Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā

    21. вибассийб̣уд̣̇д̇хавам̣саван̣н̣анаа

    21. Vipassībuddhavaṃsavaṇṇanā

    пуссасса б̣уд̣̇д̇хасса абарабхааг̇з саанд̇арагаббз д̇асмин̃жа габбз вийд̇ивад̇д̇з ид̇о зганавуд̇игаббз виж̇ид̇асаб̣б̣агаббо барахид̇анирад̇асан̇габбо саб̣б̣ад̇т̇а вибассий вибассий наама сад̇т̇аа логз уд̣̇абаад̣̇и. со баарамияо буурзд̇ваа анзгарад̇анаман̣ивисарасамуж̇ж̇од̇ид̇абхаванз д̇усид̇абхаванз ниб̣б̣ад̇д̇ид̇ваа д̇ад̇о жавид̇ваа б̣анд̇хумад̇ийнаг̇арз анзгаб̣анд̇хумад̇о б̣анд̇хумад̇о ран̃н̃о б̣анд̇хумад̇ияаа наама аг̇г̇амахзсияаа гужчисмим̣ бадисанд̇хим̣ аг̇г̇ахзси. со д̣̇асаннам̣ маасаанам̣ ажжаязна кзмз миг̇ад̣̇ааяз маад̇уд̣̇арад̇о асид̇анийрад̣̇арааж̇ид̇о бун̣н̣ажанд̣̇о вияа нигками. наамаг̇г̇ахан̣ад̣̇ивасз банасса лагкан̣абаатагаа н̃аад̇агаа жа д̣̇иваа жа рад̇д̇ин̃жа анд̇аранд̇араа ниммисасан̃ж̇анид̇анд̇хагааравирахзна висуд̣̇д̇хам̣ бассанд̇и, вивадзхи ваа агкийхи бассад̇ийд̇и ‘‘вибассий’’д̇и наамамагам̣су. ‘‘вижзяяа вижзяяа бассад̇ийд̇и вибассий’’д̇и вад̣̇анд̇и. со адтавассасахассаани аг̇аарам̣ аж̇жхааваси. нанд̣̇а-сунанд̣̇а-сиримаанаамагаа д̇аяо жасса баасаад̣̇аа ахзсум̣.

    Phussassa buddhassa aparabhāge sāntarakappe tasmiñca kappe vītivatte ito ekanavutikappe vijitasabbakappo parahitaniratasaṅkappo sabbattha vipassī vipassī nāma satthā loke udapādi. So pāramiyo pūretvā anekaratanamaṇivisarasamujjotitabhavane tusitabhavane nibbattitvā tato cavitvā bandhumatīnagare anekabandhumato bandhumato rañño bandhumatiyā nāma aggamahesiyā kucchismiṃ paṭisandhiṃ aggahesi. So dasannaṃ māsānaṃ accayena kheme migadāye mātudarato asitanīradarājito puṇṇacando viya nikkhami. Nāmaggahaṇadivase panassa lakkhaṇapāṭhakā ñātakā ca divā ca rattiñca antarantarā nimmisasañjanitandhakāravirahena visuddhaṃ passanti, vivaṭehi vā akkhīhi passatīti ‘‘vipassī’’ti nāmamakaṃsu. ‘‘Viceyya viceyya passatīti vipassī’’ti vadanti. So aṭṭhavassasahassāni agāraṃ ajjhāvasi. Nanda-sunanda-sirimānāmakā tayo cassa pāsādā ahesuṃ.

    суд̣̇ассанаад̣̇звиббамукаанам̣ ид̇т̇ийнам̣ сад̇асахассам̣ вийсад̇и жа сахассаани ахзсум̣. ‘‘суд̇ануу’’д̇иби суд̣̇ассанаа вужжад̇и. со адтавассасахассаанам̣ ажжаязна жад̇д̇аари нимид̇д̇аани д̣̇исваа суд̇ануд̣̇звияаа самаваддагканд̇хз наама д̇анаяз ж̇аад̇з ааж̇ан̃н̃арат̇зна махаабхинигкаманам̣ нигкамид̇ваа баб̣б̣аж̇и. д̇ам̣ бурисаанам̣ жад̇ураасийд̇исад̇асахассаани анубаб̣б̣аж̇им̣су. со д̇зхи баривуд̇о махаабурисо адтамаасам̣ бад̇хаанажарияам̣ жарид̇ваа висаакабун̣н̣амааяа суд̣̇ассанасздтид̇хийд̇ааяа д̣̇иннам̣ мад̇хубааяаасам̣ барибхун̃ж̇ид̇ваа гусумасамалан̇гад̇з саалаванз д̣̇иваавихаарам̣ гад̇ваа суж̇аад̇зна наама яавабаалагзна д̣̇иннаа адта д̇ин̣амудтияо г̇ахзд̇ваа баадалиб̣од̇хим̣ самалан̇гад̇ам̣ д̣̇исваа д̣̇агкин̣ад̣̇исаабхааг̇зна д̇ам̣ убааг̇ами.

    Sudassanādevippamukhānaṃ itthīnaṃ satasahassaṃ vīsati ca sahassāni ahesuṃ. ‘‘Sutanū’’tipi sudassanā vuccati. So aṭṭhavassasahassānaṃ accayena cattāri nimittāni disvā sutanudeviyā samavaṭṭakkhandhe nāma tanaye jāte ājaññarathena mahābhinikkhamanaṃ nikkhamitvā pabbaji. Taṃ purisānaṃ caturāsītisatasahassāni anupabbajiṃsu. So tehi parivuto mahāpuriso aṭṭhamāsaṃ padhānacariyaṃ caritvā visākhapuṇṇamāya sudassanaseṭṭhidhītāya dinnaṃ madhupāyāsaṃ paribhuñjitvā kusumasamalaṅkate sālavane divāvihāraṃ katvā sujātena nāma yavapālakena dinnā aṭṭha tiṇamuṭṭhiyo gahetvā pāṭalibodhiṃ samalaṅkataṃ disvā dakkhiṇadisābhāgena taṃ upāgami.

    д̇ассаа бана баадалияаа самаваддагканд̇хо д̇ам̣ д̣̇ивасам̣ бан̣н̣аасарад̇ано худ̇ваа аб̣бхуг̇г̇ад̇о саакаа бан̣н̣аасарад̇анаа уб̣б̣зд̇хзна рад̇анасад̇ам̣ ахоси. д̇ам̣д̣̇ивасамзва саа баадалий ган̣н̣игааб̣ад̣̇д̇хзхи вияа бубпзхи барамасурабхиг̇анд̇хзхи муулад̇о бадтааяа саб̣б̣асан̃чаннаа ахоси. д̣̇иб̣б̣аг̇анд̇хо вааяад̇и, на гзвалам̣ д̇ад̣̇аа аяамзва бубпид̇о, д̣̇асасахасси жаггаваал̣зсу саб̣б̣з баадалияо бубпид̇аава. на гзвалам̣ баадалияова, д̣̇асасахассижаггаваал̣зсу саб̣б̣аругкаг̇умб̣алад̇ааяоби бубпим̣су. махаасамуд̣̇д̣̇оби бан̃жаван̣н̣зхи бад̣̇умзхи гувалаяуббалагумуд̣̇зхи сан̃чанно сийд̇аламад̇хурасалило ахоси. саб̣б̣амби жа д̣̇асасахасси жаггаваал̣аб̣бханд̇арам̣ д̇хаж̇амаалаагулам̣ ахоси. д̇ад̇т̇а д̇ад̇т̇а бадимаалааг̇улавиббагин̣н̣ам̣ наанаасурабхигусумасаж̇ж̇ид̇ад̇харан̣ийд̇алам̣ д̇хуубажун̣н̣анд̇хагаарам̣ ахоси. д̇ам̣ убаг̇анд̇ваа д̇збан̣н̣аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа жад̇уран̇г̇асаманнааг̇ад̇ам̣ вийрияам̣ ад̇хидтааяа – ‘‘яаава б̣уд̣̇д̇хо на хоми, д̇аава ид̇о на удтахаамий’’д̇и бадин̃н̃ам̣ гад̇ваа нисийд̣̇и. звам̣ нисийд̣̇ид̇ваа самаарам̣ маараб̣алам̣ вид̇хамид̇ваа маг̇г̇аануггамзна жад̇д̇аари маг̇г̇ан̃аан̣аани маг̇г̇аананд̇арам̣ жад̇д̇аари палан̃аан̣аани жад̇ассо бадисамбхид̣̇аа жад̇уяонибарижчзд̣̇аган̃аан̣ам̣ бан̃жаг̇ад̇ибарижчзд̣̇аган̃аан̣ам̣ жад̇увзсаараж̇ж̇ан̃аан̣аани ча асаад̇хааран̣ан̃аан̣аани жа сагалз жа б̣уд̣̇д̇хаг̇ун̣з хад̇т̇аг̇ад̇з гад̇ваа барибун̣н̣асан̇габбо б̣од̇хибаллан̇гз нисиннова –

    Tassā pana pāṭaliyā samavaṭṭakkhandho taṃ divasaṃ paṇṇāsaratano hutvā abbhuggato sākhā paṇṇāsaratanā ubbedhena ratanasataṃ ahosi. Taṃdivasameva sā pāṭalī kaṇṇikābaddhehi viya pupphehi paramasurabhigandhehi mūlato paṭṭhāya sabbasañchannā ahosi. Dibbagandho vāyati, na kevalaṃ tadā ayameva pupphito, dasasahassi cakkavāḷesu sabbe pāṭaliyo pupphitāva. Na kevalaṃ pāṭaliyova, dasasahassicakkavāḷesu sabbarukkhagumbalatāyopi pupphiṃsu. Mahāsamuddopi pañcavaṇṇehi padumehi kuvalayuppalakumudehi sañchanno sītalamadhurasalilo ahosi. Sabbampi ca dasasahassi cakkavāḷabbhantaraṃ dhajamālākulaṃ ahosi. Tattha tattha paṭimālāgulavippakiṇṇaṃ nānāsurabhikusumasajjitadharaṇītalaṃ dhūpacuṇṇandhakāraṃ ahosi. Taṃ upagantvā tepaṇṇāsahatthavitthataṃ tiṇasantharaṃ santharitvā caturaṅgasamannāgataṃ vīriyaṃ adhiṭṭhāya – ‘‘yāva buddho na homi, tāva ito na uṭṭhahāmī’’ti paṭiññaṃ katvā nisīdi. Evaṃ nisīditvā samāraṃ mārabalaṃ vidhamitvā maggānukkamena cattāri maggañāṇāni maggānantaraṃ cattāri phalañāṇāni catasso paṭisambhidā catuyoniparicchedakañāṇaṃ pañcagatiparicchedakañāṇaṃ catuvesārajjañāṇāni cha asādhāraṇañāṇāni ca sakale ca buddhaguṇe hatthagate katvā paripuṇṇasaṅkappo bodhipallaṅke nisinnova –

    ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа. (д̇ха. ба. 153-154);

    ‘‘Anekajātisaṃsāraṃ…pe… taṇhānaṃ khayamajjhagā. (dha. pa. 153-154);

    ‘‘аяогханахад̇ассзва, ж̇алад̇о ж̇аад̇авзд̣̇асо;

    ‘‘Ayoghanahatasseva, jalato jātavedaso;

    анубуб̣б̣уубасанд̇асса, яат̇аа на н̃ааяад̇з г̇ад̇и.

    Anupubbūpasantassa, yathā na ñāyate gati.

    ‘‘звам̣ саммаа вимуд̇д̇аанам̣, гаамаб̣анд̇хогхад̇ааринам̣;

    ‘‘Evaṃ sammā vimuttānaṃ, kāmabandhoghatārinaṃ;

    бан̃н̃аабзд̇ум̣ г̇ад̇ий над̇т̇и, бад̇д̇аанам̣ ажалам̣ сука’’нд̇и. (уд̣̇аа. 80) –

    Paññāpetuṃ gatī natthi, pattānaṃ acalaṃ sukha’’nti. (udā. 80) –

    звам̣ уд̣̇аанам̣ уд̣̇аанзд̇ваа б̣од̇хисамийбзязва сад̇д̇асад̇д̇аахам̣ вийд̇инаамзд̇ваа б̣рахмааяаажанам̣ самбадижчид̇ваа ад̇д̇ано взмаад̇игасса бхаад̇игасса кан̣д̣агумаарасса жа бурохид̇абуд̇д̇асса д̇иссагумаарасса жа убаниссаяасамбад̇д̇им̣ ологзд̇ваа аагаасзна г̇анд̇ваа кзмз миг̇ад̣̇ааяз од̇арид̇ваа убхоби д̇з уяяаанабаалзна баггосаабзд̇ваа д̇зсам̣ бариваараанам̣ маж̇жхз д̇хаммажаггам̣ бавад̇д̇зси. д̇ад̣̇аа абаримид̇аанам̣ д̣̇звад̇аанам̣ д̇хаммаабхисамаяо ахоси. д̇зна вуд̇д̇ам̣ –

    Evaṃ udānaṃ udānetvā bodhisamīpeyeva sattasattāhaṃ vītināmetvā brahmāyācanaṃ sampaṭicchitvā attano vemātikassa bhātikassa khaṇḍakumārassa ca purohitaputtassa tissakumārassa ca upanissayasampattiṃ oloketvā ākāsena gantvā kheme migadāye otaritvā ubhopi te uyyānapālena pakkosāpetvā tesaṃ parivārānaṃ majjhe dhammacakkaṃ pavattesi. Tadā aparimitānaṃ devatānaṃ dhammābhisamayo ahosi. Tena vuttaṃ –

    1.

    1.

    ‘‘пуссасса жа абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Phussassa ca aparena, sambuddho dvipaduttamo;

    вибассий наама наамзна, логз уббаж̇ж̇и жагкумаа.

    Vipassī nāma nāmena, loke uppajji cakkhumā.

    2.

    2.

    ‘‘авиж̇ж̇ам̣ саб̣б̣ам̣ бад̣̇аалзд̇ваа, бад̇д̇о самб̣од̇химуд̇д̇амам̣;

    ‘‘Avijjaṃ sabbaṃ padāletvā, patto sambodhimuttamaṃ;

    д̇хаммажаггам̣ бавад̇д̇зд̇ум̣, баггаами б̣анд̇хумад̇ийбурам̣.

    Dhammacakkaṃ pavattetuṃ, pakkāmi bandhumatīpuraṃ.

    3.

    3.

    ‘‘д̇хаммажаггам̣ бавад̇д̇зд̇ваа, убхо б̣од̇хзси нааяаго;

    ‘‘Dhammacakkaṃ pavattetvā, ubho bodhesi nāyako;

    г̇ан̣анааяа на вад̇д̇аб̣б̣о, батамаабхисамаяо ахуу’’д̇и.

    Gaṇanāya na vattabbo, paṭhamābhisamayo ahū’’ti.

    д̇ад̇т̇а бад̣̇аалзд̇ваад̇и бхинд̣̇ид̇ваа, авиж̇ж̇анд̇хагаарам̣ бхинд̣̇ид̇ваад̇и ад̇т̇о. ‘‘вад̇д̇зд̇ваа жаггамаараамз’’д̇иби баато, д̇асса аараамзд̇и кзмз миг̇ад̣̇ааязд̇и ад̇т̇о. убхо б̣од̇хзсийд̇и ад̇д̇ано ганидтабхаад̇игам̣ кан̣д̣ам̣ рааж̇абуд̇д̇ам̣ д̇иссан̃жа бурохид̇абуд̇д̇анд̇и убхо б̣од̇хзси. г̇ан̣анааяа на вад̇д̇аб̣б̣од̇и д̣̇звад̇аанам̣ абхисамаяавасзна г̇ан̣анабарижчзд̣̇о над̇т̇ийд̇и ад̇т̇о.

    Tattha padāletvāti bhinditvā, avijjandhakāraṃ bhinditvāti attho. ‘‘Vattetvā cakkamārāme’’tipi pāṭho, tassa ārāmeti kheme migadāyeti attho. Ubho bodhesīti attano kaniṭṭhabhātikaṃ khaṇḍaṃ rājaputtaṃ tissañca purohitaputtanti ubho bodhesi. Gaṇanāya na vattabboti devatānaṃ abhisamayavasena gaṇanaparicchedo natthīti attho.

    ат̇аабарзна самаязна кан̣д̣ам̣ рааж̇абуд̇д̇ам̣ д̇иссан̃жа бурохид̇абуд̇д̇ам̣ анубаб̣б̣аж̇ид̇аани жад̇ураасийд̇ибхигкусахассаани д̇хаммаамад̇ам̣ бааязси. со д̣̇уд̇ияо абхисамаяо ахоси. д̇зна вуд̇д̇ам̣ –

    Athāparena samayena khaṇḍaṃ rājaputtaṃ tissañca purohitaputtaṃ anupabbajitāni caturāsītibhikkhusahassāni dhammāmataṃ pāyesi. So dutiyo abhisamayo ahosi. Tena vuttaṃ –

    4.

    4.

    ‘‘бунаабарам̣ амид̇аяасо, д̇ад̇т̇а сажжам̣ багаасаяи;

    ‘‘Punāparaṃ amitayaso, tattha saccaṃ pakāsayi;

    жад̇ураасийд̇исахассаанам̣, д̣̇уд̇ияаабхисамаяо ахуу’’д̇и.

    Caturāsītisahassānaṃ, dutiyābhisamayo ahū’’ti.

    д̇ад̇т̇а д̇ад̇т̇аад̇и кзмз миг̇ад̣̇ааязд̇и ад̇т̇о. ‘‘жад̇ураасийд̇исахассаани, самб̣уд̣̇д̇хаманубаб̣б̣аж̇у’’нд̇и зд̇т̇а зд̇з бана жад̇ураасийд̇исахассасан̇каад̇аа бурисаа вибассисса гумаарасса убадтаагабурисааязва. д̇з баад̇ова вибассигумаарасса убадтаанам̣ ааг̇анд̇ваа гумаарамад̣̇исваа баад̇араасад̇т̇ааяа г̇анд̇ваа бхуд̇д̇абаад̇араасаа ‘‘гухим̣ гумааро’’д̇и бужчид̇ваа д̇ад̇о ‘‘уяяаанабхуумим̣ г̇ад̇о’’д̇и суд̇ваа ‘‘д̇ад̇т̇зва нам̣ д̣̇агкиссаамаа’’д̇и нигканд̇аа нивад̇д̇амаанам̣ д̇асса саарат̇им̣ д̣̇исваа ‘‘гумааро баб̣б̣аж̇ид̇о’’д̇и суд̇ваа суд̇адтаанзязва саб̣б̣аабхаран̣аани мун̃жид̇ваа анд̇араабан̣ад̇о гаасааяаани вад̇т̇аани аахараабзд̇ваа гзсамассум̣ охаарзд̇ваа баб̣б̣аж̇им̣су. баб̣б̣аж̇ид̇ваа жа д̇з г̇анд̇ваа махаабурисам̣ бариваараяим̣су.

    Tattha tatthāti kheme migadāyeti attho. ‘‘Caturāsītisahassāni, sambuddhamanupabbaju’’nti ettha ete pana caturāsītisahassasaṅkhātā purisā vipassissa kumārassa upaṭṭhākapurisāyeva. Te pātova vipassikumārassa upaṭṭhānaṃ āgantvā kumāramadisvā pātarāsatthāya gantvā bhuttapātarāsā ‘‘kuhiṃ kumāro’’ti pucchitvā tato ‘‘uyyānabhūmiṃ gato’’ti sutvā ‘‘tattheva naṃ dakkhissāmā’’ti nikkhantā nivattamānaṃ tassa sārathiṃ disvā ‘‘kumāro pabbajito’’ti sutvā sutaṭṭhāneyeva sabbābharaṇāni muñcitvā antarāpaṇato kāsāyāni vatthāni āharāpetvā kesamassuṃ ohāretvā pabbajiṃsu. Pabbajitvā ca te gantvā mahāpurisaṃ parivārayiṃsu.

    д̇ад̇о вибассий б̣од̇хисад̇д̇о ‘‘бад̇хаанажарияам̣ жаранд̇о аагин̣н̣о вихараами, на ко банамзд̇ам̣ баад̇ируубам̣ яат̇зва мам̣ имз г̇ихибхууд̇аа буб̣б̣з бариваарзд̇ваа жаранд̇и, ид̣̇ааниби д̇ат̇зва гим̣ иминаа г̇ан̣знаа’’д̇и г̇ан̣асан̇г̇ан̣игааяа угган̣тид̇ваа ‘‘аж̇ж̇зва г̇ажчаамий’’д̇и жинд̇зд̇ваа буна – ‘‘аж̇ж̇а авзлаа, сажз банаахам̣ аж̇ж̇а г̇амиссаами, саб̣б̣збимз ж̇ааниссанд̇и, свзва г̇амиссаамий’’д̇и жинд̇зси. д̇ам̣д̣̇ивасан̃жа урувзлаг̇аамасад̣̇исз згасмим̣ г̇аамз г̇аамаваасино мануссаа сваад̇анааяа сад̣̇д̇хим̣ барисааяа махаабурисам̣ ниманд̇аяим̣су. д̇з д̇зсам̣ жад̇ураасийд̇исахассаанам̣ махаабурисасса жа бааяаасамзва бадияаад̣̇аяим̣су. ат̇а вибассий махаабурисо бунад̣̇ивасз висаакабун̣н̣амааяа д̇асмим̣ г̇аамз д̇зхи баб̣б̣аж̇ид̇аж̇анзхи сад̣̇д̇хим̣ бхад̇д̇агижжам̣ гад̇ваа васанадтаанамзва аг̇амааси. д̇ад̇ра д̇з баб̣б̣аж̇ид̇аа махаабурисасса вад̇д̇ам̣ д̣̇ассзд̇ваа ад̇д̇ано ад̇д̇ано рад̇д̇идтаанад̣̇иваадтаанаани бависим̣су.

    Tato vipassī bodhisatto ‘‘padhānacariyaṃ caranto ākiṇṇo viharāmi, na kho panametaṃ pātirūpaṃ yatheva maṃ ime gihibhūtā pubbe parivāretvā caranti, idānipi tatheva kiṃ iminā gaṇenā’’ti gaṇasaṅgaṇikāya ukkaṇṭhitvā ‘‘ajjeva gacchāmī’’ti cintetvā puna – ‘‘ajja avelā, sace panāhaṃ ajja gamissāmi, sabbepime jānissanti, sveva gamissāmī’’ti cintesi. Taṃdivasañca uruvelagāmasadise ekasmiṃ gāme gāmavāsino manussā svātanāya saddhiṃ parisāya mahāpurisaṃ nimantayiṃsu. Te tesaṃ caturāsītisahassānaṃ mahāpurisassa ca pāyāsameva paṭiyādayiṃsu. Atha vipassī mahāpuriso punadivase visākhapuṇṇamāya tasmiṃ gāme tehi pabbajitajanehi saddhiṃ bhattakiccaṃ katvā vasanaṭṭhānameva agamāsi. Tatra te pabbajitā mahāpurisassa vattaṃ dassetvā attano attano rattiṭṭhānadivāṭṭhānāni pavisiṃsu.

    б̣од̇хисад̇д̇оби бан̣н̣асаалам̣ бависид̇ваа нисинно жинд̇зси – ‘‘аяам̣ гаало нигкамид̇у’’нд̇и нигкамид̇ваа бан̣н̣асаалад̣̇ваарам̣ бид̣̇ахид̇ваа б̣од̇химан̣д̣аабхимуко бааяааси. д̇з гира баб̣б̣аж̇ид̇аа сааяам̣ б̣од̇хисад̇д̇асса убадтаанам̣ г̇анд̇ваа бан̣н̣асаалам̣ бариваарзд̇ваа нисиннаа – ‘‘ад̇ивигаало ж̇аад̇о убад̇хаарзт̇аа’’д̇и вад̇ваа бан̣н̣асаалад̣̇ваарам̣ виварид̇ваа д̇ам̣ абассанд̇ааби ‘‘гухим̣ ну г̇ад̇о махаабурисо’’д̇и наануб̣анд̇хим̣су. ‘‘г̇ан̣аваасз ниб̣б̣инно зго вихарид̇угаамо ман̃н̃з махаабурисо б̣уд̣̇д̇хабхууд̇ам̣язва д̇ам̣ бассиссаамаа’’д̇и анд̇ож̇амб̣уд̣̇ийбаабхимукаа жааригам̣ баггамим̣су. ат̇а д̇з – ‘‘вибассинаа гира б̣уд̣̇д̇хад̇д̇ам̣ бад̇ваа д̇хаммажаггам̣ бавад̇д̇ид̇а’’нд̇и суд̇ваа ануггамзна саб̣б̣з д̇з баб̣б̣аж̇ид̇аа б̣анд̇хумад̇ияаа рааж̇ад̇хаанияаа кзмз миг̇ад̣̇ааяз саннибад̇им̣су. д̇ад̇о д̇зсам̣ бхаг̇аваа д̇хаммам̣ д̣̇зсзси, д̇ад̣̇аа жад̇ураасийд̇ияаа бхигкусахассаанам̣ д̇хаммаабхисамаяо ахоси. со д̇ад̇ияо абхисамаяо ахоси. д̇зна вуд̇д̇ам̣ –

    Bodhisattopi paṇṇasālaṃ pavisitvā nisinno cintesi – ‘‘ayaṃ kālo nikkhamitu’’nti nikkhamitvā paṇṇasāladvāraṃ pidahitvā bodhimaṇḍābhimukho pāyāsi. Te kira pabbajitā sāyaṃ bodhisattassa upaṭṭhānaṃ gantvā paṇṇasālaṃ parivāretvā nisinnā – ‘‘ativikālo jāto upadhārethā’’ti vatvā paṇṇasāladvāraṃ vivaritvā taṃ apassantāpi ‘‘kuhiṃ nu gato mahāpuriso’’ti nānubandhiṃsu. ‘‘Gaṇavāse nibbinno eko viharitukāmo maññe mahāpuriso buddhabhūtaṃyeva taṃ passissāmā’’ti antojambudīpābhimukhā cārikaṃ pakkamiṃsu. Atha te – ‘‘vipassinā kira buddhattaṃ patvā dhammacakkaṃ pavattita’’nti sutvā anukkamena sabbe te pabbajitā bandhumatiyā rājadhāniyā kheme migadāye sannipatiṃsu. Tato tesaṃ bhagavā dhammaṃ desesi, tadā caturāsītiyā bhikkhusahassānaṃ dhammābhisamayo ahosi. So tatiyo abhisamayo ahosi. Tena vuttaṃ –

    5.

    5.

    ‘‘жад̇ураасийд̇исахассаани, самб̣уд̣̇д̇хам̣ анубаб̣б̣аж̇ум̣;

    ‘‘Caturāsītisahassāni, sambuddhaṃ anupabbajuṃ;

    д̇зсамаараамабад̇д̇аанам̣, д̇хаммам̣ д̣̇зсзси жагкумаа.

    Tesamārāmapattānaṃ, dhammaṃ desesi cakkhumā.

    6.

    6.

    ‘‘саб̣б̣аагаарзна бхаасад̇о, суд̇ваа убанисаад̣̇ино;

    ‘‘Sabbākārena bhāsato, sutvā upanisādino;

    д̇зби д̇хаммаварам̣ г̇анд̇ваа, д̇ад̇ияаабхисамаяо ахуу’’д̇и.

    Tepi dhammavaraṃ gantvā, tatiyābhisamayo ahū’’ti.

    д̇ад̇т̇а жад̇ураасийд̇исахассаани, самб̣уд̣̇д̇хам̣ анубаб̣б̣аж̇унд̇и зд̇т̇а анунаа яог̇ад̇о самб̣уд̣̇д̇ханд̇и убаяог̇аважанам̣ гад̇анд̇и взд̣̇ид̇аб̣б̣ам̣, самб̣уд̣̇д̇хасса бажчаа баб̣б̣аж̇им̣сууд̇и ад̇т̇о. лагкан̣ам̣ сад̣̇д̣̇асад̇т̇ад̇о г̇ахзд̇аб̣б̣ам̣. ‘‘д̇ад̇т̇а аараамабад̇д̇аана’’нд̇иби баато. бхаасад̇од̇и вад̣̇ад̇о. убанисаад̣̇инод̇и г̇анд̇ваа убаниссааяа д̇хаммад̣̇аанам̣ д̣̇ад̣̇ад̇од̇и ад̇т̇о. д̇збийд̇и д̇з жад̇ураасийд̇исахассасан̇каад̇аа баб̣б̣аж̇ид̇аа вибассисса убадтаагабхууд̇аа. г̇анд̇ваад̇и д̇асса д̇хаммам̣ н̃ад̇ваа. звам̣ д̇зсам̣ д̇ад̇ияо абхисамаяо ахоси. кзмз миг̇ад̣̇ааяз вибассийсаммаасамб̣уд̣̇д̇хам̣ д̣̇вз жа аг̇г̇асаавагз анубаб̣б̣аж̇ид̇аанам̣ бхигкуунам̣ адтасадтисад̇асахассаанам̣ маж̇жхз нисинно вибассий бхаг̇аваа –

    Tattha caturāsītisahassāni, sambuddhaṃ anupabbajunti ettha anunā yogato sambuddhanti upayogavacanaṃ katanti veditabbaṃ, sambuddhassa pacchā pabbajiṃsūti attho. Lakkhaṇaṃ saddasatthato gahetabbaṃ. ‘‘Tattha ārāmapattāna’’ntipi pāṭho. Bhāsatoti vadato. Upanisādinoti gantvā upanissāya dhammadānaṃ dadatoti attho. Tepīti te caturāsītisahassasaṅkhātā pabbajitā vipassissa upaṭṭhākabhūtā. Gantvāti tassa dhammaṃ ñatvā. Evaṃ tesaṃ tatiyo abhisamayo ahosi. Kheme migadāye vipassīsammāsambuddhaṃ dve ca aggasāvake anupabbajitānaṃ bhikkhūnaṃ aṭṭhasaṭṭhisatasahassānaṃ majjhe nisinno vipassī bhagavā –

    ‘‘канд̇ийбарамам̣ д̇або д̇ид̇игкаа, ниб̣б̣аанам̣ барамам̣ вад̣̇анд̇и б̣уд̣̇д̇хаа;

    ‘‘Khantīparamaṃ tapo titikkhā, nibbānaṃ paramaṃ vadanti buddhā;

    на хи баб̣б̣аж̇ид̇о баруубагхаад̇ий, на саман̣о ход̇и барам̣ вихзтаяанд̇о.

    Na hi pabbajito parūpaghātī, na samaṇo hoti paraṃ viheṭhayanto.

    ‘‘саб̣б̣абаабасса агаран̣ам̣, гусаласса убасамбад̣̇аа;

    ‘‘Sabbapāpassa akaraṇaṃ, kusalassa upasampadā;

    сажид̇д̇абарияод̣̇абанам̣, зд̇ам̣ б̣уд̣̇д̇хаана саасанам̣.

    Sacittapariyodapanaṃ, etaṃ buddhāna sāsanaṃ.

    ‘‘ануубаваад̣̇о ануубагхаад̇о, баад̇имогкз жа сам̣варо;

    ‘‘Anūpavādo anūpaghāto, pātimokkhe ca saṃvaro;

    мад̇д̇ан̃н̃уд̇аа жа бхад̇д̇асмим̣, банд̇ан̃жа саяанаасанам̣;

    Mattaññutā ca bhattasmiṃ, pantañca sayanāsanaṃ;

    ад̇хижид̇д̇з жа ааяог̇о, зд̇ам̣ б̣уд̣̇д̇хаана саасана’’нд̇и. (д̣̇ий. ни. 2.90; д̇ха. ба. 183, 184, 185) –

    Adhicitte ca āyogo, etaṃ buddhāna sāsana’’nti. (dī. ni. 2.90; dha. pa. 183, 184, 185) –

    имам̣ баад̇имогкам̣ уд̣̇д̣̇иси. имаа бана саб̣б̣аб̣уд̣̇д̇хаанам̣ баад̇имогкуд̣̇д̣̇зсаг̇аат̇ааяо хонд̇ийд̇и взд̣̇ид̇аб̣б̣ам̣. со батамо саннибаад̇о ахоси. буна яамагабаадихаарияам̣ д̣̇исваа баб̣б̣аж̇ид̇аанам̣ бхигкуунам̣ сад̇асахассаанам̣ д̣̇уд̇ияо саннибаад̇о ахоси. яад̣̇аа бана вибассисса взмаад̇игаа д̇аяо бхаад̇аро бажжанд̇ам̣ вуубасамзд̇ваа бхаг̇авад̇о убадтаанагирияааяа лад̣̇д̇хавараа худ̇ваа ад̇д̇ано наг̇арам̣ нзд̇ваа убадтаханд̇аа д̇асса д̇хаммам̣ суд̇ваа баб̣б̣аж̇им̣су. д̇зсам̣ асийд̇исад̇асахассаанам̣ маж̇жхз нисийд̣̇ид̇ваа бхаг̇аваа кзмз миг̇ад̣̇ааяз баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –

    Imaṃ pātimokkhaṃ uddisi. Imā pana sabbabuddhānaṃ pātimokkhuddesagāthāyo hontīti veditabbaṃ. So paṭhamo sannipāto ahosi. Puna yamakapāṭihāriyaṃ disvā pabbajitānaṃ bhikkhūnaṃ satasahassānaṃ dutiyo sannipāto ahosi. Yadā pana vipassissa vemātikā tayo bhātaro paccantaṃ vūpasametvā bhagavato upaṭṭhānakiriyāya laddhavarā hutvā attano nagaraṃ netvā upaṭṭhahantā tassa dhammaṃ sutvā pabbajiṃsu. Tesaṃ asītisatasahassānaṃ majjhe nisīditvā bhagavā kheme migadāye pātimokkhaṃ uddisi, so tatiyo sannipāto ahosi. Tena vuttaṃ –

    7.

    7.

    ‘‘саннибаад̇аа д̇аяо аасум̣, вибассисса махзсино;

    ‘‘Sannipātā tayo āsuṃ, vipassissa mahesino;

    кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.

    Khīṇāsavānaṃ vimalānaṃ, santacittāna tādinaṃ.

    8.

    8.

    ‘‘адтасадтисад̇асахассаанам̣, батамо ааси самааг̇амо;

    ‘‘Aṭṭhasaṭṭhisatasahassānaṃ, paṭhamo āsi samāgamo;

    бхигкусад̇асахассаанам̣, д̣̇уд̇ияо ааси самааг̇амо.

    Bhikkhusatasahassānaṃ, dutiyo āsi samāgamo.

    9.

    9.

    ‘‘асийд̇ибхигкусахассаанам̣, д̇ад̇ияо ааси самааг̇амо;

    ‘‘Asītibhikkhusahassānaṃ, tatiyo āsi samāgamo;

    д̇ад̇т̇а бхигкуг̇ан̣амаж̇жхз, самб̣уд̣̇д̇хо ад̇ирожад̇ий’’д̇и.

    Tattha bhikkhugaṇamajjhe, sambuddho atirocatī’’ti.

    д̇ад̇т̇а адтасадтисад̇асахассаананд̇и адтасадтисахассаад̇хигаанам̣ сад̇асахассабхигкуунанд̇и ад̇т̇о. д̇ад̇т̇аад̇и д̇ад̇т̇а кзмз миг̇ад̣̇ааяз. бхигкуг̇ан̣амаж̇жхзд̇и бхигкуг̇ан̣асса маж̇жхз. ‘‘д̇асса бхигкуг̇ан̣амаж̇жхз’’д̇иби баато, д̇асса бхигкуг̇ан̣асса маж̇жхзд̇и ад̇т̇о.

    Tattha aṭṭhasaṭṭhisatasahassānanti aṭṭhasaṭṭhisahassādhikānaṃ satasahassabhikkhūnanti attho. Tatthāti tattha kheme migadāye. Bhikkhugaṇamajjheti bhikkhugaṇassa majjhe. ‘‘Tassa bhikkhugaṇamajjhe’’tipi pāṭho, tassa bhikkhugaṇassa majjheti attho.

    д̇ад̣̇аа амхаагам̣ б̣од̇хисад̇д̇о махид̣̇д̇хиго махаанубхааво ад̇уло наама нааг̇арааж̇аа худ̇ваа анзганааг̇агодисад̇асахассабаривааро худ̇ваа сабариваарасса д̣̇асаб̣аласса асамаб̣аласийласса гарун̣аасийд̇алахад̣̇аяасса саггаарагаран̣ад̇т̇ам̣ сад̇д̇арад̇анамаяам̣ жанд̣̇аман̣д̣аласан̇гаасам̣ д̣̇адтаб̣б̣асаараман̣д̣ам̣ ман̣д̣абам̣ гаарзд̇ваа д̇ад̇т̇а нисийд̣̇аабзд̇ваа сад̇д̇аахам̣ д̣̇иб̣б̣авибхаваануруубам̣ махаад̣̇аанам̣ д̣̇ад̇ваа сад̇д̇арад̇анакажид̇ам̣ махаарахам̣ суван̣н̣амаяам̣ наанааман̣иж̇уд̇ивисарасамуж̇ж̇алам̣ бийтам̣ бхаг̇авад̇о ад̣̇ааси. д̇ад̣̇аа нам̣ бийтаанумод̣̇анаавасаанз ‘‘ид̇о аяам̣ зганавуд̇игаббз б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –

    Tadā amhākaṃ bodhisatto mahiddhiko mahānubhāvo atulo nāma nāgarājā hutvā anekanāgakoṭisatasahassaparivāro hutvā saparivārassa dasabalassa asamabalasīlassa karuṇāsītalahadayassa sakkārakaraṇatthaṃ sattaratanamayaṃ candamaṇḍalasaṅkāsaṃ daṭṭhabbasāramaṇḍaṃ maṇḍapaṃ kāretvā tattha nisīdāpetvā sattāhaṃ dibbavibhavānurūpaṃ mahādānaṃ datvā sattaratanakhacitaṃ mahārahaṃ suvaṇṇamayaṃ nānāmaṇijutivisarasamujjalaṃ pīṭhaṃ bhagavato adāsi. Tadā naṃ pīṭhānumodanāvasāne ‘‘ito ayaṃ ekanavutikappe buddho bhavissatī’’ti byākāsi. Tena vuttaṃ –

    10.

    10.

    ‘‘ахам̣ д̇зна самаязна, нааг̇арааж̇аа махид̣̇д̇хиго;

    ‘‘Ahaṃ tena samayena, nāgarājā mahiddhiko;

    ад̇уло наама наамзна, бун̃н̃аванд̇о ж̇уд̇инд̇харо.

    Atulo nāma nāmena, puññavanto jutindharo.

    11.

    11.

    ‘‘нзгаанам̣ нааг̇агодийнам̣, бариваарзд̇ваанахам̣ д̇ад̣̇аа;

    ‘‘Nekānaṃ nāgakoṭīnaṃ, parivāretvānahaṃ tadā;

    важ̇ж̇анд̇о д̣̇иб̣б̣ад̇уриязхи, логаж̇здтам̣ убааг̇амим̣.

    Vajjanto dibbaturiyehi, lokajeṭṭhaṃ upāgamiṃ.

    12.

    12.

    ‘‘убасан̇гамид̇ваа самб̣уд̣̇д̇хам̣, вибассим̣ логанааяагам̣;

    ‘‘Upasaṅkamitvā sambuddhaṃ, vipassiṃ lokanāyakaṃ;

    ман̣имуд̇д̇арад̇анакажид̇ам̣, саб̣б̣аабхаран̣абхуусид̇ам̣;

    Maṇimuttaratanakhacitaṃ, sabbābharaṇabhūsitaṃ;

    ниманд̇зд̇ваа д̇хаммарааж̇асса, суван̣н̣абийтамад̣̇аасахам̣.

    Nimantetvā dhammarājassa, suvaṇṇapīṭhamadāsahaṃ.

    13.

    13.

    ‘‘соби мам̣ б̣уд̣̇д̇хо б̣яаагааси, сан̇гхамаж̇жхз нисийд̣̇ияа;

    ‘‘Sopi maṃ buddho byākāsi, saṅghamajjhe nisīdiya;

    зганавуд̇ид̇о габбз, аяам̣ б̣уд̣̇д̇хо бхависсад̇и.

    Ekanavutito kappe, ayaṃ buddho bhavissati.

    14.

    14.

    ‘‘аху габилавхаяаа раммаа, нигкамид̇ваа д̇ат̇ааг̇ад̇о;

    ‘‘Ahu kapilavhayā rammā, nikkhamitvā tathāgato;

    бад̇хаанам̣ бад̣̇ахид̇ваана, гад̇ваа д̣̇уггарагааригам̣.

    Padhānaṃ padahitvāna, katvā dukkarakārikaṃ.

    15.

    15.

    ‘‘аж̇абааларугкамууласмим̣, нисийд̣̇ид̇ваа д̇ат̇ааг̇ад̇о;

    ‘‘Ajapālarukkhamūlasmiṃ, nisīditvā tathāgato;

    д̇ад̇т̇а бааяаасам̣ баг̇г̇аяха, нзран̃ж̇арамубзхид̇и.

    Tattha pāyāsaṃ paggayha, nerañjaramupehiti.

    16.

    16.

    ‘‘нзран̃ж̇арааяа д̇ийрамхи, бааяаасам̣ ад̣̇а со ж̇ино;

    ‘‘Nerañjarāya tīramhi, pāyāsaṃ ada so jino;

    бадияад̇д̇аварамаг̇г̇зна, б̣од̇химууламубзхид̇и.

    Paṭiyattavaramaggena, bodhimūlamupehiti.

    17.

    17.

    ‘‘д̇ад̇о бад̣̇агкин̣ам̣ гад̇ваа, б̣од̇химан̣д̣ам̣ ануд̇д̇аро;

    ‘‘Tato padakkhiṇaṃ katvā, bodhimaṇḍaṃ anuttaro;

    ассад̇т̇амуулз самб̣од̇хим̣, б̣уж̇жхиссад̇и махааяасо.

    Assatthamūle sambodhiṃ, bujjhissati mahāyaso.

    18.

    18.

    ‘‘имасса ж̇анигаа маад̇аа, мааяаа наама бхависсад̇и;

    ‘‘Imassa janikā mātā, māyā nāma bhavissati;

    бид̇аа суд̣̇д̇ход̣̇ано наама, аяам̣ хзссад̇и г̇од̇амо.

    Pitā suddhodano nāma, ayaṃ hessati gotamo.

    19.

    19.

    ‘‘анаасаваа вийд̇арааг̇аа, санд̇ажид̇д̇аа самаахид̇аа;

    ‘‘Anāsavā vītarāgā, santacittā samāhitā;

    голид̇о убад̇иссо жа, аг̇г̇аа хзссанд̇и саавагаа;

    Kolito upatisso ca, aggā hessanti sāvakā;

    аананд̣̇о наамубадтааго, убадтиссад̇имам̣ ж̇инам̣.

    Ānando nāmupaṭṭhāko, upaṭṭhissatimaṃ jinaṃ.

    20.

    20.

    ‘‘кзмаа уббалаван̣н̣аа жа, аг̇г̇аа хзссанд̇и саавигаа;

    ‘‘Khemā uppalavaṇṇā ca, aggā hessanti sāvikā;

    анаасаваа вийд̇арааг̇аа, санд̇ажид̇д̇аа самаахид̇аа;

    Anāsavā vītarāgā, santacittā samāhitā;

    б̣од̇хи д̇асса бхаг̇авад̇о, ассад̇т̇од̇и бавужжад̇и…бз….

    Bodhi tassa bhagavato, assatthoti pavuccati…pe….

    23.

    23.

    ‘‘д̇ассаахам̣ важанам̣ суд̇ваа, бхияяо жид̇д̇ам̣ басаад̣̇аяим̣;

    ‘‘Tassāhaṃ vacanaṃ sutvā, bhiyyo cittaṃ pasādayiṃ;

    уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇и.

    Uttariṃ vatamadhiṭṭhāsiṃ, dasapāramipūriyā’’ti.

    д̇ад̇т̇а бун̃н̃аванд̇од̇и бун̃н̃аваа, самубажид̇абун̃н̃асан̃жаяод̇и ад̇т̇о. ж̇уд̇инд̇харод̇и бабхааяуд̇д̇о. нзгаанам̣ нааг̇агодийнанд̇и анзгаахи нааг̇агодийхи, гаран̣ад̇т̇з саамиважанам̣ д̣̇адтаб̣б̣ам̣. бариваарзд̇ваанаад̇и бхаг̇аванд̇ам̣ бариваарзд̇ваа. аханд̇и ад̇д̇аанам̣ нид̣̇д̣̇исад̇и. важ̇ж̇анд̇од̇и ваад̣̇знд̇о д̇аал̣знд̇о. ман̣имуд̇д̇арад̇анакажид̇анд̇и ман̣имуд̇д̇аад̣̇ийхи вивид̇хзхи рад̇анзхи кажид̇анд̇и ад̇т̇о. саб̣б̣аабхаран̣абхуусид̇анд̇и саб̣б̣аабхаран̣зхи ваал̣аруубаад̣̇ийхи рад̇анамаязхи ман̣д̣ид̇анд̇и ад̇т̇о. суван̣н̣абийтанд̇и суван̣н̣амаяам̣ бийтам̣. ад̣̇аасаханд̇и ад̣̇аасим̣ ахам̣.

    Tattha puññavantoti puññavā, samupacitapuññasañcayoti attho. Jutindharoti pabhāyutto. Nekānaṃ nāgakoṭīnanti anekāhi nāgakoṭīhi, karaṇatthe sāmivacanaṃ daṭṭhabbaṃ. Parivāretvānāti bhagavantaṃ parivāretvā. Ahanti attānaṃ niddisati. Vajjantoti vādento tāḷento. Maṇimuttaratanakhacitanti maṇimuttādīhi vividhehi ratanehi khacitanti attho. Sabbābharaṇabhūsitanti sabbābharaṇehi vāḷarūpādīhi ratanamayehi maṇḍitanti attho. Suvaṇṇapīṭhanti suvaṇṇamayaṃ pīṭhaṃ. Adāsahanti adāsiṃ ahaṃ.

    д̇асса бана вибассисса бхаг̇авад̇о б̣анд̇хумад̇ий наама наг̇арам̣ ахоси. б̣анд̇хумаа наама рааж̇аа бид̇аа, б̣анд̇хумад̇ий наама маад̇аа, кан̣д̣о жа д̇иссо жа д̣̇вз аг̇г̇асаавагаа, асого наамубадтааго, жанд̣̇аа жа жанд̣̇амид̇д̇аа жа д̣̇вз аг̇г̇асаавигаа, баадалиругко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, сарийраббабхаа саб̣б̣агаалам̣ сад̇д̇а яож̇анаани парид̇ваа адтааси асийд̇ивассасахассаани ааяу, суд̇ану наамасса аг̇г̇амахзсий, самаваддагканд̇хо наамасса буд̇д̇о, ааж̇ан̃н̃арат̇зна нигками. д̇зна вуд̇д̇ам̣ –

    Tassa pana vipassissa bhagavato bandhumatī nāma nagaraṃ ahosi. Bandhumā nāma rājā pitā, bandhumatī nāma mātā, khaṇḍo ca tisso ca dve aggasāvakā, asoko nāmupaṭṭhāko, candā ca candamittā ca dve aggasāvikā, pāṭalirukkho bodhi, sarīraṃ asītihatthubbedhaṃ ahosi, sarīrappabhā sabbakālaṃ satta yojanāni pharitvā aṭṭhāsi asītivassasahassāni āyu, sutanu nāmassa aggamahesī, samavaṭṭakkhandho nāmassa putto, ājaññarathena nikkhami. Tena vuttaṃ –

    24.

    24.

    ‘‘наг̇арам̣ б̣анд̇хумад̇ий наама, б̣анд̇хумаа наама кад̇д̇ияо;

    ‘‘Nagaraṃ bandhumatī nāma, bandhumā nāma khattiyo;

    маад̇аа б̣анд̇хумад̇ий наама, вибассисса махзсино.

    Mātā bandhumatī nāma, vipassissa mahesino.

    29.

    29.

    ‘‘кан̣д̣о жа д̇иссанаамо жа, ахзсум̣ аг̇г̇асаавагаа;

    ‘‘Khaṇḍo ca tissanāmo ca, ahesuṃ aggasāvakā;

    асого наамубадтааго, вибассисса махзсино.

    Asoko nāmupaṭṭhāko, vipassissa mahesino.

    30.

    30.

    ‘‘жанд̣̇аа жа жанд̣̇амид̇д̇аа жа, ахзсум̣ аг̇г̇асаавигаа;

    ‘‘Candā ca candamittā ca, ahesuṃ aggasāvikā;

    б̣од̇хи д̇асса бхаг̇авад̇о, баадалийд̇и бавужжад̇и.

    Bodhi tassa bhagavato, pāṭalīti pavuccati.

    32.

    32.

    ‘‘асийд̇ихад̇т̇амуб̣б̣зд̇хо, вибассий логанааяаго;

    ‘‘Asītihatthamubbedho, vipassī lokanāyako;

    бабхаа нид̣̇д̇хаавад̇ий д̇асса, саманд̇аа сад̇д̇аяож̇анз.

    Pabhā niddhāvatī tassa, samantā sattayojane.

    33.

    33.

    ‘‘асийд̇ивассасахассаани, ааяу б̣уд̣̇д̇хасса д̇аавад̣̇з;

    ‘‘Asītivassasahassāni, āyu buddhassa tāvade;

    д̇аавад̇аа д̇идтамаано со, д̇аарзси ж̇анад̇ам̣ б̣ахум̣.

    Tāvatā tiṭṭhamāno so, tāresi janataṃ bahuṃ.

    34.

    34.

    ‘‘б̣ахуд̣̇звамануссаанам̣, б̣анд̇ханаа бариможаяи;

    ‘‘Bahudevamanussānaṃ, bandhanā parimocayi;

    маг̇г̇аамаг̇г̇ан̃жа аажигки, авасзсабут̇уж̇ж̇анз.

    Maggāmaggañca ācikkhi, avasesaputhujjane.

    35.

    35.

    ‘‘аалогам̣ д̣̇ассаяид̇ваана, д̣̇зсзд̇ваа амад̇ам̣ бад̣̇ам̣;

    ‘‘Ālokaṃ dassayitvāna, desetvā amataṃ padaṃ;

    ж̇алид̇ваа аг̇г̇игканд̇хова, ниб̣б̣уд̇о со сасааваго.

    Jalitvā aggikkhandhova, nibbuto so sasāvako.

    36.

    36.

    ‘‘ид̣̇д̇хиварам̣ бун̃н̃аварам̣, лагкан̣ан̃жа гусумид̇ам̣;

    ‘‘Iddhivaraṃ puññavaraṃ, lakkhaṇañca kusumitaṃ;

    саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.

    Sabbaṃ tamantarahitaṃ, nanu rittā sabbasaṅkhārā’’ti.

    д̇ад̇т̇а б̣анд̇ханаад̇и д̣̇звамануссз гаамарааг̇асам̣яож̇анаад̣̇иб̣анд̇ханаа можзси, вигаасзсийд̇и ад̇т̇о. маг̇г̇аамаг̇г̇ан̃жа аажигкийд̇и ‘‘амад̇аад̇хиг̇амааяа аяам̣ маг̇г̇о ужчзд̣̇асассад̇ад̣̇идтивирахид̇аа маж̇жхимаа бадибад̣̇аа маг̇г̇о гааяагиламат̇аад̣̇иго нааяам̣ маг̇г̇о’’д̇и сзсабут̇уж̇ж̇анз аажигкийд̇и ад̇т̇о. аалогам̣ д̣̇ассаяид̇ваанаад̇и маг̇г̇ан̃аан̣аалогам̣ вибассанаан̃аан̣аалоган̃жа д̣̇ассаяид̇ваа. лагкан̣ан̃жа гусумид̇анд̇и жид̇д̇алагкан̣аад̣̇ийхи пуллид̇ам̣ ман̣д̣ид̇ам̣ бхаг̇авад̇о сарийранд̇и ад̇т̇о. сзсам̣ саб̣б̣ад̇т̇а г̇аат̇аасу уд̇д̇аанамзваад̇и.

    Tattha bandhanāti devamanusse kāmarāgasaṃyojanādibandhanā mocesi, vikāsesīti attho. Maggāmaggañca ācikkhīti ‘‘amatādhigamāya ayaṃ maggo ucchedasassatadiṭṭhivirahitā majjhimā paṭipadā maggo kāyakilamathādiko nāyaṃ maggo’’ti sesaputhujjane ācikkhīti attho. Ālokaṃ dassayitvānāti maggañāṇālokaṃ vipassanāñāṇālokañca dassayitvā. Lakkhaṇañca kusumitanti cittalakkhaṇādīhi phullitaṃ maṇḍitaṃ bhagavato sarīranti attho. Sesaṃ sabbattha gāthāsu uttānamevāti.

    вибассийб̣уд̣̇д̇хавам̣саван̣н̣анаа нидтид̇аа.

    Vipassībuddhavaṃsavaṇṇanā niṭṭhitā.

    нидтид̇о згуунавийсад̇имо б̣уд̣̇д̇хавам̣со.

    Niṭṭhito ekūnavīsatimo buddhavaṃso.




    Next: 22. сикийб̣уд̣̇д̇хавам̣саван̣н̣анаа • 22. Sikhībuddhavaṃsavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 21. вибассийб̣уд̣̇д̇хавам̣со • 21. Vipassībuddhavaṃso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact