| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. вибад̇д̇исамбад̣̇аасуд̇д̇аван̣н̣анаа
5. Vipattisampadāsuttavaṇṇanā
118. бан̃жамз сийлавибад̇д̇ийд̇и сийласса вибаннаагааро. сзсад̣̇ваязби зсзва наяо. над̇т̇и д̣̇иннанд̇и д̣̇иннасса палаабхаавам̣ санд̇хааяа вад̣̇ад̇и. яидтам̣ вужжад̇и махааяог̇о. худ̇анд̇и бахзн̣агасаггааро ад̇хиббзд̇о. д̇амби убхаяам̣ палаабхаавамзва санд̇хааяа бадигкибад̇и. сугад̇ад̣̇уггадаананд̇и сугад̇ад̣̇уггад̇аанам̣, гусалаагусалаананд̇и ад̇т̇о. палам̣ вибаагод̇и яам̣ паланд̇и ваа вибаагод̇и ваа вужжад̇и, д̇ам̣ над̇т̇ийд̇и вад̣̇ад̇и. над̇т̇и аяам̣ логод̇и баралогз тид̇асса аяам̣ лого над̇т̇и, над̇т̇и баро логод̇и ид̇ха логз тид̇ассааби баралого над̇т̇и, саб̣б̣з д̇ад̇т̇а д̇ад̇т̇зва ужчиж̇ж̇анд̇ийд̇и д̣̇ассзд̇и. над̇т̇и маад̇аа над̇т̇и бид̇аад̇и д̇зсу саммаабадибад̇д̇имижчаабадибад̇д̇ийнам̣ палаабхаававасзна вад̣̇ад̇и. над̇т̇и сад̇д̇аа обабаад̇игаад̇и жавид̇ваа уббаж̇ж̇анагасад̇д̇аа наама над̇т̇ийд̇и вад̣̇ад̇и. самбад̣̇аад̇и баарибуурияо. сийласамбад̣̇аад̇и сийласса барибун̣н̣аавзгаллабхааво. сзсад̣̇ваязби зсзва наяо. ад̇т̇и д̣̇иннанд̇иаад̣̇и вуд̇д̇абадибагканаязна г̇ахзд̇аб̣б̣ам̣.
118. Pañcame sīlavipattīti sīlassa vipannākāro. Sesadvayepi eseva nayo. Natthi dinnanti dinnassa phalābhāvaṃ sandhāya vadati. Yiṭṭhaṃ vuccati mahāyogo. Hutanti paheṇakasakkāro adhippeto. Tampi ubhayaṃ phalābhāvameva sandhāya paṭikkhipati. Sukatadukkaṭānanti sukatadukkatānaṃ, kusalākusalānanti attho. Phalaṃ vipākoti yaṃ phalanti vā vipākoti vā vuccati, taṃ natthīti vadati. Natthi ayaṃ lokoti paraloke ṭhitassa ayaṃ loko natthi, natthi paro lokoti idha loke ṭhitassāpi paraloko natthi, sabbe tattha tattheva ucchijjantīti dasseti. Natthi mātā natthi pitāti tesu sammāpaṭipattimicchāpaṭipattīnaṃ phalābhāvavasena vadati. Natthi sattā opapātikāti cavitvā uppajjanakasattā nāma natthīti vadati. Sampadāti pāripūriyo. Sīlasampadāti sīlassa paripuṇṇaavekallabhāvo. Sesadvayepi eseva nayo. Atthi dinnantiādi vuttapaṭipakkhanayena gahetabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. вибад̇д̇исамбад̣̇аасуд̇д̇ам̣ • 5. Vipattisampadāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. вибад̇д̇исамбад̣̇аасуд̇д̇аван̣н̣анаа • 5. Vipattisampadāsuttavaṇṇanā
