| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. ཝིཔཏྟིསམྤདཱསུཏྟཝཎྞནཱ
5. Vipattisampadāsuttavaṇṇanā
༡༡༨. པཉྩམེ སཱིལཝིཔཏྟཱིཏི སཱིལསྶ ཝིཔནྣཱཀཱརོ། སེསདྭཡེཔི ཨེསེཝ ནཡོ། ནཏྠི དིནྣནྟི དིནྣསྶ ཕལཱབྷཱཝཾ སནྡྷཱཡ ཝདཏི། ཡིཊྛཾ ཝུཙྩཏི མཧཱཡོགོ། ཧུཏནྟི པཧེཎཀསཀྐཱརོ ཨདྷིཔྤེཏོ། ཏམྤི ཨུབྷཡཾ ཕལཱབྷཱཝམེཝ སནྡྷཱཡ པཊིཀྑིཔཏི། སུཀཏདུཀྐཊཱནནྟི སུཀཏདུཀྐཏཱནཾ, ཀུསལཱཀུསལཱནནྟི ཨཏྠོ། ཕལཾ ཝིཔཱཀོཏི ཡཾ ཕལནྟི ཝཱ ཝིཔཱཀོཏི ཝཱ ཝུཙྩཏི, ཏཾ ནཏྠཱིཏི ཝདཏི། ནཏྠི ཨཡཾ ལོཀོཏི པརལོཀེ ཋིཏསྶ ཨཡཾ ལོཀོ ནཏྠི, ནཏྠི པརོ ལོཀོཏི ཨིདྷ ལོཀེ ཋིཏསྶཱཔི པརལོཀོ ནཏྠི, སབྦེ ཏཏྠ ཏཏྠེཝ ཨུཙྪིཛྫནྟཱིཏི དསྶེཏི། ནཏྠི མཱཏཱ ནཏྠི པིཏཱཏི ཏེསུ སམྨཱཔཊིཔཏྟིམིཙྪཱཔཊིཔཏྟཱིནཾ ཕལཱབྷཱཝཝསེན ཝདཏི། ནཏྠི སཏྟཱ ཨོཔཔཱཏིཀཱཏི ཙཝིཏྭཱ ཨུཔྤཛྫནཀསཏྟཱ ནཱམ ནཏྠཱིཏི ཝདཏི། སམྤདཱཏི པཱརིཔཱུརིཡོ། སཱིལསམྤདཱཏི སཱིལསྶ པརིཔུཎྞཨཝེཀལླབྷཱཝོ། སེསདྭཡེཔི ཨེསེཝ ནཡོ། ཨཏྠི དིནྣནྟིཨཱདི ཝུཏྟཔཊིཔཀྑནཡེན གཧེཏབྦཾ།
118. Pañcame sīlavipattīti sīlassa vipannākāro. Sesadvayepi eseva nayo. Natthi dinnanti dinnassa phalābhāvaṃ sandhāya vadati. Yiṭṭhaṃ vuccati mahāyogo. Hutanti paheṇakasakkāro adhippeto. Tampi ubhayaṃ phalābhāvameva sandhāya paṭikkhipati. Sukatadukkaṭānanti sukatadukkatānaṃ, kusalākusalānanti attho. Phalaṃ vipākoti yaṃ phalanti vā vipākoti vā vuccati, taṃ natthīti vadati. Natthi ayaṃ lokoti paraloke ṭhitassa ayaṃ loko natthi, natthi paro lokoti idha loke ṭhitassāpi paraloko natthi, sabbe tattha tattheva ucchijjantīti dasseti. Natthi mātā natthi pitāti tesu sammāpaṭipattimicchāpaṭipattīnaṃ phalābhāvavasena vadati. Natthi sattā opapātikāti cavitvā uppajjanakasattā nāma natthīti vadati. Sampadāti pāripūriyo. Sīlasampadāti sīlassa paripuṇṇaavekallabhāvo. Sesadvayepi eseva nayo. Atthi dinnantiādi vuttapaṭipakkhanayena gahetabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. ཝིཔཏྟིསམྤདཱསུཏྟཾ • 5. Vipattisampadāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥. ཝིཔཏྟིསམྤདཱསུཏྟཝཎྞནཱ • 5. Vipattisampadāsuttavaṇṇanā
