| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
3. விபத்திவாரோ
3. Vipattivāro
182. மேது²னங் த⁴ம்மங் படிஸேவந்தஸ்ஸ ஆபத்தியோ சதுன்னங் விபத்தீனங் கதி விபத்தியோ ப⁴ஜந்தி? மேது²னங் த⁴ம்மங் படிஸேவந்தஸ்ஸ ஆபத்தியோ சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா ஆசாரவிபத்திங்…பே॰….
182. Methunaṃ dhammaṃ paṭisevantassa āpattiyo catunnaṃ vipattīnaṃ kati vipattiyo bhajanti? Methunaṃ dhammaṃ paṭisevantassa āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ…pe….
அனாத³ரியங் படிச்ச உத³கே உச்சாரங் வா பஸ்ஸாவங் வா கே²ளங் வா கரொந்தஸ்ஸ ஆபத்தி சதுன்னங் விபத்தீனங் கதி விபத்தியோ ப⁴ஜதி? அனாத³ரியங் படிச்ச உத³கே உச்சாரங் வா பஸ்ஸாவங் வா கே²ளங் வா கரொந்தஸ்ஸ ஆபத்தி சதுன்னங் விபத்தீனங் ஏகங் விபத்திங் ப⁴ஜதி – ஆசாரவிபத்திங்.
Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti catunnaṃ vipattīnaṃ kati vipattiyo bhajati? Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti catunnaṃ vipattīnaṃ ekaṃ vipattiṃ bhajati – ācāravipattiṃ.
விபத்திவாரோ நிட்டி²தோ ததியோ.
Vipattivāro niṭṭhito tatiyo.
