlatāya ca rogato. Dukkhatāsūlayogitāya kilesāsucipaggharaṇatāya uppādajarābhaṅgehi uddhumātaparipakkapabhinnatāya ca gaṇḍato. Pīḷājanakatāya antotudanatāya dunnīharaṇīyatāya ca sallato. Vigarahaṇīyatāya avaḍḍhiāvahanatāya aghavatthutāya ca aghato. Aseribhāvajanakatāya ābādhapadaṭṭhānatāya ca ābādhato. Avasatāya avidheyyatāya ca parato. Byādhijarāmaraṇehi lujjanapalujjanatāya palokato. Anekabyasanāvahanatāya ītito. Aviditānaṃyeva vipulānaṃ anatthānaṃ āvahanato sabbūpaddavavatthutāya ca upaddavato. Sabbabhayānaṃ ākaratāya ca dukkhavūpasamasaṅkhātassa paramassāsassa paṭipakkhabhūtatāya ca bhayato. Anekehi anatthehi anubaddhatāya dosūpasaṭṭhatāya upasaggo viya anadhivāsanārahatāya ca upasaggato. Byādhijarāmaraṇehi ceva lobhādīhi ca lokadhammehi pacalitatāya calato. Upakkamena ceva sarasena ca pabhaṅgupagamanasīlatāya pabhaṅguto. Sabbāvatthanipātitāya thirabhāvassa ca abhāvatāya addhuvato. Atāyanatāya ceva alabbhaneyyakhematāya ca atāṇato. Allīyituṃ anarahatāya allīnānampi ca leṇakiccākāritāya aleṇato. Nissitānaṃ bhayasārakattābhāvena asaraṇato. Yathāparikappitehi dhuvasubhasukhattabhāvehi rittatāya rittato. Rittatāyeva tucchato, appakattā vā. Appakampi hi loke tucchanti vuccati. Sāminivāsivedakakārakādhiṭṭhāyakavirahitatāya suññato. Sayañca asāmikabhāvāditāya anattato. Pavattidukkhatāya dukkhassa ca ādīnavatāya ādīnavato. Atha vā ādīnaṃ vāti gacchati pavattatīti ādīnavo. Kapaṇamanussassetaṃ adhivacanaṃ, khandhāpi ca kapaṇāyevāti ādīnavasadisatāya ādīnavato. Jarāya ceva maraṇena cāti dvedhā pariṇāmapakatitāya vipariṇāmadhammato. Dubbalatāya pheggu viya sukhabhañjanīyatāya ca asārakato. Aghahetutāya aghamūlato. Mittamukhasapatto viya vissāsaghātitāya vadhakato. Vigatabhavatāya vibhavasambhūtatāya ca vibhavato. Āsavapadaṭṭhānatāya sāsavato. Hetupaccayehi abhisaṅkhatatāya saṅkhatato. Maccumārakilesamārānaṃ āmisabhūtatāya mārāmisato. Jātijarābyādhimaraṇapakatitāya jātijarābyādhimaraṇadhammato. Sokaparidevaupāyāsahetutāya sokaparidevaupāyāsadhammato. Taṇhādiṭṭhiduccaritasaṃkilesānaṃ visayadhammatāya saṃkilesikadhammato passati. Sabbesu ca imesu ‘‘passatī’’ti pāṭhaseso daṭṭhabbo.
38. бан̃жагканд̇хзд̇и самуухад̇о вуд̇д̇зби згзгаканд̇хавасзна ад̇т̇аван̣н̣анаа галаабасаммасанан̃аан̣анид̣̇д̣̇зсз висум̣ висум̣ ааг̇ад̇ад̇д̇аа барияосаанз жа висум̣ висум̣ канд̇хаанам̣ васзна анубассанаанам̣ г̇ан̣ид̇ад̇д̇аа самуухз бавад̇д̇аважанаанам̣ аваяавзби бавад̇д̇исамбхавад̇о жа гад̇аад̇и взд̣̇ид̇аб̣б̣аа, висум̣ висум̣ бавад̇д̇асаммасанаанам̣ згад̇о сан̇кибид̇ваа важанавасзна ваа ‘‘бан̃жагканд̇хз’’д̇и вуд̇д̇анд̇и взд̣̇ид̇аб̣б̣ам̣. ‘‘згаббахаарзна бан̃жахи канд̇хзхи вудтаад̇ий’’д̇и (висуд̣̇д̇хи. 2.783) адтагат̇ааважанасаб̣бхаавад̇о ваа бан̃жаннам̣ канд̇хаанам̣ згад̇о саммасанам̣ ваа яуж̇ж̇ад̇иязваад̇и. бан̃жаннам̣ канд̇хаанам̣ нирод̇хо нижжам̣ ниб̣б̣аананд̇и бассанд̇од̇иаад̣̇ийнаван̃аан̣анид̣̇д̣̇зсз вуд̇д̇анаязна вибассанаагаалз санд̇ибад̣̇ан̃аан̣авасзна нижжам̣ ниб̣б̣аананд̇и бассанд̇о. саммад̇д̇анияаамам̣ оггамад̇ийд̇и маг̇г̇агкан̣з оггамад̇и, палагкан̣з бана огганд̇о наама ход̇и. зсзва наяо саб̣б̣зсуби нияаамоггаманабарияааязсу. аарог̇яанд̇и аарог̇яабхууд̇ам̣. висалланд̇и саллавирахид̇ам̣. зсзва наяо ийд̣̇исзсу. анааб̣аад̇ханд̇и ааб̣аад̇хавирахид̇ам̣, ааб̣аад̇хабадибагкабхууд̇ам̣ ваа. зса наяо ийд̣̇исзсу. абараббажжаяанд̇и ан̃н̃абажжаяавирахид̇ам̣. убассаг̇г̇ад̇од̇и жа анубассаг̇г̇анд̇и жа гзжи сам̣яог̇ам̣ гад̇ваа батанд̇и. барамасун̃н̃анд̇и саб̣б̣асан̇каарасун̃н̃ад̇д̇аа уд̇д̇амад̇д̇аа жа барамасун̃н̃ам̣. барамад̇т̇анд̇и сан̇кад̇аасан̇кад̇аанам̣ аг̇г̇абхууд̇ад̇д̇аа уд̇д̇амад̇т̇ам̣ . лин̇г̇авибаллаасавасзна набум̣сагаважанам̣. ниб̣б̣аанасса жа сун̃н̃ад̇д̇аа анад̇д̇ад̇д̇аа жа имасмим̣ д̣̇ваяз бадиломабарияааяо на вуд̇д̇о. анаасаванд̇и аасававирахид̇ам̣. нираамисанд̇и аамисавирахид̇ам̣. аж̇аад̇анд̇и ж̇аад̇ивирахид̇ад̇д̇аа ануббаннам̣. амад̇анд̇и бхан̇г̇аабхаавад̇о маран̣авирахид̇ам̣. маран̣амби хи набум̣сагабхаававажанавасзна ‘‘мад̇а’’нд̇и вужжад̇и.
38.Pañcakkhandheti samūhato vuttepi ekekakhandhavasena atthavaṇṇanā kalāpasammasanañāṇaniddese visuṃ visuṃ āgatattā pariyosāne ca visuṃ visuṃ khandhānaṃ vasena anupassanānaṃ gaṇitattā samūhe pavattavacanānaṃ avayavepi pavattisambhavato ca katāti veditabbā, visuṃ visuṃ pavattasammasanānaṃ ekato saṅkhipitvā vacanavasena vā ‘‘pañcakkhandhe’’ti vuttanti veditabbaṃ. ‘‘Ekappahārena pañcahi khandhehi vuṭṭhātī’’ti (visuddhi. 2.783) aṭṭhakathāvacanasabbhāvato vā pañcannaṃ khandhānaṃ ekato sammasanaṃ vā yujjatiyevāti. Pañcannaṃ khandhānaṃ nirodho niccaṃ nibbānanti passantotiādīnavañāṇaniddese vuttanayena vipassanākāle santipadañāṇavasena niccaṃ nibbānanti passanto. Sammattaniyāmaṃ okkamatīti maggakkhaṇe okkamati, phalakkhaṇe pana okkanto nāma hoti. Eseva nayo sabbesupi niyāmokkamanapariyāyesu. Ārogyanti ārogyabhūtaṃ. Visallanti sallavirahitaṃ. Eseva nayo īdisesu. Anābādhanti ābādhavirahitaṃ, ābādhapaṭipakkhabhūtaṃ vā. Esa nayo īdisesu. Aparappaccayanti aññapaccayavirahitaṃ. Upassaggatoti ca anupassagganti ca keci saṃyogaṃ katvā paṭhanti. Paramasuññanti sabbasaṅkhārasuññattā uttamattā ca paramasuññaṃ. Paramatthanti saṅkhatāsaṅkhatānaṃ aggabhūtattā uttamatthaṃ . Liṅgavipallāsavasena napuṃsakavacanaṃ. Nibbānassa ca suññattā anattattā ca imasmiṃ dvaye paṭilomapariyāyo na vutto. Anāsavanti āsavavirahitaṃ. Nirāmisanti āmisavirahitaṃ. Ajātanti jātivirahitattā anuppannaṃ. Amatanti bhaṅgābhāvato maraṇavirahitaṃ. Maraṇampi hi napuṃsakabhāvavacanavasena ‘‘mata’’nti vuccati.
39. звамимааяа бадибаадияаа вуд̇д̇аасу аагаарабхзд̣̇абхиннаасу жад̇д̇аалийсааяа анубассанаасу сабхаавасан̇г̇ахавасзна д̇ийсуязва анубассанаасу згасан̇г̇ахам̣ гаронд̇о анижжад̇од̇и анижжаанубассанаад̇иаад̣̇имааха. д̇аасу яат̇аануруубам̣ анижжад̣̇угкаанад̇д̇ад̇д̇з яож̇анаа гаад̇аб̣б̣аа. авасаанз банзд̇аа висум̣ висум̣ г̇ан̣анавасзна д̣̇ассид̇аа. г̇ан̣анаасу жа г̇ан̣анабадибаадивасзна батамам̣ анад̇д̇аанубассанаа г̇ан̣ид̇аа. д̇ад̇т̇а бан̃жавийсад̇ийд̇и ‘‘барад̇о рид̇д̇ад̇о д̇ужчад̇о сун̃н̃ад̇о анад̇д̇ад̇о’’д̇и згзгасмим̣ канд̇хз бан̃жа бан̃жа гад̇ваа бан̃жасу канд̇хзсу бан̃жавийсад̇и анад̇д̇аанубассанаа. бан̃н̃аасаад̇и ‘‘анижжад̇о балогад̇о жалад̇о бабхан̇г̇уд̇о ад̣̇д̇хувад̇о вибарин̣аамад̇хаммад̇о асаарагад̇о вибхавад̇о сан̇кад̇ад̇о маран̣ад̇хаммад̇о’’д̇и згзгасмим̣ канд̇хз д̣̇аса д̣̇аса гад̇ваа бан̃жасу канд̇хзсу бан̃н̃аасам̣ анижжаанубассанаа. сад̇ам̣ бан̃жавийсад̇и жзваад̇и сзсаа ‘‘д̣̇угкад̇о рог̇ад̇о’’д̇иаад̣̇аяо згзгасмим̣ канд̇хз бан̃жавийсад̇и бан̃жавийсад̇и гад̇ваа бан̃жасу канд̇хзсу бан̃жавийсад̇исад̇ам̣ д̣̇угкаанубассанаа. яаани д̣̇угкз бавужжарзд̇и яаа анубассанаа д̣̇угкз канд̇хабан̃жагз г̇ан̣анавасзна бавужжанд̇и, д̇аа сад̇ам̣ бан̃жавийсад̇и жзваад̇и самб̣анд̇хо взд̣̇ид̇аб̣б̣о. ‘‘яааний’’д̇и жзд̇т̇а лин̇г̇авибаллаасо д̣̇адтаб̣б̣од̇и.
39. Evamimāya paṭipāṭiyā vuttāsu ākārabhedabhinnāsu cattālīsāya anupassanāsu sabhāvasaṅgahavasena tīsuyeva anupassanāsu ekasaṅgahaṃ karonto aniccatoti aniccānupassanātiādimāha. Tāsu yathānurūpaṃ aniccadukkhānattatte yojanā kātabbā. Avasāne panetā visuṃ visuṃ gaṇanavasena dassitā. Gaṇanāsu ca gaṇanapaṭipāṭivasena paṭhamaṃ anattānupassanā gaṇitā. Tattha pañcavīsatīti ‘‘parato rittato tucchato suññato anattato’’ti ekekasmiṃ khandhe pañca pañca katvā pañcasu khandhesu pañcavīsati anattānupassanā. Paññāsāti ‘‘aniccato palokato calato pabhaṅguto addhuvato vipariṇāmadhammato asārakato vibhavato saṅkhatato maraṇadhammato’’ti ekekasmiṃ khandhe dasa dasa katvā pañcasu khandhesu paññāsaṃ aniccānupassanā. Sataṃ pañcavīsati cevāti sesā ‘‘dukkhato rogato’’tiādayo ekekasmiṃ khandhe pañcavīsati pañcavīsati katvā pañcasu khandhesu pañcavīsatisataṃ dukkhānupassanā. Yāni dukkhe pavuccareti yā anupassanā dukkhe khandhapañcake gaṇanavasena pavuccanti, tā sataṃ pañcavīsati cevāti sambandho veditabbo. ‘‘Yānī’’ti cettha liṅgavipallāso daṭṭhabboti.
вибассанаагат̇ааван̣н̣анаа нидтид̇аа.
Vipassanākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 9. вибассанаагат̇аа • 9. Vipassanākathā
