| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. વਿਪਤ੍ਤਿਸਮ੍ਪਦਾਸੁਤ੍ਤવਣ੍ਣਨਾ
5. Vipattisampadāsuttavaṇṇanā
੧੧੮. ਪਞ੍ਚਮੇ ਸੀਲવਿਪਤ੍ਤੀਤਿ ਸੀਲਸ੍ਸ વਿਪਨ੍ਨਾਕਾਰੋ। ਸੇਸਦ੍વਯੇਪਿ ਏਸੇવ ਨਯੋ। ਨਤ੍ਥਿ ਦਿਨ੍ਨਨ੍ਤਿ ਦਿਨ੍ਨਸ੍ਸ ਫਲਾਭਾવਂ ਸਨ੍ਧਾਯ વਦਤਿ। ਯਿਟ੍ਠਂ વੁਚ੍ਚਤਿ ਮਹਾਯੋਗੋ। ਹੁਤਨ੍ਤਿ ਪਹੇਣਕਸਕ੍ਕਾਰੋ ਅਧਿਪ੍ਪੇਤੋ। ਤਮ੍ਪਿ ਉਭਯਂ ਫਲਾਭਾવਮੇવ ਸਨ੍ਧਾਯ ਪਟਿਕ੍ਖਿਪਤਿ। ਸੁਕਤਦੁਕ੍ਕਟਾਨਨ੍ਤਿ ਸੁਕਤਦੁਕ੍ਕਤਾਨਂ, ਕੁਸਲਾਕੁਸਲਾਨਨ੍ਤਿ ਅਤ੍ਥੋ। ਫਲਂ વਿਪਾਕੋਤਿ ਯਂ ਫਲਨ੍ਤਿ વਾ વਿਪਾਕੋਤਿ વਾ વੁਚ੍ਚਤਿ, ਤਂ ਨਤ੍ਥੀਤਿ વਦਤਿ। ਨਤ੍ਥਿ ਅਯਂ ਲੋਕੋਤਿ ਪਰਲੋਕੇ ਠਿਤਸ੍ਸ ਅਯਂ ਲੋਕੋ ਨਤ੍ਥਿ, ਨਤ੍ਥਿ ਪਰੋ ਲੋਕੋਤਿ ਇਧ ਲੋਕੇ ਠਿਤਸ੍ਸਾਪਿ ਪਰਲੋਕੋ ਨਤ੍ਥਿ, ਸਬ੍ਬੇ ਤਤ੍ਥ ਤਤ੍ਥੇવ ਉਚ੍ਛਿਜ੍ਜਨ੍ਤੀਤਿ ਦਸ੍ਸੇਤਿ। ਨਤ੍ਥਿ ਮਾਤਾ ਨਤ੍ਥਿ ਪਿਤਾਤਿ ਤੇਸੁ ਸਮ੍ਮਾਪਟਿਪਤ੍ਤਿਮਿਚ੍ਛਾਪਟਿਪਤ੍ਤੀਨਂ ਫਲਾਭਾવવਸੇਨ વਦਤਿ। ਨਤ੍ਥਿ ਸਤ੍ਤਾ ਓਪਪਾਤਿਕਾਤਿ ਚવਿਤ੍વਾ ਉਪ੍ਪਜ੍ਜਨਕਸਤ੍ਤਾ ਨਾਮ ਨਤ੍ਥੀਤਿ વਦਤਿ। ਸਮ੍ਪਦਾਤਿ ਪਾਰਿਪੂਰਿਯੋ। ਸੀਲਸਮ੍ਪਦਾਤਿ ਸੀਲਸ੍ਸ ਪਰਿਪੁਣ੍ਣਅવੇਕਲ੍ਲਭਾવੋ। ਸੇਸਦ੍વਯੇਪਿ ਏਸੇવ ਨਯੋ। ਅਤ੍ਥਿ ਦਿਨ੍ਨਨ੍ਤਿਆਦਿ વੁਤ੍ਤਪਟਿਪਕ੍ਖਨਯੇਨ ਗਹੇਤਬ੍ਬਂ।
118. Pañcame sīlavipattīti sīlassa vipannākāro. Sesadvayepi eseva nayo. Natthi dinnanti dinnassa phalābhāvaṃ sandhāya vadati. Yiṭṭhaṃ vuccati mahāyogo. Hutanti paheṇakasakkāro adhippeto. Tampi ubhayaṃ phalābhāvameva sandhāya paṭikkhipati. Sukatadukkaṭānanti sukatadukkatānaṃ, kusalākusalānanti attho. Phalaṃ vipākoti yaṃ phalanti vā vipākoti vā vuccati, taṃ natthīti vadati. Natthi ayaṃ lokoti paraloke ṭhitassa ayaṃ loko natthi, natthi paro lokoti idha loke ṭhitassāpi paraloko natthi, sabbe tattha tattheva ucchijjantīti dasseti. Natthi mātā natthi pitāti tesu sammāpaṭipattimicchāpaṭipattīnaṃ phalābhāvavasena vadati. Natthi sattā opapātikāti cavitvā uppajjanakasattā nāma natthīti vadati. Sampadāti pāripūriyo. Sīlasampadāti sīlassa paripuṇṇaavekallabhāvo. Sesadvayepi eseva nayo. Atthi dinnantiādi vuttapaṭipakkhanayena gahetabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. વਿਪਤ੍ਤਿਸਮ੍ਪਦਾਸੁਤ੍ਤਂ • 5. Vipattisampadāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. વਿਪਤ੍ਤਿਸਮ੍ਪਦਾਸੁਤ੍ਤવਣ੍ਣਨਾ • 5. Vipattisampadāsuttavaṇṇanā
