| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
21. вибассийб̣уд̣̇д̇хавам̣со
21. Vipassībuddhavaṃso
1.
1.
пуссасса жа абарзна, самб̣уд̣̇д̇хо д̣̇вибад̣̇уд̇д̇амо;
Phussassa ca aparena, sambuddho dvipaduttamo;
вибассий наама наамзна, логз уббаж̇ж̇и жагкумаа.
Vipassī nāma nāmena, loke uppajji cakkhumā.
2.
2.
авиж̇ж̇ам̣ саб̣б̣ам̣ бад̣̇аалзд̇ваа, бад̇д̇о самб̣од̇химуд̇д̇амам̣;
Avijjaṃ sabbaṃ padāletvā, patto sambodhimuttamaṃ;
д̇хаммажаггам̣ бавад̇д̇зд̇ум̣, баггаами б̣анд̇хумад̇ийбурам̣.
Dhammacakkaṃ pavattetuṃ, pakkāmi bandhumatīpuraṃ.
3.
3.
д̇хаммажаггам̣ бавад̇д̇зд̇ваа, убхо б̣од̇хзси нааяаго;
Dhammacakkaṃ pavattetvā, ubho bodhesi nāyako;
г̇ан̣анааяа на вад̇д̇аб̣б̣о, батамаабхисамаяо аху.
Gaṇanāya na vattabbo, paṭhamābhisamayo ahu.
4.
4.
бунаабарам̣ амид̇аяасо, д̇ад̇т̇а сажжам̣ багаасаяи;
Punāparaṃ amitayaso, tattha saccaṃ pakāsayi;
жад̇ураасийд̇исахассаанам̣, д̣̇уд̇ияаабхисамаяо аху.
Caturāsītisahassānaṃ, dutiyābhisamayo ahu.
5.
5.
жад̇ураасийд̇исахассаани , самб̣уд̣̇д̇хам̣ анубаб̣б̣аж̇ум̣;
Caturāsītisahassāni , sambuddhaṃ anupabbajuṃ;
д̇зсамаараамабад̇д̇аанам̣, д̇хаммам̣ д̣̇зсзси жагкумаа.
Tesamārāmapattānaṃ, dhammaṃ desesi cakkhumā.
6.
6.
д̇зби д̇хаммаварам̣ г̇анд̇ваа, д̇ад̇ияаабхисамаяо аху.
Tepi dhammavaraṃ gantvā, tatiyābhisamayo ahu.
7.
7.
саннибаад̇аа д̇аяо аасум̣, вибассисса махзсино;
Sannipātā tayo āsuṃ, vipassissa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
адтасадтисад̇асахассаанам̣, батамо ааси самааг̇амо;
Aṭṭhasaṭṭhisatasahassānaṃ, paṭhamo āsi samāgamo;
бхигкусад̇асахассаанам̣, д̣̇уд̇ияо ааси самааг̇амо.
Bhikkhusatasahassānaṃ, dutiyo āsi samāgamo.
9.
9.
асийд̇ибхигкусахассаанам̣, д̇ад̇ияо ааси самааг̇амо;
Asītibhikkhusahassānaṃ, tatiyo āsi samāgamo;
д̇ад̇т̇а бхигкуг̇ан̣амаж̇жхз, самб̣уд̣̇д̇хо ад̇ирожад̇и.
Tattha bhikkhugaṇamajjhe, sambuddho atirocati.
10.
10.
ахам̣ д̇зна самаязна, нааг̇арааж̇аа махид̣̇д̇хиго;
Ahaṃ tena samayena, nāgarājā mahiddhiko;
ад̇уло наама наамзна, бун̃н̃аванд̇о ж̇уд̇инд̇харо.
Atulo nāma nāmena, puññavanto jutindharo.
11.
11.
нзгаанам̣ нааг̇агодийнам̣, бариваарзд̇ваанахам̣ д̇ад̣̇аа;
Nekānaṃ nāgakoṭīnaṃ, parivāretvānahaṃ tadā;
важ̇ж̇анд̇о д̣̇иб̣б̣ад̇уриязхи, логаж̇здтам̣ убааг̇амим̣.
Vajjanto dibbaturiyehi, lokajeṭṭhaṃ upāgamiṃ.
12.
12.
убасан̇гамид̇ваа самб̣уд̣̇д̇хам̣, вибассим̣ логанааяагам̣;
Upasaṅkamitvā sambuddhaṃ, vipassiṃ lokanāyakaṃ;
ман̣имуд̇д̇арад̇анакажид̇ам̣, саб̣б̣аабхаран̣авибхуусид̇ам̣;
Maṇimuttaratanakhacitaṃ, sabbābharaṇavibhūsitaṃ;
ниманд̇зд̇ваа д̇хаммарааж̇асса, суван̣н̣абийтамад̣̇аасахам̣.
Nimantetvā dhammarājassa, suvaṇṇapīṭhamadāsahaṃ.
13.
13.
соби мам̣ б̣уд̣̇д̇хо б̣яаагааси, сан̇гхамаж̇жхз нисийд̣̇ияа;
Sopi maṃ buddho byākāsi, saṅghamajjhe nisīdiya;
‘‘зганавуд̇ид̇о габбз, аяам̣ б̣уд̣̇д̇хо бхависсад̇и.
‘‘Ekanavutito kappe, ayaṃ buddho bhavissati.
14.
14.
‘‘аху габилавхаяаа раммаа, нигкамид̇ваа д̇ат̇ааг̇ад̇о;
‘‘Ahu kapilavhayā rammā, nikkhamitvā tathāgato;
бад̇хаанам̣ бад̣̇ахид̇ваана, гад̇ваа д̣̇уггарагааригам̣.
Padhānaṃ padahitvāna, katvā dukkarakārikaṃ.
15.
15.
‘‘аж̇абааларугкамууласмим̣ , нисийд̣̇ид̇ваа д̇ат̇ааг̇ад̇о;
‘‘Ajapālarukkhamūlasmiṃ , nisīditvā tathāgato;
д̇ад̇т̇а бааяаасам̣ баг̇г̇аяха, нзран̃ж̇арамубзхид̇и.
Tattha pāyāsaṃ paggayha, nerañjaramupehiti.
16.
16.
‘‘нзран̃ж̇арааяа д̇ийрамхи, бааяаасам̣ ад̣̇а со ж̇ино;
‘‘Nerañjarāya tīramhi, pāyāsaṃ ada so jino;
бадияад̇д̇аварамаг̇г̇зна, б̣од̇химууламубзхид̇и.
Paṭiyattavaramaggena, bodhimūlamupehiti.
17.
17.
‘‘д̇ад̇о бад̣̇агкин̣ам̣ гад̇ваа, б̣од̇химан̣д̣ам̣ ануд̇д̇аро;
‘‘Tato padakkhiṇaṃ katvā, bodhimaṇḍaṃ anuttaro;
ассад̇т̇амуулз самб̣од̇хим̣, б̣уж̇жхиссад̇и махааяасо.
Assatthamūle sambodhiṃ, bujjhissati mahāyaso.
18.
18.
‘‘имасса ж̇анигаа маад̇аа, мааяаа наама бхависсад̇и;
‘‘Imassa janikā mātā, māyā nāma bhavissati;
бид̇аа суд̣̇д̇ход̣̇ано наама, аяам̣ хзссад̇и г̇од̇амо.
Pitā suddhodano nāma, ayaṃ hessati gotamo.
19.
19.
‘‘анаасаваа вийд̇арааг̇аа, санд̇ажид̇д̇аа самаахид̇аа;
‘‘Anāsavā vītarāgā, santacittā samāhitā;
голид̇о убад̇иссо жа, аг̇г̇аа хзссанд̇и саавагаа;
Kolito upatisso ca, aggā hessanti sāvakā;
аананд̣̇о наамубадтааго, убадтиссад̇имам̣ ж̇инам̣.
Ānando nāmupaṭṭhāko, upaṭṭhissatimaṃ jinaṃ.
20.
20.
‘‘кзмаа уббалаван̣н̣аа жа, аг̇г̇аа хзссанд̇и саавигаа;
‘‘Khemā uppalavaṇṇā ca, aggā hessanti sāvikā;
анаасаваа вийд̇арааг̇аа, санд̇ажид̇д̇аа самаахид̇аа;
Anāsavā vītarāgā, santacittā samāhitā;
б̣од̇хи д̇асса бхаг̇авад̇о, ассад̇т̇од̇и бавужжад̇и.
Bodhi tassa bhagavato, assatthoti pavuccati.
21.
21.
‘‘жид̇д̇о жа хад̇т̇аал̣аваго, аг̇г̇аа хзссанд̇убадтагаа;
‘‘Citto ca hatthāḷavako, aggā hessantupaṭṭhakā;
нанд̣̇амаад̇аа жа уд̇д̇араа, аг̇г̇аа хзссанд̇убадтигаа;
Nandamātā ca uttarā, aggā hessantupaṭṭhikā;
ааяу вассасад̇ам̣ д̇асса, г̇од̇амасса яасассино.
Āyu vassasataṃ tassa, gotamassa yasassino.
22.
22.
‘‘ид̣̇ам̣ суд̇ваана важанам̣…бз… хзссаама саммукаа имам̣’’.
‘‘Idaṃ sutvāna vacanaṃ…pe… hessāma sammukhā imaṃ’’.
23.
23.
д̇ассаахам̣ важанам̣ суд̇ваа, бхияяо жид̇д̇ам̣ басаад̣̇аяим̣;
Tassāhaṃ vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
24.
24.
наг̇арам̣ б̣анд̇хумад̇ий наама, б̣анд̇хумаа наама кад̇д̇ияо;
Nagaraṃ bandhumatī nāma, bandhumā nāma khattiyo;
маад̇аа б̣анд̇хумад̇ий наама, вибассисса махзсино.
Mātā bandhumatī nāma, vipassissa mahesino.
25.
25.
адтавассасахассаани, аг̇аарам̣ аж̇жха со васи;
Aṭṭhavassasahassāni, agāraṃ ajjha so vasi;
нанд̣̇о сунанд̣̇о сиримаа, д̇аяо баасаад̣̇амуд̇д̇амаа.
Nando sunando sirimā, tayo pāsādamuttamā.
26.
26.
д̇ижад̇д̇аарийсасахассаани, наарияо самалан̇гад̇аа;
Ticattārīsasahassāni, nāriyo samalaṅkatā;
суд̣̇ассанаа наама саа наарий, самавад̇д̇агканд̇хо наама ад̇раж̇о.
Sudassanā nāma sā nārī, samavattakkhandho nāma atrajo.
27.
27.
нимид̇д̇з жад̇уро д̣̇исваа, рат̇аяаанзна нигками;
Nimitte caturo disvā, rathayānena nikkhami;
ануунаадтамаасаани, бад̇хаанам̣ бад̣̇ахий ж̇ино.
Anūnaaṭṭhamāsāni, padhānaṃ padahī jino.
28.
28.
б̣рахмунаа яаажид̇о санд̇о, вибассий логанааяаго;
Brahmunā yācito santo, vipassī lokanāyako;
вад̇д̇и жаггам̣ махаавийро, миг̇ад̣̇ааяз наруд̇д̇амо.
Vatti cakkaṃ mahāvīro, migadāye naruttamo.
29.
29.
кан̣д̣о жа д̇иссанаамо жа, ахзсум̣ аг̇г̇асаавагаа;
Khaṇḍo ca tissanāmo ca, ahesuṃ aggasāvakā;
асого наамубадтааго, вибассисса махзсино.
Asoko nāmupaṭṭhāko, vipassissa mahesino.
30.
30.
жанд̣̇аа жа жанд̣̇амид̇д̇аа жа, ахзсум̣ аг̇г̇асаавигаа;
Candā ca candamittā ca, ahesuṃ aggasāvikā;
б̣од̇хи д̇асса бхаг̇авад̇о, баадалийд̇и бавужжад̇и.
Bodhi tassa bhagavato, pāṭalīti pavuccati.
31.
31.
бунаб̣б̣асумид̇д̇о нааг̇о жа, ахзсум̣ аг̇г̇убадтагаа;
Punabbasumitto nāgo ca, ahesuṃ aggupaṭṭhakā;
сиримаа уд̇д̇араа жзва, ахзсум̣ аг̇г̇убадтигаа.
Sirimā uttarā ceva, ahesuṃ aggupaṭṭhikā.
32.
32.
асийд̇ихад̇т̇амуб̣б̣зд̇хо , вибассий логанааяаго;
Asītihatthamubbedho , vipassī lokanāyako;
бабхаа нид̣̇д̇хаавад̇и д̇асса, саманд̇аа сад̇д̇аяож̇анз.
Pabhā niddhāvati tassa, samantā sattayojane.
33.
33.
асийд̇ивассасахассаани, ааяу б̣уд̣̇д̇хасса д̇аавад̣̇з;
Asītivassasahassāni, āyu buddhassa tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
34.
34.
б̣ахуд̣̇звамануссаанам̣, б̣анд̇ханаа бариможаяи;
Bahudevamanussānaṃ, bandhanā parimocayi;
маг̇г̇аамаг̇г̇ан̃жа аажигки, авасзсабут̇уж̇ж̇анз.
Maggāmaggañca ācikkhi, avasesaputhujjane.
35.
35.
аалогам̣ д̣̇ассаяид̇ваана, д̣̇зсзд̇ваа амад̇ам̣ бад̣̇ам̣;
Ālokaṃ dassayitvāna, desetvā amataṃ padaṃ;
ж̇алид̇ваа аг̇г̇игканд̇хова, ниб̣б̣уд̇о со сасааваго.
Jalitvā aggikkhandhova, nibbuto so sasāvako.
36.
36.
ид̣̇д̇хиварам̣ бун̃н̃аварам̣, лагкан̣ан̃жа гусумид̇ам̣;
Iddhivaraṃ puññavaraṃ, lakkhaṇañca kusumitaṃ;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
37.
37.
вибассий ж̇инаваро б̣уд̣̇д̇хо, сумид̇д̇аараамамхи ниб̣б̣уд̇о;
Vipassī jinavaro buddho, sumittārāmamhi nibbuto;
д̇ад̇т̇звасса т̇уубаваро, сад̇д̇аяож̇анамуссид̇од̇и.
Tatthevassa thūpavaro, sattayojanamussitoti.
вибассисса бхаг̇авад̇о вам̣со згуунавийсад̇имо.
Vipassissa bhagavato vaṃso ekūnavīsatimo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 21. вибассийб̣уд̣̇д̇хавам̣саван̣н̣анаа • 21. Vipassībuddhavaṃsavaṇṇanā
