| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. вибассийсуд̇д̇аван̣н̣анаа
4. Vipassīsuttavaṇṇanā
4. вибпанд̣̇анд̇ийд̇и нимисанавасзна. анимисзхийд̇и виг̇ад̇анимисзхи уммийланд̇зхзва. д̇зна вуд̇д̇ам̣ махаабад̣̇аанз. зд̇т̇аад̇и зд̇асмим̣ ‘‘вибассий’’д̇и бад̣̇з, зд̇асмим̣ ваа ‘‘анимисзхий’’д̇иаад̣̇игз яат̇ааг̇ад̇з суд̇д̇анд̇з.
4.Vipphandantīti nimisanavasena. Animisehīti vigatanimisehi ummīlanteheva. Tena vuttaṃ mahāpadāne. Etthāti etasmiṃ ‘‘vipassī’’ti pade, etasmiṃ vā ‘‘animisehī’’tiādike yathāgate suttante.
махаабурисасса анимисаложанад̇о ‘‘вибассий’’д̇и саман̃н̃аабадилаабхасса гааран̣ам̣ вуд̇д̇ам̣, д̇ам̣ агааран̣ам̣ ан̃н̃зсамби махаасад̇д̇аанам̣ жаримабхавз анимисаложанад̇д̇аад̇и жод̣̇анам̣ санд̇хааяа ‘‘зд̇т̇а жаа’’д̇иаад̣̇им̣ вад̇ваа д̇ад̇о бана ан̃н̃амзва гааран̣ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. балаал̣аяамаанассаад̇и д̇осзнд̇асса. анаад̣̇арз жзд̇ам̣ саамиважанам̣. аддассаад̇и ад̇т̇асса.
Mahāpurisassa animisalocanato ‘‘vipassī’’ti samaññāpaṭilābhassa kāraṇaṃ vuttaṃ, taṃ akāraṇaṃ aññesampi mahāsattānaṃ carimabhave animisalocanattāti codanaṃ sandhāya ‘‘ettha cā’’tiādiṃ vatvā tato pana aññameva kāraṇaṃ dassetuṃ ‘‘apicā’’tiādi vuttaṃ. Palāḷayamānassāti tosentassa. Anādare cetaṃ sāmivacanaṃ. Aṭṭassāti atthassa.
бун̃н̃уссаяасан̇каад̇о бхаг̇о асса ад̇исаязна ад̇т̇ийд̇и бхаг̇аваад̇и ‘‘бхааг̇яасамбаннассаа’’д̇и вуд̇д̇ам̣. саммаад̇и саммад̣̇зва яаат̇аавад̇о, н̃ааязна гааран̣знаад̇и вуд̇д̇ам̣ ход̇ийд̇и ааха ‘‘наязна хзд̇унаа’’д̇и. сам̣-сад̣̇д̣̇о ‘‘саама’’нд̇и иминаа самаанад̇т̇од̇и ааха ‘‘саамам̣ бажжад̇д̇абурисагаарзнаа’’д̇и, саяамбхун̃аан̣знаад̇и ад̇т̇о. саммаа, саамам̣ б̣уж̇жхи зд̇знаад̇и самб̣од̇хо вужжад̇и маг̇г̇ан̃аан̣ам̣, ‘‘б̣уж̇жхад̇и зд̇знаа’’д̇и гад̇ваа ид̇ха саб̣б̣ан̃н̃уд̇ан̃н̃аан̣ассаби сан̇г̇ахо. б̣од̇химаа сад̇д̇о б̣од̇хисад̇д̇о, буримабад̣̇з уд̇д̇арабад̣̇алобо яат̇аа ‘‘саагабад̇т̇аво’’д̇и. б̣уж̇жханагасад̇д̇од̇и зд̇т̇а махааб̣од̇хияаанабадибад̣̇ааяа б̣уж̇жхад̇ийд̇и б̣од̇хи жа со сад̇д̇ависзсаяог̇ад̇о сад̇д̇о жаад̇и б̣од̇хисад̇д̇о. бад̇т̇аяамаано бавад̇д̇ад̇ийд̇и ‘‘гуд̣̇аассу наама маханд̇ам̣ б̣од̇хим̣ баабун̣иссаамий’’д̇и сан̃ж̇аад̇ажчанд̣̇о бадибаж̇ж̇ад̇и. д̣̇угканд̇и ж̇аад̇иаад̣̇имуулагам̣ д̣̇угкам̣. гаамам̣ жуд̇убабаад̇ааби маран̣аж̇аад̇ияо, ‘‘ж̇ааяад̇и мийяад̇ий’’д̇и бана вад̇ваа ‘‘жавад̇и убабаж̇ж̇ад̇ий’’д̇и важанам̣ на згабхавабарияаабаннаанам̣ д̇зсам̣ г̇ахан̣ам̣, ат̇а ко наанаабхавабарияаабаннаанам̣ згаж̇жхам̣ г̇ахан̣анд̇и д̣̇ассзнд̇о ааха ‘‘ид̣̇ам̣…бз… вуд̇д̇а’’нд̇и. д̇асса ниссаран̣анд̇и д̇асса ж̇араамаран̣асса ниссаран̣анд̇и вужжад̇и. яасмаа махаасад̇д̇о ж̇ин̣н̣аб̣яаад̇химад̇з д̣̇исваа баб̣б̣аж̇ид̇о, д̇асмаасса ж̇араамаран̣амзва аад̣̇ид̇о убадтааси.
Puññussayasaṅkhāto bhago assa atisayena atthīti bhagavāti ‘‘bhāgyasampannassā’’ti vuttaṃ. Sammāti sammadeva yāthāvato, ñāyena kāraṇenāti vuttaṃ hotīti āha ‘‘nayena hetunā’’ti. Saṃ-saddo ‘‘sāma’’nti iminā samānatthoti āha ‘‘sāmaṃ paccattapurisakārenā’’ti, sayambhuñāṇenāti attho. Sammā, sāmaṃ bujjhi etenāti sambodho vuccati maggañāṇaṃ, ‘‘bujjhati etenā’’ti katvā idha sabbaññutaññāṇassapi saṅgaho. Bodhimā satto bodhisatto, purimapade uttarapadalopo yathā ‘‘sākapatthavo’’ti. Bujjhanakasattoti ettha mahābodhiyānapaṭipadāya bujjhatīti bodhi ca so sattavisesayogato satto cāti bodhisatto. Patthayamāno pavattatīti ‘‘kudāssu nāma mahantaṃ bodhiṃ pāpuṇissāmī’’ti sañjātacchando paṭipajjati. Dukkhanti jātiādimūlakaṃ dukkhaṃ. Kāmaṃ cutupapātāpi maraṇajātiyo, ‘‘jāyati mīyatī’’ti pana vatvā ‘‘cavati upapajjatī’’ti vacanaṃ na ekabhavapariyāpannānaṃ tesaṃ gahaṇaṃ, atha kho nānābhavapariyāpannānaṃ ekajjhaṃ gahaṇanti dassento āha ‘‘idaṃ…pe… vutta’’nti. Tassa nissaraṇanti tassa jarāmaraṇassa nissaraṇanti vuccati. Yasmā mahāsatto jiṇṇabyādhimate disvā pabbajito, tasmāssa jarāmaraṇameva ādito upaṭṭhāsi.
убааяаманасигаарзнаад̇и убааязна вид̇хинаа н̃ааязна манасигаарзна бат̇зна манасигаарасса бавад̇д̇анад̇о. самааяог̇о ахосийд̇и яаат̇аавад̇о бадивиж̇жханавасзна самааг̇амо ахоси. яонисо манасигаараад̇и хзд̇умхи ниссаггаважананд̇и д̇асса ‘‘яонисо манасигаарзнаа’’д̇и хзд̇умхи гаран̣аважанзна ааха. ж̇аад̇ияаа ко сад̇и ж̇араамаран̣анд̇и ‘‘гимхи ну ко сад̇и ж̇араамаран̣ам̣ ход̇и, гим̣ бажжаяаа ж̇араамаран̣а’’нд̇и ж̇араамаран̣з гааран̣ам̣ бариг̇г̇ан̣ханд̇асса б̣од̇хисад̇д̇асса ‘‘яасмим̣ сад̇и яам̣ ход̇и, асад̇и жа на ход̇и, д̇ам̣ д̇асса гааран̣а’’нд̇и звам̣ аб̣яабхижаараж̇аад̇игааран̣абариг̇г̇ан̣ханзна ‘‘ж̇аад̇ияаа ко сад̇и ж̇араамаран̣ам̣ ход̇и, ж̇аад̇ибажжаяаа ж̇араамаран̣а’’нд̇и яаа ж̇араамаран̣асса гааран̣абариг̇г̇аахигаа бан̃н̃аа уббаж̇ж̇и, д̇ааяа уббаж̇ж̇анд̇ияаа жасса абхисамаяо бадивзд̇хо ахосийд̇и ад̇т̇о.
Upāyamanasikārenāti upāyena vidhinā ñāyena manasikārena pathena manasikārassa pavattanato. Samāyogo ahosīti yāthāvato paṭivijjhanavasena samāgamo ahosi. Yoniso manasikārāti hetumhi nissakkavacananti tassa ‘‘yoniso manasikārenā’’ti hetumhi karaṇavacanena āha. Jātiyā kho sati jarāmaraṇanti ‘‘kimhi nu kho sati jarāmaraṇaṃ hoti, kiṃ paccayā jarāmaraṇa’’nti jarāmaraṇe kāraṇaṃ pariggaṇhantassa bodhisattassa ‘‘yasmiṃ sati yaṃ hoti, asati ca na hoti, taṃ tassa kāraṇa’’nti evaṃ abyabhicārajātikāraṇapariggaṇhanena ‘‘jātiyā kho sati jarāmaraṇaṃ hoti, jātipaccayā jarāmaraṇa’’nti yā jarāmaraṇassa kāraṇapariggāhikā paññā uppajji, tāya uppajjantiyā cassa abhisamayo paṭivedho ahosīti attho.
ид̇ийд̇и вуд̇д̇аббагаарабараамасанам̣. хийд̇и нибаад̇амад̇д̇ам̣. ид̣̇анд̇и яат̇аавуд̇д̇асса ваддасса бажжагкад̇о г̇ахан̣ам̣. д̇знааха ‘‘звамид̣̇а’’нд̇и. ид̇ха авиж̇ж̇ааяа самуд̣̇аяасса ааг̇ад̇ад̇д̇аа ‘‘згаад̣̇асасу таанзсуу’’д̇и вуд̇д̇ам̣. самуд̣̇аяам̣ самбин̣д̣зд̇ваад̇и сан̇каараад̣̇ийнам̣ самуд̣̇аяам̣ згаж̇жхам̣ г̇ахзд̇ваа. анзгавааран̃хи самуд̣̇аяад̣̇ассанавасзна н̃аан̣асса бавад̇д̇ад̇д̇аа ‘‘самуд̣̇аяо самуд̣̇аяо’’д̇и аамзд̣ид̇аважанам̣. ат̇а ваа ‘‘звам̣ самуд̣̇аяо ход̇ий’’д̇и ид̣̇ам̣ на гзвалам̣ ниб̣б̣ад̇д̇ид̣̇ассанабарам̣, ат̇а ко бадижжасамуббаад̣̇асад̣̇д̣̇о вияа бадижжасамуббаад̣̇амукзна ид̇ха самуд̣̇аяасад̣̇д̣̇о ниб̣б̣ад̇д̇имукзна бажжаяад̇д̇ам̣ вад̣̇ад̇и. вин̃н̃аан̣аад̣̇аяо жа яааванд̇о ид̇ха бажжаяад̇хаммаа нид̣̇д̣̇идтаа, д̇з сааман̃н̃аруубзна б̣яаабанижчаавасзна г̇ан̣ханд̇о ‘‘самуд̣̇аяо самуд̣̇аяо’’д̇и авожа. д̇знааха ‘‘авиж̇ж̇аабажжаяаа сан̇каараанам̣ самуд̣̇аяо ход̇ий’’д̇и. д̣̇ассанадтзна жагкууд̇и самуд̣̇аяасса бажжагкад̇о д̣̇ассанабхааво жагку. н̃аад̇адтзнаад̇и н̃аад̇абхаавзна. баж̇аананадтзнаад̇и ‘‘авиж̇ж̇аасан̇каараад̣̇ид̇ам̣д̇ам̣бажжаяад̇хаммабавад̇д̇ияаа зд̇асса д̣̇угкагканд̇хасса самуд̣̇аяо’’д̇и багаарад̇о ваа ж̇аананадтзна. бадивзд̇ханадтзнаад̇и ‘‘аяам̣ авиж̇ж̇аад̣̇и бажжаяад̇хаммо имасса сан̇каараад̣̇игасса бажжаяабхаавад̇о самуд̣̇аяо’’д̇и бадивиж̇жханадтзна. обхаасанадтзнаад̇и самуд̣̇аяабхаавабадижчаад̣̇агасса моханд̇хагаарасса гилзсанд̇хагаарасса вид̇хаманавасзна авабхаасанавасзна. д̇ам̣ банзд̇ам̣ ‘‘жагку’’нд̇иаад̣̇инаа вуд̇д̇ам̣ н̃аан̣ам̣. нирод̇хаваарзд̇и бадиломаваарз. со хи ‘‘гисса нирод̇хаа ж̇араамаран̣анирод̇хо’’д̇и нирод̇хагид̇д̇анавасзна ааг̇ад̇о.
Itīti vuttappakāraparāmasanaṃ. Hīti nipātamattaṃ. Idanti yathāvuttassa vaṭṭassa paccakkhato gahaṇaṃ. Tenāha ‘‘evamida’’nti. Idha avijjāya samudayassa āgatattā ‘‘ekādasasu ṭhānesū’’ti vuttaṃ. Samudayaṃ sampiṇḍetvāti saṅkhārādīnaṃ samudayaṃ ekajjhaṃ gahetvā. Anekavārañhi samudayadassanavasena ñāṇassa pavattattā ‘‘samudayo samudayo’’ti āmeḍitavacanaṃ. Atha vā ‘‘evaṃ samudayo hotī’’ti idaṃ na kevalaṃ nibbattidassanaparaṃ, atha kho paṭiccasamuppādasaddo viya paṭiccasamuppādamukhena idha samudayasaddo nibbattimukhena paccayattaṃ vadati. Viññāṇādayo ca yāvanto idha paccayadhammā niddiṭṭhā, te sāmaññarūpena byāpanicchāvasena gaṇhanto ‘‘samudayo samudayo’’ti avoca. Tenāha ‘‘avijjāpaccayā saṅkhārānaṃ samudayo hotī’’ti. Dassanaṭṭhena cakkhūti samudayassa paccakkhato dassanabhāvo cakkhu. Ñātaṭṭhenāti ñātabhāvena. Pajānanaṭṭhenāti ‘‘avijjāsaṅkhārāditaṃtaṃpaccayadhammapavattiyā etassa dukkhakkhandhassa samudayo’’ti pakārato vā jānanaṭṭhena. Paṭivedhanaṭṭhenāti ‘‘ayaṃ avijjādi paccayadhammo imassa saṅkhārādikassa paccayabhāvato samudayo’’ti paṭivijjhanaṭṭhena. Obhāsanaṭṭhenāti samudayabhāvapaṭicchādakassa mohandhakārassa kilesandhakārassa vidhamanavasena avabhāsanavasena. Taṃ panetaṃ ‘‘cakkhu’’ntiādinā vuttaṃ ñāṇaṃ. Nirodhavāreti paṭilomavāre. So hi ‘‘kissa nirodhā jarāmaraṇanirodho’’ti nirodhakittanavasena āgato.
вибассийсуд̇д̇аван̣н̣анаа нидтид̇аа.
Vipassīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. вибассийсуд̇д̇ам̣ • 4. Vipassīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. вибассийсуд̇д̇аван̣н̣анаа • 4. Vipassīsuttavaṇṇanā
